x 考試考第尾 x

x 今日，拎左成績表啦，成績?唔好提啦，真係想.....

x 起初都冇咩野，預自己有10名之內(因為年年都咁上下)

x 入到去見柯老師，「劉日健既成績就....排名係33」

x 靜止一秒........我心諗: 係咪計錯左...

x 跟住老師再睇清楚個表，「你係26號呀?可?」

x 「係呀!」

x 「排名33」

x 我: 「下!咁即係最尾?!」

x 「係呀!唔緊要啦」

----------------------------------------------------------------

x 呢個時候，我簡直唔敢相信眼前既名次，再望望成績表，2科AL炒左......

x 跟住柯老師不斷講話我人好好，又幫得老師手既時候，我d眼淚已經標緊出黎...不過最後都冇流

x 食完野返到屋企，我坐喺間房度，自己一個，幾秒後已經開始喊...

x 心情跌入谷底，就好似有人將你從頂樓拋落地下...

x 一喊就成個鐘，今次應該係呢幾年喊得最勁既一次

x 真係意想不到囉，如果我冇溫書，我考第尾，我覺得冇咩野

x 但原來溫左書都係會考第尾，我真係想........

x 點解要咁對我....

x 跟住電話響，打黎問我有冇事，跟住慢慢先好返

x 而家唯一可以安慰自己既，就係大家讀既科都唔同，唔可以直接比較，所以個名次係廢既

x 加上我果兩科AL真係難，又佔分重....所以先會拖低唒.......

x 唉，我真係會永遠記住呢個烙印..