今晚做好多電腦功課,而家終於做哂喇!鬆左一口氣~~

尋晚,我同一班同學去石澳BBQ,有一段時間,我自己一個人企左響岸邊,仲諗埋哂D白痴野!有時見個浪幾大,想就咁俾個浪衝出去,死左去,一了百了,好多事就唔洗煩!不過我冇咁既勇氣!冇勇氣都可能係一件好事?

講返今晚!我又睇過佢個xanga,我睇完,好想喊!(男人老狗仲喊乜鬼!仲細咩?)佢終於同我所諗既野寫左出黎,我係咩都唔知?或者有D野係唔知好過知?我有時真係好想好似一D人咁,散左再搵個第二個,我都想試咁做,但係我根本做唔到!其實我點會咁易就嬲佢,要嬲一個人比同一個人表白係要有更大o既勇氣!如果我要嬲佢,我諗佢殺死左我就可能會嬲佢!

講真!其實我地開始哥日我講D我唔鍾意你做既野其實都係廢話!我唔鍾意你食手指,哈~哈~我自己未又食!有邊個人係冇缺點?我大把添啦!不過係唔想做俾你睇之嗎!如果可以再一齊既話!我一定會做哂我所有缺點俾你睇,唉~發夢冇咁早呀!

到左呢個時候,我真係唔知點做?再搵返佢?好似迫佢去死咁!唔搵佢.遠走高飛?我冇咁蕭灑!透過其他人知佢過得好唔好?電視劇咩,成個白痴主角咁!有冇人可以教我點做呀~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~