我敢講我好耐都未試過咁渴望唔使返學
聽日一定一定一定唔可以返學啊,,
我要用一日時間黎做果5題中史.......

個風好唔識做囉,,,行慢少少都唔得

依家數學堂根本就係最不知所謂既堂
今日本來由充滿心機咁做數變到想撕爛本書佢
最厲害既係其原因唔係因為d數既本身,而係個數學堂既問題
準確d黎講係個老師既問題我都唔想咁講阿sir,話晒佢係某老師既老師
但我真係覺得好難頂.....根本就係浪費時間,,

我依家先知學校圖書館用八達通嘟3毫子就可以影印1張野
實在太美好 -_- 點解天官都唔整返部影印機o係圖書館

尋找16,17號有時間同我食lunch既同胞
我16號唔使返學,17號放12:00pm....
食完lunch我送埋你地返學校都得呀,,哈哈

彩雲你俾一日假我丫

*

彩雲來臨前的粉紅色黃昏,,往街上看去,,真的一片粉紅/粉紫色
 

然而我發覺我愛橙色天空更甚於粉紅色的天空
這兩張相片都有一個特點,,

就是都有一樣建築物是跟天空差不多顏色的
有橙黃色的天官與粉粉色的頌富商場1期
 

1.中文作文 - 09CE題目「有朋自遠方來」
2.中文閱讀理解 - 第三篇
3.中文閱讀報告 - 4篇
4.英文作文 - 唔記得邊年CE題目TASK1
5.英文要默VOCAB
6.中史題目 - 6條(每條250-300字)

硬係覺得仲有D野要做

尋晚勁痛苦咁KO左3份MATHS功課
事實上唔係好多條題目但用好多時間做,,做左成幾粒鐘,,做到2點幾!
搞到我冇溫到今日要測既中史,,好彩今日有兩堂自修可以溫下咋

我發現我班D人真係好勁,,至少坐我附近果D都係,,做親所有野都寫勁多字
就好似答PASTPAPER題目咁,,明明果條得3,4分,,佢地都可以寫到勁大段野出黎
要用段黎做單位,,,今日測中史搞到我真係勁驚勁驚勁驚
做兩條6分題,,佢地個個都可以25分鐘之內寫到勁多野,,有人可以寫到單行紙既後面啊!
慘啦點算呀-口-我覺得我之後所有測驗考試都會考全班最尾唔係講笑
我真係有咁既感覺,,我已經可以預見到D老師望住我D功課同埋D卷搖頭嘆息道:
「呢個重讀生一定考唔到14分」

唉,點算點算點算啊啊丫丫丫

我中史SBA係做專題研習唔再係天官既論述題喇 :(
依家中五邊有咁多時間做,,,仲要影相又要寫....依家開始諗定做咩先喇唉
有冇人做過可以教我點做同埋俾我參考下,,,拜託

*

阿輝真係勁得意,,

唔記得左邊日o係康家中影的,,,好似係去長洲之前果日,,
當日黃昏個天真係勁橙,,,呢張相既顏色完全冇加工過
係真係咁橙 -_- 而其實呢張相既重點係,,,
依家變左橙黃色既天官同個天係一樣色架!!

在天耀屈臣氏見到呢樽咁樣既野,應該係沐浴露,,我第一時間就諗起嘉恩同學
呢隻野真係勁HIT囉我今日睇o係學校拎返黎既星島入面有勁多呢隻野既出現~_~
 
 

其實你只不過答一句就可以

我真係好唔該晒大家 :) 真係唔該晒.....希望你地收到

好啦,正式上堂第3日,,其實都算係適應左啦....同學都好好...
係粗魯同埋無聊左D姐....(真係好粗魯架,仲好MAN添,,我指D女生-_-)
我覺得佢地真係幾樂於助人架,,有時佢地咁幫我我真係受寵若驚架!
我今日已經驚左幾次,,,哈哈哈.....連放學果陣都唔放過,要我驚多兩次
真心感激佢地,可惜我仲未同佢地混熟....希望遲下可以同多D人熟D...

