今個聖誕,,,都幾好丫,,同嘉恩喇嘛周公子華康一齊過

首先3點幾睇左NEWMOON,,我終於都睇左NEWMOON!
哇呢套野真係........中間好悶....
上次睇TWILIGHT我一路睇一路緊張到心仔卜卜跳,今次冇左呢個感覺,,
套戲配樂都好似冇上一集咁正
上集SUPERMASSIVE BLACK HOLE....LEAVE OUT ALL THE REST...
等等呢D真係令人印象深刻....今次我又唔多記得有咩歌

所以睇完都冇咩特別感想,,,就係咁喇...
睇完都5點幾,,去左北江買少少野食,之後上左康屋企
我地交換我地份禮物仔LOL真係唔知講咩好
我送果份禮物好虛無..XD唔夠一個鐘就俾人食左落肚,竟然係俾周公拎到

好似馬拉糕,,
其實呢個蛋糕最特別之處係佢係好有彈性...
吉到勁大力都吉唔入會自己彈返上黎,,強!

之後我地HEA左好耐,HEA到8點半左右就出左屯門

o係市中心果度流連,,,狂咁影相,,,影左好耐相,,,,真係好kai
之後仲要去埋影貼紙相 -v- 真係好耐冇影過貼紙相呢樣野喇喎好似
一影就影到11:30...咁就過左2009年聖誕晚上
其實本來我話12:00之前返到屋企,,,但最後因為太肚餓食埋飯先返屋企
12:00返到天水圍就去北江食野,,,食左個吉列豬扒拉麵,,,又幾好食喎果度d野
之後呢,,,1點左右就返到屋企啦

返到屋企第一時開電腦,,,,見到米米up返bbq d相上facebook
真係笑死我,,,睇左好耐相,,,坐下坐左就4點幾lu
o係我準備off msn既時候竟然見到kayi on緊line!!竟然同我一樣咁夜,,,
寒暄數句我就off嚕,,哈哈,,尋晚既聖誕都幾快樂:D

發生咩事

乜咁快就聖誕節....我咩準備都冇...
聖誕卡,,寫都未寫過...
我竟然係白痴到唔記得左要早D寫聖誕卡拎去寄
話說郵局截左郵就乜都唔使寄...
但係我竟然係完全冇左件事,,,,,真係發緊夢..
個結果就係我真係乜都唔使寄...等下年,,,下年我再寄返俾大家
今日聽到有人同我講聖誕快樂我真係呆左
我真係唔記得左聽日就係聖誕節

點都好啦MERRY CHRISTMAS喇各位!

喂我真係覺得呢個所謂既聖誕假完全係唔夠我用
D計劃完全完全完全係錯晒

唔知點解,,今年對聖誕節冇咩幻想(?!)
唔通我已經唔愛聖誕節?!
冇理由既,,應該係因為個核突HKCEE姐

事實上,我近日發現我依家對好多野都冇左興趣....
專心學業,,好事...不過..有種好麻木好枯燥仲有丁點兒迷失既感覺
嗯.........但係係好事吧

放榜有好成績就會覺得一切都係值得...

乜真係「一切」?睇下你個人目標,,你最重視係D咩啦
畢竟每個人o係成長既唔同階段所重視既野都會唔同

今日咁樣補課法補到咩mood都冇晒
困左o係個近乎密閉既禮堂咁多個鐘,感覺真係超級差勁
放左學除左肚餓同埋眼訓之外,咩感覺都冇
連提到聽日出街玩都興趣不起來,,更莫講話叫我溫書
日日咁樣返學即係逼我返屋企訓覺訓到天昏地暗
同我溫書計劃完全係出現排斥

將勤補拙....
咄!

今日派左中文卷三卷五卷二
卷三我覺得有d答案都改得幾鬆手咁,,,
卷五竟然咁都合格,不過真係好低分...卷二算係咁上下啦
今日做maths 08,09pp,,突然諗起出年係2010年,,我估正常黎講係冇09咁難
咁都放心少少咁多啦

真係慘,,我依家先知原來07卷三有七成半分都係得個三等
乜唔係話七成左右就有四架咩,,可能英文先係

真係一定要講多次,,,,
今次CE完左全部人都要出黎食大餐,,食食食食食食食食食食........
 

第二部分就係去HALL睇SING CON+CHRISTMAS PARTY

CHRISTMAS PARTY...er....其實.........我好想帶相機返黎影相架
不過最後都係懶得帶....返正又唔知充唔充到電
d遊戲呀...er.....今日都食得飽....好似第一次聖誕聯歡係真係會有飽既感覺
因為今次食埋d野都係飽肚既
之後抽獎...er.......嗯,,er.....我到依家都仲係覺得我送果份野幾正

跟住,,之後既第三部分先係本人是日重點

話說今日BBQ....
本身因為聽日要返學所以話今日唔會去...但其實我堅係好想去
我今日一路食野一路講,,講左好耐好激動,我真係好想去
因為真係好似好耐冇見大家,我覺得你地就快會唔記得我XD
結果呢,,,我都係決定去啦!我真係忍唔住喇!
機會難逢呀!今次唔去可能真係要等到CE完左先有得去...
第二日要返學都照去啦咩事,,今次最多咪早走
(其實如果唔係今日有人陪我早走我都唔會去B...好彩有)
哈哈哈,,跟住就正喇

