話說,,今日下午聽聽下903訓著左,,
睡夢中聽到紀佳松首白黑,,,,冇理到.....但感覺極度良好!!
點知白黑完左我聽到由紀佳松編曲,潘瑋柏所唱的雙人舞既前奏~
我當時成個人即刻醒晒!!!果個前奏開頭果幾下好好聽既叮叮聲我一定認得,
話說我今日呢個時候聽903都係因為想聽雲妮會唔會播呢首歌
嚴格d黎講我棲本係等緊呢首歌...
點知真係俾我等到冇miss到,話說我遲左兩個鐘先開始聽

我醒神晒之後聽到雲妮話::
「.....好朋友.....聽完紀佳松既白黑之後,有紀佳松編曲,潘瑋柏既新歌雙人舞......」

其實成句野係點講我唔太記得都唔太聽得清楚,因為果陣我仲係岩岩訓醒
不過一開始聽到「好朋友」呢3個字果陣都估到會唔會係講緊潘瑋柏同紀佳松呢?!
而且聽埋之後既野,,證明左原來我係真係聽到白黑呢首歌唔係發緊夢
種感覺好正!!以後真係要日日聽住雲妮鍾情先得!
我打醒十二分精神聽完晒成首雙人舞之後又好安心咁訓著左喇

*之前好似聽聞過下紀佳松8月會黎香港宣傳咧
唔知會唔會同埋潘瑋柏一齊,因為今日雲妮話應該8月時候會同佢搞個活動咁

*

上facebook見到葉宇澄講d野,,,笑左出黎  
第二個講可能唔好笑,不過係佢講所以唔知點解覺得好好笑
加油努力減肥同埋唱歌啦,,哈
希望今年叱吒又可以見到你,,而且我準備儲D錢買你隻碟架喇

*

好無聊的日子,,愈黎愈驚放榜,,
我唔係驚低分咁簡單,近排我突然間對之前既決定又有所動搖,,
我依家都唔肯定條路應該點行,,愈睇資料愈覺得驚慌,,都唔知點算好
 

6月真係超多人生日,,,6月生日既人生日快樂啦

22號GRADDIN,,,呢一日真係難忘 -_-

26-6-2009
JMHK 2ND ANNIVERSARY*HAPPY BIRTHDAY
我都有份見證住呢兩個anniversary架! 雖然未算係元老級
不過都算係有份陪伴住jmhk成長..

同日,,知道MJ離世消息.... -_- 雖然同我冇咩關係不過...
RIP

27號就是今天!今日好重要架 今日我要見到葉生>V<!
新年果陣佢黎屯市咁近我都去唔到睇佢,,,我真係唔開心
次次都係咁,愈近愈去唔到...佢以前黎過元朗廣場,,,甚至係嘉湖銀座>/\<
不過算啦...等左咁耐..今日終於可以見到佢,,,,雖然要出到CWB咁遠
不過都好既,,有得見好過冇得見,而且個活動好似幾好睇咁啵
青年時裝.....唔記得乜野,,哈,,,好似..BOXING既artist都會去,,GOOD!
哎也諗起都覺得好興奮!!!
呢幾日o係FACEBOOK度都太high..我都覺得自己好煩
其實我都幾驚葉宇澄會睇到我講d野,,咁好kai架.....
希望今日下晝可以出到去,,,唔好落雨啊 >"< 岩先睇天氣報告好似會落雨
不過落雨都好過打風,好彩個浪卡影響香港唔大,,,落下雨咁...應該會取消3號風球
聽日真係要自己一個出去果度 自己一個去咁遠好無聊啊,,,
由天水圍坐港鐵要坐成個幾鐘先去到,,, ~_~ 都係輕鐵慢
葉宇澄應該會唱怪物的煩惱,,,,,,如果唱爛片就好喇!未聽過live嘛
唔理啦,,總之....我依家心情真係仲high過第一次出func既前夕
其實最high既係,,聽日應該會見到好多好耐冇見既人  掛住你地架嘛
 

今日既詳情返黎再打

____________________________________________

27-6-2009

青年製造 - 時裝設計表演比賽
出席歌手:葉宇澄,,李卓庭,,郭穎橋
Times Square  16:00-17:00
(本來好似話係3點開始-3-點知去到話3:45先開始,,等我仲勁驚遲到)

今日本身諗住真係得自己一個出去,不過好彩最後都搵到死大野陪我
之後就一齊出去,,,,去到落雨,,我幾驚會取消-3-我會喊
同埋,,今日得我同CARINA同埋...我唔記得個女仔叫咩名,,XD太耐冇見喇真係
今日要擔住把遮企o係度睇show睇左成個鐘-3-連埋等佢開始既時間企左兩個幾鐘啦
好耐冇試過為左等一個function開始而企咁耐,,哈哈
真係好彩有人陪我咋今日,,有人幫手隔離擔遮同埋借相機俾我
今日個show都幾好睇既其實

今日D相影得好差,,,,除左葉宇澄果D之外其他全部都好核突,,郁左
因為我企果度望台好難望到,,前面D人遮住晒,,,搞到好難影到野
不過到葉宇澄咁岩佢唱歌有行前行後咁,,可以就返D位黎影佢,,所以佢果D真係比較正常
 

參賽作品::

左邊呢張,,佢個頭果舊野好靚架,不過影唔到
右邊果張,,佢膊頭條青色魚好得意架 :D
 

一串紅色野果個,我記得個介紹就係...東南西北係唔知乜野....
咁就用利是封摺成好多東南西北保留呢個傳統...(類似係咁啦...)
果個MODEL好COOL,,冇咩點笑.....

