我留意左一樣野都有好長既時間.可能身邊環繞既太多都係.講緊既係[不解溫柔].就以我老闆娘為例呀;做為人地既老婆,事事爭強好勝.女人須知道溫柔鄉係英雄塚.日子耐左,溫柔既女性,必然佔盡上風啦...

講返從前,皇后母儀天下,為溫柔作榜範;依種傳統既智慧,一代傳一代...令中國女性孕育出悠長既文化,繁衍出龐大既人口,響生物學上,獲得空前既成功! 可惜,今日香港,溫柔卻瀕臨絕種..睇到大部分女仔唔單至唔溫柔,而係唔知道溫柔係何物,望見都心酸...

香港既女仔,大部分只懂得嗲..嗲,比起溫柔就低級得多了.唔好話細佬仔識,連寵物都識得嗲.茶實溫柔係中國女性既美德;明白自己既崗位,超越小我既計較.處處大局為重,事事忍讓行先.用體貼,細心,憐憫,仁慈既心,堅持溫和,婉轉,輔助既態度..

溫柔,其實就好似紳士風度,俠義精神一樣,溫柔係從心而發既態度,唔造作,唔計算,圓融得不著痕跡,自然得渾然天成..我只能夠舉例,卻無可能三倆句將它講得清楚 ..

香港女仔,風雲際遇,被寵壞左咁多年.依家,強敵壓境,又平又靚,再唔知乜野係溫柔.再唔重拾溫柔既威力;前景,實在堪虞囉...