唉未來既一年入面會愈黎愈多朋友仔18歲生日啊,,
仲有幾個月都到自己咧,,咁就18歲.....都唔知發生咩事

WOW!!!!!今日返學o係輕鐵見到SUKI!
真係超耐冇見過佢...上一次見佢,,係放榜?!
本來今日架輕鐵o係天逸輕鐵站停站果陣,架車一開門
我係眼尾望到有個好白既女仔上車
跟住我已經望左去第二度,但係我又好似眼尾有望到個女仔一路望住我
咁我咪望返佢,跟住佢hi我,,然後我都仲未知發生咩事(冇計啦人地近視呀嘛XD)
當佢再行近D既時候我終於都見到佢係SUKI喇!XD
可惜我地只有一個站既時間吹水,,去到天恆我就要落車了
真係有好多同學放榜之後就冇見過喇喎

*

有個半月冇唱過K喇!!!頂住啊!!等到聖誕假就可以去唱喇!

*

哎喲話咁快就12月咧,,,2009年都算係幾精彩既一年啦...
年頭果陣仲係5B既一份子,STUDY LEAVE前幾個月都經歷左唔少事
然後到STUDY LEAVE,,會考....會考都可算係各位人生其中一件大事喇掛?
諗返起,,2009年會考好似距離依家好遠....好似已經過左好耐喇...
之前日日勁搵IVE呀,,ASSO呀...升中六呀,,重讀呀....果D咁既資料搵到癲既日子
真係好似過左好耐lu...希望今年唔使咁

轉眼間,,,考完個會考就要等放榜,,坐下坐下就到8月5號...
以往年年o係903聽到傍住你放榜都好想知到底等放榜既心情係點
係咪真係咁緊張架呢...?
原來又唔係話太緊張架咋啵,可能因為其實都知自己表現係點
都估到自己個成績大概係邊架啦,,,

不過有左今次既經驗,,我就知道放榜之前真係要訓到夠先得-_-
如果唔係真係好鬼死攰,千奇唔好諗太多,,,訓飽先算-口-!!
當然想要訓得安心最緊要就係一早準備好晒D野啦,,
然後早D訓一個完美既靚覺,咁就真係GOOD喇
不過我果晚冇訓又唔係因為緊張果d..
只係因為成幾個月都係慣左朝早7點先訓覺XD咁好難突然適應返架嘛
果日7點就正是我起身既時間,,,
結果就係冇訓過,,,然後到食完個LUNCH之後眼訓到想死,
連睇UP都睇到想訓...

然後,,,,好快地就9月,,所有同學都有各自既出路
真係個個都去左唔同地方讀唔同既野,,,
唯一慶幸既係身邊冇人去左外地讀書....5B要見面都唔算話太難既
至少大家都同住元朗區咋嘛

依家都已經12月,,大家都投入左自己揀既路,,,做緊自己本份
時間真係過得好快
感覺上09會考係離自己好遠係好耐之前既事咁
但望真d個月曆,,其實又就快到2010年會考..好快就要經歷返同上年一樣既野
不過我可以肯定一樣野就係我一定唔會再好似上年咁渾噩

「捱埋今年呀」
我時刻記住,,,畢竟我都唔想失信於你
我真係要時刻提醒住自己我唔可以言而無信,我唔可以失信於你地
你地都好重要,,雖然你地都唔會知道你地對我有幾重要
不過,,我希望我可以用行動黎話俾你地知
同時,,我都希望當日既承諾,,你地都會同我一樣咁重視,
特別係你

我真心想所有08-09TSWGSS5B既同學都可以升到上中六啊
當然包括我自己啦
如果我地可以升到晒上中六,,,我地放榜果日真係要出黎食大餐XD

*

巴不得爸爸真係好好笑
富貴門入面做維維果個男仔真係好得意

*

你...搞到我近期都係咁聽JJ 不過算啦,,始終BLUE J先係我至愛
都話個名有個J字既特別正....但係點解葉宇澄個名冇個J字?

*

唔知點解,,呢種似曾相識既疏離感.......
即係....雖然好似係距離近左,但同時又遠左,,
我都唔知自己講緊乜.....總之就係心有戚戚然
呢種疏離感係,,我覺得係b h ng,,好唔鍾意咁樣

*

「你唔講野個樣好恐怖」
都唔係第一次聽,,,乜真係咁恐怖咩,,,其實點恐怖法呀
其實我都可以唔咁恐怖姐,事實上都唔係咁恐怖咋下嘛-口-?

