今日約左馮某番去拎證書
我著住短衫+牛仔褲+波鞋
去到OK便利店門口既時候,突然有2個警察叫我埋去
警察A:你係唔係18歲
我:我而家17歲
警察A:有冇帶身分證
我:冇呀,乜唔係未夠18歲唔使帶身分證架咩
警察A:咁你住係邊架
我:住係呢度附近(指住
警察A:你而家係做野定係學生
我:學生
之後另一個警察B就講野啦,而警察A就搜我身
警察B:你做乜著住短衫呀,唔怕凍架?
我:唔凍架,朝早起身出黎涼幾涼,可以提升精神,溫書都入腦d
警察B:以後出街記住帶身分證出街

乜我似果d不良份子咩????

上堂M&S聽到有個人又drop左科
開始覺得心灰,唔係因為我唔識,係因為同學愈黎愈少
落堂前冇幾耐,坐我格黎果個同學又話諗住drop左佢
如果佢又drop,咁我咪變左一個人霸曬右面果行!?
咁唔得架喎...會悶死我

講真果句,數學並唔係我專長果科
好多人都唔知的
我認同d人果句:識 a.maths唔代表maths勁"
我都覺得a.maths比數學易
表面上我係鍾意數學,實際上我唔鍾意數學,又唔係討厭果類

我鍾意讀理論既野
因為一套理論建立出黎之後,就會有討論
有討論就會彈一堆名人講野
覺得呢d野好得意,好鬼搞笑

不過M&S只係麻煩,唔係難
希望我班入面果d同學唔好再有drop 呢一科既情況出現啦
因為冇人係格黎一齊做數,好鬼死悶的
我鍾意快手快腳做完一題數,再睇下周圍同學埋頭苦幹既快感
見到d人比心機做d數,氣氛好,心情自然都會好

不過開學到而家為止,冇人曾經同我一齊研究數學,分享數學既心得,係一大遺憾

同老師講野既技巧@@

平時上堂肚痛想去廁所
老師,我頭先食完野,而家胃入面既化學作用太激烈,我要去廁所處理一下,防止爆炸帶來課室既污染。
或者
老師,你試過肚痛既辛苦未。"人之所以異於禽獸者幾希,庶民去之,君子存之" ,孟子所講既人禽之別,孔子提倡既儒家學說
老師,我相信你係一個君子,有惻隱之心,比我去廁所啦

有時上學遲到
老師,我都唔想遲到架  頭先我見到個婆婆想過馬路,之後推佢一把。結果被一班穿制服既怪人帶入去一間不知名既建築物入面。
或者
因為我想試下遲到既滋味,所以我想遲到一下。
或者
原來我都係企係遲到頂點既人黎。(覺唔覺得好面善)

冇交功課既原因
乜原來有呢樣功課架咩?
或者
丫!原來我做錯左功課
或者
睇黎我患上少年癡呆症
或者
老師,係唔係你記錯炸?唔係今日交架喎

上堂傾計被點名
老師,我地唔係傾計呀,係討論緊你堂上講既野
或者
老師,表面上我地係傾計。實際上我地係講緊國家機密
或者
我地唔係傾計,我同佢只係係度自言自語姐

今日上econ教果d 價格需求彈性好悶...
睇Y軸咪得囉,唔使咁煩
咁就悶左一堂啦
UE 堂聽 listen,雖然好難,但係有阿sir guide住,都唔會太差
但第1,2次做,唔習慣  勉強接受到
跟住立即飛出去買書啦
行左成個幾鍾都搵唔到2本書賣
最後番到黎5點先食lunch
6點~8點半補習
到而家dinner都冇食!!!!  現在時間為23小時22分

太攰啦,盡量寫少d啦

今日番學果陣,見到我果組竟然係UE 主室果班
成個心涼左四分之一,因為好彩做左功課,唔使驚咁多

就快上堂突然肚餓,食左6粒牛丸(分別係2度買 5$3粒同5.5$3粒  求奇啦)
終於上UE啦....
成個星期入面唯一一堂係令我感到恐懼
我心裡大叫:比我坐中間,比我坐中間......

入到去之後,d人沖曬入去,最後我望住最前果2個吉位呆左...
突然有個女同學叫我同佢坐果個位,我見得番呢個位,死就死左
上堂啦,見到阿sir對住我果個位正一正
原本冷氣都凍架啦,我靠心呼吸黎平衡番我既溫度,冇咁凍
點知佢上堂幾分鍾之後突然要較低d溫度,話自己頭先對住d中7,好嬲
我心諗:地獄來了  阿sir本身都咁惡,而家又要咁嬲,我咪好易做左炮灰
不過我都面對住另一個問題,好凍好凍

上堂果陣,阿sir話主室果班太靜,冇人答,隨時連累d人罰抄
之後坐最前既我,當然間唔中都會答下問題啦
好彩回答錯誤只有1次,就係 漢堡包 果個讀音唔正
其他都岩左,好彩我同格黎個女同學合作姐,kaka
另外,今場唔洗測驗,阿sir話唔記得拎份測驗卷,又逃過一劫

而家比阿sir咁教,英文都明顯進步左
不過佢真係太惡啦,下堂測驗既量多左,不過我唔係主室,死亡概率下降,係一件好事

UE堂完左啦,校長突然入黎叫我地填一份野
關於我地對老師既睇法,評分
MichaelGWong我10分入面,我比10分佢
如果係Andrew Lo,我只會比4分
Max Ma我比9分佢 ,因為堂數太少,唔太熟識,唔比10分
格黎果個問我比geog個阿sir幾多分,我都未諗到比幾多好,最後抄考佢個評分啦

講左咁耐,都未回應到個文章題目
其實都比左個hint架啦
落堂之後,我d手指十分麻痺,成隻手都好痺
我急不及待立即塔車番屋企
落車果陣,我感覺到我2隻手好似充滿曬靜電咁
一切都是空調惹來的禍
呢個經驗令我明白到,以後上親UE堂既主室,都要著多件衫