|
|
| :: ＊ 2009 年 5 月 5 日 星期二 ＊ :: |
|
【 2009-05-05 】 | |
返學校做LISTENING,,,,終於又同5B同學聚埋一齊,,雖然唔多人
不過真係好耐冇咁多熟悉面孔喇
返到去其實都係唔知做乜,,,
聽聽下隻碟播到有問題...於是大家開始吹水
後尾MISS LAM上返課室大家都冇心機再做-V-
就只有WISH,PAULA,米米專心用功
到12點半左右大家都係閃人喇XD
大夥兒去左銀座板橋食野,,,,好似有10個人一齊食??
食食下o係度對中史答案xd因為我有帶出黎
特登帶出黎大家一齊研究架!哈,,,聽完大家咁講,,,
我開始重新思考到底我有冇揀錯題
不禁要再諗...做第一題係岩定係錯既呢?
我應該做第一題定係做第五題呢?
不過都算啦,,考左喇都...可能真係做邊題都只係得到半題既分,,
食完即興大夥兒到了周公家去睇碟
好耐冇去佢屋企,,,,,,,一齊睇四條大路通陰間,之後仲睇左水...咩咩咩
唔記得左咩,,總之都係鬼片
四條大路果隻睇A碟睇到訓..........跟住轉左睇水咩咩咩
悲劇一個
之後都係睇埋四條大路既B碟,,,,B碟好睇好多@@!
尾二個故事真係笑,,,好搞笑,,,太低B喇佢地
最尾個故事唔錯,,,我都俾佢嚇左嚇,,個波斯王妃到底男定女?-口-
佢嘔果度真係超核突,,,,,,俾燒雞同學發現左我俾佢嚇到-_-"((汗
睇完就閃人喇 =]
經過ECON,,,中史已經唔係咩大不了..雖然我係擔心中史會唔合格
但係,,唔知點解冇咩唔開心,
相信冇其他科會比ECON考到咁更加值得唔開心
(如果中史真係唔合格就另計 -口- )
| |
刊登時間︰2009-06-05 05:09 PM [ 訪客留言(0) ] [ 編輯日誌 ] [ 分享至FACEBOOK ] |
| :: ＊ 2009 年 5 月 4 日 星期一 ＊ :: |
|
【 2009-05-04 】 | |
除左口試唯一一科離開天水圍考既科目-中史
去鄉議局考,,with class no.40的同學
(果度個hall勁好坐-0-)
經過ECON既打擊,,,連我最想做好D既中史都冇興趣溫
本來我頭3科連同差D唔記得自己考左既ART衰到咁都擊敗唔到我意志
但係一科ECON搞掂左我,,,
返到屋企,,,其實我真係有喊...考左4科,,真正考完唔開心既係得呢科
我真係要用唔開心黎形容,,好唔開心好唔開心
我諗起我中三第一次亦係唯一一次英文總分唔合格既感覺
雖然冇果次喊得咁勁,,但果個心情絕對係更加絕望,,,,直插谷底
考完ECON有大半個星期溫中史,,,,但完全提不起勁
考之前兩日先勉強溫左溫,,,,
除左係因為ECON之外,,最大因由係溫書環境既問題
我唔鍾意o係除左我之外仲有其他人既空間溫書
我會集中唔到
其實我都知自己今次中史死硬
我豁左出去,,,反正今次CE考左一半科目都已經夠我宣佈陣亡
而且咁遲先開始溫,,,D到都奇蹟
考果陣眼訓到想死,,,個腦塞左,,,,而且再犯嚴重錯誤
我又做左白痴仔 :D 揀題都唔識揀我唔知自己考咩會考
從未試過咁後悔揀錯題目,應該話,
我好似淨係會考先有揀錯題情況出現,,我發生咩事?
考完即刻打俾kayi,,,仲等埋佢同佢坐同一架輕鐵先走...
