今日返學校溫書,,,
7:40先起身搞到本身我約左紫橋頌富站等架但係遲到囉
最衰都係今朝搵唔到條橡筋紮頭啦豈有此理!

去到天耀買左個包同埋朱古力奶
之後就派返學校.....返到去已經有幾個人返左黎
o係5A班房坐左成個朝早好似乜都冇做過,,
唯一有少少意義既就係寫左張紀念冊,,實在太厲害

1點幾就同紫橋米米燒雞達去左椰林閣
今日好悠閒,,D野食好快黎到,,又唔使驚遲到........
我地hea左一陣先走,,慢慢行返學校,計返平時時間都未遲到好正
o係椰林度仲見到校長同MADAM添

返到學校hea左一陣咁就開始做ECON MC
結果同MOCK差唔多都係岩30條,,,ECON好差啊我
點解我淪落到咁,,,,,國民收入果課講極我都唔記得點計
可能係因為我根本就唔係完全透徹明白
中五D野真係好難啊 ..... 點解課課都要計數架

4:00左右就同PAULA一齊走喇,,,

*其實o係學校都唔係溫唔到書既,,不過速度緩慢成效低姐
聽日應該唔會咁早返,,,晏少少啦

{ THANK YOU }

．BEE．周公．嘉恩．SUKI．嘉雯．KAYI．俊．吞拿魚．
．LUM．馬仔．JENNY．RON．WISH．米米．皓琳．CARINA．
子華．康．達．游撈．家姐．大粒．喇嘛．

好多謝BEE丫!我真係估唔到你會SMS我仲要係最早果個  
係一個驚喜來的,,多謝你*

今朝早9點就收到馬仔SMS...哈哈果陣我仲未訓醒...
迷迷糊糊睇到個訊息又訓著左,,,不過我收到架喇!
跟住訓訓下收到JENNY既SMS,,跟住仲有RON CHAN
我個心即刻驚一驚....原來全世界真係得我咁遲起身架咋 /口\
以前10點對於我黎講已經算晏,,但係依家對於我黎講實在太早喇

仲有就係,,多謝你地D禮物*睇得出係精心挑選喎真係

但係.....另一方面我真係極度失望囉
原來你地都唔記得我生日既
我好傷心  好傷心..好傷心..好傷心...

還是5B既同胞好

各位親愛的5B同學,,
LAST DAY既相我仲未收齊晒丫
我會努力問返大家拎,但係可唔可以SEND俾我先呀
因為我唔多清楚應該問返邊個拎相
有相既叫我丫

仲有一樣好重要既野就係急尋歌唱比賽當日既一張相
當日有一張相係我同唔記得邊兩位女同學再加EDO合照
大概係企門口附近影
大家如果有既話SEND返俾我丫/口\  我好想好想好想要返果張相,,,

*

好啦,,其實我PLAN好左由聽日開始遲睡晏起
唔好話我壞習慣丫,,我都唔想..但我要半夜先溫到書
所以不得不做危害健康既事
除非下晝有人陪我溫書我或者會捱得到

HOLD

我極度懷疑我相機有d相唔見左或者係影果陣根本冇影到.......
有d相我有影到但係我部機冇囉,,同老師影果d冇理由用左人地部機影掛"
大家快d send返d相俾我啊

後面呢位同學發生咩事 :D

我真心覺得呢兩張相好珍貴啊 :D
同大哥唯一一張合照,,仲要可以話係兩年黎距離最近既一次呀 XD
同森果張,,我地兩個識左10年,,咁耐以黎第一張合照
唔知之後仲有冇機會影?

陪伴了我一整個中五的桌子
聖誕聯歡果日拍返埋d檯果陣我差d唔見左張檯
好彩有米米貼落我張檯右上角既貼紙咋
如果唔係我都搵唔返我張檯,,張貼紙太突出喇 :P

校門,,,好學力行對呢個校訓冇咩FEEL
我地鈕校長個牌啊,,其實仲有楊副校同埋兩個MADAM既牌
我地拎左出黎同MADAM影相 :D 個個都做左學校高層喇
ROOM G24A係副校長室,,入面真係幾好玩

 
地理堂影果D相呢,,,EDO同學真係好突出,,燈光問題

見到果篇entry,,,突然覺得佢成熟左好多

*

今日係愚人節,,,
返屋企開電腦,,,聽到句勁gag既野,,,
雖然係好簡單好普通既4個字,,但配合愚人節真係好搞笑,
點解呢個世界d人都咁幽默架 XD
不過其實有人今日係好岩聽呢4個字架,,,
對於果個人,,,呢4個字對佢講係好正常,不過如果對住第二個講真係好gag
呢D白痴野都係不宜o係度分享喇.....

