我睇完呢套戲發現原來自己經唔係好記得alice in wonderland係講咩
睇黎真係要睇返先得

瘋帽先生真係好正...
o係套戲入面johnny depp令我覺得mad hatter係一個討人喜愛既人物

mad hatter*

/-\ 突然間覺得,,每一個夢境都係一個好唔同既世界
就好似李心潔套《鬼域》咁,一切以為被自己丟棄左/幻想出黎既野
原來都係真真正正存活o係某個空間入面

mad hatter同alice講,你醒返之後唔會再記得我

如果夢境既世界係真實既,咁有幾多人幾多野係俾自己忘記左?
可能我同你都曾經o係夢境入面見過mad hatter呢...
=v= ................................

如果我係mad hatter,,等左咁耐終於見返alice,,但alice話咁快又要走嚕,
話就話可能好快又會再見面,但其實又係唔知要等幾耐
alice大個左再去返wonderland都已經係13年之後既事喇
13年又13年..alice有幾多個13年丫...
發夢可以話係細路仔既專利,,,因為人愈大發夢既次數就愈少
alice見返mad hatter既機會愈黎愈微...
咁我一定勁唔捨得愛麗絲,但係又唔可以唔俾佢走....

「每天在吃早餐之前，我已經相信了五件不可能的事。」
「這是一個好習慣。」

唔知點解好鍾意呢段...
仲有mad hatter跳舞果段啊,,哈哈

到底mad hatter對長大左既alice有種咩感覺呢@@
 

嗯,,,總括黎講套戲冇我想像中咁好睇
似乎我今次係對套戲抱太大期望
不過今次真係第一次睇戲係令我覺得冇想像中咁好睇
我通常都會睇完戲之後覺得套戲係比想像中好睇既-_-

睇完之後o係新元中行左陣就去北江...又行左陣
尋日發現唔知點解好似多左好多舖頭d店員都係男仔@@
行完北江又去左商務,,發現小王子果本野又出左本愛麗絲夢遊仙境

夜晚睇荃家福祿壽...之後就訓左覺訓到今朝10:30啊!
我真係完全係浪費左呢個星期六,,有見及此今天要立即做功課了-_-
omg.

o係度讀左7個月書,朋友圈子擴闊左d
嗯,,其他方面...唔多唔少都有d得著既

不過今日見到各位都好開心咁影相
不其然就諗起上年自己真正所謂既lastday
2009年當日,好多果日既畫面都仲係歷歷在目,
果日係咁影班相,係咁狂捉全d人影相,,係咁搵人簽名,
仲有係咁擔心5次遲到~_~
到左放學仲o係度係咁影埋d低b相xd,,不過可惜有好多都冇左lu
可惜可惜...

點講呢,,
經過今日之後突然強烈咁感受到離開自己成長既學校果種感覺係點
唔係因為今日係yyc lastday所謂係要離開yyc,
而係諗返起上年自己離開tswgss果陣既心情
同依家諗返tswgss讀書既時光果種心情係有咩唔同
果日lastday雖然係好不捨,
不過始終仲係著住果度既校服,都唔會特別有咩傷感
但依家諗返起,,無論果度係點既,自己始終係o係果度成長
有一班見證住自己成長既同學,,唔好話係朋友喇,,
有緣做埋同一間學校既同學都唔易
我都相信緣份,,一直都覺得人與人之前係有某種緣份
就因為咁,我都相信入左去yyc讀書,做左5b其中一份子都係某d緣份
所以,其實我應該好懷念先係

朝早聽左twins首我們的紀念冊,
其實有時細心聽佢d歌詞真係會有d眼濕濕
特別係經歷過tswgss 5b既lastday,,,一聽到呢首歌,
當日既情況就浮現返晒出黎

臨別要在這間愉快的班房起舞...