跟住用麻包米袋整果件呢,...好似拎冠軍....定係唔知咩獎既總之係有拎獎
我覺得呢個幾正啊

左邊呢張佢好似係灑緊D紙碎落地下,,,

左邊呢件幾靚架我覺得,,右邊個MODEL好靚

左邊呢件拎獎的,,我好鍾意呢件啊,,我鍾意佢對腳D花花...其實成個LOOK都好鍾意
右邊果個個MODEL笑得好燦爛的,,個主題好似係..舞.......唔記得舞咩...

最後一齊出黎行一圈~
 

跳舞.....唔太好睇...不過....嗯,,都OK啦

是日重點係呢度嘛 - 嘉賓唱歌,,,,前面果D理得佢啦,,哈哈

首先出場係WINGKIU,,唱 [ 好痛呢 ] ...其實我真心覺得呢首歌難唱
我淨係影左呢張wingkiu咋,,好珍貴既呢!好彩都影得唔錯
話說係因為果陣我發現自己部相機得返好少位,,所以要del相唔得閒影,,
跟住死大野話借部機俾我影,,之後擾攘完....佢都已經唱完...

葉宇澄! 唱 [ 問候你的天使 ] ,估唔到啊我以為會唱 [ 怪物的煩惱 ]
仲等我尋晚係咁聽呢首歌添,我驚我唔記得歌詞呀嘛,哈

左邊呢張,,其實我好想知佢做緊咩 XD 我影果陣都唔覺
佢今日出場都講左幾多野..不過有D唔知點俾反應好,,
話說我出func果陣真係好冷靜架嘛 XD
佢話,,件衫佢係特登剪到咁,提高大家水平...lol 類似係咁既意思啦

***EUGENE唱live梗係掂啦,,,唔係你估

當然仲有EUNIX! 唱 [ 男孩一次 ]
右手呢張果兩個女仔真係要講下 -口- 話說佢地可能真係太緊張
佢地將3個歌手個名都講錯囉~
首先介紹WINGKIU果陣講左葉宇澄,,我地聽到後都不禁笑了 :)
然後又將EUNIX講左李卓喬....跟住個女仔係咁同EUNIX講唔好意思-V-
希望佢地係真係緊張先講錯而唔係因為唔熟識佢地所以講錯-0-

話說今日等佢地完SHOW既時候,,o係條隙縫果度望到葉宇澄,,
之後佢好似同我HI..我當堂左...XD 好kai啊我
跟住完左show就兜過去後面搵佢,,佢話我高左,,個人扯高左咁,,
跟住我又唔知應該俾咩反應好,,我就話...咁幾年啦嘛~
之後佢話細路真係好,,可以仲有得高 ...................-_-" 汗......

講起身高呢樣野,,話說我之前健康檢查,,度高度到我矮左又輕左
之後俾醫生話我做咩輕左咁多,,仲要我答佢...
-3-擺明係健康院d機器有問題啦,有咩可能會一夜間輕左6kg!仲要矮左

唔使講野啦,,葉宇澄

 

本身諗住偷影,點知無啦啦有閃光燈-口-嚇死我,好彩佢地冇理我,,哈哈

葉宇澄剪了頭髮,,很清爽的樣子,,這樣很好啊,,,
葉宇澄說,,新碟就快搞掂喇,,呵呵呵!同埋好似話全部都有份寫歌...
我唔係好聽得清楚,,不過應該都係差唔多架喇....正喎,,快d出碟啦

今日先知原來維他檸檬茶轉左包裝,,好彩我ART畫果陣唔係呢個新包裝
我覺得新包裝難畫D -_- 雖然個樣係差唔多
不過LEMON TEA呢個字比之前仲難就位,,依家要就埋角度-口-
 

聽日GRAD DIN喇...D紀念冊點算-_-

我淨係睇左xanga第一篇(06年)至07年7月既entry..其他冇睇到..
我見到以前自己打既野有幾低b...幾無謂..一件小事我都可以用好大篇幅去講...
依家好多時我打完篇野之後,其實會返轉頭睇多幾次去del走d內容
所以相比起以前,,我應該有打少到,,日記冇以前咁長...

我又睇返d comment,,我主要其實係想睇comment,,因為真係好好笑架
首先有好多人以前會黎睇我xanga既,,我都唔記得左,,,
呢d人我都好耐冇同佢地講過野..甚至可能佢地已經唔記得左我
因為,,由以前起我地既交流就係限於xanga之上
唔再去對方xanga既時候,,,就自然唔會再講野,,我自己都唔記得左對方咧
而且仲有一d人係我直情唔記得我地係識既添
哈哈,,,

其實睇comment睇得最開心既係睇返果陣穎,雅,曲,寶寶,志,遊遊既cm
(當然仲有其他人既都好值得懷念,,,)
我睇親都覺得d內容好好笑,,,有好多內容都係睇返先記得大家有講過
有d野係我自己講我我都唔記得左,,,仲有好多好多野係你地講過我唔記得