原來都唔才少人好似我咁做唔晒既
不過我知自己係唔同 =] 我係冇準備而做唔晒而唔係意外
我係抵死
中史,,我發誓如果以後仲有機會考會考我絕對唔會再讀呢科
不過,,都冇機會架喇
機會,係留返俾有準備既人,,呢個道理我明既
| |
刊登時間︰2009-06-05 05:09 PM [ 訪客留言(0) ] [ 編輯日誌 ] [ 分享至FACEBOOK ] |
| :: ＊ 2009 年 5 月 2 日 星期六 ＊ :: |
|
【 2009-05-02 】 | |
wow,,第18週的903專業推介
這首水潑落地難收回2009由上星期第7升到上第2,,
今天十分無聊的在youtube搜尋一下紀佳松
看了3月那幾集娛樂百分百和其他的綜藝節目,,
發現他還真是頗有趣的......................... -v-
認真好聽 ♥ 好聽到想喊 
感覺就像這首歌對我的意義很重大的樣子  其實只是被他感動了
雖然這首歌也出了一段時間,,我之前也只是聽過一次而已
起初吸引我的是歌詞中一句{唔識講廣東話}
(在一首非廣東話歌突然出現一句廣東話唱出的歌詞是十分突出)
但是當時聽完便算沒有把這首歌記在心上,,,
大概是因為我沒有聽得懂全首歌的歌詞,,加上我一向很少聽台灣歌
不過這陣子在903常常可以聽到,,,聽得多了愈來愈覺得很正!
再加上他這張專輯的歌曲類型正合我心意 
在電視連續劇才會出現的真實故事 我喜歡歌詞說故事
紀佳松 - 水潑落地難收回2009
Oh 水 潑落 地 (潑落地 潑落地)
Oh ow wo ow wo ow wo ow oh Yeah
This is me, my story
無需要解釋 你無需要解釋 解釋多講的
你無需要回頭 你無需要回頭 倒返來相找
純情的愛變 愛有頭無尾 誰都會后悔
水潑落地
你是否記得一開始 在流浪的街頭
一念之間的沖動 帶著你往哪走
眼前僅有的夢 想堅持 或是放棄
Yes please don't give up don't say no
水潑落地
7月7日 下雨的夜 爸爸帶著媽媽離開了鄉下
來到了臺北 搬到了10坪大的公寓 破舊的鋼琴
音樂有多偉大 你要跟這個男人走嗎
十幾歲的媽媽 離開了家 阿公說 水潑落地
水潑落地難收回 阿公阿嬤不原諒媽媽
爸爸就帶著他們的夢想 帶著小孩的夢想
就在臺北生根發芽
音樂 就是他的未來 媽媽就是 他的家
沒有了媽媽 除了音樂 還有誰能夠跟他說話
溫哥華是雨季 臺北今天天氣很晴
這場大雨下得自己 為何不知所云
我想著 甜蜜時的表情 音樂刻劃時間痕跡
讓你聽 我真摯的聲音 水潑落地
你是否記得一開始 在流浪的街頭
一念之間的沖動 帶著你往哪走 水潑落地
眼前僅有的夢 想堅持 或是放棄
Yes please don't give up don't say no
水潑落地
1995的一月 我們來到了溫哥華
不會說英文 唔識講廣東話
爸媽帶著他們的夢想
希望小孩可以實現他們做不到的夢
因為是我的夢 爸爸的血液告訴我 水潑落地
14個小時的飛機 我經過了6年的努力
我帶著鋼琴鍵盤手提電腦回到我們溫暖的家
BlueJ 是我的名字 紀明陽 是我的影子
現在重新做了個Remix 是我跟爸爸的歌 sing it
水潑落地 潑落地難收回
何必今日才想要來反悔 Ya
溫哥華是雨季 臺北今天天氣很晴
這場大雨下得自己 為何不知所云
我想著 甜蜜時的表情 音樂刻劃時間痕跡
讓你聽 我真摯的聲音
周國賢的新歌也很正嘛...叫做..赤城千葉?
| |
刊登時間︰2009-06-05 05:04 PM [ 訪客留言(0) ] [ 編輯日誌 ] [ 分享至FACEBOOK ] |
 | :: ＊ 2009 年 4 月 29 日 星期三 ＊ :: |
|
【 2009-04-29 】 | |
第一大打擊-經濟
27,28號家姐同我溫ECON,,事實上,,,我想多D時間自己溫
不過算啦,,,,,結果如我所想一樣,,係唔夠時間溫ECON
因為我根本有某D課題搞唔清概念,,,都冇可能兩日間完全明白
但係我都冇諗到今次表現差到咁,,,,,
一來今次真係好似好易囉份卷,,,但係我又真係錯好多唔小心野
我真係,,,錯好多低B野啊唔好講笑,,唔係一般既錯
係錯根本冇可能會錯既野,大家明唔明白?!?!?!?!?!