愚人節,,,
今日上完ART堂嘉恩話見到有個女仔俾人貼左龜o係背脊
呵,,好慘

*

今日,,,,ART堂結果都係o係度hea
個個都帶野落黎爭取時間讀書寫紀念冊
我同嘉恩就冇野做 -3- 之後miss叫我地幫佢將d標語入框,,,,
我負責揀底紙,,之後貼張標語,,貼完都落堂喇,,,

文學對返卷一,,MISS話星期五先派到卷二
對完卷一就講曹植首贈白馬王彪,好眼訓

之後既中文堂頹晒o係度,,好低分.....
聆聽唔係好高分 -3- 好多人高分過我,,,
卷五,,,ok啦............我諗我中文係望唔到C架喇,所以是但啦

不過呢D分都搞到冇咩心機啦-3-
之後既中史堂都冇咩心機聽,,見到自己份卷D分....
算喇,,我唔算我咪完中史仲係咁低分! 我今次未溫晒之嘛,哼! \3/

唉,,,,放學都冇咩心機,,我一冇心機就會眼訓,,
我覺得返屋企都好遠,,
我好辛苦先行到去輕鐵站搭車 -口-落左車再好辛苦咁行返屋企,,,,
行到屋企樓下簡直感動到想喊

*

放學o係校門見到大粒,,,,俾返紀念冊我...返到屋企睇,,,,,,,

大粒:

乜我有畫過美少女咩 xD 有D印象係有件咁既事
不過我想問我畫左D咩,,我唔記得既.....
仲有就係,,乜你真係唔記得我有寫過聖誕卡俾你咩 / - \

今日放學返屋企見到天華果D雞蛋花花樹...
諗起以前東莞學校有D爆杖花好得意好靚好特別
依家好似呢度唔多見到咁
天官真係冇乜美感可言,,,無論外表定內裡都係
外表唔使講啦,,,灰灰白白四四方方冇第二隻色咁
內裡呢,,,雖然主色係藍白幾靚,,,
但係除此之外......冇乜自然景觀又少靚野,,例如ART作品呀咁

*

其實我真係近排先知我XANGA有咁多人睇,,
我諗都冇諗過既人囉仲要係@@我不嬲以為得幾個...
喂~我同大家揮揮手先  包括果D我唔識既 / 匿名人士

*

今日頭兩堂地理,,依然咁難捱.....我真係唔鍾意上地理堂
唉,,,地理拎唔拎到C呢,,期望都係唔好咁大..地理分數不嬲唔算穩定
立定心腸拎隻D仔返黎,,唔好咁大想頭好D
就好似做pastpaper既mc做到咁high仲以為自己mc ok添
點知mock呢次mc都唔係話做得好好...

今日應該係我最後一堂PE堂,,冇機會再上架喇
著左班衫5B又係咁影相喇,,,真係好正 5B影相影上隱
影完玩糖癡豆同埋數字球,,,
咿.... 都話呢D咁刺激既遊戲唔岩我玩

上完PE堂消耗唔少體力....加上尋晚夜訓所以全日都好眼訓
不過有一段時間令我打醒十二分精神架!
就係英文堂派WRITING卷..... 我望住個長TASK
發現自己GRAMMAR真係要好好改善...
間住d錯既紅筆痕因而顯得格外刺眼
好彩唔係MISS LAM改  ... -口- 覺得自己冇咁醜

跟住!!!我等左好耐既ORAL分數!!!
真係唔敢相信,,,今次竟然合格 lol
雖然只係合格多兩分不過我覺得自己好勁架喇
唔好嘲笑我... 
多年黎ORAL都唔合格,,,今次終於合到格喎!

仲記得上年非常之唔開心,,,,
上學期ORAL EXAM林素蓉真係唔鬼知佢點俾分
離題又俾勁高分佢,,我就勁低分地唔合格,, X!
我肯定就算唔合格都唔會低分到咁囉食屎啦
都唔知佢咩問題,,,某組員同我咁落力救返個討論,,,
點知最後我地都唔夠佢高分仲要我唔合格 lol
我想講我從未試過discuss講咁多野,,唯一一次咋 ,,,SBA我都冇咁落力
果張核突分紙我一直都有KEEP住架因為我實在太唔gur
見到個評語都火,,,俾評語就俾評語啦又要大階果個SOFT字...
使唔便咁強調呀,,我否認但唔係100%認同囉,,,冇佢講到咁誇張
林素蓉我冇咩唔GUR,,淨係唔GUR佢果次ORAL唔知點俾分

今次真係好開心,,,,咁多分卷我最滿意係呢份
我ORAL咁耐冇合格過今次合格真係好值得我開心一個星期
就算係岩岩合格我都已經好滿足...

我覺得今次考MOCK我係有D運仔....特別係D口試
又可能係因為果日最後一日考試,,,心情輕鬆加上有D運仔

今日一直心情都唔錯
 

*

近呢幾日成日都見MADAM...

