某一個下午,與老闆共處於車上,或者沒有第三者在場既關係,話題間盡是感性,他說:"依個社會就好似一個森林,裡邊有各式各樣既動物,而我地就係照自己既意願選擇一動動物來扮演,有啲人會選大奸大惡既老虎,有啲人會做軟弱怕事既小兔子,總之就咩動物都有.跟住拒又問咁你又知唔知點解獅子.老虎要面臨絕種?而小強又可以幾百億年生存至今?"我話係唔係好似金融海潚咁死最先既係果啲龍頭公司!?我知道他想暗示既係公司既員工...

  社會在變,人也在變,

 過去的鼓勵,也許成為今日既枷鎖..

 過去既快樂,可能變成今日既苦源..

   對比從來都係殘酷.記得細個既時候,我地可能會對住個公仔或機械人自顧自講說話...人大左,我地都會覺得果啲係妄想症..在長大既同時,得到既物質越來越多,而生命中卻失去左好多比物質更重要既野.{純真.信任.快樂}一切都係我地經歷依個社會既同時漸漸失去..

   成日會聽到啲人話[唔好成個細佬仔咁啦ok?]其實仔細啲唸下,依個係一種悲哀.妳尋晚問我(悲哀)係咩意思..其實我真係唔知點解釋,因為有太多既野都係一種悲哀..

   細佬仔既世界係沒防備,沒戒心,沒爾虞我詐.只係社會有太多如狐狸既人會對你欺騙,有太多如野狼既人會對你壓榨,如果我地仲好似小朋友咁,除左係代表沒有進步,仲代表不能適應依一個恐怖既社會.我地唔可以好似一個細佬仔咁生存,係因為依個社會已變得唔適合一個簡單既人..

   每個人都迫著要成長去迎合依個萬變既社會.迎著依個社會既眼光.單單以我地同細佬仔既眼睛去睇同一件事已經有好大既分別,細佬仔意會既係人既心靈;而成年人觀察係人既行為...我地既心靈幾時變得咁狹窄?咁渾濁?忘掉自己既童年可能等於忘掉自己吧?我地拋下心靈既高貴特質,只因為果啲係沈重既心理負擔?然後先可以輕鬆啲跨過社會既艱鉅旅途..?

    唸唸我地有幾多時間可以無牽掛咁去跑,去跳?跑到臉紅耳赤只係為左與玩伴追逐玩耍,依啲日子亦隨著我地學識社會規範而慢慢被拋棄..成長係為左生存,生存係為左遺傳,然而我地可以遺傳既野已經越來越少...

   回憶之所以重要,係因為我地明白到果啲日子己一去不復返,當我地回首凝望,遺下既腳印已經比時間既細沙填充.只餘下一行淺淺既痕跡..

   隨著成長,我地失去幾多?得到幾多?[過去]建構著我地既[現在],而[現在]醞釀著我地既[未來]過去我地所放棄既,仍可以現在消失前抓緊;現在所擁有既,應在未來裡好好珍惜..

 唔理社會點變,唔理你選擇既係邊一種動物..都不應因為社會既需要而輕易放棄比物質更重要既野,如果唔係我地會有朝一日完全失去自己,悲哀地睇住自己既過去然後努力咁追思懷念,卻無力跨步將來...