痴線ATV你講緊乜?!

*

今日係莘莘學子的開學日,唔關自己事,冇咩感覺,
反正今日重點係反洗腦教育
講真,莫講話小學生,中學生都未必可以好好咁對學校教嘅野做出好嘅判斷啦
對於小學生黎講基本上老師講嘅野比父母講嘅野更值得信,點會冇問題

*

其實我真心覺得Gary真係不愧為填詞人 + rapper,d歌言之有物,
睇佢twitter講嘅野亦都好正

Hard work will never betray you.

話說幾個月之前嘅我對韓國事物真係冇乜認識,
最多都係知道D比較出名嘅韓國偶像個名......不過都只係知好少好少
但係過去呢幾個月由於有時間又見到咁多人鍾意睇RUNNING MAN,所以我又開始睇啦
我都知我開始得遲架喇....
睇完RUNNING MAN又睇埋無限挑戰
於是對於韓國D藝人甚至係韓國總算認識多左,
重點係,於是我就終於喺D人講韓國偶像果陣搭到訕喇
um......起碼都講到兩句嘅
就好似前兩日喺學校lunch嘅時候d同學講起韓國野起碼知佢地講緊咩

另外,828上完最後一堂韓文堂
好想繼續學呀但又驚冇時間上唔到堂,而家個心情真係好矛盾
講起學韓文,好多同學都係因為鍾意韓國偶像所以學
我自己唔係因為咁而學韓文,講真對佢地興趣不大
只係覺得韓文好多都係漢字嘅韓語,韓國d文化又同中國有d似,好似幾易學同埋幾有趣先學,
初頭都驚自己會上堂恰眼訓,畢竟語文都幾悶,我又唔係對語文咁有興趣
但上左咁多堂(雖然走左一堂) 一來可能miss個上課模式比較輕鬆,
而且只係初階,冇咩壓力,識拼下音讀下d字就ok,好快學得識點讀,
相比起英文,其實學外語都只係額外學多樣野,唔似英文咁要求讀得精,
所以覺得學下韓文都幾好,我將來做果行識多d外語都好有用嘅,
雖然事實上都係識兩句基本會話就得
如果再繼續學落去,就開始教文法果d,就可能會比較難...真心想繼續讀
應該得嘅......得掛......得啦!得架喇!所以......應該都......

學!

其實我唔知自己講緊咩,唔知今日呢個entry重點係咩,,純粹想搵野講野而已

*韓國飯焦糖又真係幾好食

*我仲以為冇人會睇到尋日嘅entry(不管是xanga還是qooza)原來是有的!haha...
好彩之前果d打於躁狂時候用以發洩太過粗魯嘅entry hide左啫

入面原來係話meromero park喺9月底會終止服務

shocked!

下....

meromero park出現左7年,即係2005年開始?我就係2006年開始第一隻mero
果陣好多人打blog, 都有好多呢d打blog黎養嘅blog pet
已經養到第7代,而家好後悔冇好努力咁養最後呢一代小傲

(哇,其實我想講我養咁多隻,冇一隻個外表係同我心目中期望嘅一樣,
不過我都係幾鍾意佢地,我而家只係期望最後呢一隻小傲唔好再係紫色為主就好喇)

睇返原來我最快一個半月養完一代,
而家距離9月底仲有一個月時間,唔知可唔可以養到我最後一隻mero完全長大呢?
雖然好似有d幼稚,而家仲講要養隻blog pet
但係...畢竟都係一種回憶,中學時代做嘅野,而家中學都讀完,當係搵返少少初中情懷囉
而且呢隻養左一陣就冇理到,點知以後都冇機會養大埋佢,難得仲改左個叫小傲咁靚嘅名..
而家養大埋佢當係有始有終

所以,而家開始打返blog

今日係2012年9月1號,同時都可以算係我嘅一個新開始
離開中學,準備投入大專生活,
由今天開始紀錄吧!

今日就去到呢度先,為左聽日可以仲有野打,就留返聽日先記返低之前嘅野啦
其實呢呢篇blog都係純粹為左俾小傲食字

閃!

