生存在這個社會中.總會同自己講不要意氣用事.開始學懂了忍耐,屈於求存!生存在一間多是非既公司中.總會同自己講,要圓滑做人處世..

  開始學識笑臉迎人,盡說好聽言語!但這種生存方式可以保持幾耐?又需要違背自己幾多?無一個答案!可能要係一世,直到雙腳一直.你依然要強顏歡笑讓子孫心安..

  sorry!我做唔到!就算我係一個打工仔,我都係一個人.一個活生生既人,一個有尊嚴既人,ok?你可以當我係一個搵錢既工具,但係我唔係比你用來出氣既奴隸!受你二分四,妳就響我面前扮晒野,三分顏色想大紅,響度係威係勢.真係好心你啦,我係為你老公難受.依個世界無話邊個無左唔得既.無左你間用來玩弄權勢既公司仔.陳某我都未見會餓死囉!依個世界其實好細,第日邊個求邊個都未知啦,阿姐.

  講開又講牙,老闆大人!我唔係話怕老婆唔好,不過你攪到唔似個男人囉.做老闆就要似返個老闆,要有主見,分下輕重援急,行事大處著手.成日去計果三倆豪仙既數,微觀咪做唔到大事囉!個老豆留個咁好既平台比你發揮.你就比個老婆出來垂簾聽政.又任由权欲和享受,生活上奢侈糜费,挥霍无度.我唸無問題既,起碼唔係用緊我既錢.不過國庫空蕩既時候.可唔可以唔好搵員工來出氣呀?用個腦唸下係乜野問題做就!

  發生咩事就叫我來頂,係,我係帶隊果個,錯,當然係我既問題..但係我又想問:年年幫你地賺錢既時候,又唔見你地分多個仙比我?七年啦...人生有幾多個七年? 我為你地公司貢獻既應該唔會少.至小我都盡我所能,做好每一件事.但係今日從一個你咁樣既女人口中,質疑我既工作能力..我好唔甘心!我想話妳有咩資格抨擊我先?

   傻婆,好感激在我最唔開心既時候.默默陪住我.我已經無事,我講出來係為左發洩下.你成日都叫我開心啲,開懷啲..其實我已經開心左好多,只係生活總有太多不如意.點都好,我都會努力做一個令你開心既男人.今日好在有妳,多謝!