我係爭在未低b到唔識機會成本定義咋
但其實我差唔多到果個境界架喇
最白痴的是,,,通脤果題我真係好想,,好想,,好想亨爆自己個頭
點解!點解?!我做乜野?我當時到底o係度做乜野?!?!
除左果題仲有好幾題..我都唔想記返起自己做左咩黎
一輩子的黑點,就係做過d咁核突既答案出黎
我係唔係痴線架?真係講出黎都笑大人地個口...我唔知自己做乜野
連MC都衰埋,,,有好多題係將岩既答案改左,,結果錯晒 =]
我最後想講既係,,我深信今次ECON連我基本要有既D都冇
今次有D既機會等同我MATHS有D一樣咁微,,,即係等同0機會
考完搵大家食LUNCH,去左珊瑚堡,第一次入去,,
原來入面係咁既,,,望門日完全感受唔到入面係點
大家討論試題,,愈講愈唔開心
食飯果陣都冇咩野,,,返到屋企愈諗愈唔開心 =]
| |
刊登時間︰2009-06-05 05:08 PM [ 訪客留言(0) ] [ 編輯日誌 ] [ 分享至FACEBOOK ] |
| :: ＊ 2009 年 4 月 27 日 星期一 ＊ :: |
|
【 2009-04-27 】 | |
我想話,,,,,數學我真係冇咩溫過,,,,淨係再做幾年PASTPAPER咁
我真係,,,,,冇心機溫數,,,我個心去左ECON度
不過考果陣就後悔喇,,因為我樣樣都記得溫係唔記得溫12課
我派卷前幾分鐘先記起我就係爭12課最唔熟既三角冇溫
我本身係諗住最後先睇,,但係...
god god god!
結果卷一乙部果題淨係識做一小題 -_-
如果溫左就執到好多分,,依家搞到合唔合格成一大疑問-0-
幸好,,mc還是保持水準,,真係嚇死我喇,,考完卷一我真係好淆
我驚mc唔識,,不過又冇咩野啵@@
返到屋企第一件事又係對答案,,,,mc平平安安,,,
卷一真係靠運仔,,我數有E好滿足-_-
話說我自問讀咁多年數都真係同冇讀差唔多
本來一直都有信心E到,,雖然拎E真係冇咩值得炫耀
但係我呢科真係求合格,,,,而我真係信自己會合格架
但係,,今次甲一有兩題唔識,就係因為有兩題唔識
加上甲二我真係唔識-_-又再加上今年算比較易既乙部因為冇溫果個三角
而我又不嬲唔識坐標,,,今次合格有難度
希望,,MC救到我....(淚
但係但係但係MATHS呢個都真係算喇,真係算,,
最嚴重既仲未出場,,,囧囧
考完同喇嘛食LUNCH,,,,仲搵埋屎華一齊坐
我同喇嘛食大快活,,,,但太肚餓喇,,,搞到胃好唔舒服,,
痛左好耐,,,,,,所以坐左果度好耐吹水,,,,
| |
刊登時間︰2009-06-05 05:08 PM [ 訪客留言(0) ] [ 編輯日誌 ] [ 分享至FACEBOOK ] |
| :: ＊ 2009 年 4 月 26 日 星期日 ＊ :: |
|
【 2009-04-26 】 | |
打打氣  聽完渾身是勁
問候你的天使 葉宇澄
作曲:藝琛 填詞:夏至 編曲:藝琛&方樹樑@好人有限
害我嗎你推我入地牢
鬧我嗎嫌用語的質素 欠缺了風度
但我永遠也不會勞嘈
面對你提煉我的級數 來與你比武
＊還望你即管放肆
答謝你在鍛煉我的基本鬥志
惡意破壞侮辱我的等於天使
令我學會別幼稚＊
問你笑我你會否更自豪
問你怯嗎如何待我心中有數 你說你清高
問你厭嗎你有否過度疲勞
沒有了我誰成就你的擺佈 我有我僻好
Repeat＊
@磨練我迫出意志
哪個繼續惡劣中傷都不詫異
我要慰問侮辱我的好心天使
在教導我別藐視
多得你 讓我看把戲 (使我別皺眉)
多得你 為了我谷氣
多得你 令我夠火氣 (感覺離奇)
多得你 為壯志打氣
Repeat @
| |
刊登時間︰2009-06-05 05:03 PM [ 訪客留言(0) ] [ 編輯日誌 ] [ 分享至FACEBOOK ] |
| :: ＊ 2009 年 4 月 25 日 星期六 ＊ :: |
|
【 2009-04-25 】 | |
中文卷三卷五,,,得一部收音機,,我勁驚果度收唔清/部機有事
不過竟然出奇地收到清一清 :D
入到去試場聽左半個鐘收音機,,,點唱...都幾好笑
我不知幾想有人點唱俾天水圍官中5B聽 XD
跟住就開始考喇,,,,還可以啦,,不過都唔會好高分
卷五果度,,,最尾飲恨....雖然得一分但係果一分明明只要多半秒就拎到
半秒啊 /0\ ! 卷五呢個真係好激動,,,到底格式果樣信邊個講好 =_=
我唔想錯D咁無謂既野,,,卷五我唔衰得(事實上已經衰左??)
