今日出隊結他，有點腳震，不過I Feel Good！！
今晚上左阿呂屋企．．．一都唔記得左要煲湯俾佢
ＧｏｏｄＮｉｇｈｔ．．．．．一陣之後回家準備聽日番學

今日一早就落大雨，唔洗番學(GooD)
之後番左教會，之後就番左屋企
今晚上左恆恆屋企....好多年都無上過
發覺練波同小組都係有同一個問題
不過兩個我都唔想散...因為依兩樣野我都好有感情...
如果真係散左我會好唔捨得....好唔捨得

今日又起唔到身，所以就左下午既堂
今日教既英文都識識地....至少跟得上
放學又係番屋企...唉...每日唔可以洗多過三十蚊既生活好苦....
唔係咁8月個青揚SM營就去唔到.....希望今年都可以喪玩(只要目標唔好係我)
食完飯好乖咁做功課....至少有兩年未試過係屋企功課
燕京既生活<---掛念(反反反菠蘿明大聯盟)邊個會記得啊

今日考S1同S3.......
兩份都.......唉
考既永遠同學既唔同，咁我地學黎有咩用
MISS你俾2A我，我比兩億你......

今晚係FACEBOOK見到DAVID:Long Time No See


睇住阿呂行一條不能回頭既路，我不但無叫醒佢
反而仲叫佢行落去，究竟我係唔係為佢好

今日十一點幾先起身，突然間電話響，原來係阿呂
之後佢上左黎我屋企....老兄...其實我講笑啊
話曬我都係一個男人...又要孤男寡女....魔鬼Get out！！！
阿呂走左之後開始換衫番學....
同個光頭佬同學係到吹水...(好辛苦)完全唔想明加唔想知佢講咩
放學之後go home.......(因為破產，所以消費意欲下降)
唉∼∼今日我老媽同我講(走水)
我:咩叫走水啊
媽:咪係叫春囉，咁都唔知
我:.....(汗)
兩母子洗唔洗講依家野(其實原本係話阿妹走水)

聽日考試！！！

學校第二日，今日學既野都識識地
不過無信心合格~
5點鐘放學點解要10點幾先番屋企


今日喊左出黎....係啊又係喊左

從前有個木匠，佢有一個跟左好多年既徒弟
有一天徒弟突然同木匠講:師父,師父我都跟左你咁多年啦！你教我既技術都足夠我自己做生意了
之後個木匠同佢講:好啊！咁你離開我之前幫我做多一件事，幫我裝滿個花盆。
徒弟見到咁簡單既事，就好快用石頭裝滿了花盆。木匠見到後，就隨地拾了一團沙放入盆裹
之後佢問徒弟：咁仲係唔係裝滿啊？徒弟之後立刻用鏟將沙裝滿花盆。
木匠見到後，就用了一碗水倒入花盆裹，再問徒弟：咁依家仲係唔係裝滿啊？
之後徒弟沒有出聲，回去繼續幫木匠工作了……

原本一開頭我係諗個木匠係有心要個徒弟唔好走！
慢慢我就諗到…係囉…究竟我做既野係唔係夠呢？
對屋企人，對朋友，對學業都係唔係夠呢？
到左最後就諗　係囉…究竟我依家做既野係唔係岩呢？
究竟我依家做既野係唔係有錯呢？

今日9點鍾起左身，之後番教會
原本今日兩點有meeting，但係同左恆恆去食飯所以無開會
之後恆恆話:有冇野做啊!!陪我去黃金買野啊。
我都答應左佢....因為我都想買眼仔
過多陣恆恆又話:但係去黃金之前我想去一去尖嘴買衫先.....(我頂你!!!)
最後俾佢強行拉左我去.....唉
固執既恆恆見尖嘴無曬佢要既褲就走左去銅鑼灣(我個黃金呢)
點知去到都係無曬(心涼=])，係好攰既景況下去左食KFC
最後行左去灣仔買佢想買既野就回家了(當然我都買左眼仔)
今日真係好攰，總係覺得俾人屈左去一喲諗唔到既地方(仲要係全日)
黑仔恆！！我唔會再比機會你！！！

聽日就係第一堂，我要努力向上

今朝我發左夢，話說我老豆老母一早死左!!
之後我女朋友又離開左我，同一時間我隻貓又死左!!
根住我走左上天台，突然間(扮)左聲
原來係我老豆開門既聲= =洗唔洗咁大力
之後去左上堂，每次都唔捨得同羅生講再見
總係覺得可以係佢身上學到更加多既野.....仲有兩堂未上
午餐同丙琪,叔叔一齊食，之後小組，解散後我就番屋企(訓左起唔到身練波)
阿女打左黎又講左D野....唉(我兩邊都唔睇好)

依幾日令我覺得自己真係咩都控制唔到，一切既野我都無能力去解決
嘉怡麗怡我一直幫左佢咁耐，都唔覺成績走出黎
今日叔叔同我講依樣野唔由到你話事，你只係可以等同俾個時限
一次一次令我覺得自己都係好妙小，阿女講得好，我地以為自己好成熟好大個，其實我地係微不足道

琴日我同薯薯先後去左尖嘴既博物館,金鍾既動植物park同覲塘ive
真係行到呢~我地又要係香港迷路.....
唔知係唔係傷者特別可憐，薯薯俾人係咁問候....我就係到笑
平平安安又過一天

今日去左游水，雖然係免費但係洗唔洗咁多人
俾個超強阿伯打左一下...之後立刻唔想游
出到黎隻眼好痛又紅，所以咁個暑假我都唔會再去


過多幾日就要番學，要非常專注...