最近寫既比較生活化,再加上工作影響到情緒.字裡行間很是粗俗,望各位體諒..

  松樹係好粗生既植物,葉脈縱橫.枝莖壯健.望住家中窗台上既小松樹,然間好想打Qooza.晨早起左身,見到窗台上既它,在想:咁猛烈既陽光,會曬死吧?然而咁多年來,它都係好地地.很少有閒情慢慢去感受早上既陽光帶來的暖和.蹲在窗台下仰望住依盆翠綠既小生命.心唸人如果可以咁簡單你話幾好呢.

人不停追求自己所不能自然擁有既野.唔似植物,唔使做,就可以好好生長.能夠享受陽光既輕揉,和風既撫慰,雨水既濕潤.然而人卻要付出勞力,心力,以及要用葡萄適激發腦能量去達成目標.我地又有啲乜野係自然獲得既呢?除佐最近生既白頭髮,就係臉上既縐紋,仲有腦海中一堆不堪回首既回憶.我唸或者再無其他吧?

   我地既生命睇起上來好似平平無奇,比起住成萬呎既有錢佬生活得無甘舒適寫意.只係某一日我地回頭一望,卻會發覺我地比起所謂的成功人士,多左同家人相處既時間.比政治領袖多左同朋友暢所欲言既機會.當然人既基本生活水平一定要達到,先至可以有舒適生活既機會,成日要憂柴憂米既話.又點會有時間去欣賞風身邊既景致?時間可能都只會用來 盯住果個數字少得可憐既銀行存摺.記得有一位朋友講過:坐上只裝有99巴仙石油既氣車,唔知道它乜時候會停下來,無安全感可言!

   抬頭望住天空,又發覺原來睇到既係咁少,又或者每人既天空都唔同.記得細細個在鄉下既時候,雖無豐富的物資.卻能享受望住天空既樂趣..唔會比死氣沈沈既高樓所阻隔.躺在青綠既草地上,蔚藍的天穹,彷彿伸手可及.而現在身處林林總總既大廈,人在當中就好似我地睇住街邊路上既螞蟻.走在縫隙裡團團亂轉...

  有乜野係我地所錯失既野?太多太多.多到你我都忘記了.曾經以為自己一直以來既努力係岩既,最後卻發現用左太多時間去做錯誤既事,只係回頭既時侯,又會猶豫不前.行過既路就無得回頭,往前行落去又會唔會有結果?定係走過既路全部都係冤枉路?我會唔會已經唔可以從頭開始?只是有一件事我仲可以好肯定.

我選擇了妳係無錯既,依半年來我好快樂.

而往後既時光也將會係我最快樂的日子..