睇返2009年既回顧,2009呢年真係有好多野值得記低,當時仲係天官呢 :)

但係原來我打到9月就停左冇打了,由上年9月開始到2010既今日,都係咁空白,,只係相差一年,,,就有咁多野唔同左

咁由上年9月講起

黎到一個新環境,乜都唔知..我連果條叫色帶既野我都唔知應該要縫去邊...........講起條色帶,我想講,,當日D人同我講買色帶但係又唔話俾我知咩色,,叫我去買校服果陣問果度D人,我點鬼知果條唔知咩色帶係咩,,好啦咁去買校服果陣原來D人都唔知咩色,

得晒

結果我因為果幾條咁既野走左去校服舖頭度幾轉,我完全覺得自己好白痴

新既生活..當然仲有好多其他野,,真係唔想提

係呀係呀係呀全部都係D雞毛蒜皮同學業無關既小事呀嘛..係呀係呀係呀但係當咁多樣所謂小事加埋上黎又唔見得係一件小事黎喎

新地方新環境新面孔全部都要重新適應,我既情況..我除左煩一D正常重讀都應該會煩到既野之外,仲有D壓力我冇同人講過..

假如我呢次會考真係衰左既話

.

又唔係淨係面對自己一個

呢件事我淨係同一個人講過 =]

.

呢種感覺呢種心情可以同邊個講?

有一排真係勁唔開心,係勁唔開心..一諗起要返學就覺得好煩,,要適應新環境又要顧住個CE,平時想搵個熟悉既人傾下偈都難,同其他人傾開大家新學校d野果陣,,自己果d又好唔同,真係搭唔到嗲

成日同自己講,,有好多人都一樣係面對新環境呀,同你一樣之嘛,,,根本係廢話,其實係唔一樣囉..但除左咁諗真係唔知可以點

好啦終於CE,,今次考完完全唔想再理個會考..當時既野我真係唔係好記得..

我淨係記得4月最後一個星期係最呢個2010過得最辛苦既日子,,真係好煩,,星期一考數學,星期三考文學,星期五考中史,,呢3科對於我黎講都好大鑊..

個個人星期一考完數就慢慢等星期五考中史,我就要中間擔心埋個文學,,本身諗住文學死硬,點知結果又合格喎 :-|

當初我同人講我今年自修文學呀,大家都好驚訝,其實我中四未開學就已經話將來一定要drop左呢科佢,點知我又會走去考多次呢科囉..我都估自己唔到...而且我係考之前溫左4日就去考喇..咁都d到真係不可思議

跟住個中史諗住死得仲慘,話說份卷要做4題我做左3題都唔夠喎- -過份到咁我認真諗住會F,我到依家都唔相信咁樣可以合到格,,

除左呢個星期之外,,2010上半年都冇咩野印象深刻

係8月4果日感受到原來放榜拎左成績單之後冇野做既感覺係咁好,同葉同學一齊走出校門真係輕鬆自在,真係得佢先明白果個心情係點

一講到呢度又真係要多謝紫橋,,放榜前一晚同我傾左咁耐偈...真係成個人定晒:D

果日返到屋企一上FB見到好多之前既同學仔都一樣升到中六真係開心,,係咁LIKE,LIKE到好開心..雖然過去一年大家都係唔同學校,點都好最後大家得左值得高興

無聊既重讀日子終於正式告一段落

係2010年呢D咁無聊既日子中唯一既精神支柱就係放榜之後既CAMP,但係結果竟然係直到8月我依然因為要返果幾個鐘頭學而去唔到,,AGAIN!係第幾次唔知做咩要返學而錯過左好多野,真係SAD到依家,都唔知做乜成日要係間學校入面

8月去CAMP,係我返學7個月裡面唯一一個精神枝柱,只係一個好小既願望姐,呢年入面都已經冇咩值得高興值得期待令我感興趣既事,點解一個小願望我都實行唔到,由上年8月等到今年8月..等D咩?

講真我真係好介意冇得去CAMP囉,日日返學放學返學放學走黎走去都係天恆同天華之間,放假都係喱係屋企....自閉到已經唔識講野,好喇終於考完晒試等開學期間去玩幾日都唔得..一諗起就忟,,靠住呢個精神枝柱咁耐結果原來係空氣黎

有人話想去咪唔好返囉

我都想唔返

但係我又唔想咁做

係好白痴呀又要走去返學返左學又要係度唔開心..

然後我就期待快D到9月1號開學,,我曾經對展開中六既生活期待左好耐

開左學之後見到既又係一張張陌生既面孔...當然呢個情況謹限於我係咁.....對班上既人毫無認識,又要重新識人,但係

新人做一年就冇,

到左第二年

要更加靠自己

今年遇到最大既困難..........

