清涼既天氣.最能令人身心舒暢.難得星期日理所當然將時間盡情揮霍!反言之就係做平時無時間做既野啦.可以訓到中午就係好重要既一環.由於點零鍾要上英文堂.好唔舍得到要落床呀..鳴鳴~急急腳一輪疏洗,整埋個靚頭,走得!

   宜次進修英文唔係我本人主動報名既.而發起既人係我既師兄(浩哥)至於宜位浩哥係我一直好敬重既人.不得不提,拒做人態度好正面.又有上進心,最重要既係識得人情世故.話說陳某我亦自知英文水平低劣咪借此幾會惡補下囉,無傷大雅!

   踏入課室果一下..哎喲~真係好似返去校園既感覺!不過睇返周圍既同學..馬上清醒返.左眼一掃有幾個稍有肥胖既師奶.右眼一望又有幾個不輪不類既金毛仔,再加埋一個笑淫淫不知名物體.直頭就係恐怖教室!幸仲有幾個都算正常既人.不過阿媽教落,唔可以以貌取人.大家坐響度,就表示都係有上進心,工作之餘仲會插時間進修自己.單據依一點已可以抵銷拒地既容貌...

  落堂之後傻婆就來接我放學.一齊去左Tsim sha tsui.事前約左晚上同小雨一家人食飯.離食飯仲有些少時間.拖住傻婆去碼頭散步...嘻嘻 ~由於工作關係都好少可以咁樣同妳一齊啦.但係妳從來都無埋怨..我覺自己好幸福!無幾,家姊,雄仔.仲有小可愛牙儀到左啦..

   經歷半小時既找尋,你都咪話唔辛苦,終於都去到一直好想去既餐廳"巴x燒烤"感覺就好似哥倫布發現左新大陸!再累再辛苦都值回票價.因為傻婆好鍾情果度既雪糕.我個人又比較喜歡自助餐.成個環境好舒服,不時會有剛燒好既美味佳餚.任君咀嚼!我一見到心愛既三紋魚刺身,由如餓鬼上身,食到停唔到口.乜野餐桌禮儀早就忘記得一乾二淨!!都好耐無見家姊啦.輕輕鬆鬆一齊食餐飯,說話不需太多,都可以很快樂!

   置場有倆位外國民謠歌手.純熟既吉他,生動既表情,純樸既風味,高超而有浸透人心既聲線.聽得我地如癡如醉,直叫香港果班大明星收皮! 快樂既歌聲中作為晚餐的終結.亦為精彩既一天畫上句號~