最好笑既都莫過於係睇返果陣我,穎,遊遊飲茶果日既日記同comment
雖然我依家先發現原來果日既日記我其實冇詳打到
(事實上我有好多entry都係hold起左冇打返)
但係睇comment反而令我記返起果日既野,,真係好搞笑 xD
我好想我地再飲多次茶,,,,,彌補果日我地飲茶飲到一塌糊塗!
哈哈,,唔知你地仲記唔記得粉果王,牛丸王同埋腸粉王 xP我都係睇返先記得!
真係好白痴啊果日,,加上我同遊遊d咁無聊既對話,,一諗起果日都覺得有趣

仲有!初初識遊遊果陣有D對話真係好白痴 XD 因為冇咩可以講
我已經唔記得遊遊曾經用過D咁既形象出現過...
我真係完全冇印象遊遊係咁 -v- 依家我心目中既遊遊唔係咁的,,,,
可能真係因為太耐冇接觸佢搞到我對佢印象變左

但係穎同雅o係我心目中既形象完全冇變過,
依然係咁 xD 係點你地自己估下

仲有我都唔記得原來寶寶同埋大粒曾經每日都黎我xanga留comment
睇返真係覺得好sweet.. XD

好懷念果陣真係可以有咁多無聊野可以講.....
話時話依家真係好耐冇試過o係xanga可以吹水....仲埋好多人都變左稀客了=)

真係,,依家大家都應該比以前成熟,,彼此亦都生疏左
只希望大家之後都記得曾經我地真係乜野無謂野都唔怕講,,
呢d都算係美好既回憶 xP 至少對於我黎講係架....

*我仲睇返以前阿lum個xanga.. XD老實講,以前lum黎我xanga果陣
我完全唔知係邊位 -0- 我淨係知有個人叫霖
我其實係知lum係邊個人..讀隔離3C班架嘛 xP
不過唔知原來果個xanga既用戶就係lum..係到上到4B先知...
哈哈......真係有趣

的確,,呢兩至三年間,,甚至如果我睇返QOOZA果邊既日記,,
的確不難發現我真係有變到,,,雖然對於某D事既睇法同埋重視程度冇變過
但生活習慣,,朋友圈子,,對某D野既想法....等等都唔同左
我唔會覺得以前既生活或者依家既生活係過得浪費左
因為我一直都堅信冇當日既自己就冇依家既自己
喜愛當天,,就要更愛今天,,,喜愛今天,,更要感謝當天
況且,,,以前既經歷同而家既真係好唔同,,,
自己擔心既事,,朋友圈子呢D都變到好唔同....
但每一個經歷無論快樂與否,,都值得記低,,,

哈,,,無啦啦講到呢D野添....
我本來只係想話睇返舊comment覺得好正好搞笑咋 =)
唔知你地仲會唔會記得自己講過D咩,,哈哈

* 原來我曾經如此依賴你
感謝你當天如此照顧我,關心我..給我耐性...願意聽我說一些幼稚的事情
不會小看我,不會取笑我...不會取笑我不懂做那些誰都懂得做的事情
還花時間陪我...給我鼓勵
那一些愉悅的,窩心的感覺...好像離我很遠,,我都已經忘記了
哈哈,,,感謝你曾經分給我這些關懷,,,組成了我回憶的一部份
希望你以後過得更快樂,,

- 好幾天沒有跟他聯絡,,有點想念 -

- 見到SHITA依家咁開心,,我都不其然覺得好開心 -

1點幾由天水圍出發..除左出發果程西鐵有坐過之外,,
今日直到9點返到屋企都未坐低過,,,,對腳係斷左
好耐冇試過行咁多路,,去完旺角去葵芳
不過今日收穫不錯,,,,買到裙....仲買到兩條出街既連身裙同埋一條短褲
好野 ..... D錢就洗得唔方唔好野

總之今日超攰,好耐冇試過咁攰,行咁多路...
不過,,,都係好耐冇試過出街出得咁滿足,,因為買到好多想買既野

依家爭鞋未買咋!我要買GRAD DIN鞋同埋出街的鞋
依家對平底街爛晒 -3- 今日著佢出街行到好辛苦
如果唔係趕住出門口貪佢方便慳時間一穿隻腳落去就得
我都唔會著佢出去咁遠,.好攰架嘛... -3- 結果今日成日都周身唔自在
不過唔緊要啦!總之今日買到野,很好

*今日好似洗左300蚊左右...我又唔使出街喇 -..- 冇晒錢

同好多人吐左苦水,,依家冇心機o係xanga講返添...

算啦,,,,,有心情想打先打返...話說中文口試我都未打晒

唔理喇,由得佢啦...

總之今次ORAL一塌糊塗,,,,

!!!

個個都同我講屯門裘錦秋難去,,

嚇到我早成半粒鐘出門口諗住去搵間野

點知我未落車已經望到間野,,,,一落車行幾步路就到

=_________= !

真係人地講D野要諗清諗楚信幾多成好

!