*

頂,,放學返屋企個電腦又開極都開唔到
D病毒又發作 -口- 好似永遠都俾佢耍咁!
一時冇事一時又係咁出黎,,,豈有此理....
我食完晚飯再努力嘗試!!結果搞到成10點幾先用到,,,

今日呢篇真係首先要多謝紫橋啦又
今日第一堂就係文學,,,派左卷一,,知道左卷一個分真係...

真係要同紫橋握手,,,
都係因為紫橋太偉大,,我對呢科先會咁上進咋 XD
不過SPEAKING睇黎就遵守唔到約定喇,,我例牌肥架嘛
呢個ORAL分要聽日先知,,,所以,,,聽日再講

不過呢,,我真係覺得自己好樣衰 lol
點解我SPEAKING咁屎,,真係好醜陋好醜陋
真係我唔想再同MR.ANDERSON講野喇-口-
反正我點講都係咁屎........當日考ORAL既情況仲歷歷在目囉 lol
一諗起果日就更加覺得自己好樣衰....

今日放學我明明已經走埋一邊做佈景板
但係點知MR.ANDERSON都要望到我,,,,咿...........

今日對左中文卷一卷二,,,勁低分
今次作文..我知我可以再做好D架 XD 所以我冇覺得灰心
不過閱讀卷真係呢,,,雖然我一直都知自己呢份卷係弱D既
但係....都係有D灰,,,,依家只能展望我中文稍為好少少既聆聽咧

英文.....估唔到WRITING既成績
唉也有一份卷高分過WISH都覺得自己升左仙喇 XD

數學....同我想像中差不多,,我諗CE果陣可以穩坐E掛 "
咁先不枉我補數補到咁唔開心都去補

放學問左中史同地理分,,,地理個分...嗯...OK的
不過中史個分真係笑呵呵喇...

唯一值得驕傲一下下的就是....就是....
雖然今次MOCK暫時知道既分數都唔係話好好
以呢D成績去應戰CE真係8分都唔知有冇唔係講笑
但係我望住真係覺得自己贏左架喇,,

今日最尾果堂ART,,,,終於都睇到自己D分喇,,,
WOW,,,見到自己個總分.....真係由個心笑出黎
以我果D畫功,,,有呢個分數算係對得住自己架喇
要求唔需要咁高
今日ART ROOM見到壁報貼左我地D畫
連隔離房都有,,,,竟然有我個海鮮杯麵份
MOCK果幅都俾人揀左出黎不過唔夠位冇貼到

*

我依家好後悔以前學校果D問卷叫我地俾意見我唔認真寫
我真係覺得天官唔夠 "ART"
好多人畫野都好有心機其實,,但D作品都好似冇咩機會展示俾人睇咁
依家校門果D展板我覺得好正架!
自己整D野俾人放o係校門個個都見到啵,,係一件好開心既事黎

ART室有咁多野未玩過,,,我想DAY1果日玩下喎

*

努力寫紀念冊先

天水圍輕鐵天耀站，晚上九時半左右，一名女子被一列輕鐵撞倒，她左膝受傷，送院治理。

*

昨天晚上無線做戲王之王,,,,
我第一時間係諗起當日和大家到旺角看這戲呢
事實上當日的情況我真係唔係太記得 xd 連有邊個一齊睇我都唔係好記得
不要說我沒心肝唄.....咁隔左咁耐同埋次次見親都係mk,,
好容易會混淆邊次打邊次架嘛 XD 原諒我啦
我會根據戲飛日期嘗試翻查當日ENRTY架喇
 

*

LADY GAGA - JUST DANCE
真係好好聽  我今日聽左好多次
 

*

今日係我農曆生日...今年咁岩新舊曆生日都星期日
阿媽買左個蛋糕返黎  
雖然係我不嬲麻麻地鍾意食既雜果同埋我覺得唔係話太好味
不過有得食都非常好......呢個應該係本年度唯一既蛋糕
(( PS調色真係好好玩  不過呢張相係失敗品來的

果醬數盒,,,這好像是買蛋糕送??
唔知好唔好味,好耐冇食過果醬塗麵包 XD
睇黎好快我又會迷上呢樣野

唔知幾時開始我好鍾意留意D食物既最佳食用日期
我會留意個日期係唔係咩特別日子
呢D果醬既最佳食用日期好明顯就係JESSE同埋NANCY既生日啦!