哇我學校d冷氣真係好似唔使錢咁,,開到勁凍,特別係個圖書館

我其實覺得我班主任幾好架,,,不過今日做READING佢話我做得慢..
好樣衰啊我,,但其實我只不過係因為擦走左個答案未圈返落去之嘛-3-
跟住又咁岩佢行過見到我果D未填答案....."點都好啦我最後咪又係時限內做晒

中史阿SIR,,,原來係佢!!!!!!!!!!!!
估唔到佢會教我仲要係我心愛既中史!!!!!!!!OMG!
今日正式上佢堂(之前果堂佢冇返) 只不過係一個鐘頭既時間都唔使
就令我更加極度想念MISS HUNG,,,好掛住你既中史堂啊MISS HUNG

勁掛住囉係...

無論點講,,無論之後既中史堂係點,,我都係唔鍾意呢個阿SIR..
我會好努力咁自己讀中史,,

ECON我終於搞掂左存款創造喇!雖然都唔算係太熟,有少少野仲未搞清楚
但係真係好左好多,,,,至少份功課我識做先,,,不過LQ真係仲未識答
要努心先得!我要俾好多心機落ECON同中史啊,,,,
*我MISS幾好 :D 我留意左佢好耐,,佢條眉真係生得幾靚架,好有威嚴
唔怪得學生咁聽佢話 XD

聽日又有maths堂.....

放學在天恆輕鐵站碰到天官的同胞,真係好有親切感架姐
 

妖我d英文真係差到冇野講
自開學起阿sir叫我地做左兩份reading,,我兩份都錯到七彩
真係好想殺左自己
頂頂頂頂頂頂頂頂頂頂頂頂頂頂頂頂頂頂頂頂頂頂頂頂頂頂頂頂頂頂頂頂頂

習慣左天官果種悠閒上學生活,,依家實在感到有點應付不來
學校勁多功課(其實都唔係太多-v-只係比起天官真係太多)
而且校規很嚴,對於操行問題真的要打醒一百分精神 -___________-

講起課業的數量........我星期一要測兩科!o係天官果陣呢種事邊有可能發生
我係指,,一日測兩科真係機會好微囉
星期一我要測ECON第15課同埋地理第10課,,我ECON D野唔記得晒....
我ECON MISS係好精明果種人黎,,星期一點死啊..我肯定測地好差啦
地理我都好驚丫!!點算點算點算...

仲有一樣野我真係接受唔到,學校唔俾放書o係locker!!
我每日就係咁要將至少5本既書由屋企搬返學校再搬返屋企
有時本書可能只係用唔夠半個鐘,,,或者係根本用唔著
我試過第一日已經唔想要D書,,著住件死人校服又熱喎
又要拎住咁多書,,行多步路都想鬧人
好羨慕我D同學住天恆可以LUNCH返屋企放低/拎D書

*

尋日第一日正式上堂,中史阿SIR冇返,,我地要做中史題
問圖強運動係唔係垂死掙扎之舉,,,250-300字
太耐冇做過中史...答到勁差我自己都知,
仲要俾隔離果位話自己好叻既同學話我寫到冇重點
=/\= 好囉我會好好向呢位好叻既同學學習,,
*佢仲要串我「然而」唔係咁用,,頂......我覺得我唔使佢教我中文-_-
不過除左呢件事,我覺得佢都幾好人既,佢俾左好多簿俾我,THANKS

MATHS堂好難過,,首先我好驚個阿SIR,,其次係因為係兩班夾埋一齊上,
隔離班D人好恐怖,,,我接受唔到....點算啊!!睇黎我都係要自己搞掂呢科咧
阿SIR一開波就講左句野我驚一驚,佢話我地目標唔係E!
OMG!我好驚呀如果我真係D唔到咁點算

中文堂悶到想喊,中文堂係繼普通話堂之後我最憎上既堂,
仲要D課文教過既雖然我之前唔聽書但都至少知道課書講咩,
依家要聽多次又唔可以做自己野,,
尋日聽左陣念奴嬌．赤壁懷古,,真係....好彩阿SIR講書都幾好既........