有時D野,,,其實...我真係唔知,我真係真係唔知

咁就問啦

但係多數得到既回應都係: 

「下..唔係呀嘛...不嬲都係點點點架啦,,,你唔係唔知呀嘛...」

好啦,其實我對呢個地方真係冇咩認識我真係唔知

FINE

FINE

FINE

FINE

FINE

I AM FINE

講左咁多都好似係負面野..唔打返出黎真係自己都唔知原來有咁多野鬱埋係個心度..本來呢篇野原版本唔係咁,得二,三百字架咋,因為都真係冇咩好精彩既野發生,6月之後又冇再打xanga,好多野都唔記得左

um..

我仲記得果少少就係小之,J花黎左香港,,一齊睇ECLIPSE

穎返左香港,一齊出街,,又見到好耐冇見既雅同曲,,一齊睇REMEMBER ME

仲有冇呀...是但啦..都係果d...

eh............. 我諗到有咩高興既事喇,,呢件事本身都冇諗過,係某人提起我先醒起,,又好似係喎....哈哈.話說依家讀中六既野其實真係覺得幾開心,,至少開心過上 年,,因為始終依家讀既係新野,,雖然d成績真係...唉..但即使係咁,,都係學緊新野係前進緊丫...repeat果陣做黎做去都係果d野,,,真係 悶到...

2011喇......

我好希望..................

=]

我覺得呢套野有d似 [ 公主與青蛙 ] ,
因為入面都係講一男一女細細粒既野去搵一d野,
跟住途中遇到一隻好幫得手既螢火蟲幫佢地,最後做左朋友...
大團圓結局.................

*好聽喎呢首歌Demi Lovato - A Gift Of A Friend

哇我尋日真係行運,,可能出街行一轉真係會有運行D
話說尋日LUNCH去左天慈同WISH,CICI,LINLIN,YU,紫橋飲茶
飲完之後個個都有野做/返屋企,,難得有街出都冇人得閒..
結果飲完就返左屋企
不過唔知點解尋日好多人搵我@@真係好神奇...平時唔搵我果D都搵我...

不過呢個唔係重點囉,重點係尋日竟然抽獎抽中左-_-"
真係好神奇....

*咿..今日係遊遊生日呀...希望佢生日快樂啦-v-

今日睇左幾篇08年既entry,,我發現我打xanga真係愈黎愈悶
以前就算我足不出戶都可以搵到好多野想講
依家真係就算出左街都唔知講咩好,
一來係因為懶唔想打野,二來我諗我真係愈來愈悶喇

哈哈,原來我以前成日都post jesse既野,以前o係jmhk睇完覺得正就放上黎
雖然讀者真係得我自己一個
不過依家睇返都覺得好正,因為可以睇返自己睇過既精華
依家好多時睇o係jmhk睇完就算
見咁耐冇post,呢次一定要post啦,,就係有關STEP UP 3D呢套戲

A while ago we announced that Jesse McCartney will be on the Step Up 3D Soundtrack. This news item is now confirmed! The song is called “Up” The picture above is songwriter and producer, Dapo & JMac taking a break from recording the song.The releasing will be on July 20th.

必睇啦!STEP UP啵仲要有JESSE唱既歌,希望唔好係片尾果D啦 XD
我會等唔切囉...
上兩集我都唔係入戲院睇既,,今次我要入戲院睇~

另外,,JESSE新單曲七月都有喇

其實有些事我想說很久了,只是沒有機會...
不過呢,看看月曆,距離上年的8月5日已差不多過了一年了
一年時間說長不長說短不短,
至少改變了不少人的心境,甚至是以往的生活

這一年裡啊,看清了不少事,,包括關於自己的,也關於別人的
雖然在重讀這段時間裡,我接觸的人真正有互動的是很少
雖然接觸的人少了,但是的確眼界是擴闊了
人嘛,就是要偶爾換換環境,,,看多點事物才能接觸大世界
雖然直到到今天我還是沒甚麼識見
可是,我絕對相信這一年裡我遇過的事是有點不同

對這一年,我有一些話很想說,
當你炫耀時,有想過其實別人也可以做到嗎? :)