*

聽日開始對卷@@
今次MOCK我最有興趣知個分竟然係文學囉
明明知道個分實係超低唔合格果D
但係真係想知,,可能因為關乎到我要睇下自己到底去唔去考文學-V-
又或者可能係因為今次真係有溫書啦

ECON我冇放希望喇已經,,,,,我依家勁驚中史
我驚個低分比我想像中仲低,,,,要知道我做得3條多少少
3條就算我拎滿分都係得60分 -_- 仲要係我滿分先有60
我諗份卷乘返100分滿分我先有50分左右,,呢個分點見得人,,,,

*

得返5日上學日咋...中五既校園生活就要完結
考完MOCK先有時間諗呢樣野
LAST DAY果日唔知會咩境況......果日要狂影相
希望唔好又唔記得帶相機

LAST DAY瘋狂過後就係我地學校特別遲開始既STUDY LEAVE
跟住好快CE就殺到......唉

*

D紀念冊我今朝先記得仲有大把未寫 -口- 今日目標要寫好一半

今日唔使返學,實在係<3

唔知點解感覺上mock exam好似已經係好耐之前既事 -_-"
而個CE就係勁近既事 -口-

尋日早上考中文口試...果然一組既都係勁人
我呢D茄呢啡.......摺埋左
到底係我諗野層次太低定係另類左D
點解我準備既野同全組人都唔同??
我一心淨係諗住校園壁畫設計比賽梗係同校園生活有關
咁梗係講返同學自己最貼身既野,,,
咁就即係講返同學班上事情呀,,課外活動呀咁架啦!
於是我準備果D野只係一心諗住「班」,一路諗論點一路諗起5B歌唱比賽
我諗到既論點就係咁樣會增加同學既歸屬感..等等等等,,,
總之就係校園入面發生既事
點知個討論一開波就個個都話社會上既問題與同學有貼身關係
因此個主題應該係有關社會上既問題

社會問題?!?!
即係我準備果D野會部都係廢既,我諗既野全部錯晒?!
但係我唔覺得我有問題囉 lol
咁校園壁畫比賽啵! 講返學校入面發生既事有咩問題?!
我又想知道點解會諗到個主題係社會問題有關....
點知o係我聽到第一個人講完之後都未反應過來既事時候
下一個,第二個,第三個佢地全部都係同意社會問題
我就知我可以即刻摺埋摺到貼貼服服添
好無奈......準備=冇準備,,,咁既形勢之下仲有咩可以講?
佢地個個講完自己意見之後都用晒d時間,,如果我再o係個主題上擾攘
我就係罪人

由於我準備=冇準備,,我只好聽佢地講咩之後嘗試駁斥
但係結果我乜都諗唔到我淨係依然覺得社會問題做主題係麻麻地
但又唔知點講,大家都同意「社會問題」呢個主題,,
呢個主題咁具教育意義,,我仲有咩可以唔滿意 lol
結果個討論入面我淨係講左3次野咋,,痴線架-口-
我就係問左兩條問題係駁斥既,不過冇咩力
仲要反完人地又冇俾意見果d呢-_-.....都唔知自己搞緊乜
仲要最後一次發言我講完之後全組dead air囉
個個都唔dead係我講完先dead air!!搞到我又好似罪人咁
到個討論結尾我都依然係好唔同意社會問題做主題囉
我仲諗緊到底我當時應唔應該講返自己諗既野
因為我發現討論之中我根本由頭到尾都冇俾到立場
到底我同意定唔同意「吸毒」做主題
我根本同意唔落,我堅持講返同學自己校園入面發生既事會開心d囉
可能係我諗野層次過低啦
不過我真係從來都未試過做討論會做到咁矛盾,係我自己好矛盾
仲有一個位就係某同學既意見俾其他人駁斥
我想撐佢既立場因為我同意佢既立場多d
但係點知正當我想開口幫佢既時候佢轉汰囉
即係俾我多一次發言機會都冇, 我條氣確實係唔多順

我一心諗到我今次真係錯晒,,,,如果會考就正正遇到咁既情況甚或更差
咁我個腦轉得咁慢,,點算?

點知有一樣令我更驚訝既事就係
陳美老師竟然俾左dd應該係正面既評價俾我講既野
條氣都順返少少,,但我依然係覺得今次超低分
朗讀果度又錯鬼晒d字....

*

之後下午oral,,緊張到我痴線!!!!!!我準備果陣寫寫下手震
我都覺得自己好誇張
今次監考既係A班d老師,,我今次ORAL又係勁差
雖然次次都差唔多係咁差...不過今次真係差得幾樣衰
俾人問意見我講唔出 -0- 因為我根本就諗唔到野
諗到既佢地都講晒
到第二次又俾人問意見,,,我只好講返我唯一諗到既野而咁岩大家又冇提到既野
今次個TOPIC係兩個細路唔見左人地隻兔仔點樣算好
我就話首先講SORRY先再解決唔見既原因之後一樣搵
但係我唔記得左一個超重要既字點講
就係「主人」既英文,,我真係好蠢囉,,「主人」既英文都唔記得
之後個人一分鐘果度,,,,mr.anderson問問題
超驚囉 -0- 佢問完條問題我又唔肯定有冇get錯所以叫佢問多次
唉............總之今次口試全軍覆沒

返到屋企本來已經唔記得左件事,,,個心淨係諗住夜晚BBQ
快樂笑呵呵 :D
點知搭車去西鐵站果陣咁岩遇到周公,,,一上車就聽到o係度講oral
即時灰晒...明明已經忘記左件事

遲d再補返尋日個ENTRY

lol

今日好多野想講...