不過中文都真係事小,,真係相比起之後既科係勁事小
呢日落雨,,,,,,,,,考完搵WISH去左味太郎食LUNCH
| |
刊登時間︰2009-06-05 05:07 PM [ 訪客留言(0) ] [ 編輯日誌 ] [ 分享至FACEBOOK ] |
| :: ＊ 2009 年 4 月 24 日 星期五 ＊ :: |
|
【 2009-04-24 】 | |
考完地理之後呢幾日都冇咩心情溫書,,因為第二科考係中文-_-
呢一日考卷一卷二,,,,,,開始左中英數都去郭一葦考既歷程
閱讀卷我又低B左,,,,不過都還可以接受
跟住既作文我自問冇揀錯題黎作喇掛?揀左第3題
不過我覺得自己寫左D野好似寫到有D衰-3-
我驚MARKER唔鍾意,,,我就死梗....我都唔知點解當時會寫埋D咁既野
可能果陣太憤怒
返到屋企又對答案,,,,愈對愈覺得自己好蠢
相信今次中文比平時表現爭咁少少,,死硬
考完又同嘉恩食LUNCH,,,,,,,等嘉恩同時等埋達還返本簿俾佢
之後一齊等,,o係度吹水-_-大家愈講愈無奈...
等嘉恩等左好耐,,,之後3個一齊去左食PIZZAHUT
| |
刊登時間︰2009-06-05 05:07 PM [ 訪客留言(0) ] [ 編輯日誌 ] [ 分享至FACEBOOK ] |
| :: ＊ 2009 年 4 月 21 日 星期二 ＊ :: |
|
【 2009-04-21 】 | |
會考開波,,我呢一朝早真係好興奮,,唔係興奮自己親身經歷會考,,
係興奮自己溫左既野可以好好發揮喇,,果種感覺真係好好
去天循考....入到去,,,淨係拎住本最後一分鐘睇
其實我都冇認真睇,因為我都已經唔知仲睇D咩好
其實我本身地理諗住D架咋,,我地理係D-C
但係前一晚我溫地理我覺得自己可能拎到C
結果考完出黎,,,,開頭都冇事,,,但係結果衰在揀錯題囉我好低B
揀著條四川黎做,,我真係好有問題囉,,
其實係因為我見四川有溫過我諗住自己OK
但係後尾我先知原來第6條真係好易-_-
我揀題果陣因為見到佢問能源我冇咩點溫所以唔做佢
依家後悔都唔得喇,,不過好彩MC都保持水準 =] 不過LQ認真衰左
地理C的夢幻滅
*坐入試場又唔係好驚啵,,不過..其實考地理呢一日係我最小心既一日
之後考既科目除左最後考既英文..其他全部都唔知自己做緊乜
地理LQ都唔係大打擊,之後既經濟中史文學先黎料
返到屋企又出左去同嘉恩食吉野家
之後佢黎我屋企睇街頭超人...跟住上網對地理答案,,,
見到MC做返出準都安心D,,,,不過,,,LQ真係....