我地冇起舞,,係做埋d kai野姐

同學驟變老友　都想有前程錦繡

由同學變做老友的確係要有返咁上下情誼先得
話說成長階段中最了解自己既除左屋企人仲有邊個丫,
咪就係果d日日都對住你見盡你d醜態同埋低b既一面,
又見到你由純情小學雞變做樣樣野都要自己揸主意既果班同學仔囉

從前未算老友　也突然想握下手

到左4,5b....其實到lastday都有好多人係兩年來好少接觸
不過,,果日我真係唔想錯過每一個認識既人
我好想留低一個記憶,始終曾經同班,,曾經有過d共同回憶
呢個世界又有幾多人可以同你有共同朋友共同回憶丫

在臨別就似明星給我簽名　對我表演

當日真係好熱鬧好開心
周圍都係相機鏡頭,同埋好多簽滿名既社衫或者shirt
今日見到個個都係咁影相,雖然冇上年班同學咁瘋狂
不過個氣氛都好好,好開心

中五lastday,,曾經係令我流左唔少眼淚既日子
第2次經歷lastday個情況同埋心情已經變得好唔同
不過,,,成日諗以前又真係冇咩用既,諗下將來仲好
可能將來自己都會有個中七lastday呢xd

最後,,,,我想講既係............終於都放studyleave喇XD
 

完。

有樣野真係好低能真係唔用o g黎形容都唔得
 

一切都跟想像想差甚遠
不過
想清楚一點,,記起了甚麼嗎?你可記得當時說過甚麼嗎?
從那時起,,就應該知道這不是屬於你的
算了吧

今日派埋英文listening...中史同埋中文卷一二三

中史竟然合到格 全靠第7題拉分咋如果唔係...今日都唔知點算
但我真係覺得好唔開心囉
我真係一定要起勢咁讀,,同埋,真係絕對唔會再發雞盲揀錯題目
絕對唔會,,我一定唔要俾*** t s

中文聆聽,,失望失望
寫作滿意
閱讀都還可以,,

仲爭中文兩個分同埋經濟LQ分咋,,
 

明明尋日先考完地理..放學仲講緊唔知MISS對唔對到卷一
點知今日一黎就卷一,,~_~唉...唉....唉.....唉....唉.....
低分到....仲諗住可以留返個好印象添 lol
放學前又黎卷二,,卷二呀................點好呀......

朝早一開波就3堂數學喎唉
嗯..比我想像中好喎又...而且呢個好似係前所未有既卷一分數...
我諗起某人一句說話,,雖然我本身都明白既不過從今起我會記住
努力

英文囉仲有....唉
個WRITING真係唔知做乜野...好樣衰囉....樣衰得黎真係好樣衰
但係我發現原來望到 l s既 p y 真係會好開心
至於個READING呀...都唔知應該用咩心情看待呢一份卷個分數

今日仲對左ECON..

各科分數不禁令人擔憂呀

聽日有中文同埋中史堂....可能仲有其他英文卷對?
太趕喇太急喇...但係又好想快D知個分,,除左中史啦
到正式考會考果陣要大翻身,,我唔會俾 *** t s
中史今次唔合格我預左,不過真係好忟囉

經過今日對卷後,我發現原來自己好憎份卷俾人打問號-_-
我從來未試過自己d卷有咁多問號..仲要唔只一份
咁錯咪交叉囉又要問號.....好樣衰架嘛 xd

有史以來

炒得最最最勁既一次

真係唔識點表達我依家既心情

我唔訓覺係咁讀既野

到考既時候

兩題都冇做

但唔係因為我唔識做

如果我溫左但唔識做而冇揀果兩題我冇得講

但依家係

我識做但係唔知發咩神經冇做到

我諗住今次考得好好睇睇至少有個正常水平

點知仲衰多幾錢重

我從來都冇擔心過自己會揀錯題目

我從來都未試過

但今日試到

萬一

我會考都係咁

點算

我今日終於明白果d讀左咁耐

但o係會考度因為一d小錯誤而一次衰左

果d人既感覺係幾咁失落

衰左就真係衰左。

朝早考reading,,明明好簡單...做起黎都好似幾順心

不過,我肯定出黎個成績都唔會話好好

然後今天,一早就被別人的鬧鐘吵醒gosh!!!!
好不容易又睡著了直至11:30立即醒來....
雖然是睡了一場好覺,,而昨夜都好像沒有發夢了吧?
不過並不是一氣呵成的睡,有點不完美

今天回校考中文口試...
由於不用考朗讀,只考小組討論,所以很快就可以閃了
而今天,,我竟然是第一批考試的人...所以考完之後都只是2時許
WOW....這次可以說是3次中文口試做得比較好的一次了吧
雖然都只不過是剛好合格的那種表現................