*

尋日做09中文閱讀,心中不禁有一陣納悶
我覺得依家做仲困難過之前考果陣添,都唔知D題目要答乜,,
點解真係咁鬼難架,,,

我夾了一片叉燒入口,細細咀嚼這個問題

*

喂呀迪士尼啊年年聖誕都話想去結果年年都冇去,,,
我唔理啦我下年聖誕一定要去返啊,,,
見到D人影左相返黎,,,唔知點解我覺得好似上年果D靚D咁,哈哈哈
不過今年多D野玩既應該係,,,

*

LADY GAGA隻碟THE FAME MONSTER正啊,,不停咁聽隻碟D新歌............
係ALEJANDRO啊傻仔

妖,近排都唔知行咩衰運,,俾蚊咬到乜咁又唔見電話

偷電話果個一定有報應,,唔好話我咀咒佢,,,
做衰野一定會得到懲罰
善惡到頭終有報,善有善報惡有惡報,若然未報時辰未到

佢偷我電話唔緊要,,,冇手機用唔緊要
但係冇左張電話卡,入面d野拎唔返,,,就好緊要

從來都冇諗過自己部爛鬼野會俾人偷,,bull shit!容我粗俗d都要講
其實我都大概諗到點解會咁都有人偷既,,不過費事講咧

但真係好唔開心,,,,我淨係想要返張卡入面d野
我d messages,,message先係最重要,
其次就係某d電話號碼真係唔係話問就問得返
diu

本來今日心情大好,,諗住可以輕輕鬆鬆又一day咁樣既
朝早好完美咁訓多半個鐘,,然後返到學校好完美咁做完份reading
跟住好完美咁食左個早餐同埋吹左粒幾鐘水
然後又好完美咁做左個econ quiz,,
跟住仲好完美咁返到屋企玩電腦
所有野都好完美,,仲諗住可以好完美咁去屯門睇2012
點知就唔見左部電話,,,shit!
搞到我好唔完美咁睇2012,,,兩個幾鐘入面個心就一路諗住部電話
未能完全投入套戲,,,shit!shit!shit!shit!shit!!!!!

今日屯門大會堂對開果度有function
好似話有張繼聰江若琳鄭融薜凱琪...但係我去到果陣淨係見到鄭融走
跟住仲有高皓正,EO2同埋4個唔知咩人,,好似係打籃球的?
睇到4點半左右就冇睇喇,,今日睇唔到張繼聰添 lol 好耐冇見過佢

然後入左屯市,,,買左D麵包,,,,跟住去左7仔買野飲,,,然後去華懋..
途中就發現唔見左部電話,之後睇戲,,8:00PM睇完搭西鐵返天水圍,,
o係天水圍等輕鐵果陣竟然無啦啦有人拍我膊頭
我諗今日最幸運既事就係呢件事 -_- 拍我既原來係子華
竟然o係呢個時候呢個地方見到佢,,有嚇倒
其實當時我係o係度為張電話卡傷心緊,,而就係呢個時候見到子華
望到佢之後第一時間第一句連hi都冇講即時反應爆出黎既就係"我唔見左部電話!!"
諗返起果下又好似真係太激動
 

*

講返套2012...幾好睇既係
有d角色犧牲得好慘,,,不過,如果電影講既情況真係現實生活中發生時
始終都會有人係咁樣白白犧牲,死得好無辜
到底人類可以做到d咩?有冇可能救得晒全世界呢?
當災難來臨時,,道德呢樣野應該放o係邊?
人又可以依賴乜野?信仰?政府?錢?最親既人?

咁到最後結果呢?
原來到最後,,邊d人生,邊d人死,,都竟然係由人去決定

有好多本來應該o係方舟上面既人冇上到去,
好多本來根本唔會上到去既人反而就上到去
結果雖然係咁樣,,但世上人類都已經剩低唔係好多,
最後所有人都安全向非洲進發,,咁方舟上載既係咩人仲重唔重要呢

不過,,全套戲入面我最欣賞既一個角色呢,,本來係果個sacha既XD
一來因為我覺得個演員幾型仔,二來係佢o係咁危急既關頭可以好冷靜
真係好鬼正
但係到後尾我又唔明白,,點解佢一定要停低架飛機呢
如果佢唔理架飛機,成件事可能會唔同晒,,
佢死左之後我又唔係咁鍾意佢,,我覺得佢好傻,雖然佢死得好慘
而且我好可惜個型仔演員出得黎一陣個角色就要死