一見到RONCHAN,周公,喇嘛果D就係咁講到冇停囉真係
特別係RONCHAN同周公兩個真係笑死
搞到全程西鐵同巴士我都覺得自己好嘈XD
之後去到等左陣,同朱威LINLIN喇嘛一齊買野
買完就去個爐度喇.....一見到咁多人個感覺真係好GOOD
之後就燒野食啦,,,,,燒到咁上下就影相喇大家,影相真係好好玩,,,

其實今日既重點係影相XD影左好多好多相
落沙灘影果D相最正..不過依家未有得睇,,影相既過程真係好玩
其中阿lum更係影到得到報應 不過真正既報應原來係到最尾先出現既
呢個故事就係教訓我地影人唔好影到咁瘋狂

雖然lum你係「沉默的瘋狂」-by 米米

之後再hea左陣就同holam,lum,ronchan,nama,米米,周公,康歸家了
o係輕鐵度我地都依然係咁影相,,去到西鐵都唔放過
落車既一刻影既相真係

然後我地就快快樂樂咁回家了,
o係天水圍站仲o係對面月台見到天官隔離班既同學添喎哈哈哈
返到屋企剛剛12點,,可惜我唔係灰姑娘

返到屋企第一時間開電腦等大家up相,,,聽日再睇先,,

好搞笑啊,,今次BBQ後既感想就係:
電子產品呢樣科技真係偉大而且有趣既發明
只要有一部相機o係手,,必要時再配合電腦,真係你想點都得
另外就係,,空間,角度呢d野真係好微妙

完

22-12-2009 屯門蝴蝶灣

我永遠都唔會忘記貨幣供應總值包括外幣,有通脤時新減舊除舊乘100%要加返100
今次樣衰左一定一定保證冇下次

不過下次會樣衰第二樣野囉

嗯,,,突然間...亦都係第一次...覺得咁樣好內疚...
好對唔住ECON呢科(?!)  更加係對唔住 _

今次考試全部科死晒

喂星期一最後一份卷,,唔會再咁低能

完。

經過尋日,,READING聆聽綜合全部做到一塌糊塗之後
今日MATHS再接再厲  簡直係振奮人心

聽日又到左我最憎既LISTENING考試
今晚真係會早D訓,,今次講堅,真係講堅,我諗......早到...12點訓啦XD

喂真係突然間好期待呢個聖誕假期.....(假期?)
雖然其實都冇乜特別活動
不過過埋呢個12月就真係要衝刺
我仲記得MISSHUNG講過12月左右開始就係黃金衝刺時期
只不過,,上年真係HEA到...

今日放學,真係唔知咩事囉  又會無啦啦俾人話既
莫名其妙!

考試週開始
我肯定搵唔切書,死硬

除開那沒法改掉的壞習慣,,包括晚上不願睡覺,先玩電腦後做功課/溫習
如何調整自己的心理自己的想法確實還得好好學習

經過了一次會考似乎還沒有學懂
說要成功必須要犧牲,就看你願意犧牲多少
這我知道,,,也明白
不過在我角度來看要成功其中一個因素是有人陪著自己努力
人總是會互相影響,,能不能不受旁人影響要看定力
假如身邊的人不願意跟你一起向前跑呢?

misslau說過,,當第一是孤獨的,,但要成功,就必須向前跑
你絕不能停下來等你的同伴,,也不能夠回頭看,,認清目標就向前衝

是啊,,,當第一/取得成功會孤獨,,需要犧牲某些東西...這不是問題
問題是...那成功到底值不值得你犧牲友誼呢

不是在說甚麼為求達到目的而不擇手段,,出賣朋友...
是說當朋友的關係愈來愈好,也許他們選擇了放棄當第一
而自己根據「專注地向目標努力前進」的理論實行,,
所錯過的所犧牲的就是與朋友相處的時間,

到底哪一樣才是值得的,,,我也不知道
到底要學會的是如何平衡自己的時間去達成兩邊的目標
還是要學會選擇對自己重要的一樣?但是,,那到底哪一樣才是較重要?

回想起來,,

事情,,好像沒有改變

哈哈今日放學o係輕鐵上巧遇HO LING

補完課返到屋企都2:00PM,,食完飯都3:00PM
之後就訓覺訓到7:00PM起身玩電腦,,
今晚屋企得自己一個,,,食左個出前一丁就睇電視...

