仲有兩日就到我31歲生日，時間過得真係快，成日發夢見到嫲嫲同爸爸，佢地係味想帶我走，我都好掛住嫲嫲呀，話咁快就離開左我9個月，雖然時間沖淡左少少，但係每次發夢我都覺得嫲嫲仍然係呢個世界，可能我好想彌補以前太少陪嫲嫲既日子啦，搞到日有所思 夜有所夢，希望你地係天國活得好好的，遲啲我地係天國見面啦 。

話咁快又過左一個月，每日都好掛住嫲嫲，只有嫲嫲先會關心我有無食飯，有無照顧好自己，有時會夢到嫲嫲係以前大陸既屋企一齊生活，個夢真係好真實，以為嫲嫲仲在生，一醒左就看得好空虛，好想番去以前住既地方影番啲相，好想離開自己一個生活，實在係好累好累，我仲要撐幾耐？幾時先有人會關心下我，幫我分擔一下？ 

今日個腦唸番起好多童年係大陸生活既回憶，細個好鐘意一早起身就痴住嫲嫲，要跟佢去街市買餸，唔知點解好鐘意去街市，又污糟又多人又嘈，可能只係想痴住嫲嫲🤭 以前夏天幾熱都好，記憶中都係無冷氣，但係點都無而架既夏天咁熱咁焗，好鐘意痴住嫲嫲訓覺，嫲嫲煮既米粉都特別好食，仲有嫲嫲整既腸粉豉油，而架已經食唔番果種味道😭 細時夜晚食飽飯，阿媽有時會帶我地幾個去大廣場放風箏，經過既地方仲有一條橋，我好鐘意爬到最高吹風，真係唔驚跌死咁，而架人大左就無咁既膽量啦。有時嫲嫲會幫我搬單車落樓下公園玩，唸番起我都真係任性，住7樓仲要辛苦嫲嫲咁大年紀幫我搬落樓😢 嫲嫲真係好錫我，成日偷偷燉湯比我飲，阿媽打我時又會保護我，其實住係大陸我真係過得好開心，至少我回憶中都係美好既。放暑假時大姑同表姐又會來搵我地玩，帶我地出街買好多好野比我地食，我扭買玩具又會買，有時仲會係佢地屋企訓幾晚，爹爹又會教我畫山景畫，又有雞可以玩，唸番起都好懷念以前，而架活得好辛苦，好唔開心，成日都好想番去以前，想同番你地一齊生活，係味人愈老就會成日唸以前呢🤔 好後悔無同嫲嫲合照多啲，搵來搵去得一兩張相，但係你就將我張BB相當係寶😭 真係好掛住你😭 希望你在天國過得好好🙏🏻

I LOVE YOU FOREVER ❤ 我親愛的嫲嫲

由2014年某一日食條菜啃到之後，就驚左食野，今日又食食下飯好似唔識吞咁，好驚有一日會啃死，死亡對我來講唔可怕，我只係擔心我死左之後無人照顧個仔，我最唔捨得既就係佢，呢排發夢成日見到我嫲嫲，我好掛住佢呀，原來佢已經離開左我五個月，時間過得真係快，成日好後悔當初無好好照顧你，陪伴你，到而架我都未接受到佢離世既事實，成日呃自己話嫲嫲仲係到，好想聽到你把聲，點解我當初唔多啲番去探你，人就係咁樣，失去先會來後悔，嫲嫲你係天國過得好嗎？有見到爸爸嗎？我好掛住你兩個呀！ 

今日無意中又打開番個日誌來睇，睇番以前打既野，覺得自己以前好幼稚，哈哈哈，原來時間真係可以沖淡一切，呢五來發生左好多野，我亦已經差唔多唔記得有呢個人既存在，仲有六天我仔就六歲啦，今年要讀小一了，真係好擔心佢番學搞唔搞得掂，時間過得真係快，當初既手抱嬰兒已經要讀小一，我而架都無咩所求，淨係希望我同埋我身邊既人可以身體健康，平淡是福！

我都已經無同果個人聯絡一年幾兩年，應該話我忙到已經唔記得有呢個人既存在，我亦已經刪曬佢既所有聯絡方式😁