跟住,,睇埋落去原來我最欣賞既角色始終都唔係d主角
唔係果d企出黎話要拯救全人類果d主角...
而係果個冇左隻腳既中國人同埋佢細佬,,可能因為係中國人既關係
唔知點解我見到d o係西片出現既中國人果陣真係特別有好感
我鍾意個阿哥(好似叫天先?)係因為佢本來根本就唔使幫果d美國黎既人
明明佢本來要幫既係自己屋企人,
但係因為細佬,,佢無啦啦就要帶多幾個人上方舟,冒既險又增加左幾倍,,
最後仲因為要幫果d唔知咩人可以上到方舟搞到自己冇左隻腳
但係都冇怨佢地
至於佢細佬好心就唔使講啦

仲有另一個我覺得都幾好既人就係果個tamara
佢都真係好慘,,先係見住自己鍾意既sacha死左
之後又俾果個肥佬拋棄左連隻狗都冇埋
然後好唔容易咁搵得返隻狗,,又因為要救lily同隻狗被困於密閉既地方等死
佢其實可以唔理lily自己帶埋隻狗爬出去,反正lily同佢非親非故,但佢冇咁做
所有人都有人陪住,,lily同隻狗有adrian佢地睇住
jackson佢地同埋果4個中國人都o係埋一齊,,至少如果死果陣都仲有人陪
一齊驚,一齊面對
唯獨係困o係佢地中間既tamara就要自己一個驚,自己一個等死,冇人理

而最後陪住佢既竟然係一隻都唔知發生咩事既長頸鹿!

仲有就係我鍾意佢隻狗夠勇敢!

而阿gordon都死得都好慘,,死到連條屍都唔知仲有冇
但如果唔係jackson佢都唔會可以去到中國,,,佢會死早好多好多
佢都已經賺多左好多時間去同kate佢地相處

仲有dr.satnam啊,,本來都仲有希望同老婆仔女一路等,,以為有人接走
點知等到眼見d水湧到埋黎,都仲未有人接,,唯一可以做既就係同自己朋友道別
同埋同屋企人好好咁擁抱,,吻別
果陣到底係咩心情呢,,大好一個有份救果班人既重要科學家
竟然俾果班人遺棄o係度等死

*肥佬果兩個肥仔好搞野

套戲入面有兩個位係真係幾感動
第一係o係yellowstone national park果度jackson為左拎地圖,,
差d就咁跌落去地底死左,,kate同佢仔女好激動咁叫佢,,,,
連noah都喊住咁講佢係我爸爸,,,要等佢!真係好good!
其實之前講到佢同阿爸相處得麻麻地,但其實佢都好愛自己阿爸,正!

跟住另一度就係o係佢地差d俾水浸死果度
jackson話去補救整返走d卡住左既野,,noah話要跟埋佢去
然後jackson同個仔講
lily出左世,你就係阿哥,,,依家lily需要你,,你要照顧佢....(類似係咁啦)
做阿哥既真係責任重大啊

可能因為掛住部電話既關係
睇完呢套戲又覺得未至於令我好想好想再睇多次
冇咩特別既感覺,,,而且好出奇咁我冇乜點喊@@
可能真係因為今日投入唔到,但我又唔認為再睇多次我會覺得一樣咁好睇
 

今日唔知點解就過左一個上晝,又唔知點解會過埋一個下晝,
跟住就唔知點解會去到最後兩堂中文,,,然後唔知點解就放學嚕
今日本來中史避過一劫
但係中文堂真係唔知發生咩事阿sir係都要企我前面講書~_~

然後放學呢,,,係稍為充實少少既係咁做地理
其實都係吹水多過做,,,,下次都係準備定d野食咧
今日hea到6點半先返屋企...好鬼肚餓
所以就去左7仔買野食,,好耐冇食過撈麵...7仔既撈麵真係勁唔抵

*

以下係一段與葉同學既對話
「發展呢個項目會牽涉咩成本呀」
「機會成本」
「……」
「你做咩唔笑呀...」
「……」
真係唔知邊個係傻仔

我都覺得天水圍d氣溫好詭異

喂唔該晒喎大家記得買飛果陣講清楚D個戲名呀

*

今天
突然頓感會考就快殺到
食屎嚕

時間過得真係快
轉眼間好多科都差唔多/已經教晒書,,
其實呢,,我覺得我今年英文仲危險過上年喎
點搞呀

死啦,,文學又點搞呀
睇得宮心計多唔知點解突然好想拎本文學出黎讀下知魚之樂
我都唔明點解會諗起知魚之樂......