關於自己的嘛,,我想我必須承認,我似乎變得更加自私了
可以不那麼自私嗎?
大概以往接觸的人真的太少了,而且所接觸的人也太好人了
後來我發現,原來我只對某些人自私
這會是好事還是壞事?!
我不知道假如我不自私一點,我能抵住別人的自私嗎?
我真的發現我以往遇過的人真的很好,比以往我認為的更好

不過,每處也有壞人,但每處也會有好人的!
有些人,比我遇過的更大方,更加令人印象深刻 :) 我當然很感激這些人
真的非常感激,我根本沒有做過甚麼,真的不清楚為何能夠得到這些
我好像都沒有正式跟這些人道謝,但我心裡跟這些人說了很多次感謝
希望這些好人一切安好

 

幾經辛苦先等到周公放學,就搭巴士出元朗
巴士!!SH*TSH*TSH*TSH*TSH*TSH*TSH*TSH*TSH*TSH*TSH*T
點解又係巴士,我真係好唔鍾意搭巴士
不過唔搭又唔得-3-
本身話去到鋪上路就落車轉西鐵,點知去到元朗先落到車囉哼!
再遲D落車我又要路架喇!我中午果程車都仲未抖夠
連LUNCH都冇咩胃口食,又肚餓又唔舒服,架車條路線又迂迴
仲竟然一次又一次咁欺騙我話下一站就落車
結果搭到出元朗先落車,,哼哼哼哼哼

去到元朗,陪kayi去左買禮物 B-)
返到元朗真係舒服好多,連暈車浪都好返晒,,
買完禮物就返天水圍,6點幾喇果陣都,
KAYI o係輕鐵上暗示可以上佢屋企玩xd於是我地就上左佢屋企喇
我地幾個都去7仔買左個撈麵黎食..真係好肚餓~
上到去kayi屋企就打左陣牌,子華係咁冧莊,結果打唔到一圈,
我地7點半就散了,,呢日都算係美好既一天
好難得會出到大埔就係為左食個lunch...

經過呢日,我覺得呢一年我真係錯過左好多消息架
重讀既呢一年真係好多野都唔知道
唉

*多謝你地d禮物 <3 我好鍾意呀

其實我有好多野要打返但係我諗我已經唔係好記得要打d咩
嗯..唯有諗到咩就講咩啦

5月25號考中文說話
當天我好辛苦咁由屋企回校練習,點知返到去加埋阿sir都係得3個人o係度
最後係呆坐左個幾鐘頭又要返返屋企換衫出去考試
sh*t 早知係咁我o係屋企溫多幾次朗讀仲好

返到屋企仲有半個鐘頭時間hea,就睇左陣朗讀,換埋衫行去伯裘度考
超熱囉真係,去到伯裘門口又見到果d叫人填問卷既年青人
今次見到果個幾靚仔,
但係我一見到佢拎住張野行過黎即刻拎部電話出黎扮聽電話
我同佢講唔得閒趕時間,佢話考完試出黎填丫
好啦咁到我考完出黎,估唔到佢認得我喎omg
之後我見又冇咩好做,屋企又應該考開飯 lol 於是就幫佢填左張野
不過經過上年真係唔會再咁白痴寫真野

講返考試情況,今次呢題ok喎,,d組員都ok,唔係好騎呢,
係有一個怪怪地之外其他人都好正常,個個都好平均,
唔錯,討論氣氛都ok...我都發左幾次言,比上年好好多
希望3到啦唉...4唔敢望喇,
因為今次雖然係做得ok既但係都唔係發揮得太好

我睇返之後考果d題目,我真係勁好彩啵,咁岩我果題算易
我之後果d都幾難啊我覺得,即係如果俾我去考應該死左
而且咁岩又係揀野既題目,我今次真係好彩,,希望英文oral都咁好彩

......

近日在家的時間真的太多了,,看書也的確會使人思考多了
不知怎的突然想起了很多以前的事
很多很久以前,而且其實也很小的事...不過,每一件都不是甚麼好事

現在拿起一本書,會想起小六的時某句從某個人口中說出的一句話
一句令我到現在想起還是感到很驚奇的說話,的確是令人費解也令人氣憤的說話,,
我真的不明白為何可以說出這樣的話?!
我猜我永遠都不能理解也不能認同那個觀點(或是理論)

現在拿起一張不知從哪個角落掉出來的陳年YES卡
會想起中一的事,不過這次不是說話,而是一些行動
其實是很小的事,不過我的確很介意,感覺像是被背叛了
雖然這樣說是有點嚴重,不過,如果把同一件事換上其他情況就是背叛了

...