:: 今日發生過既事簡記 ::

1. 12點幾同喇嘛周公特登約出黎M記練ORAL
2. 練到2點喇嘛返學校練,,周公歸家,,我去銀座恆生銀行入數
3. 慢慢hea下hea下去到3點搭車出發去屯門裘錦秋考試
4. 搭搭下輕鐵有人打電話黎,,同我講升學資訊...我見得閒就同佢吹下水
5. 話咁快就去到裘錦秋 -_-
6. 十千萬個估唔到入到去學校入面都有人叫我填問卷,,係學校入面
7. 其實問卷同個電話都係同一機構...而打電話黎同叫我填問卷既人都令我好無奈
8. 我feel到叫我填問卷個人好想我講多d野不過我真係唔想望佢 -口- 實在太無奈喇,,,我一心諗住黎考oral點知學校入面都可以有人拎份問卷叫我填,好彩得幾條無聊問題唔係幾使用腦思考...而且個人都唔算太煩 -_-
9. 考試 ~_~ diu
- skip -
10. 考完,,,落到地下赫然見到有線既人set晒機o係操場度影住校名,,返到屋企睇新聞得知原來有個中一生有豬流感
11. 同我同組個鄉議局女仔(中文都同佢同組)一齊返屋企,,一齊檢討oral之低能過錯..我到依家都唔知佢叫咩名 XD 佢姓乜我都冇留意
12. 去到屋企樓下今日同樣要考oral既周公同學打電話黎問我oral點樣,,,我即時爆晒我oral既白痴事件俾佢知,,可惜到入升降機都講唔晒,,要收線
13. 返到屋企一on msn見到麗珠同學又同佢講oral ~_~
14. 然後又同周公講-口-
15. kayi打電話黎,,吹左陣水.....又同佢講oral ... XD
16. 之後仲同RON CHAN講添 -口-
17. 懷著沉重的心情熄電腦訓覺 ~_~

*

RON CHAN同學真係不愧係人馬座啊!!
我一直都真心覺得心情唔好一定要搵人馬座既人吹下水-口-
因為根據以往經驗,,同佢地講完野就算佢地唔係特登搞笑,,
傾完都會開心好多 -口- 真係,,人馬座的神奇魔力...
所以我都話一定要識多幾個朋友,,12星座既朋友都要有!
因為唔同性格既人對自己一定有唔同既幫助,少一個星座既朋友都唔掂

話說,,尋日正當我講到最唔開心最唔開心既時候!!
RON CHAN同學突然講左句野我真係笑左 XDDDDDD
因為果句野我頓時發現自己其實咁樣都未算最差...
因為我差極都仲有樣野係好過RON CHAN,,好搞笑真係

昨天回到學校裡練oral ,,, 還是一點進步都沒有
我慘了我慘了
明天就要考喇,,怎麼辦啊怎麼辦啊啊啊?!

我真係覺得好忟......點解speaking硬係練極都咁差,差都不特止仲要冇進步
數學做得多都可能會有進步..但係點解我speaking講極都咁差
叻極都係岩岩好上到 lv 2,,係岩岩好果隻,,十次有九次我都係lv 1

愈諗愈覺得自己收得皮
如果我今次CE英文唔合格咁點算?!
我尋晚又o係度諗,,我一直以黎都係計自己中英會合格
我計6科合格包括中英合格都係得9分,,
好啦如果我有一科唔合格,,8分..都有5科合格,包括中英
但係最壞可以發生o係我身上既情況其實係
英文唔合格+另外一科唔合格,即係得4科合格得7分
....CRAZY!我緊讀咩野書...
不過都係最差既情況姐,,,,如果有再差D既我真係跳海都唔掂-_-
相反,,,最好既情況都只不過係6科合格包括中英,加埋10分
10分!唉...10分今年都唔知讀唔讀到IVE酒店管理

前路茫茫..冇錯啊......

我今次真係真係真係的起心肝如果讀到酒店管理我會盡全力讀
不過我依家仲諗緊讀3年HD定4年果個國際酒店管理

*

頂啊!我呢兩日都上網不停咁睇左好多有關IVE...HD...AD
酒店管理....就業...升學...等等等等既資料
睇左好多,,睇到眼都花埋,,,睇到我頭痛.....睇到我覺得前路直情係黑暗
上兩年都有人11-12分中英合格入唔到hotel -口-
上VTC個網睇上年hotel 平均6科分數係12添!今年預算學額75個.....
咁我得果10分仲要英文可能唔合格點算....
我之前好想讀果個旅遊...平均11分,都係75個位國際酒店款接管理,,10分...75個位....

好難揀姐 -_- 其實我本身係諗住讀4年制的呢個國際酒店款接管理
反正其實都係讀3年,,,只要我英文合格的話-..-但係依家望望下又想讀3年果個,,
但係我覺得3個我都唔會入到,,,,我都唔想睇到咁灰但係,,
10分已經係我ce最高既分數-口-除非真係有奇蹟..咁世界真係冇咁多奇蹟架嘛

10分我讀唔讀到想讀既野丫?定係其實我真係諗多幾條路.....
諗黎諗去,,其實我覺得自己都諗左唔少....首先冇可能出黎做野,,
咁更加冇可能升得上中六,,,一定係讀其他野.....
"其他野"既資料事實上我又唔係有好多.....我知最多已經算係IVE
因為我一直都係諗住讀IVE,,但依家發現其實IVE我都未必讀到
應該點做好啦.........副學士果D我讀唔讀到啊?!都冇我份架喇...