________________________________

生日快樂啊穎!

突然又好想講返尋日睇果套戲,,A CHRISTMAS CAROL
其實我覺得成套戲最重要既角色根本就係主角個FRIEND
如果唔係多得佢個FRIEND幫佢爭取到個機會見果三隻鬼靈
佢又點會「茅塞頓開」,有所「頓悟」呀 XD
所以,,,好彩多得佢個FRIEND咋,,,
但可惜佢個FRIEND出黎一陣就冇再出現,,而主角亦都冇多謝過佢....
可惜可惜

尋晚臨訓之前又諗起過去過鬼靈個低B樣,,,笑左好耐

好野聽日唔使返學!

昨天很厲害的由10:00pm一直睡到今天11:00am
13小時!很久沒有這樣一覺睡到天亮
不過唯一美中不足的是,,,6:45am時電話鬧鐘響了-_-
話說平日校了鬧鐘,昨夜忘記了要關掉鬧鐘

今天和嘉恩周公ronchan去了看 [ 魔幻聖誕頌 ] ,,很好看耶!

3D很正斗嘛,,這套電影...除了那些畫面很美之外
故事其實都沒甚麼特別,,就是說要對身邊的人好點,,珍惜事物
不過,,還有些笑點真的挺好笑嘛,,
特別是那個過去的鬼靈,,勁白痴xd到現在它的低b樣還印在我腦海中
然後現在的鬼靈,,,,它狂笑,,,笑聲很白痴,,害得我也跟著笑~口~
那個未來的鬼靈很型的說

這套電影啊,,我覺得,,,故事情節也算緊湊
沒有悶場啦我覺得,,,因為事情是一直接著來沒有停過
這套戲除了有笑點,,還有些嚇人的位
話說我身旁的嘉恩都有被嚇倒幾次..
不過說實話,,一開始的時候還是有些少恐怖的
到最尾的時候真的很好笑....主角很KAI

不過最吸引我的始終是美美的畫面,,,很喜歡這些外國小鎮的場景
還下雪呢~
不過我很想知道,,,,主角是做甚麼生意的?

話說戲內出現過一隻燒鵝和火雞,,,
看起來好像很美味似的,,,然後看完我很想食-_-
而且啊,,看完這套戲就是很想快點過聖誕,,
這套戲很有聖誕氣氛,,我喜歡,,,超喜歡,,
我想,,如果不是因為下月有很多勁戲上映,,這套戲下個月才上會較好吧
我也很想過這樣一個愉快的聖誕節呢~

在戲內有一句說話出現了很多次,,
「聖誕快樂!」
雖然是早了點,不過也先祝各位聖誕快樂

嗯,,,,看完這套戲啊,,就是覺得,,,有人陪自己過聖誕真好
若然聖誕真的能夠快樂,,就好幸福了
自己一個過平安夜過聖誕很寂寞呢

不行了,,我又想起那個過去的鬼靈,,,它的樣子白痴得沒話說XD

占基利很勁

看完戲之後,,,大家都沒有歸家的意欲
但又不知道有甚麼好做,,,結果大家沿臭河行...
最後6時許還是送了我歸家-V-

唉,,今天大家白痴得很,,,說些不知道甚麼話XD很無聊很無聊
我跟RONCHAN說,,,,他們說的話很無聊
然後他說平時都很少機會這樣啦,,,我不相信你平日在學校不是裝正經!
哼哼,,我根本沒有裝正經,,,我根本就是很正經嘛
可惡..但他們卻說不是,,其實是因為我根本就不正經
吃屎吧 XP

*唉,,英文SBA....唉.....完全沒有做到想要的效果

哈哈,,好有趣,,,好巧合
今晚TVB台慶,,,其實唔關我事既不過,,
話說我頭先又無聊開返上年歌唱比賽段片出黎睇
當我睇到唱難兄難弟果PART,,,TVB台慶唱歌跳舞果PART又係唱緊難兄難弟

好凍啊

聽日放學要做英文SBA,捱埋聽日,,做完個SBA,,就連放3日假喇!!YO!
有冇人需要出街呀 XD 可以搵我架喎..哈哈哈哈哈...

