2006 年 9 月 9 日  星期六

今日  早上７點幾就起身嚕  之後就換衫  換完就飲盒牛奶  之後就落樓下搵六蚊  之後就一齊番學

唉...番到學校  好無聊啊...上經濟堂  個啊ｓｉｒ係咁講經濟成本  鬼知咩叫經濟成本咩  之後放學

就自己一個人番屋企  番到屋企放低曬ｄ野  就執野  之後就搭地鐵去觀塘番工  番到公司

唉...初頭都冇咩野  之後做廚房  聽到ｄ人係到傾計提起佢  個ｄ人話佢有女朋友  唉...個時心情勁差

好想喊  又再好想用髮夾劃隻手  不過最後冇做到  因為我祈禱  希望主可以放鬆我個心情  主真係做到

主真係幫我  我依家最想做ｇｅ野  就係感謝主  主係我最低落ｇｅ時候  係我身邊看守住我  不離不棄

主知我唔開心  主會安慰我  會賜我快樂  主...我好後悔以前只係唔開心個時先祈禱  好後悔唔早ｄ認識您

好後悔好多野  唉...心情好亂  不過感謝主賜比我一切ｇｅ樣  我知好多野  唔係必然  係主賜比我地

只要常常感恩  就會得到意想不到的快樂和平安  之後做到７點幾  就食野  唉...食野個時ｄ心情

簡直食食下想張ｄ野嘔出黎  不過最後到強逼自己食  食完之後做收銀  做到１１點幾  就放工嚕

之後就換衫  之後等埋一個同事  就一齊搭地鐵走  之後番到屋企  食左少少野  就洗白白  洗完之後就玩電腦

玩左陣就訓嚕

如果　人人愛說謊話
誰用自己感動你　垂頭為你牽掛

2006 年 9 月 7 日  星期四

今日  早上７點幾先起身  唉...心情超差  勁想死...今日同昨日一樣  早餐都只係飲左盒牛奶

之後就落樓下搵六蚊  就一齊番學嚕  番到學校  唉...心情都仲係一樣  差爆...原本唸住今日唔駛早會

點知都係要  攪到心情更加差  仲要前面個個男仔個身勁臭  簡直想死  之後上堂ｇｅ時間  都冇開心過

唉...主...願您保佑我  之後放學  同六蚊一齊去左景林到買野食  之後就番屋企嚕  番到屋企  玩電腦

唉...突然好唔開心  我都唔知點解  又唔係因為佢  但唔知點解唔開心  我發覺自己好情緒化

我唔想唔開心啊  但點解我會咁嫁  有冇人可以話比我知啊  我覺得自己最不幸ｇｅ係  往往開心完

都會唔開心  就好似昨日咁  見到佢開心完  番到屋企就同屋企人鬧交  唉...依家對屋企人好心淡

好唔想係屋企住  之後玩左陣電腦  就訓教  訓到７點幾  比屋企人叫醒左我  叫我去Ｍ記到買晚餐食

之後就換衫去Ｍ記到買野食  之後就番屋企嚕  食完晚餐之後睇左陣電視  就洗白白  之後就玩電腦

玩到１１點幾  就訓嚕

2006 年 9 月 6 日  星期三

今日  早上７點幾就起左身嚕  之後就換衫同執野  之後飲左盒牛奶  就落樓下搵六蚊

之後就一齊番學  番到學校  又係無無聊聊咁過  不過上英文堂超開心  需然係Ｍａｒｙ教英文

但聽佢講野超開心  特別係佢用中文講唔知喎  超爆笑...之後放學同六蚊、高丸去新都城到行

行左陣我就自己搭地鐵去藍田行街  原本唸住去買袋  點知冇岩心水  之後行左陣  買左兩件衫同一件褸

行到６點到  就搭地鐵去觀塘到  一路搭地鐵  一路請求主唔好比我見到ｄ唔開心ｇｅ  之後番左公司到睇佢

今日佢有番工  見到佢  超開心  原本佢冇做櫃檯  之後當我買野食個時  點知經理突然叫佢開個櫃檯叫人買野食

之後佢一開櫃檯  我咁岩係去佢個櫃檯買野食  超開心...見到佢  我地大家都係到笑  佢笑個樣勁甜  塊面有ｄ紅紅地咁

超得意...之後買宛野食  我就食野  食完之後就坐係到等表姐放工  一路等  一路係咁望住佢係櫃檯到賣野

我無啦啦係到微笑  ｄ人好似覺得我怪怪地  不過好感謝主  主真係完成左我ｇｅ願望  冇比我唔開心

主...我會好好咁記得依一日  因為依一日係我人生中最開心ｇｅ一日  我要張依一日永遠咁留住係心入面

之後等到７點幾  表姐就放工嚕  之後我地行左陣ａｐｍ  就番屋企嚕  番到屋企  第一時間洗白白  洗完之後就玩電腦

之後同六蚊傾左陣電話  傾完以繼續玩電腦  玩到１１點半多ｄ  就訓教嚕

我只怕來不及對得來的一切珍惜
愛上你  就是我生存的目的