仲有咧....如果我入到IVE,我頭幾個choice都入唔到,,,,點算-口-
我覺得我想讀果d都會好多人爭,,我邊夠爭啊

有冇同學有興趣一齊研究下-口- 將來既事情,,分享下

點解生活咁艱苦架 /-\ 如果永遠有人養就好啦 XD
講笑

尋晚我無啦啦o係度諗,,自殺呢回事真係好浪費 -口-
因為..o係地球住左十幾廿年,,,用地球既野,,
就係想快快樂樂咁成長然後繁殖下一代令個世界一直充滿生氣
但係突然之間死左,,之前用地球既食地球既一次過白費晒-0-
果d食左落肚既消耗左既地球資源,,屋企人花費身上既金錢..去左邊 -3-
好啦,,我係好無聊

日日o係屋企好悶啊

今天咧,,講的是餐飲部那些東西,,也OK啊,,上了這一堂開始對這一部門有些興趣
可是,,我對這部門甚麼都不知道,,,基本上,,跟食有關的我都不清楚
到底我讀餐飲部這邊的還是房務那邊的好?!
好,,,要再想再想...

今天的堂完了,,,導師讓我們嗅一下不同酒的味道,,
那個加了椰子的超香!!就像椰子糖那樣的味道...
喔...可是那個加了雞蛋的,味道怪怪

完了之後就在荃灣的各個商場穿插...這裡走那裡走的,,,
完全不知道路怎麼走的我們,四圍找吃東西的地方,,
最後在陳記深井燒鵝...和喇嘛夾份吃了一個炒豬扒公仔麵
然後,我又在7-11買了一個撈麵,,很飽呢...
之後在千色逛了一會,接著就在那好像是叫做荃灣城市中心(?)的地方逛
啊,,我都不知道有沒有記錯地方了,,,
總之我想說的是,,今天看到了很可愛的笑哈哈筆袋!
話說啊,,我現在用的那個筆袋陪伴了我一整個中學生涯
我都忘記了那是在小五還是小六買的,,,這個筆袋還挺耐用的嘛
好吧,,,,我一直不換筆袋,,我其實是很想換的,,今天看到的那個可愛的哈哈笑筆袋
我真的覺得好正啦!
可是啊,,,我就在想,,,我現在用的那個筆袋還可以用嘛,,它沒有甚麼得罪我的.....
現在把它換掉了又好像有點對不起它,
若然把它擱在一邊,基本上想也知道其實沒有機會再用到它的了
可是把它掉了又好像有點浪費,,真是矛盾啊,,,
但是,,,這筆袋跟了我至少6年的時光,,它不痛苦我都覺得悶耶
而且笑哈哈筆袋真的很可愛嘛 =3= 我是真的喜歡啦

要怎麼辦才好?!

*

今天回家聽葉宇澄的歌,,,這勾起了我很多美好的回憶啊!
我想起以前出FUNC的日子,,,,每天都跑上FORUM,,,基本上FORUM是我家啦
真的真的,,,,有很多第一次的經歷都是因為出FUNC而得到
有一些喜悅的感覺,,
雖然不是人人也會有興趣得到這些可能有人覺得是無謂的愉快回憶
可是,,,每次想起那時候,,真的會會心微笑,,
如果,,,葉宇澄快點有新歌出來就好了,,
昨天晚上突然想起,,以前 [ 祝我永遠失戀 ] 這首歌派台的時候..我可是超興奮,,
因為我第一次聽到這首歌知道有這首新歌的時候,是我自己在903聽到,,
我很清楚記得是在西崎公園聽到的啦..我當時我是真的是有想要尖叫出來,,,
之前毫無預警的,居然讓我聽到這首歌!那時都不知道葉宇澄有新歌派台呢
那一次聽到這首歌,,,,起初我都沒有留意是誰唱的啦
基本上都沒有用心聽,,不過聽著聽著,,,突然發現這唱腔這聲音有點耳熟
之後愈來愈肯定那個是葉宇澄的聲音了,,,呵呵
然後第二天上到FORUM,,,,就看見說他有新歌派台了
話說那時候我可真是很開心還有些許自豪啊,,別人都沒有聽到這首歌我只有我有聽到那新歌耶

最後一次學生健康檢查&馬灣公園之旅

看圖說故事...詳細文字後補*
話說整理這些照片花了我好幾個小時!!!要把它們都看完啦

*

同場加映 :: 會考生勵志劇場

- 完 -

很幸福呢,,,昨晚跟雅MSN,,今天跟穎MSN
穎,我才沒有奸詐....還有我會幫你轉告你要跟大家說的話

*看來明天去不成馬灣公園了,,,(我還是覺得馬灣花園比較動聽啊)
今天整天都天陰...下雨...可是慶幸黃昏的時候竟然發現天上出現藍色耶!
天漸漸的回復藍色了!很好很好...