總結就係今日咩書都冇溫

WOW,,,至於英文份功課.....真係.....掂都唔想掂。

*

哇咩事啊XD
頭先一打開電視轉過明珠台見到做緊AMERICAN'S GOT TALENT
本身都冇咩留意入面D人做緊咩既,,,開左個電視我就行左去整麵食
之後無啦啦聽到有人唱"DON'T STOP ME NOW~"
哇即刻行出廳睇,,,原來有一班阿叔阿嬸唱緊呢首歌,,,好正啊哈哈
好耐冇聽呢首歌,,

gosh

唉也其實壓力來自邊度呢?!
好明顯答案得一個不過係好事黎既
呢種壓力我應該受得起都有效用
相比起好多其他野,呢d壓力比好多野都有實際功效

喂呢個世界真係好細,,,都唔知係第幾次講咧
又尋回一個小學同學
這世界真有趣,,,要找找不到,沒有想過找到的偏偏卻會給你找到

不過有一樣野我今晚想搵到xd就係小學同學的照片

我跟很多人事物都脫節了,,為的是甚麼?!

錯。

今天,,學校派了有關聖誕假期回校補課的通告
我發現,原來我有5天正式的聖誕假,,比我預期中多了
呢5日假要點用好?!

*

幾時先調位?!

點解今個星期仲有兩日有 _ _ 堂?!

今日,,鄰座的何同學講左句野,,
「口水要年年噴月月噴日日噴」

我真係笑左  lol 仲勁過階級鬥爭

*

好煩啊,,,d野乜都唔識,ECON真係好奪命
中史呀....唉~_~

今日中文派返09卷一
拎返份卷之後當堂感覺係都唔知上次會考個分點考返黎既
 

其實跟你距離確實是很遠
就好像永遠沒法拉近
踏一步,好像近了,但其實是在原地踏步

我希望那個是我
但根本沒有可能

*

哈哈......星期五那天忘記了記下一件事
就是早上回校的時候我好像在天恆看見了達明
又一個很久沒見的同學

*

痴線

我剛剛才發現還有一個星期就考試了
完全沒有溫習的意欲
我該把一星期的時間放在哪一科?!
是一科,,好吧事實上一星期最多只可能徹底溫到一至兩科吧
畢竟太久沒有做過溫書這個動作,,,臨急抱佛腳的技倆似乎生疏了

最重要的一點是
自從會考完之後過了數個月悠閒的生活,現在變得很不能熬夜
少睡兩三小時都覺得十分難受
以往連續一星期每日只睡兩三小時都沒感到那麼難受
我很質疑現在的自己能不能開夜車溫書

現在亞視播著亞洲星光大道,,
羅力威在唱林俊傑的曹操,,當中一句歌詞「東漢末年分三國」
使我突然很有衝動溫中史!!

但我覺得我沒有可能在一星期之內溫得完中史的範圍

*

ALICE IN WONDERLAND上映日期:2010年3月4日
OMG,,,3月考MOCK冇得睇添,,,算啦,應該之後仲有好多正野睇.....

PRINCESS AND FROG好唔好睇既呢

7月有TOY STORY 3,,  8月有3D版美女與野獸"

到底睇唔睇CHIPMUNKS好呀
但係我又想睇NEW MOON,AVATAR同十月圍城喎
不過好明顯我就係會揀NEW MOON啦
 

-why i listen to sad song?

and

-why i use english?

*

dejected

今天乃RONCHAN十八歲之牛一,,還有就是天官的SPEECHDAY
還有就是...好像沒有了,,但我仍然覺得今天是該有很多事要發生...

22號真係好想去睇

每一次每一次每一次都係咁,,幾時我先可以做得到?
到底每件事有幾多個一次,,我又有幾多個一次可以錯過
或者我都唔算太差掛,,MGHD我有,,
都擁有部份比其他人更早就得到既回憶
但這又如何?!最不該錯過的,,我都早已錯過了

只希望,,他會記得,他會知道,他會努力,他會原諒我

*

近來就是不斷在聽林俊傑,,我以前不算常聽他的,,不過不知道為何近日就是很愛聽
殺手的MV+實驗電影我也可以不停看了幾遍

不過我不能夠移情別戀

溫哥華是雨季　台北今天天氣很晴
這場大雨下得自己　為何不知所云
我想著甜蜜時的表情　音樂刻劃時間痕跡
讓你聽　我真摰的聲音

這才是賣飛弗,,要不停想著...想著....

*

OMG我唔記得左叫大家幫我拎今日份YOUNG POST!!
有冇人有今日YOUNG POST?!我好想睇

今晚冇電視睇,,,早D訓! (咿咁溫書呢?)

*

YAHOO 新聞看到:

哥本哈根救氣候 升溫4度後地球不再美麗
哥本哈根救氣候 越南指暖化威脅糧食供應
 

OMG
其實我覺得北極熊會絕種-_-
依家無線陳志雲就係講緊北極熊....(咁岩又睇緊呢個報導)
上年做英文SBA睇果段片又係講北極熊已經冇生存既地方
佢地冇野食要食埋D熊仔,,搵唔到浮冰佢地就要不停咁游,最終都係死

*

喂我新電話震機 = 冇震機
我返學放落裙袋,已經係好近自己..
我玩電腦放佢去電腦檯,基本上係我面前
但係我收到數個訊息一次都feel唔到

睇黎我依家除左返學真係唔可以用靜音
要打破我以往一年365日都係用靜音既習慣
既然係咁,,,BLUE J鈴聲又要出動喇

*

硬係覺得聽日有好多事要發生