噢,小組討論完結後聽到一件事..很
我不知該怎麼形容,所以只能用了
唉.....為甚麼他這麼多話我..只不過是一個小小的路人甲而已

不過講就咁講姐,,其實唔怕認喇我真係幾開心囉

之後就上了圖書館溫書,,等了一會葉同學李同學都考完上來了
討論了一會兒考試的情況..就溫中史了,溫到5時許就閃人

今天簡直太瘋狂...超級趕的用兩小時左右把國共合分至文革都溫完了
這對於我來說當然是沒可能的事
所以我還是要再看一遍不過也好吧,算是有些少印象,
正式溫的時候應該會輕鬆一點

我認為自己今天把時間用得不錯......
愈來愈想快點到STUDY LEAVE
可以把全日的時間由自己控制如何使用...
很多同學都在放STUDY LEAVE了,,,我還未考完MOCK呢

*

謎語一則﹕Albert Yip，猜一種食物——「答案」竟是牛栢葉！
滿庭芳好野,,你D野都幾好食.....估唔到你會咁
牛栢葉譯Albert Yip 菜單失禮人 九成亂來 港酒家歸咎內地生操刀
(明報)2010年3月20日

我真係唔夠訓,好唔夠訓

本來今日好輕鬆咁返學校考份中文卷三卷五就等放學
打算返到屋企趕快食完個LUNCH就趕快爬上床好好訓一覺
但係
當我剛爬上床剛剛在MR的黑色狂迷陪伴下訓著既時候
(連聽住黑色狂迷都訓得著可見我真係好眼訓)
電話一震~WOW...蕭同學打黎話返天官,,WITH HIM,SANDY & WING
其實我好想返但係又唔想返,,
想返..係因為想返 LOL 而唔想返,,係因為好眼訓
而且先岩岩走上床就要落返床出門口係好辛苦既事...
約3:30返去,,而我想訓果陣已經係2:30既事,,,
不過最後,我既"想返"戰勝左我既睡意,好辛苦咁起身出門口

去到天官門口果陣,,本來正常黎講我係搭天耀果邊車既
不過因為元朗/循環線要等好耐,所以我上左友愛車o係天慈落車,,,
而咁岩就因為我天慈落車,所以有幸遇到剛放學既wish!
但係佢睇我唔到,,本來想叫佢,不過算啦~

入到學校,,喂學校保安真係爭d喎XD
我呢,,今日係直行直過咁入到去學校,,竟然係冇人理我LOL

終於都滾左返天官喇,,好可惜既係,我咁辛苦滾返天官,
竟然係搵唔到阿美 /-\ 連MADAM都搵唔到,,
每次都係咁架MADAM....-V-想搵佢就搵唔到,唔想搵佢果陣呢...就...*
其實我返去主要都係想搵阿美姐 /-\ 可惜搵唔到,原來佢地上晒去開會
咁唯有走啦

到底我咁辛苦滾出黎係為乜呢?