商業堂我同另一REPEATER去左圖書館自修,
原來呢班計埋我有4個冇讀
我去圖書館之前望到商業個阿SIR幾型幾靚仔
似TA多過似阿SIR...可能我睇錯啦不過佢好似真係幾靚仔-_-

*

唉,我一定唔會再俾學校留堂,o係天官留堂真係好幸福
有冷氣涼又可以自己行去留堂唔使全世界都知自己留堂,
我學校要老師每日放學之前都向全班讀出留堂名單(仲包括埋留堂原因)
然後排好隊由老師帶住去留堂果度
救命

我學校唔訂SCMP,,
我以後冇得睇YOUNG POST喇!!
點算啊我靠YP學英文架 -_-
仲要連中文報紙都好似冇人訂,
咁我咪冇得睇我最愛既明報通通識版?!

今天過了不錯的一天 :D 聽了很多經歷,意見和想法,,
還有免費朱古力,益力多和杏仁餅 XD 不過午餐卻很貴呢,這幾天我都吃得很奢侈
不過很快我就要過回那些在學校訂16元飯盒的日子了,奢侈兩三天不要緊吧?
哈...始終都是5B和天官最親切最好
突然發現,其實天官還有很多人和事很值得我們去接觸了解發掘和探索,,

大家中一的時候真的很可愛  誰說只有女大十八變?男生也很多變啊
男生由中一還是一副死小孩的模樣,
變到現在長得高大威猛(REALLY?!)可以借上肩膀給女生依靠
女生則由中一會把頭髮整齊梳理好,裙子長度永遠不會觸犯校規,
變成現在亭亭玉立,很會打扮自己
有些人真的差點認不出來!!!大家很應該在年青的時候拍多點照片留念
將來才可以比較一下當年的自己如何不濟 XD而且看照片一向也是茶餘飯後的好活動
有空時拿出來細看一下,,,真的會很快樂

*

原來SANDY同學又補返數學,,我好佩服佢既毅力,,我決不會再補數
希望佢今次MATHS拎到理想成績啦
我自己就真係對MATHS補習不敢恭維 LOL

*

我隻oops第一日就有貴賓探,,所以一定要留低最美的一刻
雖然只係一隻pet,但我覺得同見到真人一樣咁興奮,,,
如果我係我隻pet,佢係佢隻pet,咁就發達喇

班主任姓李,教英文科..是阿sir來的

同學們都頗nice的,,不過我覺得他們好像很喜歡說話,不過除了這一點,,其他也ok的
當然他們不像我們的5B那麼有凝聚力
現在班上女生比男生多,,男生少也沒關係,,男女生比例就跟我們的5B差不多
但有點不同的是,,,現在那班新同學,男生都不作聲的
為甚麼呢?我一整天只不停聽到女生們在說話,男生們都保持沉默的
這班同學好像不喜歡搞GAG,,,有點不習慣 XD 他們的課堂好像有點悶
話說我習慣了天官同學們每時每刻都搞GAG的生活

*班上的女生有些都長得不錯看啊!
男生是比較不令我印象深刻,因為他們太靜了,,
只記得他們好像有點不像中五,我覺得他們像中三/中四生 XD 哈哈

不過,他們其實真的頗nice的,ping ping說得對,每個地方都總會有熱情的人主動結識你

哈,我也算幸運,有位沒有同班過但認識的小學同學跟我同班 :)
班上連我有3位repeater,,我們今天認識了 :)

噢,,不能外出食lunch了!我要留校食飯!!!而且飯商是晴天小賣部 -口-!!!!

um....我為何說新同學nice呢,,其實我今天真的有點感到驚喜
話說有同學把之前有餘下的單行紙 / file / 校簿都給了我,說先給我用..
還提醒我不用買太多簿,,浪費金錢...哈哈,真的有點驚訝,他們把很多紙給了我
很謝謝她們 :)

好了,經過一個早上的時間,,我頓感5B真的很獨特,,
跟現在的同學完全是兩回事 -口- 絕對是兩碼子的事
我覺得我在新學校裡又會有點改變了...哈哈,,大概會變得對gag的反應慢一點
其實我最不習慣是班上的男生真的很靜 -3-
我一直都以為每班都總會有多說話的人是班中軸心人物,可是這一班好像沒有,
就算有,都不是男生,,我一直都覺得這些角色比較多是男生擔當的,,

今天都算結識到一點同學吧?雖然我記不到她們的名字 (汗

今天放學後到天耀椰林跟wish,ron共進午餐,,(後來還碰到ray)
大家都急不及待分享今天的經歷和感想...哈哈哈...
如果可以常常這樣一起吃飯或是聚在一起就好了 :)
之後wish先走.....然後我和ron就到m記找子華聊天,,4時半左右我們就回家了...

