輕巧的鑰匙.沈重的秘密.對比住現實.

 其實我地每一個人都追求輕盈,希望可以撇開沈重,只係無邊個可以做沒殼既蝸牛,亦都無人能夠孑然一身流浪於世..沈重使我地腳踏實地,而輕鬆將會帶領人去到虛無..如果得返鑰匙既話,失去鎖後既一切,輕鬆就可以換來失去,你願意咁做嗎?

  記得"頌議"仲係個嬰兒既時候,每次同家姊食飯拒都會啼哭不停,聽在耳裡讓人心疼.家姊都會忙著哄她,抱在身上彷若無物,但想想她的未來,可能會感到被壓得透唔過氣吧?睇著她漸漸長高,漸漸長大,到左有一日交比自己第一份家用,果種沈重既感覺先會稍為減輕吧?負擔總會隨著小朋友既長大而漸漸減輕既,所以家姊要努力支撐落去.. 

   {生命中不能承受的輕}在又一城某書店發現左依本書,好奇之下打開,裡面有人提出一個問題:"我們將選擇甚麼?沈重還是輕鬆?他看到世界就好似分成對立既兩半,光明/黑暗.優雅/粗俗.溫暖/寒冷.存在/非存在..他把一半稱為積極既(光明,優雅,溫暖,存在)另一半自然就係消極啦.}可以發現要區分積極定消極實在幼稚簡單...

  同樣既幾千蚊,一部手機同一隻結婚戒指既意義已經大大不同,看既野同自己感受既永遠係倆回事,善意可以帶來比惡意更大既傷害,溫柔能造成更深既痛苦,生活都有輕鬆同沈重之分.

   對一個失敗者既同情,可以把僅有既自尊心粉碎,失去自尊,仲可以用乜野支持自己?仲有乜野驅動自己走下去?經歷過磨練,共同面對路上既所有沈重,先至係真正既支持..流血既傷口,輕輕安撫係止唔到血既,必須用力按著才能使生命凝固於我地既身體內..

   {生命中不能承受的輕}好似集中提起輕和重既對立,我唸唔係我所想得咁表面咁簡單,但亦可以容易地明白.人多數都追求不切實際既輕鬆,卻都逃避賴以生存既沈重.所以我地最後都會丟掉沈重既軀體,離開地面飄向天際吧?