好多人都睇左2012,,,我仲未睇...個個都講到好吸引咁,,咿.............
不過算啦,,我依家淨係諗住TWILIGHT架咋,
但係我又想睇花鼠同埋魔幻聖誕頌喎....
我覺得我睇完魔幻聖誕頌會好有感想

今朝做中文閱讀,,睇左篇文,,,幾正...

*有樣野唔記得講,,,今朝入校門又無啦啦俾人check校裙
真係心惰極度惡劣囉,,
我條裙都要check,,上次已經令我心情惡劣左成個禮拜
最憎人捉我check我校服,特別係裙短
我都唔明點解要check,,真係好忟

 

「有心栽花花不發，無心插柳柳成蔭」

哇好凍啊!但係我仲未有得著冬季校服......

今晚家裡沒有飯吃,,
相約了久久沒見的子華嘉恩周公同學到北江味太郎共進晚餐
哈哈哈哈..傾了很多東西,,還是聊天的時光最快樂
7點到達,,9點才離開味太郎....然後喇嘛來電說快回到天水圍
於是大家都等她來,,但是...差不多10點的時候我要回家了

當喇嘛在天耀輕鐵站下車時正是我上車的時候
我在車上見到半個喇嘛XD 跟她揮手道別後...又代表著要跟他們分別了
引用數日前WISH說的...今日一別,不知何日再能相見...
雖然這樣想好像有點悲觀,不過...我看最快都要星期六吧=口=
幸好星期六不用補課啊好像.......

HEY!趁那天有空,,現誠邀各位TSWGSS5B一起去看魔幻聖誕頌

 

真係好好笑

*

唉

現在每次打開xanga和facebook,,,看到別人現在的校園生活都是多姿多彩
新朋友就是不缺少的感覺...相簿時常有新照片更新
看看自己現在的生活,,,除了看別人的精彩,,都沒有甚麼特別了

往日打開xanga,,每天總會有想要說的東西,每日都總會有值得記下的事,,,
但是現在,,根本沒有甚麼好說,,xanga也不太想打了
現在,即使是一些很小很小的事,,小至到樓下去買些東西
都可以算是現在我生活中較特別的事情了

每日除了上學,回到課室後就一直自閉直到放學
好吧..偶爾是跟同學聊聊天,不過內容其實來來去去都是功課測驗和 _
其實這些話題我並不想時常掛在嘴邊,,
我喜歡說八卦說新歌說電視說電影說電台說好玩的甚至說爛GAG也可以
嗯,,不過問題其實不是在於那是功課測驗,,
問題是一個星期五日見面都是說同一個話題,未免太悶了吧

好吧那個 _ 話題,不是功課測驗了,,但我並不感興趣,,
我就是喜歡吹水吹水吹水,,,天南地北甚麼低B無聊事都聊的才是吹水嘛!

而且,稍為有人跟自己聊天的時間亦只限在學校內吧,
放學後我又回到自己一個的世界,,
唯一覺得自己還有朋友圈的時間就是上facebook上msn上xanga

雖然很多人說我會收起自己的事情....很難了解我
但事實上,我是很喜歡跟別人分享自己的事,,,隨便對像是誰也好,只要有人聽就好了..
不過近來,,,先不要說有沒有人聽,光是我有沒有可以說的東西都成一個問題

MSN依舊有很多人ONLINE,FACEBOOK依舊有很多朋友會UPDATE近況
但事實上,,,跟他們就是有很近又很遠的感覺....
我的生活好像跟以前一樣,起床,上學,放學,玩電腦,睡覺
但就是跟以往有些許不同了,,

IVE的同學近日忙著OPENDAY的事情
中六的同學就是在忙著追上中六的課業..學校的活動.....
重讀的其他同學亦有積極學習,,,,結識新朋友
唯有就是我,,,仍然是那個自閉的我
基本上,,我不是要充滿娛樂的生活,,往日也沒有多少娛樂呀,但我仍然覺得挺充實的,,,

我是該知足呀,,我比很多人幸運
不過,,相比起來,,我覺得自己的生活空洞多了

現在大家各自有各自的生活,,
我也一樣,,
是只有自己的生活

下個月考試之後的聖誕假,,我管它要抽更多的時間溫書,
我都要找我的朋友們,,特別是那些十年沒出現的人啊...

