16/12/05

晨早起身就知自己唔多掂, 喉嚨有d熱, 仲有兩聲咳, 但個陣根本就唔

係好嚴重, 番學自修堂傾聖誕聯歡d野冇做功課...lunch又開會...then睇

drama, 開頭幾funny, 後尾有d悶, 其間學校無lala開冷氣, 痴左線呀, 咁

凍仲開冷氣!!!又焗喎!!!唔病真係有鬼啦~~番到屋企即刻換衫, 帶齊野

搵高, 去到大中買個盒然後搵安仔~陪完佢, 我地就做正經野, 然後join

埋 kit同carman正式出發...去到搵到kim就去搵buffet間野...我地早左

去..開頭我都無咩野, 食得幾開心, 但過左一個鐘我就黎料啦, 完全發

燒...目光呆滯...走個陣真係辛苦到嘔, 下下都諗住快d番屋企, 因為真

係累到不得了...so我無通到頂...搞到kim佢地都無通頂添...另外thx亞

邱既細心, 叫我小心身體...即刻warm晒...番到屋企食藥訓...

17/12/05

一起身仲衰過琴日, 亞媽幫我落左街幾轉, 買lee樣買個樣, 探熱探到

103度, 真係好熱呀...老豆即刻幫我去拎藥...後黎都係要睇下醫生...食

完藥又訓...醒左好似無燒lu~舒服好多...但仍然喉嚨激痛, 我變聲...超

man, 沉到男低音咁款...講句野都想死...全日除左訓都係訓...

18/12/05

今日起身好左d...無琴日咁累, 琴日真係企係到都暈, 今日可以開到機

已經好好lu~不過lee兩日都係食粥, 好肚餓呀...lee幾日都係病同訓, 完

全無做過功課!!!我d功課欠左好耐個d本來預左今個星期六同日做...唉

~~又要繼續拖...睇黎聖誕我要狂做功課lu~