我會很想念5B的爛gag

5B真係好鬼難捨難離 XD 成日隔一陣就話要見
我都想小學同學可以成日見

*我記得我之前想講d咩喇!就係我前排睇 [ 馬利與我 ] 喊到癲
我係喊到喊出聲-口-我未試過睇戲喊到咁
雖然喊位只係一陣間,但我真係喊到好激動
可能因為我係望住個電腦周圍得我一個所以可以喊得放d

*

講起喊...2008-2009年我真係流好多眼淚,我真係未試過喊得咁密
特別係等放榜呢段時間我真係試過幾次喊到對眼腫晒
可能因為果排壓力大先會咁..或者換轉係平時既話發生同一d事我未必會喊

我一直都好自豪自己唔係容易喊既人,我以前從來唔知道咩叫喊到眼都腫
(真架!我真係唔知咩叫眼腫架 XD 因為自己未試過)
但係呢兩年我發現原來DUP低個頭喊對眼係特別易腫添-V-
呢兩年入面真係我印象中流最多眼淚,,
到底係愈大愈脆弱,定係因為自己既世界大左令內心都複雜左?

有說,可以笑可以喊係一種福氣..我認同..我理解..
有野值得自己投放感情落去...唔係福氣係乜野?

呢兩年入面對於我黎講我真係行好運,,所有我會覺得開心既野都係呢兩年出現
早幾年根本我連值得笑同喊既野都冇,,然而呢兩年我遇到好多好人
好多好朋友,,知己就比較難搵d不過朋友我覺得已經有好多我好滿足
無論係校內定校外都多左好多朋友,,你地全部都好正

校園生活呢樣野由小學六年班開始我已經俾唔到我開心既感覺 =]
係直到呢兩年校園生活先令我有返對返學既期待
再講多次都係呢句...全因為我入左一班好班.....
我所講既好班係,,我o係呢班feel到接納,包容,融洽,團結,同埋kai..XD
呢兩年呢班同學俾我既野好多,至少呢兩年入面我搵返自己既存在價值
每個人都好有影響力,,,XD

我記得好耐之前睇過一集畢打自己人,,
果集講黎耀祥想自己個妹(鄭欣宜)走......毛舜筠說服佢俾欣宜留低
佢提到一樣野叫做存在價值......呢一點我係絕對明白

*

OMG....本身我淨係諗住打一句我去長洲就完左呢篇ENTRY架
點知講講下打左一篇野出黎,,

近來有很多值得高興的事,,不.....簡直是興奮!是興奮!
放榜之後的日子一直都有快樂的事
所以說,都是放榜累事,可我明年會再經歷一次,希望明年放榜後的日子會更愉快

然後,,有一件很無聊的事情我想記下來 XP 不要嘲笑

昨天晚上上到紀佳松的無名,第一次留了言,,,(因為他的那篇文章是說來香港宣傳,有關於新城國語力頒獎禮)
然後幾小時之後無聊再上去,就看見他回覆留言了!實在太感動!我立刻登入看他回覆了甚麼(我是用悄悄話)
然後,,看到他回了一行字,當我第一眼看到的時候是有點失落,不過再重覆看一遍那個回覆,感覺又不同了,
那回覆雖然簡短,卻已經回應了我所有話,然後我又再看一遍,喔這次我笑了,其實也不該要求那麼多,
他一人一下子看30多個留言,不能全部都回覆,這可以理解,而他卻回覆了我,我就該高興啊!
而且,有一個承諾,要一起努力 xd感覺真的很小fans(耶我本來就是)
他應該有記得我這個人的名字了?不過不記得也沒關係,
其實某人應該也記不住我的名字 -3- 哼哼..所以紀佳松不記得也沒關係
是說,回想起來,,都沒有試過跟葉生有如此的交流 -/\-他的BLOG N年沒有更新了