看見天官的學生,,,這套天官的校服真的令人十分懷念
往日這個時間,這些外出用膳的人之中亦有我的份兒呢!
*天官不少同學已換上了冬季校服呢........很美很美-V-

然後,,在走過一堆天官學生群之後
我眼角望到一個身穿白色校服的男生,我本來沒打算往他望去
不過這個男生突然走近我然後還HI我!
我一望...噢!原來是鄧俊威同學 xd
怎麼又會碰到他?而且,,為甚麼是這個時候?!
原來他回天官拎ce cert.我說我正要和wish她們飲茶,他就說剛才看見wish
寒暄幾句後我們就分別了

到達天慈後,看見wish同學竟然站在外邊食風XD
原來她沒有lin lin的電話,幸好我還沒有到,,,,她看見我就一起進去了

今天客家好廚沒有很多天官人,,,好像說只有一檯,,
再加上我們這一檯的一個wish....

我們幾個一直聊啊聊,,,差點兒都沒有空吃東西
就是不停的聊天,,,然後1時半左右wish要回校了,,,
但我們還未把東西吃完,所以沒有理會她,,XD讓她自己一個回校就好了

跟wish道別了之後,我和lin lin,yu就繼續坐,,繼續聊天
我們談了很多以往的事情,,真的有很多回憶啊,,
我們連初中的事都拿出來談了,,,有些很好笑

之後我們就回到天官,,拿會考證書
拿到了之後就去元朗逛逛,,陪她們買袋~
其實我們去到西鐵站都好像差不多3點了,我們lunch食了兩個幾小時....lol

我們一直逛,,逛到5點左右就回天水圍了
本來打算買冬季校服,不過還是明天才買了
我和lin lin之後到了天耀M記找ray
本來他打算回天官拿cert. 不過在進校門前他發現沒有帶身份證
於是我們天走回M記,,坐到6:00左右就歸家了

今天看見了不少熟識的面孔,感覺很良好
而且,,lunch說了很多以前的事,,原來以往的日子真的挺快樂嘛!
我也好像很久沒有一次過說這麼多話了
聊天真的是有益身心的好活動!真後悔我之前這麼省話
會考完之後我要瘋狂地找人跟我聊天啊XDDDD

好吧,玩夠了,是時候要重投功課的懷抱了

今日放學落勁大雨,,係斗大既雨水
由於我冇帶遮,,,於是我就CALL救兵WISH出黎幫我喇XD
今日真係唔該晒WISH拎把遮俾我呀,全靠WISH我先返到屋企
我今日有個感覺就係有人接放學拎遮俾自己真係幸福囉XD哈哈哈哈哈哈

出校門果陣見到中文阿SIR,佢問我同李同學夠唔夠遮呀...
我心諗...唔夠既話係唔係你俾你把遮我地先

返到屋企冇耐收到蕭同學既SMS,,哈哈...可惜我已經返左屋企

不過今日真係幾奇怪,,突然果D近期少左聯絡既人搵我@@
無論電話定係MSN都係,哈哈哈........
點解我轉左新環境之後好似諗野多左?!XANGA講D野都好似感性左咁?
到底係因為經過會考大家都長大左定係因為依家唔同XANGA講就冇人聽我講?
我之前都冇咁多愁善感既...唔緊要啦當係練習抒情LOL

好掛住之前日日為去邊度LUNCH,叫邊間外賣而煩惱既日子
好掛住之前日日為左LUNCH完趕返學校o係條街狂奔既日子
好掛住之前LUNCH後望住個鐘坐到3點半都未夠就執書包放學既日子
好掛住之前可以紮簪返學既日子
好掛住之前條裙只係岩岩好掂到膝頭都唔會俾人捉既日子
好掛住之前D功課只有遲交冇欠交既日子
好掛住之前成日o係教員室出面蒲既日子
好掛住之前o係停課室度練oral既日子
好掛住之前果個好多位玩好多位影相既5B課室XD
好掛住果條冬天大風到痴晒線既樓梯
好掛住上年學生會$2.5既PILOT原子筆
好掛住果個永世沖唔到水既廁所
好掛住收埋好多經典照片有飛標玩有漫畫有DONALD D畫既社工室
好掛住有益力多飲有糖食有MADAM有楊副校既副校長室XD
當然仲有好掛住果個令我又愛又恨,連christmas party之後個個去晒玩我都留守住既ART ROOM =]