今天本來不打算打XANGA,,不過...現在實在很閒,
所以啊...還是滾上來了...
有甚麼好說.....貼些無聊的吧...真是很無聊很無聊的那種

．在學校圖書館借的傲慢與偏見,好看!
．花鼠明星俱樂部的書,,,,很無聊啊XD
 
．MADAM給的,,,我還沒有嘗試...到底現在還能不能喝?
．之前在7-11見到特價買的魷魚絲,,很美味

．上年在嘉恩家裡拍攝的,,那天雨真大耶
．其實我真的很愛雨天
．這個......我都忘記了是哪一次BBQ買的了
  
．在WISH家裡拍攝的,,竟然無意中被我發現了這可愛的阿輝貼紙
．補數的MISS在今年新年給我們的,,裡面好像有二十塊錢啊!
．我的紀念冊,,,我只買了這本給大家寫..我覺得這本很美麗
  
．今年新年放在家裡的桃花~我覺得上年的比較美,,
 
．在張子華同學送的聖誕卡找到,大家認為這是甚麼?!
．噢!YOUNGPOST經常有驚喜,,,我很喜歡這天的相片,
  
．今年的生日禮物,,一拿到手我就立即把5B放進去了 XD
．也是生日禮物,,這相簿妙啊!很美麗~而且....這封面上的阿輝也很帥氣

．沒甚麼特別意義的,,是之前在屯市看到就拍下來了
 

- 真是很無聊啊 -

尋晚唔知點解訓唔著又訓得唔好,,其實呢排都係成日發夢
睡眠質素唔太好
今朝9點起身好辛苦......結果成9點半先挌得起身,,
之後即刻搞掂d野就出門口
返到學校一個人都冇嚇死我......跟住見琴姐坐左小食部出面就問下佢啦
然後佢話見到jenny佢地上左去...跟住我諗住上去d課室搵下,,
咁就o係上樓梯既時候咁岩見到miss lam
好彩佢話俾我知o係邊,,上到2樓見到麗珠同jenny...
但係個課室好似有人用...好多學生企晒o係課室出面...
於是我地3個由於覺得唔好意思所以就出課室門口等miss喇
跟住過左陣paula上到黎,,miss lam都上到黎,跟住我地就去搵其他課室喇

上到3樓,,5B課室....明明課室冇開燈,,MISS諗住冇人就入去啦
點知入到去...有兩個人坐左o係度,,,嚇親囉真係-口-又唔開燈,,
於是我地就上5D課室練喇,,

今日講左兩個TOPIC,,真係太耐冇做DISCUSSION
好奇怪的感覺,但係今日一分鐘果度我好似講多過平時
同埋今日比較心情輕鬆,,但一講英文都係好緊張
又要唔記得晒D字,,,,,好似唔識英文咁-_-
呢個星期真係要好好親近返D英文先得,依家我連英文歌都冇聽啊,,點算好..

完左之後就走喇,,,同麗珠JENNY走,,,我地輕鐵度討論兩個月後既事
唔知我地9月既時候會o係邊度,做緊咩呢?

返到屋企食完野就訓覺,,眼訓到咩咁..一訓就好似2點幾訓到7點起身食飯喇...

夜晚同雅MSN,,YO好想快D見到你地啊....

*今晚落雨又行雷閃電咁...
好驚10號落雨去唔到馬灣公園同埋..陰天影相會唔靚
之前兩次去迪士尼樂園都係陰天,,影D相出黎真係好唔靚,唉
難得馬灣公園果度咁靚唔可以浪費 -3-

近期唔知點解好鍾意睇人地D相,,,,我係指....影得好靚果D相
睇完真係覺得眼睛好滋潤 靚相真係,,世上不可多得既野

2:00開始上堂,,我們在1:30已經到達了,,
可是由於那兒太隔涉,,找了好一陣子我們才到達那上堂的地方
本來我們早就經過了那門口但不知道就是上堂的地方
最後我們找到這門口是因為走得太熱了(今天真是很熱!)
我們走著走著看見一把風扇,於是就站在那兒吹吹風~

這時在附近理髮店工作的一位男士
(大概是在那兒工作吧?雖然他看似游手好閒地在門口走來走去)
他笑著問我們:好熱呀? / 吹風扇呀? (我忘記了他是怎麼問的,但大概是這些意思吧)
之後我們立即抓緊機會問他,,上堂的地方在哪兒
於是他告訴我們就立即去找了,,,謝謝那位先生

那個上課的地方真難找,,,一眾上堂的同學都找了很久-3-
不過大概最早到達那兒開始找的是我們了

進去後,,那個地方比我想像中的不同,,,我想像中的地方是更大一點的
不過沒所謂吧..
我們這堂首先是聽導師講解酒店的架構,,工作....
導師還分享了一些他以前工作的經歷,,,這堂比上一次介紹酒店和市場學有趣多了
只是有一點較差的是..哇!那兒冷氣真大,,很冷很冷,,,
期間放break的時候,, 幸好有人提出可否把冷氣溫度調高一點
不然我們真的會變冰棒...

講解完housekeeper的工作後,,就到了酒店房間的實習場了
他教我們怎樣整理一張床,,wow,,10分鐘就要做好一張床
如果客人是走了的話,,45分鐘就一定要做好整個清潔
有客在房的話,,20-25分鐘要清潔好一間房
不然之後的工作會沒有時間做,,,,
不過這些事熟能生巧,,,如果真的做,,做得多變熟手,就快很多而且輕鬆多了吧?
導師說做房務體力勞動很大,,會自動瘦的....