還有其他的

每件事發生的時間不同,情況也不同
不過結果都只是一樣,,就是只有我自己一個生悶氣
我完全沒有能力反抗,完全就是軟弱

明明道理在自己一方,,我都不能大大聲地反駁對方
我甚至連生別人的氣的勇氣也未必有

假如可以回到以前我首先要改變的是我自己的性格,
我相信性格是天生和後天都有影響

直到現在,我甚至覺得自己愈來愈軟弱,愈來愈容易因為一句說話,一件小事而哭

在我懂事以後真的哭得很少,在上到小三時就已經沒有甚麼事會讓自己哭了
但是後來上到中學,,情況反而改變了

以前我很容易就把別人的說話當耳邊風,不會在意,,就算在意,轉個頭就會忘記
可是現在,我不但更加在意別人的說話,我還會牢牢的記著
無論是語氣,用字,每一樣都記得好清楚,
記得都不只,還會常常想起..然後又一個勁地不開心,根本就是自尋煩惱

以前我做一件事失敗了我不會當是很大的一件事
失敗了大不了再做,我會生氣,我會生自己的氣,
我不相信自己做不了一件事所以會一直做不論用甚麼方法
但是現在我很快就會因為做不了一件事而感到傷心,,連生氣都無力了

我不喜歡再這樣下去,我想做回以前的自己
這樣就不會常常想東想西,甚至根本不會出現這ENTRY

 

唉節哀吧...說這麼多還是去看書好了/_\

噢其實今天又出了元朗WITH喇嘛
主要目的是拿身份證,其次目的是買禮物...
以上兩件事完成了,還多買了兩本書給自己呢-v-
很多書要看...今天終於買了白夜行和the kite runner
都是簡體的,,幸好之前沒有買台版..不然就貴死了
雖然在香港買簡體書本來都不是那麼抵....

回到天水圍後就在天耀m記寫生日卡
啊啊啊!!今天在等喇嘛時還在天耀m記看見康呢
然後出到元朗又剛巧遇到他..

嗯...明天是ORAL PRACTICE DAY!
上午中文下午英文
很好 :(


 

不然走在街上會感到很不自然

雖然我也只是在家裡6天而已

還不足一星期....

昨天與葉同學到元朗去,其實都不知道要幹些甚麼,
只是純粹想出外走走而已
最後我們跑到了卓悅和莎莎 lol 之後在千色逛了一會便回家了

很久沒有上街,本應很期待,又或者是捨不得歸家才對
可是昨日我出門前有點不想出門,出門後又想快點回家
不知道原因是甚麼,可能是因為.........
也是因為我掛念我的newmoon吧,,
昨天我晚飯後就一直看,看到凌晨4點
我不知道自己看了這這麼久,6個小時的時間就花在閱讀一本小說上

事實上,按照每天花大約10小時的時間看一本書的進度
相信星期三我就要開始進行另一計劃了
這說不上甚麼大計,不過卻很重要,現在想起來有點興奮了!

噢.....穎穎你快點回來呢!!!十分期待你的回來~
我們一定要瘋狂拍照!

說起拍照,,我電腦中到底有多少張照片還沒有沖曬出來呀?
我絕對肯定有500張以上了
我都不清楚到底為甚麼我會有這麼多照片要曬
我又不是常常拍照的

除了天官的照片,其實還有一些上年年尾和今年的照片
最近的大概是會考完那天吧
OMG!現在想起來,我才發現我們竟然為自己的第二次會考完畢留下紀錄了
雖然照片上應該沒有日期..不過我會好好記住這一天-口-
至少每次翻出這些照片時都會記得

*

阿sir問:點呀考成點呀...
我答:唔得呀........../_\
阿sir:你指英文科定係其他科先
我答:全部...../_\
阿sir: ....你覺得姐.....