今日mock文學

首先我要多謝紫橋,,,
因為她昨夜的一句說話激發到我昨夜用心溫習
「如果我唔溫,,你都低分過我既話我打死你」
我即時心裡一寒,,,我不是害怕被她毒打
而是....若然她這樣偉大不溫習,,而我卻首次如此有決心溫習文學
但結果還是比她低分很多的話,,實在有點說不過去
因此全靠她偉大(應該加上她有點懶惰xd) 和她的那句說話
結果我昨夜用心溫習文學,,而且...我尋晚又通宵冇訓喇 頂佢

如果唔係為左唔想成績表出黎MOCK都有野唔合格
我先唔會溫我從來未溫過既文學史  
痴線架一晚之內將兩年4本書既文學史塞入腦
雖然有好多我係掞左出黎冇讀,不過仲要溫埋課文呢
我溫一個最簡單既詩經都用左成粒鐘差唔多

最後我好多課文都冇睇過,,好彩今日卷二有好多武松打虎
咁岩有4條題目我識做,
次次都係咁既要揀題目果d卷總係岩岩好有幾條我係識,,再多一條都冇xd

我真係覺得自己好勁架其實xD 原來我專心起上黎真係專心到咁
我尋晚10:00坐到6:00,,,都係不停咁溫文學,不停咁塞野入腦
冇絲毫雜念,,呢8個鐘期間只係做過兩件其他既事
就係食左一塊餅同埋聽左兩首歌......
有咁堅定意志都唔知係幾時練返黎既....
可能因為呢幾日精神夠所以先可以咁,
比著以前....我肯定半個鐘就雲遊一次.....
跟住最後臨天光又眼訓但係仲有一半野未溫,,次次都係咁
今次MOCK真係可能因為意義重大
所以我竟然可以通宵兩晚專心到咁

*

今日份MOCK卷,,應該係我中四到依家唯一一次真係個腦有內容寫出黎
文學卷真係好難做  不過唔同中史,,冇做到想喊既感覺 -V-
可能因為今日個HALL冇咩人心情都靚D

放學唔知點解會跟左RON,WISH,PAUL,SOSO入左副校室,
跟住同madam吹左陣水.....仲拎左madam好多糖 XD 好瘋狂囉大家都
學PAULA咁講,,,「畢竟我們是小孩」

之後去左搵MISS LAM練SPEAKING,,今日咩MOOD都冇,,做到非常之差
跟住練完同MISS LAM又吹水,,,,吹到成2:00
我地飯都未食,,,,之後我啦WISH米米RON即刻去搵野食點知落雨冇遮
全靠RON CHAN返屋企拎左兩把遮俾我地
跟住我地一齊去左銀座食野,,本身諗住去羊城飲茶
點知羊城裝修囉豈有此理,,,,於是我地去左滿庭芳
原來入面咁大架!之前真係唔知.....仲有..大堂果隻閃閃龍好靚XD
我鍾意佢彩色而且D燈既閃法夠晒迷幻
今日食到飽飽,,,好滿足,,不過要成每人38蚊結帳
但唔緊要,,D野好味....最尾食完我地睇電視睇MELODY仲睇到好HIGH
 今日集MELODY不停出現RON CHAN同埋米米呀 xDDDDD

跟係食完差唔多4:00就陪WISH買野
之後4點幾要返屋企喇我,,因為夜晚要出旺角食飯
去左..泉章居....預先替爸爸慶生 (都就快到我喇 )
但係可惜我今日眼訓到乜咁,,好準時地一夠24小時我就眼訓,,,
而且下午果餐食得太豐富都冇咩胃口喇夜晚

返到屋企9:30左右lu

*

有一件好恐怖既事就係,,我唔知做咩事個腦係咁出現王凱駿D歌
冇可能! 