之後,冇理由就咁就返屋企架嘛,所以就同幾位同學去左青協
我乜都冇帶出黎,,上到去都係做佢地拎左果D MOCK PAPERS
話就話做PAPERS其實都係同WING吹水LOL
我地邊做數學卷邊吹水,,其實本來我係溫地理架,而我都好應該溫下地理
有份MC..不過冇心機做....見到份數就想做數多D....
如果我早兩日做呢份野就好喇!咁我就可以知道其中一條個答案喇!
之後朱威PAULA都黎左,,我第一次見PAULA著佢套校服咋!
好搞笑囉佢就正啦學校著佢果對鞋返學都得

差唔多6點果陣WING同SANDY去食野我都走喇
今日我走既時候係不辭而別,,有D唔好意思添
XD不過算啦,我本來就係閒雜人一個,,,存唔存在都冇咩影響
我走左仲好啦冇人o係度吹水嘈住晒

最後,我返到屋企果陣都6點幾,,
因為今日天氣好又咁得閒(感覺上),,所以就行路返屋企!
路經北江仲入左去買左個cake同埋買左條橡筋@@
咁所以返到屋企都冇咩時間可以訓
不過都係忍唔住走左上床訓左一個鐘,,
真係好慘,今日想舒舒服服訓個靚覺,兩次都唔成功

好啦依家冇得訓喇,係時候要溫書喇,,你話我今日到底做過d咩黎丫
gosh.
 

白蘭氏學進雞精(古怪的名字lol)果然係提神醒腦,,
話說我媽媽早幾日買左盒雞精返來..
飲左幾日,,呢幾日真係好醒神,果然係學進雞精!
雖然個名係騎呢d,但佢真係for讀書人飲-.-
我會請求阿媽o係下月會考期間買多盒返黎
lol 真係好搞笑,,平時我好少話食左d咩飲左d咩會搞到訓唔著,
最多都係夜晚飲凍野會訓唔著但係第二日會好眼訓
不過飲呢個雞精真係唔眼訓,,夜晚訓得著之餘就算訓好少都唔眼訓

但係有一個問題係個腦真係好似冇休息咁,,個腦不斷咁諗野
就好似尋晚我6點先訓,,訓左一個鐘就起身返學
o係果一個鐘入面我居然發左好幾個夢,
而且每個夢既場景同埋出現既人物都好唔同

- skip -

最厲害既係我竟然夢見呢5年來第一次夢見既尤金葉 lol
我真係好驚,,5年都未試過會..今朝竟然發生左呢件事..
但係佢只係出現左一個側面同埋背影.....我仲記得個夢係講咩
好低能的

不過呢個唔係重點,,,早幾日...我唔記得好似係星期六或者星期日,,
我發完個夢到依家都仲記得,一諗起個夢就覺得心情好忐忑,好失落

夢入面我好似係o係屋企睇緊電視劇,
但係唔知點解後來又好似入左去電視劇咁成為左其中一個角色
不過就好似係現實發生既咁...到最尾我又變返做係同屋企人睇緊套劇
仲睇到喊...唔只我一個喊....我起身之後諗返都覺得好傷心,,,唔知點解好傷心,,
夢入面套電視劇d人係好慘既,,我好似感受到個慘角所經歷既野咁
其實冇乜特別,但唔知點解好深感受,,我都唔知點解會咁,總之好失落

其實套電視劇都幾古怪,,首先係唔知點解我會係角色之一 ~_~
我係好似要避緊d人,,我身邊仲有一個男仔....佢就係令我覺得好唔開心既角色

果個男仔好似係我夢入面既同伴黎,而現實中我唔識呢個人
唔知點解我地會避人避到走左去個山上面,
之後無啦啦我地要避既人就追左上黎,係一個男人..
不過受左重傷扒左o係地下喇...跟住我地話快d埋左佢,,其實個男人都就死,,
之後又好奇怪...當個男睇起黎已經冇乜幾多時間,,但係我好驚佢,好想殺死佢
然後唔知點解我會話用牛奶令佢復原@口@(但係我個心係要殺佢)
但我同伴唔肯,,佢話我去拎牛奶係想丟低佢,
等萬一個男人突然醒返就要佢自己一個對付佢...話我想佢死
之後我冇理佢,安慰左佢幾句就即刻行左去我屋企個雪櫃度拎牛奶
最驚既係明明我係o係山上面但屋企個雪櫃o係我轉個身就係

我拎左牛奶之後原來我同伴都拎左牛奶,
佢為左報復我就同我鬥快倒晒d牛奶落報紙度諗住用報紙蓋住個男人,
咁樣個男人就會死(?!??!?!?!?!?!?!?!?!?!?!?!!?)