但願如此 /_\

阿sir:有冇搵野做呀..
我答:未搵到........./_\
阿sir:搵d野學下啦....好過o係度冇野做

/_\我都正有此打算,有冇人有好提議學d咩好?我好認真架
係要短期可以學得到既野..我諗我現時都有dd錢既...
不過學野唔係我首選,我需要搵工做多d

*

近日閱讀twilight,,,愈看愈看得感到有點不對勁
所說的不對勁,不是故事不對勁
而是...故事人物總來擔心來擔心去,,每個角色無時無刻都危機重重
好吧我知道這就是故事的吸引所在而且也是重點所在
不過,不知道怎的,,就是有種開始看得有點不耐煩的感覺
我所指的不耐煩是:

沒完沒了的我擔心你你擔心我,
每次一有事所牽連的都是所有出現在故事中的人
而且還要我暪你你暪我的,每個人都有那麼多說不出來的心底話和秘密
然後就會有一堆對白是某人說
我不想你有事
我不會有事的
求你不要出事
求你一定要活著
我一定要去救他
你不能因為我而受傷
我不會讓你受到傷害的
我不想傷害你

諸如此類

不過,現實中也是如此吧,
父母擔心兒女
兒女擔心父母
朋友擔心朋友
情人擔心情人
兄弟姐妹擔心兄弟姐妹

就是這樣沒完沒了的同時人與人之間又互相充滿衝突
這就是傳說中人間最美的是在有仇恨的同時也存在著愛?!

就像我每次聽到周柏豪的報告總司令歌詞時都會有一點點的感動

「攻佔地球　易過捲起衣袖
但我喜歡這裡有人為我守候　真心當我好友
比賽之際回復做對手
浪漫又矛盾　但在月球裡沒有
魅力沒人有　就是地球客獨有 」

確實是很矛盾啊

而且人都很貪婪
edward和jacob都跟bella說過類似的話
他們都跟bella說你不能甚麼都想要
在bella跟別人說不想別人在意她的生日同時又想要edward遷就她
edward這樣說了
在bella選擇了edward而jacob不得不離開bella時,bella想挽回jacob的友情
jacob也這樣說了

這真的使人很納悶
人就是這樣想所有事都兩全其美,,是對自己心中願望的兩全其美
但世事就是不可能甚麼都有兩全其美的解決方法

唉

當看到這裡真的不禁要嘆氣一下
 

這些天都沉浸在一些虛無縹緲的愛情故事之中

這個先不說,
我覺得我很需要先提及一下近來的生活

gosh!gosh!gosh!gosh!gosh!gosh!gosh!gosh!gosh!gosh!gosh!gosh!gosh!!!

又一個會考後的悠長假期
這本來應該是令人興奮,令人輕鬆的一個美好的假期
可是會考完了一星期了,我仍然是每日毫無目標的過著日子
每天醒來最大的推動力就是11:45am在無線播映著的「爭霸」
這就是中文阿sir說不知道為何會找郭羨妮做西施一角的劇集
事實上這的確是不錯看,有陳坤,有郭羨妮......

不過這也不是我最大的推動力,
我最大的推動力是買了回家一年仍未閱讀的twilight
這本應該在上一個悠長假期結束前就看畢了
但是我捨不得看...是捨不得

話說家中書櫃的確還有好幾本書我是捨不得看
而使它們到今天－可能已經超過幾年－仍然安放在我那個我視之如珍寶的小書櫃
雖然這小書櫃內的書本數量實在不足以炫耀,而且也不是甚麼有深度的藏書
不過,我確實是很喜歡它們,
我真的捨不得把它們隨便的翻看完就把它們放回書櫃裡
說到這裡,不得不用口語
我真係好想有人明白我真係好需要一氣呵成咁睇完一本書
一係就要一氣呵成,一係就永遠都唔睇...
我絕對是這樣覺得,我不知道那是為甚麼,總之..我堅持

言歸正傳
我這一星期自從考完會考當天後,就沒有踏出過家門半步
我著實就快發瘋
到底有沒有人有空陪我出去走一走,就走一走好了,,
事實上我很需要一份工
唉算了吧....連家門都沒有出過怎能期待有一份工會主動來找我
(但話說明天剛好是考完會考一星期,剛收到電話終於有人找我出街了)

這些日子過多一天也嫌多
我實在不想再這樣待在家裡,我必需要努力找點事做
而結果我找到的就是看twilght和看電視,玩電腦,
我甚至連很少玩的電話game也找出來玩了..
而昨晚我更無聊到跑上迪士尼的網玩那些益智遊戲

考完會考這一星期我最重大的改變就是
竟然會每天早上9時許10時左右就自動自覺起床了
照理上,放假我就完全放肆,每天不知睡到幾點才爬起來吃飯
我都不知道為何有這改變,我希望可以保持著

每天起床第一件事就是看twilight
花了兩天才把twilght看畢,現在在看newmoon,,希望星期日前可以看完
看完newmoon之後又會把其餘兩本看完........

