尋晚一夜未眠.只因收到一個久違的友人msn既來電.一位熟識既陌生人.剎那腦海一片空白.不過..都係忍唔住回應左.去掉基本既慰問近況.大家總算講左幾句心底既說話.夜啦..不如聽朝在那老地方一齊食早餐啦..

      坐在那懷舊既港式餐廳角落裡,望住手機中她的號碼..我感到無比緊張.發光既屏幕就好似一個完美既裸體,相當吸引~我知道一切都會係一個好開始.即將會見到以為這一生人再唔會見到既女人.嗰一刻....沉悶左一段日子既我~~

 笑了......

 有啲說話講出來會好膚淺.所以我深深甘埋藏在心裡邊.在心中千萬次重複地講,然後淨淨鷄咁竊笑;唸起每次見到她既笑臉.每次見到她千般激情陳述自己日常趣事.我就會感到一陣按捺不住既快樂.也許,我唔會有機會對她道出心中既說話..

  凍檸檬荼既冰塊發出咇喇既聲響.隨著時間慢慢溶化.倒汗水在杯腳累積成一灘水痕.我知道她心裡確仲有我.我唔可以否認偶爾都會想起她,  只係大家相遇既時間太少.這間餐廳成為左我地最後機會見面既地方.因為她要去很遠很久既地方工作..

    望著餐廳唔同角落既一雙一對.以前從來都無意識到.原來自己都可以同距地甘幸運.唔知道嗰啲喁喁細語既機會都可以發生在自己身上.幾步急速既腳步聲.她的身影終於出現在發黃既燈光下...

   時間好少,每次能見到她既時間都好少.能有機會一齊用餐既機會就更少.依一切我都知道.只係已經習慣等待..等待和她相遇既機會.等待她既出現.依一切我都會有無比耐心去完成.

    "仲未叫野食咩?"她笑笑地口講."未呀,因為你仲未到"我既笑容依然親切.過程中依舊係她在高談生活趣事.我坐在對面靜靜聽住.我微笑了..因為她一切安好....

   只係她要離開了.一個美好早餐既開始.....原來,最後晚餐已經來臨!