啊,,說起做房務,,,導師說做房務這邊一定要從低做起
其實之前都聽說酒店一定是要由低做起,慢慢升上去,
導師還說很多做房務可以做到退休的..不會被淘汰
其實酒店看來真的挺好做
而且,,,薪金也可以吧...如果生意好,,或許會分到花紅

回正題....
這樣說的話,,,如果我做酒店房務部那邊..就一定要應付這麼多的工作量,
就是說,,,,相信半年至一年我的體能會好很多了 -口-
好事好事..........好事來的,,

嗯,,經過今天,,我真的大概了解到服務業特別是酒店這些行業..
真是要工作嚴謹,每個工序都必須做得非常好,,,不能馬虎
每天要本著為顧客全心全意服務的精神才可以勝任這工作

我突然很想看酒店風雲了解這行業...話說我只看過幾集而已
雖然是電視劇,但或多或少都會有些幫助吧?

4時許就放了,之後我們去了KFC,,剛巧商場出面有人派KCF的優惠券
當然要好好善用了!嗯,這餐吃得很飽
之後由於沒有地方去,,就回家了,,可是找了很久才找到巴士站呢
沒所謂吧,,反正我們真的很多時間不知道可以做甚麼

而在找巴士站的間期我們看到了一家店門口放了幾箱東西,
應該是賣剩所以平賣的
我和嘉恩經過時都看到箱裡有一些超級可愛的聖誕老人公仔!

我和嘉恩也很想買,不過沒有買到..可是這聖誕老人公仔真的是很可愛的!
不過,,,由於我們沒有找到巴士站,,我們好像走錯了路
結果我們又再次經過那店子,,,,,這一次我和嘉恩的忍不住想買
看看價錢,, $20啊! 然後我們在想可不可以叫店主$30兩隻賣給我們
於是喇嘛就進店子裡幫我們問,,,結果是大成功!
於是我和嘉恩就快快樂樂地抱著他們回家了

好不容易,,我們才找到巴士站...
然後回到天水圍,,我和嘉恩在回家的路上討論著幫聖誕老人公仔改名
最後嘉恩的那隻叫大力!!好正!
然後我的這隻嘛,,,還沒有想好名字....我覺得咬金這個名不錯的啦其實
不過又好像不太好,,,叫小笨吧~又好像沒甚特色,,不如叫做英偉啦!
還是叫.....波波,,,還是....叫甚麼好呢,,,改名真是很難改啊!!
有沒有人可以幫幫忙想想
現在暫且叫他做咬金啦 

話說我覺得這公仔真的很可愛,,雖然現在不是聖誕節
但是看著他就是有一種很良好的感覺,,,
這公仔的雙眼超正的,,看他的樣子好像真的會說話
他好像用著誠懇親切的目光看著自己,真是很想好好抱著他
而且他的SIZE也很適合咧,,不會太大也不會太小
整個感覺就是十分可愛啦! <3

*期待下一次的課堂啊,,這可說是現在每星期的精神支柱了

*

近期真係太無聊,,o係度睇紀佳松都睇到冇野睇,依家睇埋潘瑋柏果d
我睇佢以前出show果d片
((話就話我係睇佢,,事實上我係睇跟佢出show既BLUE J..))
仲睇左Pan@sonic段片..我覺得好搞笑,,1:43果度佢個表情完全係同呢個一樣

跟住又o係度睇新碟007既MV,,[ 雙人舞 ] 個MV我真係睇左好多次*
第一次睇果陣我係第一次聽呢首歌,,果陣我唔覺得呢首歌好好聽
不過依家聽聽下又幾正呵...

{ 看你眼裡有一句話跟我的一樣嗎 那就是love love love love love love }

果首 [ 親愛的 ] 都好好聽.....我第一次聽首歌覺得好周杰倫
望下填詞...啊,,唔怪得啦,,係方文山填詞既,,
呢首歌好聽啊真係,,,聽落好舒服,同埋我好鍾意佢最尾細路仔果D和聲聽落好正

我唔係特登架不過我真係覺得紀佳松編曲真係好正,我咁講我原因係,我真係唔係特登架 lol
但係呢隻007入面全部我鍾意既果幾首歌都係佢編曲/有份製作

除左一首啦,,就係佢同AKON果首 [ BE WITH YOU ] 咁呢首冇得講啦呢首本身係英文歌-3-
不過我真係覺得好堅.....AKON真係好正架!XD

仲有一首,,, [怎麼著]...D歌詞我鍾意啊!我真係好鍾意呢類自敍式歌詞
有幾句真係吹佢唔漲 .... 你係得既
((我真係唔係特登,,不過我想話呢首都係紀佳松編曲))

仲有仲有啊! [ 限量發行 ] 都好聽!旋律易記編曲好有氣勢啊!

我要快d練熟雙人舞同埋BE WITH YOU之後下次唱k唱啊
因為我見到GREENBOX有..我上次唔敢點黎唱..哈
GREENBOX愈黎愈多正既新歌

不知道,,樓梯是通往哪裡的?過了樓梯後,看到的會是甚麼景象咧?
(哈,這張圖是之前回校溫書,在圖書館的書上看到的)

*

昨晚看了某人的無名,,(有沒有人想知道是誰 )
他打了一篇文章我覺得很深奧  做音樂的的果然是很會思考
看完覺得自己有點似懂非懂的感覺,
不過今天醒來再看又好像有點明白他的意思了

引用一下他的話:
「很多事情都是結果論. 只要當下是滿意的, 或許前一秒的決定就是解答.」

他的文章好像說了兩樣東西,,又好像是一樣東西..其實我也不太清楚
我想,,他想說的是WHAT'S NEXT....(啊..明明人家文章的標題都用這個了)

他先說,,如果把解答和未來放於現在,,過去式是自己的決定
而非把解答和未來放於下一步,這樣會是比較樂觀的方式

起初我就是有點不明白這裡,不過現在明白了

然後他說,,,但WHAT'S NEXT?
這我又有點摸不著頭腦了,,這跟他上面說的有甚麼關係?

