齒輪需要磨合,才能發揮作用.但一切都唔可以過度,亦容唔落一粒細砂,更唔可以有缺陷既比例..

   隔著擋風玻璃望見妳失望而悲傷既神情,紅色計程車飛奔遠去.留下石油燃燒後的廢氣,發黃的街燈照在蒼白既臉龐上.一串光暈讓我想起剛與妳相遇的偶然...

   抬頭看著迷濛既天際,妳既臉容卻在腦海裡清楚浮現.一切都好似係尋日既事,一切都希望可以在明天延續.曾經以為愛妳係要很努力先至做得到既事,現在發覺原來可以好輕鬆.好幸福.因為我早已在不知不覺間想著妳,陪著妳走過左一段不少既日子....

   每次收到妳深情而富帶關愛既短信,點點溫熱總係唔受控制在眼角流過..可能妳從來都唔知道有時我會好想好想妳,傻瓜瓜甘只係想住妳,然後入晒神@@果一刻我只想見到妳,果一夜我只會想到妳..

   還記得嗎?同你開始既1月18晚上.畫面在我腦海中從沒有褪色.從來都好清楚自己有太多既壞習慣.一直以來都要妳默默忍受我既缺點.而我既死性難改又令妳失望左幾多幾多次!?我知道再豁達既人亦有心疲力竭既時候吧?真的.我真的有在改變,妳有感覺到嗎?

   倆個人走在一齊既過程中.或者真係需要漫長既時間去磨合;一次又一次既修正.一次又一次既包容.完美既齒輪就會安穩的轉動下去,成為我和妳一生人走下去既動力.