加油努力,我對很多人包括自己做了承諾,我不想說出來做不到
就是說,我至少要升上中六

*

除了以上這件昨晚的小插曲,還想說一些話....是對自己說的,,
不要胡亂猜測是甚麼事情啊,好啦其實我覺得沒有人會知道我在說甚麼

不要再幻想了,不要再受那事情困擾影響自己的生活了,,眼下最重要的是應付好自己該做好的事情...
而不屬於你的始終不是你的,時時幻想不會有結果,有些事情也不是靠努力的可以得到,
雖然說不努力就一定得不到,,可是,結果其實早就有了,也許現在這樣是最好的結果,這已經很好,
要該知足,其實你也算幸運了,遇著了一個好人 :)  你現在不是已經很快樂了嗎?你已經很開心啊..
也許你們本來就該這樣,不要有壞心腸...你知道的,你知道甚麼是做好自己,甚麼事情不可強求...
現在可以爭取的就是好好維持現狀,做好自己本份,也許機會還是有的,,不過還是別多想了
始終都是那一句,,不屬於你的無論怎樣都不會是你的..努力吧!

*

我之前忘記了打XANGA說我上星期六(15號)
和KAYI,KAYAN,NAMA,RON,KUNG,去了唱K...
然後去了周公家打牌和鋤DEE..然後7時左右就回家了

好像還有一件事情我之前沒有記在XANGA,,可我現在忘記了是甚麼事-口-

OUTDATE的我都不知道原來有這麼一套電影,我一定要看啊!
ALICE IN WONDERLAND

*

呢首歌就o係前日5點幾訓唔著既時候聽到......實在太應景太適合我
呢個TVB版MV正! 個歌詞有D都講中左我既情況,,,

出席者連埋我有6人,, 我,珊,琳,康,達,峰...真係超耐冇見各位
(其實有時出街我懷疑有見到你地架)

2點幾去到天瑞M記肚餓到痴線,,,而且真係好想訓覺,
因為尋日7:00AM先訓得著,訓左陣10點幾又無啦啦有個唔知咩電話打黎嘈醒我囉頂
平時我就算訓緊覺唔理咩電話都會聽,但呢次絕對要例外,
首先係因為佢冇來電顯示,二來係我真係好辛苦先訓到佢竟然打黎嘈醒我,
之後咪唔理佢囉照訓....

然後12點幾收到姚同學SMS問我去唔去-_-"
o係完全未訓醒既情況之下我就答左句應該...去,,,,
之後講多兩句然後又訓著左-口- 實在太想訓...
結果我唔記得點解1點幾果陣會起左身(太勁喇正常黎講我可能會一直訓到2-3點)
跟住即刻梳洗換衫出門口......然後都係遲到左 XD 約2點我2點幾先到

一入到去M記見到珊,康,達,好驚好緊張 -口- 因為真係好耐冇見...
又唔知講咩好..... /v\ 坐左陣就去返巴士站度搵琳同峰...
又係好耐冇見,,由於我咩都未食,就去OK買左個菠蘿包,,
但係冇咩胃口..食左半個左右就冇食...上到車個個都傾到好開心
-3-我就完全搞不清楚狀況....

去到西九龍中心之後就去左溜冰....勁緊張囉唔知點解,
仲驚過上次去,,,未入到去個場只係著住對溜冰鞋就已經腳震-v-
上次我都係入到去個場先識驚,,,點解會咁架XD
不過今日都好,,叫做有進步啦,
多得各位同學既多番鼓勵再加上本人有想學識溜冰既決心之下
終於識自己溜幾野喇XD雖然係幾野,但對於我黎講已經踏出左一大步,
但真係好攰,一來係因為冇食飯,
二來係因為開頭果陣太緊張,搞到肌肉不能放鬆,然後對腳好攰好痛-.-
之後就跌左落地下果一下雖然唔係好傷但都幾痛,
屁股痛個頭都好痛,因為珊拖住我然後一齊跌左落地下,,跌果陣撞親個頭..