然後我地蓋好左之後,,就用泥埋左佢,,呢個時候重點就黎喇
我同伴一路埋個男人一路喊,,
我記得個男人岩岩追到上黎山扒o係地下果陣好激動咁同我同伴叫左幾聲
好似佢地本身係朋友黎,,但係唔知咩原因又會變左同我同一黨...
所以我同伴唔敢理會佢既叫喊,,

到我同伴埋個男人果陣,,佢初頭冇野,,,我話埋左個男人佢仲好贊成
但埋埋下佢喊起上黎,然後我唔知做咩問左一句你係咪好鍾意佢 lol (?!)
我都唔記得我當時問既鍾意係咩野鍾意,係鍾意呢個朋友丫,呢個大佬丫,定係愛果種
我印象中好似本身係想表達朋友/大佬既鍾意,,
佢就話唔係呀...但係佢回應我既時候令我覺得佢根本就係好愛呢個男人,
所以後尾我直情話我覺得你係好鍾意佢囉
呢個時候我同伴就更加變得激動,佢話:乜你覺得我好鍾意佢咩....
佢講既時候係傷心地,有所隱瞞地說

然後我就都喊埋一份,我就回到同屋企人睇緊套劇個場景
我聽完佢講呢句係咁喊,我覺得係自己累左佢,
係我令到佢要親身殺死自己鍾意既人,,要親手埋左佢而且仲要扮到冇事咁
我覺得好唔開心,,係個好大既遺憾,都唔知到底係因為我同伴要幫我
定係因為佢地兩個都係男人佢唔敢同我地殺左果個男人一齊

總之依家諗返起都仲有果種好傷心好內疚既感覺

今日真係好緊張,,前所未有既緊張!真係好驚啊

唉

後日又到數學了,,點算

*

我真係第一次聽到有人咁講從來冇人咁樣講過

今天不知怎的心情十分輕鬆,,而傾過電話後就更輕鬆了
實在太美好了
首先ronchan教完我貿易比率這個之後,我好像真的懂了!唔該晒喎
其次是,一直在做econ題目,,看來真的有進步呢
其三是,wow...久久未有了解過ronchan近況,
看來大家的自修科目都好有前途

god bless you la ronchan..XD 考econ果日去伯特利報仇啦

*

其實這兩天我都沒有守信,,果然是開了電腦 oops
不過我很快就會離開電腦,,在這之前有些事一定要說

話說早幾天在fb上,看見了葉生的話,是有兩首歌已準備好了嗎
加油啦,,你一定得既!希望你盡快去到最佳狀態,,
到有新歌派台果陣,,將會係耳目一新,令人眼前一亮既葉橙
俾多幾錢信心自己喇我都一樣要加把勁先得

然後又話說今天上了fb,,又看見葉生的話了
WOW!!!!係喎..原來咁快就5週年嚕~

2005年到今日係2010年,,呢5年入面相信每個人都經歷左唔少
其實可以話,尤金既歌陪伴了我一整個中學生涯
當然咁樣係未夠架啦!仲要陪埋我中六中七啦最好就係陪埋我到大學
5年啊...話長唔長話短唔短既時間,當然我唔會後悔跟左佢 (SHY
直到現在,每次聽聽下尤金D歌都唔知點解會笑,,
係o係個心度笑出黎,,會心微笑果隻

因為尤金葉,,,雖然佢對我生活冇咩好大既直接衝擊
不過唔多唔少都改變左我呢個年青人讀書時期既時光
又雖然唔係話令我有好大既得著,不過至少我眼界都有擴闊到既
而我既朋友圈都擴大左丫...最重要既係,,令我擁有左一D獨特既回憶

尤金葉你是最行的

*

好啦講完D廢話之後講返件好大既小事喇!(定抑或係好小既大事?!)
話說,今日MOCK ENGLISH PAPER IB
我串錯左兩個好簡單既字,,極度低能我真係覺得自己好低能
點算好