我唔覺得佢D歌好好聽但係可能因為D旋律太易記
搞到我聽兩次都上腦 lol
我變喇,,我竟然咁容易就鍾意左呢幾首慢歌 
特別係果首緣崖同大傻,,,不過其實呢兩首又真係幾正既

像我這個傻人何其多 那又如何若你肯親我
(特別係呢句囉我一路做卷二一路係咁出現我個腦袋,好困擾)

走到了緣崖 遲早跌死 可笑到盡頭 仍抓實你
知你極嫌棄 我問自己 得一線生機都不想放棄
不信我與他不能比
就讓舊愛怎麼可捨得你 我又何來運氣
明知少少犧牲 永遠亦爭不到你

經我岩先既反覆思考,,我可能係因為鍾意聽王凱駿d假音先會咁 lol

好野聽日唔使返學 XD 雖然我唔會狂咪文學,,
不過我依然堅持,,D時間唔要黎溫書要黎訓都好

今天的ECON笑呵呵
我想講我今朝都仲有超多野未溫-口-
好彩份卷都唔係話好多唔識,,,係畫圖果D真係唔識
做到最尾10幾分鐘走火警....@@
之後又走返上HALL繼續,,補返10分鐘
都係唔夠時間做,我次次ECON都唔夠時間做
之後份MC有幾題做到笑..好彩有做PASTPAPER咋....
仲有就係好彩有阿PAUL考前既指點*仲有RON啦

放左學與喇嘛於天耀7仔外面相遇,,,於是就一起滾到北江吃LUNCH
巧遇嘉恩與嘉雯後,,我和喇嘛都在苦惱吃甚麼才好
之後突然在腦海出彈出一個點子
就是CALL喇嘛最FRIEND的FRIEND-子華同學落黎一齊食野
結果經過那人的一番推辭和喇嘛的一番遊說後
最終還是那人就範把家中的食物拿到百勝園來吃
很久沒有跟他們吃LUNCH,,整個LUNCH的對話都圍繞這次的MOCK
可惡

回家後才想起要補MATHS,,,但在出門前竟然訓著了
幸好在2:20左右子華同學的SMS震醒了我,,
我才能立即起床出門去

*

我今日又想打無聊野
自從考mock開始,,我xanga打得密返同埋愈打愈無聊
因為玩電腦時間真係多左  原諒我啦我要半夜12:00先溫到書
日頭呢D時間真係要黎hea

尋日晏晝睇星願,,真係好好睇,睇到最尾又係咁流眼水 =A=|
真係睇到好激動,,次次睇都喊.......

*

其實王凱駿唱歌真係好好聽架
我記得05年果陣睇過佢唱緣崖LIVE好正,,我真係覺得佢幾好架@@

佢1月出果隻EP同扈佳榮隻大碟孖住黎賣,,((莫名其妙*))
一隻大碟一隻EP,,EP果隻錄左勁耐仲要D歌都差唔多係PLUG晒的
連個CD COVER都係幾年前就影落 -_- 我諗佢真係等左好耐
我想講好耐丫佢隻碟個名都搞笑過人 lol,,
叫做who knows keith ((i know,,
我覺得個碟名呢................

唔知點解我好記得果次o係LCX睇佢唱緣崖,就係因為果次我記得佢記到依家
我記得果陣覺得呢個歌手好cool....@@
相比起唔記得係上一個出場定下一個出場既葉宇澄真係勁cool..XD
又唔知點解我會咁記得英皇呢個新秀lol..我記得既唔係好多個
如果王凱駿出多D慢歌以外既歌就好喇*

拉鋸戰* 點解又係陳自瑤......

http://jesse-mccartney.net/22project/form.php

JESSE就快22歲,,我都就快17歲
呢個16歲呢..我以前細個幻想既16歲同我依家經歷緊既好唔同
希望就快到既17歲唔會有太大差別..哈

尋晚無啦啦諗起...我應該多謝幾個人,,,
無論點講都好,,佢地某程度上改變左我,,
屎狒鬼~~

尋晚冇訓通頂溫中史  
由10:00pm開始溫的-v-加埋溫左成9個鐘都唔係溫左好多野
但係今日精神到不得了  因為呢幾日都太瘋狂放學返屋企就訓
訓到依家開多日夜車都應該冇問題
(因此我到呢一刻11:22pm都未開始溫書 -_-" )
不過今朝一開始做卷果陣都有少少集中唔到精神

今日中史難到癲....做到想喊,,我做左兩題已經想喊
勁多野要睇囉,,,痴線~淨係揀題目都用左好多時間
我今次一定好低分喇,,我做左3題咋 -口-
我做第一題用左差唔多9個字,,,跟住第四題做左4分左右咋-.-
一來唔夠時間二來唔係好識
文革果題本身諗住做,之後都係做最尾果題算-3-
最尾果題果4分題目睇係做到笑 XD
有相有名.....真係小學生或者幼稚園生都識做
我揀呢題做係因為我知道唔夠時間,,,而呢題真係要黎吹水所以先揀
但最後都係唔夠時間 =v= 好彩今次係難過CE好多
不過今次真係好打擊自信....好耐未試過做卷做到想喊 -_-
東晉南朝果題係咁分析野...係咁問士族面對咩處境
最後一題問士族面對咩處境我已經唔想再諗,,我直接省略左佢
佢地面對咩處境關我鬼事呀真係 -口-

