國民教育其實殖民地時代已經有，只不過佢唔會直接叫你愛英女皇愛英國愛港督，喺從社會民生建設方面令你慢慢「愛國」(英國)，而我哋係不至於太反感。並唔係夾硬逼你講我愛黨愛中國，你有冇聽過班長，係大過校長架!? 亦唔係不停輸入同胞旅遊定居，搞到全街都係國語人，我哋就會愛中國。國內人民可以接受國民教育，係因為佢哋真係認同自己中國人，佢哋知道自己痾出嚟嘅尿係有黃河色。我哋由出世嗰刻就知香港係殖民地，真係係人係鬼，自己都搞唔清，淨係覺得自己痾出嚟嘅尿，係應該有屈臣氏蒸餾水味，並唔係東江水味，我哋根本都唔認同自己係中國人，就算連國內班同胞，都唔當我哋係中國人，試問就成功強搞到中國模式，當洗腦成功，我哋就會變成受中國人認同嘅「中國人」嗎?