跌左果下之後我已經冇咩力,,,所以想走 XD 跟住出到去場出面就影相
影左好耐,,,跟住就上左9樓去廁所...
個廁所因為勁臭所以我同珊冇入到,,o係度睇出面d貼紙相機

唉也可惜我唔記得左帶之前未用晒既金幣如果唔係就可以夾公仔玩晒佢

之後落返6樓食壽司,食到好飽,,,哈哈....食既時候大家傾偈講d野幾好笑

跟住坐到8點幾就去左搭車返屯門睇戲,,我地諗住坐巴士去南昌轉西鐵
點知我地掛住吹水又唔識路 XD 結果唔記得落車,過左站..
但係落左車之後好快都行到返去西鐵站,,

*果個巴士司機好差囉.....我真係好想投訴佢
咁我最後一個上車,我對腳岩岩踏上個梯級,,連隻手都未掂到拍八達通個位
佢就已經閂門,,,,,果個車門撞到我條腰勁痛囉頂,我成日人俾佢撞開左,,,
雖然唔係撞得好勁,,但都幾痛同埋都俾佢嚇親啦,,
OK,,可能因為我行後面佢睇我唔到所以就閂車門,,我原諒佢
但係撞完我之後佢唔理我囉,我成個人係俾道門撞移動左喎,
我條腰到我上到車坐低仲痛緊,,佢可以一D反應都冇,唔理我囉...
我好後悔我當時只係俾道門撞到果陣哇左一聲就走開左
如果時光倒流返返去果陣,我一定會睥爆個司機,至少都睥一野先

9點幾去到屯門就去左華懋睇戲,睇 [ 迷失侏羅紀 ] ,,開場同完場時間都岩岩好
套戲ok喎,,,唔覺有悶場,,d笑位都ok...keep住有既..個故事就一般啦..
其實套戲都係笑既我覺得冇咩劇情....但都完整
總結黎講套戲就係唔爛但又唔係好精彩,,睇完唔會特別回味,,
但睇下都無妨...可以笑下xd

睇完11點左右,,去m記廁所出黎坐左陣就走喇
本身係大家去唱k,,,我就返屋企先,,各位送我去到西鐵站
入左站之後大家同我講bye bye,,突然有種唔捨得既感覺
呢種感覺我好耐都未有過,,,果種不捨既感覺唔同5B ladtday果一種
今次既果種不捨係唔同d架-v-可能因為5B lastday果日係大家都唔捨得一整個5B
但今次係因為主角係自己 XD大家望住自己離開而我又望住漸漸遠離自己既大家
而且仲要係好耐冇見既同學,,有種熟悉感...果種感覺真係好唔同

上到去,,岩岩好架車走左,,咁就等下一班啦,,
突然間收到電話問我上左車未,,仲話唔好上住大家會上黎搵我-口-
我即刻嚇一嚇,,好彩我上唔到頭先班車咋,,哈
跟住就一齊搭車返天水圍 :)

返到天華,去左7仔...本身諗住可以見到賴同學...點知今日見唔到,哈哈
珊同琳買完野之後就各散東西返屋企lu~

各位小學同學同以前一樣都係咁GAG..
其實我覺得你地都冇咩點變姐,,樣又唔係話變左好多,性格我又覺得差唔多,,
不過我諗唔同左既係大家CLOSE左姐

OK啦大家唔使有意無意多番搵到機會就攝一句話叫我下次要出席
我出到既盡量都會出,,,放心..我都知大家係好NICE既

總括黎講今日好開心,,只係我比較淆底唔知講咩好下次我盡量講多d野啦

努力努力,,很可靠的感覺要努力...我會聽話
好啦,,我又唔知點形容呢一刻既感覺,,總之就係!

我有好多推動力多謝晒各位
我會好好學習,,亦都會好好向你地學習,其實我都幾幸運,有唔少人幫

這幾天在努力的清理書房,,然而...好像怎樣清都還沒有清理好
看來這要花上我一星期的時間去清理啊

*

有時msn講野真係好煩...
真係可以由開心既極點,幾秒鐘之內又因為一句說話而令心情去到谷底
但係..之後又可以一秒鐘之內因為一句說話又high返...XD 真係好有趣

唉...

情緒呢家野真係....