哈,,呢日好勁,,,連續33個鐘冇訓覺都唔覺眼訓@@
| |
刊登時間︰2009-06-05 05:06 PM [ 訪客留言(0) ] [ 編輯日誌 ] [ 分享至FACEBOOK ] |
| :: ＊ 2009 年 4 月 20 日 星期一 ＊ :: |
|
【 2009-04-20 】 | |
HKCEE!!!
痴線架我從來冇諗過我溫地理都會溫到頭痛
呢科已經叫溫得好輕鬆
唔知係我真係做PASTPAPER做到煩定係太緊張
搞到我個頭超痛囉依家
同之前MOCK溫數學有得比
終於知道自己係面對緊會考壓力
過左聽日之後,,
呢D地理野可能我一世都唔使再用咧
呢排各位死攬住既書,練習,歷屆會考試題,
甚至果本廢廢地既最後一分鐘
(本野入面有D野係錯架! )
可能過左聽日之後就已經變晒做廢紙,,,
祝我好運
好頭痛丫
!!!!!!!!!!!!!!!!
讀書生涯中之大事-中學會考前夕
溫地理,,,當PASTPAPER寶咁樣睇完又睇,勁睇MARKING背ANS KEY
溫地理都出奇地溫到頭痛,,溫到好唔開心
我唔明點解我讀左兩年D野有某D野係學極都唔識
我唔明點解我讀左五年地理做MAP READING都係咁差
我唔明點解D答案年年都係差唔多果D
但係有D野係記極都記唔到,記到又唔識用返出黎
我唔明點解整整下我溫親地理都想訓 -_-
明明以前低FORM果陣我最鍾意溫地理,
次次測驗考試首先一定早成半個月o係度溫地理
雖然次次出黎既都只係不過不失既成績
但我依然每一次都好俾心機咁溫,,,,冇一科我會好似地理咁用心整理筆記
就係上到中四之後好唔鍾意讀地理,,,,,
愈黎愈憎呢科,,我唔明點解要咁樣逼住人黎讀囉,,,絕對產生厭惡
我想講有一排我真係對地理好厭惡我覺得要讀呢科好乞人憎
仲要中四果陣一cycle得6日,,其中5日都有堂,,好煩囉我覺得,,
o係地理室坐多一分鐘都覺得煩
自從中四我都冇再自己整理地理筆記
到左中五上堂冇搞咁多野,對地理冇再咁抗拒,
但係已經唔係以前既感覺
不過,,CE第一科唔計ART就係地理,,我呢一晚溫左好耐,,
眼見仲有4個鐘就開考
我4點幾AM果陣覺得係時候走上床訓幾個鐘先
但係又訓唔著,,唔係緊張丫
係因為STUDY LEAVE呢排日日都訓到勁晏
精神絕對足夠,,所以訓唔著-3-,,
於是我5:00都係決定起身溫多陣書最後衝刺
| |
刊登時間︰2009-06-05 05:02 PM [ 訪客留言(0) ] [ 編輯日誌 ] [ 分享至FACEBOOK ] |
| :: ＊ 2009 年 4 月 18 日 星期六 ＊ :: |
|
【 2009-04-18 】 | |
我都話,,o係天水圍會遇到好人架啦 
所以今日既主題係好人好事
話說,,今日我要出元朗補習,,最後一堂richard喇
本身諗住返黎天水圍果陣順便去鄉議局探下路,,
點知一出遵理就見到落緊雨 -_- 仲愈落愈大
好無奈之下我就冇去到,,,直接返天水圍,,返學校搵5B既同學仔
好陰公啊,,,我要3點幾返到天耀先買到個麵包食下
今日補習超時成3:00左右先放 -3- 肚餓死我
我驚好似前幾日咁又暈呀 xd
前幾日返學校溫書點知一落輕鐵就暈,,果陣冇食野呀嘛
天水圍既人真係好有人情味架 -v-!呢件事一陣先講
咁呢,,其實我買完個包企o係7-11門口度諗,,,
無論我行邊條路我都係要俾雨淋,,我又唔想特登買把遮,,屋企大把遮-3-
咁點算好呢?
結果由於我唔知點做好,,所以走去萬寧果邊行人通道先算
點知一出商場門口就遇到兩個基督徒傳教,,我話我趕住返學校唔得閒
跟住就繼續行行行,,,,行到去行人通道尾,,,望住出面愈落愈大既雨
真係極度無奈,,
正當我打算sms學校入面既同胞我唔敢狂奔返學校既時候!!