 

*

喂我發覺自己真係變得唔係幾尋常

從前我好鍾意整理學校派黎既筆記呀...練習呀..果d咁
每次見到佢有少少亂就好想執靚佢(要靚架喎),,要將佢地完美地分門別類
每次執完都會覺得好有滿足感..
然後過一排又好想再執過,將佢地用唔同既排序方式再執過
呢個習慣,,或者其實係喜好...又甚或可以話係僻好..共維持左幾年
我都唔記得係幾時開始鍾意做埋d咁既野

但係到左呢一刻,,我望住果堆亂七八糟既「野」
完全冇想執佢既衝動,比著以往我一見到就要執
縱使我由細到大都唔鍾意執拾東西,,就唯獨係紙張令我有呢個執拾整理既衝動
但係依家連呢種衝動都冇埋
我好想佢地就咁一張張野飛晒出黎,,要搵佢地果陣佢地會自動黎到我手
(harry potter: Accio maths notes? lol)

個問題係: 如果唔執好d筆記咁點溫書?
個答案係: 唔會溫到囉
個結論係: 咁唔使溫書了

點搞呀

然後又有另一個更OMG既問題出現了

執好晒d野咁放去邊度好?

話說,我d書已經進佔左我間房兩個書櫃+地下
我個廳一個根本根本唔應該放書既地方-暖爐上方都已經俾我用埋
還害得我家可憐的暖爐要搬家 :'(
再之後就係電腦檯,d書已經高到阻住我望個mon
到近期,,最新既景況就係d野多到要放埋上所有放得到野既地方
噢我仲有學校locker d野未清..
GOSH .
 

*

見到果科d野都覺得煩,但係果科我十千萬個唔衰得
唔為咩野,純粹為面子 XD!

*

目標有變!

喂呀MR演唱會完左幾日喇其實我真係好想去睇
上網見到D人話MR EVERYONE CONCERT好好睇
完全可以想像得到

觀眾席排滿四邊　無人直到加場也不變
在這天容我許願　EVERYONE LET'S SCREAM

好想現場聽到呢首歌,,又搵唔到片
睇YOUTUBE D片紅館真係好爆!WOW,,,如果可以參與其中就好了
幾時再有機會呀 :(

今朝早,如果我俾架車撞倒,會點呢
我仲有好多野未做,就咁就死左,,點算

如果我依家死左,到死既時候我學歷仲係得中五
如果我依家死左,到死既時候我已經冇機會再戰會考
如果我依家死左,到死既時候我仲有好多野未講,未鬧,未見到
如果我依家死左,到死既時候我仲未有一張屬於自己既成人身份證

簡單D黎講,,就咁就死左,,死既時候我只不過仲係一個冇咩識見既茄呢啡
存活o係世上用左地球咁多資源,
到死既時候都只不過係一個冇咩貢獻既茄呢啡

｜
｜
｜
｜
｜

最心痛是　愛得太遲
只差一秒　心聲都已變歷史

近日諗左唔少野,,其實數返自己都就快成年
唔經唔覺都o係屋企做左十幾年蛀米大蟲
養一個細路仔的確唔容易,雖然我唔知有幾難,
不過我知道由睇住個細路仔出世,到識行識走識講野,
到之後返學識得駁嘴駁舌,到之後上到中學唔聽阿爸阿媽支笛,
到之後又話要會考跟住又唔知考成點唔知前途會點,,
呢個時候都差唔多成年,,呢段時間絕對唔短

再過多幾年阿爸阿媽仲可唔可以做到依家做到既野?
 

*

處之泰然?

*

發現自己都會偶有佳作,,今日打開份野一睇,,哇頂 XD
下次真係要拎俾某人睇下

*

講到尾,,咪就係自私自利,有幾多人係真係可以信丫

 唔知佢有冇o係度講大話呢.............今日冇留意添
聽日一定金睛火眼望住啊,我以佢為榜樣架

都唔知自己講緊乜...........由得佢啦