早幾日,,突然記起一件事,令我覺得劉金鳳老師好愛惜學生作品

話說中三果年整面具
拎出去俾佢評分果陣我地要戴上自己整既面具俾佢睇
到我果陣我係勁緊張,我驚到戴果陣手騰腳震,,
之後佢用嚴厲既口吻,,拎住支筆指住我話:「小心D呀,唔好整爛」
搞到我個心即時驚一驚,,好唔容易先戴起左個面具...
之後佢望左好耐,,愈望我愈緊張,,,俾完分之後佢就話:「小心D除返出黎」
望都冇望到我...
除返個面具出黎之後真係鬆一口氣,
當時我既感覺就係好彩冇整爛到如果唔係實俾佢話
但其實諗返轉頭,佢都係唔想我地整爛件野,,話晒我地整左唔少時間

而呢件事最重要既係,,激發起我作文既靈感

依家夜晚得10度咋,,新界10度都冇

今日返學凍到唔識講野
放學留堂凍到我死
我不斷咁諗
如果有人拎住件羽絨同埋熱騰騰的雞蛋仔黎到校門接我放學就好喇
噢...我幾時變到咁鍾意幻想,,

喂喂喂...由今日開始我要背返英文生字先得喇~_~
豈有此理,,講得出做唔到,,
聽日開始做返啦都係......點可以浪費左兩年黎既珍藏架
眼見你d英文好左咁多,而我就退步緊,,真係好鬼唏噓
想當年,,,大家都係差唔多架咋xd
今日阿SIR同我講左一番我以前曾經聽過既說話
有見及此,,唔通我仲唔拿拿臨讀下書咩...話晒我係我喎

我發現讀書有假想敵有競爭對手o係身邊同自己鬥下點都會好好多

*

TSWGSS5B
我真係好掛住你地
今日
果一刻
以往5B既景象o係我腦中閃過

眼淚真係忍唔住流左出黎
到底係因為果d低能事定係因為我熟識既5B我唔肯定
但我可以肯定既係我第一時間真係諗起5B

我唔可以喊
但係真係忍唔到
今次應該係咁耐以黎我第一次為呢件事而喊

我真心覺得我熟識既5B係世上最好既人
縱使唔完美
但係會ng w t h
至少一定會識得g d ng z

關於呢d野
我好敏感
我知道
生熟的確係有分別

我既感覺
我只能夠話
不負責任

我唔想再花時間o係某d事上面
我唔會再投放希望
我會選擇放棄
我寧願自閉死

。

你地去晒邊呀?

我知道
依家諗有冇揀錯
係愚蠢既
我以為我可以一路走一路走
走到果一點既時候咩都已經過晒
但原來過程真係唔易過
當中會有好多誘惑,會有好多打擊
我好希望,其實係渴望
有你地o係度

我記得
我對兩個好重要既人許下過承諾
我唔可以失信
由今日開始
要清醒

當日果種決心呢?
我諗
係因為當日我仍然o係你地之中
我就知道我一定唔會孤單一個
一切過後
即使我點樣走
我仍然有你地
不過

......

WOW~接連幾日都會有認識既人生日呀,很好

*

今日有一件事我一定一定要講,,今日LUMCH竟然有人聽
菊．花．台！
OMGOMGOMGOMGOMGOMGOMGOMGOMGOMGOMGOMG

一聽到個前奏就想死。
周杰倫K團又o係我腦袋出現~_~菊花台MV既影象不斷出現o係我腦海中

*

真係火都黎  講又唔信,,我覺得講黎都冇意思囉
你又唔係我你點知我當時既情況
我覺得再點同你講都係嘥氣,無論點講都係我錯架啦

知唔知點解我成日有野都唔同你地講,就係因為點講都係嘥氣
有咩用姐?同你地講有咩用丫?你地咁樣點同你地溝通呀
想人地講都要你地真係聽先得架

*

BEE,,加油!!各位今年會考既同胞加油!
BEE我一直都覺得同你情況真係有D似
不過我諗我文學一定比你差,,,,唉也唔知今次文學我會考成點
點都好啦難得你都有讀文學我真心希望我地都可以順利過到呢個會考

*

「歌唱比賽」呢4個字好敏感,一提起就會有好多記憶o係個腦浮現
其實如果真係要參加,都唔會用好多時間架姐係睇點樣練架咋啵投入d合作d咪練得快d囉
我都係相信回憶係要自己創造,,有d野做左其實真係可以影響好深