放學食完野返到屋企睇胭脂水粉,,好睇呀!!!
我想睇重播架喇之前,,點知原來依家有得睇!
我想知點解我尋日唔知有得睇既 -口-
好野~MOCK既期間同埋放假可以日日睇喇! xD!
放假果陣我會為左呢套野11:30起身架喇,,,
向海嵐個角色好慘真係  
仲有亞視既第一茶莊都好睇,,女主角好靚...果個天賜好恐怖
我都話大陸古裝劇好睇架啦......時裝果d就...有d都幾好睇
*點解大陸劇成日d男角色都係叫天賜,,睇左好多集都有人叫天賜

睇完電視就訓覺啦,一訓就訓到7點幾

喂,果套大冬瓜真係 -口- 好難頂,,♥不過好岩我睇  
特別係冬菇頭怕醜草果幾隻野出左場之後,真係睇到想打爆部電視囉 lol
同埋我想話,蓋世寶o係套野入面幾靚 -v-
 

*

氣候變遷食物變少 迫使北極熊自相殘殺
 (法新社)3月19日 星期四
可能造成北極熊死亡的全球暖化已經在這個物種身上留下記號，北極熊體型變得比較小，且活動力變小，且同類相食的情況有越來越嚴重的趨勢。全球頂尖專家本週在挪威北部的特隆索集會，討論保護北極熊的方法，並警告北極冰雪溶化造成的嚴重後果。國際研究網絡「熊類專家群」（Bear SpecialistGroup）主席德羅卻（Andrew Derocher）說：「我們沒有氣候變遷的確切證據，但是我們能證明氣候變遷在北極熊身上造成的許多徵兆。」最先觀察到的是當海冰融銷，北極熊也在縮小，他們的體型已經不如以往。大北極熊族群居住的加拿大哈德遜灣（Hudson Bay）冰封季節比30年前短3周，剝奪北極熊獵捕主食海豹的機會。海豹是他們度過漫長夏季飢荒的基本脂肪來源。今天的母北極熊重約230公斤，比1980年的水準輕了65公斤，身長平均約185公分，相較於數十年前，當時的母熊身長約220公分。冰雪溶化意味著北極熊必須走得更遠，才能到達狩獵場，那裡的氣溫才夠冷，才有獵物。專家警告說，這讓北極熊健康變差，影響他們的生育能力，及小熊生存的機率。氣候變遷也似乎影響北極熊的行為模式。最近在阿拉斯加就發生數起北極熊吃掉同類的事件，令專家感到憂心。美國地質調查所（US Geological Survey）野生動物學家安斯特拉普（Steven Amstrup）表示，北極熊曾有吃掉同類的紀錄，但這次顯然是蓄意獵殺其他北極熊，例如在阿拉斯加北部母熊築巢地攻擊母熊。他說：「我們假設這與攝取營養的壓力有關。」因為冰雪越來越不穩定，阿拉斯加北部三分之二的北極熊選擇在陸地上築巢，以便在年初生下寶寶，這與之前數年觀察到的情況相反。海冰銷融有時候也迫使北極熊游到更遠的地方覓食，遭遇更洶湧的海浪，雖然善泳，但是科學家估計，可能有25隻北極熊因為體力不支葬身大海。（譯者：何世煌）

*

今日的 ENGLISH LISTENING MOCK
BYE BYE

今日放10點幾好正...返到屋企睇左陣電視(繾綣仙凡間)好好睇*
之後本身諗住聽下收音機點知聽聽下訓著左
1:00先起身食完飯2:00去左補MATHS,,,o係MISS屋企樓下撞到SANDY
咁就一齊上去喇...上到去連埋我4個同學仔都係天官的,,哈哈
跟住5:30左右就走喇,,,,好厲害好耐冇試過用咁多時間做數
原來我真係勁多野好似冇學過咁,,之前都冇咁覺-.-
聽日MOCK MATHS點算
是但啦,,,溫中史要緊!唔理MATHS嚕~

*

好多戲想睇都冇時間睇

*

喂呀!! XD
唔知點解呢兩日又無啦啦好鍾意睇返葉宇澄以前D片同埋相
上大陸網睇D野仲多過香港,,,唉...