有一個路過既男生問我：「使唔使遮埋你呀？」
我當時真係好感激啊 :D 其實我好想即刻答佢「 好呀!」
但係又好似唔係咁好咁,,所以選擇冷靜D咁回答「 好呀唔該晒。」
其實果陣我真係覺得好感動啊! XD! 可以唔使冒雨狂奔返學校
我想快D返到學校食麵包架! 哈哈,,,就係好彩遇到呢位咁好人既男仔
所以我可以順利返到學校,,,
雖然左邊衫袖淋濕左少少不過已經好多謝個男仔
入校門前都不忘再同佢講多句唔該,,,其實我依家都已經唔係好記得佢個樣
不過,,,我真心多謝佢
返到去課室,,見到好多5B既同學仔,,,自修室又淪為左5B既天地-口-
5:00要閃人,,一齊去到M記溫書,,我今日終於捨得溫地理喇!
我地理MC真係可以放心,算係幾穩定,,依家努力操LQ先得
希望地理搏到有C啦,,,如果到時爭少少就去到C既話就真係飲恨!
講返我點解話天水圍既人好........係因為,,,,,
我落雨冇帶遮,有好心人經過見到主動遮埋我既情況
其實今日唔係第一次架喇!
我記得以前試過兩次都係返學既時候落緊雨我又冇遮
記得第一次就係天耀輕鐵站,,有個女人20幾30歲啦
不過原來佢同我行既方向唔同所以最後佢遮左我行幾步我地就分開左喇
第二次就係樂湖等過馬路既時候
有個讀信義既女仔話遮埋我,,,我果陣真係又係好感動,,,
因為有人肯主動遮我既機會又再一次發生o係我身上
我真係覺得自己太幸運!不過今次最後又係因為大家唔同路
所以我地過完條馬路又分開左走,,不過都好多謝佢
至於今次,,,其實由於我已經試過兩次咁樣既經歷
所以我其實今日行人通道等緊既時候
都有幻想過會唔會有好心人遮埋我呢?!
但係,,,,第一個經過我既人係一個女人,,不過佢直行直過冇理到我-3-
跟住第二個行過既就係果個男仔喇! :D
我諗個男仔同我同年或者可能細過我少少,,雖然佢高過我 XD
仲有想講既就係,,前幾日我返學校溫書,,,本身想去北江食埋野先返
點知一落車就見暈,,,於是坐左o係輕鐵站度,,,,愈坐愈暈
果種感覺真係好恐怖,,,睇咩都係得一個影
我果陣真係好驚會真係暈左o係條街度啊!!!我唔要我唔要>"<
當我真係覺得頂唔順既時候,好彩我隔離坐左一個女人
又係20幾30歲啦我諗,,其實我都唔知道 xd
我同佢講我好暈,,,可唔可以..........我講到呢度,,我都唔知可以講d咩,,
我都唔知自己想佢點 xD 咁跟住個女人就問:你想我點樣?
跟住都唔知點應佢,,然後佢就幫我潑涼,,之後有個太太提供左油俾我搽
之後又有另一個太太俾左D餅同糖我食,,,
我實在係感動感動好感動啊!!
估唔到我小小一個李詠君暈一暈都有咁多人幫我
又俾紙巾又俾野食又幫我潑涼,,
其實我自己知道只要我訓低一陣就會冇乜事架喇
唔使咁激動架大家 XD 後尾我訓低左一陣就OK喇
真係唔該晒咁多位月台上的熱心人士
咁呢,,其實我都估到我會月台度見到阿YU架喇
我有預感啦總之,,,點知真係俾我見到佢@@如果會考果陣有咁準預感就好喇
嗯,,,唔知大家有冇試過有D咁既經歷?!
我依家諗返啊,,,點解以前要我諗好人好事我要諗得咁辛苦?
明明我就有遇過D咁好既人咁好既事呀!
| |
刊登時間︰2009-06-05 05:02 PM [ 訪客留言(0) ] [ 編輯日誌 ] [ 分享至FACEBOOK ] |
| :: ＊ 2009 年 4 月 17 日 星期五 ＊ :: |
|
【 2009-04-17 】 | |
生日快樂啦KAYAN!
OH,,講都冇人信你竟然係,,,係.....