不過,,,看他放章最後舉了一個例,,就是,,小狗一直往前跑追著骨頭,,
還是像候鳥過冬,,一棵一棵樹停下來棲息直到到達目的地,
才是最有目標的方式?

我想...這對於沒有目標的人來說,,根本都不成問題
沒有目標的話,該怎麼辦?

有目標的人果然是比較不同  加油努力!你一定會很成功的

話說,,,從今起一定只去加州紅唱k嚕,,因為一定要唱紀佳松
今天唱K唱得很快樂,,,也很滿足,不過其實又有點意猶未盡
滿足是因為今天把所有想唱的都唱了,而且還發生了很誇張的事

話說今天也太瘋狂,,,,,唱了一次水潑落地難收回2009
之後在差不多要交房之前又忍不住想要點多一次,,於是就唱啦,
可是有人實在太不尊重這首歌,真的真的真的很不尊重很不尊重很不尊重
於是一氣之下我又再點多一次,,,,
然後,,,,大家不知怎的竟然對紀爸爸充滿好奇於是,,,於是竟然又再多點一次,
目的是要看到MV中紀爸爸的照片..我當然非常樂意啊!唱得很HIGH
其實算起來我自己都忘記了到底唱了多少次這一首歌
總之,,,,,就是很誇張,,

相信經過今天大家都很熟悉這歌的旋律了

還有一點很重要的就是,,,怎麼看盧廣仲跟紀佳松都不是同一個樣子

而意猶未盡是因為太瘋狂了!瘋狂得很想繼續不停唱,,,
雖然今天已經遲了一小時CUT,可是,,還是覺得應該要繼續唱

唱完K之後子華去了找他的同學去BBQ,,,
我們其他人就四處逛,,,,漫無目的地逛.....最終去到元朗廣場
今天有三聯書局的書展,,有不少很正很正很正的書只半價便有交易!!!
而且那些書是藝術書,,要不就是其他我很有興趣的書
有一系列書(例如100幅不可不知的西洋畫,,或是甚麼的)
原價$300,,,半價出售,,絕對物有所值!
可是,,沒錢的人就是如此坎坷 即使有這樣美好的貨物都不能買,,,
雖然半價了但還是買不起...我的意思是,,今天帶不夠錢啦
早知道就多帶一點錢,,這就能買到這些我想買很久的書了
可恨啊!!

今天去了幾家CD店,,都沒有BLUE J的蹤影

經過今天,,,,我又想再說一次,,這位同學,,我跟你真的不FRIEND

*

這兩個好吃的朱古力!都是在零食物語買的,,

兩個朱古力外形相若,,雖然顏色分配上是有點不同啦
不過還不是啡色和綠色 -v-
我認為,,左邊的那個無論包裝和朱古力的本身看起來都較美,,
而右邊的味道較好,,昨天把右邊的買了回家,,一打開包裝後
便立即嗅到陣陣甜甜的朱古力味,是真的很甜很甜的味道
可是吃起來又不會有太甜的感覺,,,
這兩個朱古力的價格好像是一樣的,,
不過昨天買右邊的那個時在做特價,,只消$9,原價好像是$13/$14吧?
下次再買來吃

 

*

最終還是忍不住把紀佳松放回xanga背景中
不過這次不再在沉沉了,,且顏色鮮艷得很不適合我的xanga

又買了那12大元的yes!!雜誌,,如果不是因為紀佳松我才不會浪費這12塊錢
不過買了這一期後短期內也不會再買了,,因為這是藍色音才的最後一期啦!
意思就是連續一個月共五期會出現的紀佳松,,,都看完了
這最後一期所用的照片看到我看得目瞪口呆
本來想用這一期的照片當我xanga上最神聖的背景
可是那張照片真的....那個我不懂形容,,其實我不是想說他帥
老實說帥又真的很多人也帥....
我真正想說的是,,,他的氣質很好,,,就這樣了....
說到氣質他真是很好很好呢 ((而且怎麼看他的樣子都跟他年齡很不相乎))
可是這一期照片我覺得有點氣質過盛 xD 我不知道該怎麼說
所以還是用現在這一個,是上一期的照片咧,,

必須說,,不是靠有氣質靠帥就能當我XANGA神聖的背景
((對於我來說,,,,,背景真的很重要!))
不要再問我他帥嗎...他帥不帥根本都不是重點,,
我第一眼看到他印象跟現在差很遠,,我覺得他氣質很好只是近來的事,,
我起初只覺得他很瘦,,極其量就是我有一個疑問,,
那就是..「為何這個男的手那麼白滑好看?」是有那麼一刻的羨慕過
大家還是趕快聽他的CD吧...我覺得他的歌真的很耐聽,,,