大陸網永遠都有好多神奇既野睇
葉宇澄以前D相真係好多好正 lol 香港都冇幾個網有佢d相架喇,,,,
勁鍾意佢以前個頭果幾條長陰,,呵呵呵

睇EUGENE LIVE VIDEO固然係正.....次次都好好聽保持水準 :D
可惜既係原來YOUTUB都係得咁少葉宇澄 t-t 好衰
好彩我以前收收埋埋咁多都可以慢慢睇 XD

但係最有趣既始終都係睇佢D相..佢個頭真係次次變化都好大,,,
仲有好多有趣的相 -v-

到底佢吸到個咪未  好耐冇睇過葉宇澄彈琴
  

地點:崇德
時間:9:00AM-12:00PM
所畫物件:1)鋼湯殼 2)蘋果 3)噴水瓶 4)出前一丁 5)粟米 6)白菜x2

經歷第一份CE,,到過自己要去的第一個試場
感覺係,,,極度平常 -_-"

今日畫到似平時練畫多過考試,,我考MOCK果陣肯定仲緊張過今次
有趣有趣
因此,,,我都畫到極度平常,,,
絕對唔係我咁耐以黎畫得最好既一幅畫
不過都不過不失啦-.-
雖然mock果陣的確係時間方面掌控得係咁耐以黎最好
今次真係,,,個蘋果畫太耐(所以成幅最靚係個蘋果 xD)
真係應該畫難野先,,,,今次竟然要畫出前一丁 lol
畫到我丫,,我真係寧願畫合味道杯麵,,唔使畫果隻公仔個樣
又要反光乜都睇唔到,,,,唉,,,唯有作落去

仲有竟然要畫兩棵白菜,,
我最差係畫菜,,因此我不得不將呢4隻字放到最大同埋紅色佢-v-
雖然白菜已經畫過兩次,,不過我好似冇進步過
今日返學校睇返我mock畫果個白菜真係靚過今日畫既
OMG!即係話其實我畫到更好啦 -_- 吼!

仲有!!我真係不知所謂! -_-!
我初頭見到個粟米好似好難畫咁所以特登畫大塊d個菜葉
點知我真係 !!!!!原來我畫粟米仲好過畫菜葉好多
雖然個粟米畫得黃左不過至少唔係畸型

唉,,今次真係,,,,浪費晒之前練既野

不過唔知點解由開之前到考完都冇咩特別緊張感覺
唯一令我有緊張過既就係望到其他學校既人勁多架生
而自己只得木顏色一盒
呵呵呵~

同我同檯有個女仔超勁!用唔知水筆定鋼筆畫,,超靚~

*今日最神奇既經歷應該就係坐我隔離既係小學同學 :D
絕對使我壓力大增

仲有就係,,,個HALL好凍,,,愈坐愈凍...-_-我又要勁想去廁所
豈有此理!

__________________________________

返到天水圍返屋企,,,4點幾出門口趕返學校交最後一張畫
點知MISS原來俾晒分,,OMG!咁快手既 -口-
於是放低左張畫就走,,,偷睇左少少分,
不過竟然勁蠢冇留意自己TSA個分,,請給我一個笨字 :D

然後橫掂出左黎,,去天耀M記撞下有冇識既人溫緊書,,順便買野
點知真係俾我見到鄧同學同埋鄭同學
於是坐低吹水吹左差唔多個幾鐘,,買埋野食添 XD
今日又食芋頭批,,真係次次食都覺得好開心

6:00行返屋企搵嘉恩去商務買最後一分鐘地理-V-
本身諗住買埋之前睇中果本紅樓夢,,最後都打消念頭遲D先

*今日終於幫計數機換左電..終於都回復正常喇佢,,,

____________________________________

睇葉宇澄BLOG真係好開心 lol

大家有冇睇過佢個TWILIGHT,,,又係幾好笑...
超記得句mermaid! ...真係有笑出黎

*

頭先聽返葉宇澄d歌....好正 :D 好懷念
瑪麗蓮妒忌東方女生,,瑪莉與偉業,,問候你的天使,,玩具兵
仲有好多其他歌,,真係聽到耳油都出 XD
葉宇澄幾時先有新歌出呀

*

其實我都係 =] 
對於你,,我係真係好重視,但我唔可以講
依家同你冇咩可以接觸既機會,但係 ** 之中我最重視既真係你
其實有時候 * 因為 ** 所以知道既野仲多
呢點就係 * 本身既優點,,然而我並唔係咁樣
我唔搵你,係因為我真係唔知可以講D咩
但係你知唔知道我真係想多D接觸你
唔知由幾時開始我愈黎愈覺得你係個遙不可及既人
明明以前根本唔需要擔心會冇野講
有好多時我可以對你做D我唔會對其他人做既野
但係後來,,我竟然會開始驚左接觸你......
講真我唔想咁樣,,
我都好想知道下你近況,可以毫無顧忌咁同你講野
但係唔知點解我就係做唔到
以前搵你可以話係必然,,依家搵你就顯得唐突
點解會咁架

我希望你開開心心,唔好咁多野諗咁多野煩
做個開心活潑可愛溫柔細心吸引健康的小寶寶喔
仲有就係,,唔好唔記得我,,

*

會考後有好多目標,,有好多野等住我做 ♥ 加油努力!