大個女喇 XD
__________________________
噢,今日好不願意的滾回學校溫習
其實之前連續兩日冇返學校都已經開始懶左唔想返學校
可是,,今日應承左會返所以就返左喇 -V-
本來尋晚見到自己溫唔到書所以打算早D起身返學校狂咪中史
但係結果我8:00確實有醒左但係之後SMS左一陣又唔想起身
於是就等到成12:30先捨得起身,,
係為左睇電視撈埋胭脂水粉最後一節啊 XD
跟住返到學校坐左兩個鐘都唔知自己做過D乜
之後就同PAULA,,WISH,,LUM,,米米到了天耀M記
見到一對情侶
我地搵到位之後就同WISH,,LUM走到北江食野,,食到飽飽又返到M記,,
這昤原來朱威同學已經來到,,
呢段時間,,我地表面上係溫書實際上係吹水聽歌-_-"
後尾坐到差唔多9點就開始認真做左份中文練習
做完9:30剛剛好閃人!
好啦,,我諗中史呢D野,,真係要臨考之前先記到入腦 -口-
我都係努力再做地理PASTPAPER算啦
*多謝WISH*
| |
刊登時間︰2009-06-05 05:01 PM [ 訪客留言(0) ] [ 編輯日誌 ] [ 分享至FACEBOOK ] |
| :: ＊ 2009 年 4 月 16 日 星期四 ＊ :: |
|
【 2009-04-16 】 | |
唔怕老實話俾大家知丫..
我放左咁多日假都未溫過書-口-
而且,,我連學校都未去搵
收音機又未買
哈．哈．哈
-完-
*
我唔想溫書喇,,好似溫黎溫去都係果D
雖然D野我係唔熟,,,但係,,打開本書一隻字都入唔到腦,,,
特別係果個中史同地理
睇黎我真係一日訓咁多個鐘訓到癲左
我今晚開始通頂溫書啊
之前晚晚聽一切從音樂開始,,聽到D人話夜晚溫緊書啊~加油啊~
聽到個心都驚一驚,,人地溫緊書我就攤左張床度
點死 -_-
*
尋晚勁大風大雨啊,,1:30剛剛想滾上床訓
就立即狂風暴雨,,,,,D風吹到呼呼聲,,閂左窗都聽到好大雨聲同風聲
落左好耐雨,,,,,我心諗,,如果佢係1:30之前開始落雨就好喇
對於我黎講,,落雨的時候正是我溫書的好時候
愈大雨我愈精神啊,,大雨時的氣氛好正
我鍾意 -v-
| |
刊登時間︰2009-06-05 05:00 PM [ 訪客留言(0) ] [ 編輯日誌 ] [ 分享至FACEBOOK ] |
| :: ＊ 2009 年 4 月 12 日 星期日 ＊ :: |
| :: ＊ 2009 年 4 月 10 日 星期五 ＊ :: |
|
【 2009-04-10 】 | |
今日冇得返學校溫書
真係自問升中以來未試過咁想滾返學校
o係屋企完全溫唔到書,,,hea左成日...
點算呀仲要捱多3日先有得返學校溫書 
最憎就係紅假! (話說有學返果陣簡直覺得紅假係神聖之物 )
返到學校見到其他同學都有衝勁d啦,,就算唔溫書都有人陪自己吹下水
學校訓覺都訓得特別舒服架唔知點解 xd
噢,,,,學紫橋咁講:「以前想盡辦法唔返學,依家就想盡辦法返學」
雖然我唔承認前一句,,,因為我真係冇咁諗過啊,,最多都係想晏D返學姐,,
不過後一句就係真既,,,,學校真係一個好好hea既地方
唔使返學既呢一個禮拜入面,,我先發現自己係不能承受冇學校返既境況
我一定要o係學校進進出出多兩年先啊!其他學校照殺
總之啊,,,呢個香港我諗除左學校同屋企就冇地方俾我立足喇 
希望我有福份兩年後先要再諗呢個問題啦
我又發現有好多班相自己係冇的
| |
刊登時間︰2009-06-05 04:58 PM [ 訪客留言(0) ] [ 編輯日誌 ] [ 分享至FACEBOOK ] |
« | 15 | 16 | 17 | 18 | 19 | 20 | 21 | 22 | 23 | 24 | ... | 65 | »
|
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
