3點零落樓拎野俾人, 之後等人, 去玩, 但佢黎到之後發覺出現左d小問題, 最後我地遲到~某d fd搭早一班車走先~我地紅x會合, 之後轉bus去目的地, 去到周圍玩, 行到好累, d機動游戲好似超快玩完, 俾起上年, d工作人員真係好求其~至於鬼屋, 原來真正既鬼一路係我隔離, 同佢入到去, 我仲驚過佢(佢係一個女仔既fd) 因為佢全程扯我件衫, 驚死我唔走光, 佢達到目的啦, 我露晒底...你要負責任至好喎~~... 我同(佢)食左個包, 另名個個男既fd唔食...等宵夜先食...又玩其他, 至後搵埋其餘既fd, 之後番過去又玩鬼屋...今次仲驚, 推我埋右邊牆, lee d咪fd囉, 驚死你唔識行, 係咁拖我, 唔~間鬼屋既右邊牆一定好乾淨, 第3間我就冇埋隻左手~~非常好, 有留番隻左腳俾我~~全程得左腳冇事~~之後又排隊, 大家竟然玩40,50(15,20多人版) 之後變成20,25...笑死左...之後搭車去旺角, 成班買冰, 冰救左我地一命, 番到去旦同我地一齊宵夜, 笑住咁食, 番到屋企2點零...3點訓...

今日9點幾起身, 訓唔著, 同左屋企人去大家樂食早餐, 早餐前去左睇爐~~朝早就買左個爐, 之後我番屋企做功課先~佢地就去左買電腦椅~~咁我做完個陣, 佢地番左黎, 張椅要星期4先送黎~~唉

之後出大中搵人拎野, 拎完去大埔墟搵人, 買完野去人地屋企開p , 因為有fd生日 , 係度再祝多佢一次生日快樂~~再諗番我上年, 真係棄 …去到因為主角未到, 要接嚴, 咁我地就玩住先~ 之後旦黎左, 又走左, 要番工, 但又再黎左, 因為改左時間, 佢食左d野先走~主角同嚴黎左就正式開餐同玩同睇tv, 其間都好好笑 , 但食完野, 我同嚴要洗碗~ 今次同人慶祝真係難忘啦 ~~ 之後又玩番長州牌~ 嚴又做番自閉dj, 後尾先加入, 邱落左樓搵人傾一陣, 之後上完黎切蛋糕, 又落番去, 但冇幾耐又上番黎, 因為我地要送生日禮物俾佢, 之後佢又落樓, 咁我地就走左喇

假期真係過好快~~~

今日一番學就英文堂~未做功課~搞到班早會係度做, 咁之後有數統堂, 用左個小息畫graph, 小息後bs堂, 佢又叫我地拎資料, 佢又唔一次過講, 每日都叫我地拎, 有d同學琴日幫我地去拎左兩份, 而家又要拎, 今次仲要唔可以一個人拎晒, 唔係會俾人鬧死, 搞到我地要過太和拎, 大佬, 拎唔係問題, 問題係要睇完份野寫summary, 仲要星期一交, 咁我就同個同學一齊同佢講可唔可以星期2交, 佢問點解, 我地話好多功課做and than今日要開會拎唔切, 佢話星期6都開架間野~而且你地有幾多功課做姐, 咁我地又話我地唔係得你一科功課架麻…佢冇理我地囉…我唔係呃你..我真係好多功課

我既功課如下: 英文剪報(寫summary, opinion, 10個生字既解釋連作句), bs剪報, 書後問題1-6, 兩份野既summary, pa 紙兩題數, notes一題, 數統8題數, 今日開完會我要打番個record, 仲有未計預習查字典個d喎!

我一放學就係咁做, 到而家11點幾呀, 除左食飯, 我真係冇停手呀~.~'' 而家break半粒鐘打日記渣!

今日開會超煩, 有個F.3女仔不停係到笑, 好噪~~上中文堂個陣同d同學傾計, 傾到re唔repeat中6, 佢話好後悔讀中6, 我都有d同感, 一黎好辛苦, 2黎跟唔到咁, 佢話想re, 就問我一唔一齊re, 我話有個fd re緊中5, 如果佢有信心升到我會考慮re, 之後又多個同學講話想re, 同我有d似, 又係覺得辛苦and等佢個fd升上黎. 開學一個月多d我地就咁講, 好似好咩咁, 但我係講真, 佢地都好似講真, so~我等緊你升上黎呀, 你要加油呀, 我係msn同你講個d野係真架~~我既希望係晒你到啦~~!!!

今日超眼訓, d堂冇乜特別, 係bs堂成班俾al話, 除左一個人, 因為我地冇編到僱佣條例, 佢係度問人做咩唔編, 我即刻話十幾頁點編呀?? 之後佢話人地都去拎本野番黎啦, 我話q知邊度有得拎咩, 但因為有其他人講野, 我又唔係特別大聲, 唔知佢係咪聽唔到?  之後今日又叫我地上網編野, 但又係超多, 唔知邊到拎..佢話新街市有, 後黎我同d同學記得好似冇~~咁佢就話我唔知你地啦, 你地自己搞掂啦之類既野, 我即刻話:嘩~d人咁講野都得既, 幾興 , 但某兩位同學叫我算, 但點算呀, 做老師咁講野, 好不負責任...但叫我算既其中一位同學, 佢話幫我地拎晒, 佢咁話得, 我就算啦. 唔該晒你~~

放學之後就狂做功課, 有d唔識添~~有冇人可以陪我放學一齊做呀~.~''

今日一起身就超冇精神, 今日又要上台 , 上完台, 就正常上堂, 今日第一次覺得自修堂真係唔夠用, 係咁做功課, 都做唔晒, 仲有中文同數統未做晒, 今晚要做埋中文先掂, 今日會計有功課, 聽日要做埋先掂, 唔係星期6,日點出街 ...至於英文份腦圖聽日上堂先做~今日最後英文堂, 個電話係度狂震, 原來係兄弟打黎, 我走個陣見到佢, 佢溫miss e, 之後我搭佢幫我搵miss e...

嘩咁快就番左學成個月有多~bs書教左10幾頁, 中文同冇上一樣 , 就要測驗, 雖然話測驗係十一月頭, 但我有d同學都已經溫緊書, 我仲搵緊工=.-'' 講番搵工, 之前間野冇搵我, 姐係唔請啦, 放左學又同亞嚴去睇a-1係咪請人, 係請, 但我見到佢d人全部都係女, 男既應該係做廚房, 但我唔識整野(麵包個d), 所以棄, 見到d同學咁勤力, 我都要溫下書, 下個禮拜開始溫先...睇黎遲d要封印部機至得...