那麼看完之後,我還可以做甚麼?一直這樣看書?不行...我才不要
這樣絕對是枯燥的,老實說看書真的很花心神
不是因為書中密密麻麻的文字,而是一但投入了那本書(當然我是指小說)
心情隨書的情節起伏,看到緊張的情節又跟主角一起心跳加速,
看到憂傷的情節又跟主角一起難受
最變態的是你不能停止下來,即使眼睛累得紅筋暴現仍然不能停下來
直到你的身體在你腦袋用力敲呀敲,在抗議你無視眼睛的痛苦時
才可以乖乖合上書本爬上床睡覺

每次合上書本後,才發現自己的眉頭皺得很緊
往往放鬆下來的時候,,眉頭的肌肉都酸到受不了
要快點看完twilght擺脫這些感覺

噢,昨天由於太無聊,很想看the vampire diaries,
很多人都說好看,這燃點了我心中的一團火,,
之前明珠台播的時候我就想看了,不過沒可能會看到
現在這麼多時間,很想找回來看,可是可惡的pps不知怎的沒有了歐美劇場一欄?!
快點彈回來吧!!!!!!!我要看劇啊shit!
我好日也不開一次pps,為何在我想看劇的時候你要消失了?!
唔通真係連個天都唔鍾意我

唉

今年沒有心思回想會考的情形
感覺上會考距離我已是很久的事情,其實只是一個星期而已
但是我對這次會考的印象很模糊,但我不需要記得
現在唯一想做的是不停有事可做就是了

真高興在我抱怨自己在愈來愈頹的時候正好有人來電找我出街
感激不盡
雖然我不知道出去有甚麼事可做,
不過我覺得我也是時間外出感受一下陽光了
看twilight看得是整個腦子都是陰陰沉沉的畫面

er....還有就是....昨天看了公主與青蛙
我的投入比自己想像中還多lol
可能因為真的太無聊太無聊了,,不投入看戲真的沒事可幹
這果然是迪士尼的片...景很美我很喜歡
而且故事也很可愛,雖然是古怪的青蛙當主角,不過看真一點
其實兩隻小青蛙的樣子也是可愛的,特別是女主角
還有那條短吻鱷,白痴死了,不過我喜歡
但其實我真正喜歡的是那隻螢火蟲,他死了我真的有種傷感的感覺
一隻這樣友善又勇敢的小蟲就這樣被壞人輕輕一踩
就死了
不過最後他成了天上一顆星星陪伴心愛的「螢火蟲」時
又真的使我會心微笑,雖然那只是老土不過又順理成章的情節
不知怎的,近來可能真的閉在家裡太久,更加多愁善感了

*

然後,就要說回甚麼虛無縹緲的愛情故事,其實只不過是twilight的讀後感xd
其實,我真的很喜歡mike newton這角色,我是指書中的,電影中的我不喜歡
電影中的mike newton給我感覺就是很討厭
不過書中的卻很可愛,,很真,很友善的感覺
但我喜歡電影中的eric....他的感覺反而比較像書中的mike,一樣是那樣nice
是很奇怪,書中的mike的出現次數肯定比eric多很多而且也重要得多了
可是電影中mike顯得不那麼重要而且也惹我反感
但eric卻常常出現在鏡頭中,,有趣

另外書中的jacob果然是比較可愛 :D 而電影中的jacob...
我今天又再一次看twilight電影,這一次看,覺得jacob真真正正是個可愛的孩子
但非常可惜他可以說是被bella耍了(在twilight至newmoon情節發展裡來說)
當然我還覺得taylor根本就是為jacob這個角色而出現
簡直就是跟我腦海中的jacob差不多樣子了
但是在我第一次看twilight電影時,我不怎麼喜歡taylor
可能是因為有rob在影響......誰叫我在harry potter看過他之後就念念不忘
這一次看,看到rob出場還是很高興,不過沒有了之前的興奮感了

噢剛發現rob昨天生日了,現在24歲了吧?

嗯,,twilight這故事其實....看完就好了,我猜我不會再拿出來看了

啊!說起twilght電影,,,還是很喜歡打棒球那部分,,
每次看到都會精神為之一振,太正了

好吧,,這次因為太無聊而出現,又長又無內容的entry在這裡完結了