5/7     雨天

今日我要幫ms ho既班會活動做野

走果陣呀mr.廖搵我，佢問我尋日有無開男排個locker

我答有，因為我真係有

之後我問佢咩樹，佢叫我將成個過程講佢知

過程：

尋日我因為要返我呀媽度，所以帶左一套衫返去

但因為好唔方便，所以開locker放入去

但又因為個locker滿左，所以我將佢果個膠袋放左上locker頂

自已D衫放入去，放學後就去換衫同將佢個袋放返入去。

之後mr.廖話：「個同學唔見左百幾二百蚊，同一部電話。」

我突然晴天霹靂，o晒嘴。

佢係交談中不斷問我有無偷有無偷，有就拿返出黎。

呀先生，我真係無偷呀！點拿呀？拿D咩比你呀？！自已部電話咩？

佢係交談過程中令我覺得：「佢唔信我！」

佢係男排既老師，我係男排既同學

佢咁都唔信我？！

心淡InG...........

之後我死都話：「我無偷！」

但係我認我有放佢D野上locker頂

所以佢話要問人地呀媽洗唔洗比返錢佢

佢話我間接令佢唔見野 ←(依句又係真既，我認！...)

雖然佢帶電話係唔應該的！

我心目中馬上話：「咁咪係囉！佢自已帶電話返學做咩先？咁佢就要負責嫁啦！佢唔帶返學會死嫁咩？關我咩事？！」

當然，我無講出口...

講不出聲 講不出聲 任由自已半夜驚醒...

要比返成千幾蚊呀？！一定會半夜驚醒啦！訓唔著添呀！

之後佢話會查wow...

我想問：點解佢唔報警既？！

一句講晒：為校譽。

希望上帝幫幫我，唔好要我比返錢佢！我無錢嫁！！！

好彩，呀陳子蜂係我開locker果時見到我同king左幾句野，佢應該可以證明我無偷掛！

願主保佑！