2012-02-16

我真係頂我屋企啲人唔順

我只係聽左一首歌

NO 係一首歌都未聽完

佢地就開口罵

話我追星 但係明明我根本就唔係特別中意個個singer

我本來諗住聽完首歌就溫書啦

重點係我聽首歌前一直都搞緊i-port 完全冇玩過

我覺得我已經係度好努力咁control緊自己

我由昔日一日開5-6個中電腦 唔開會好冇安全感

變到依家幾日唔開都冇野

我由以前日日睇動畫漫畫 變到依家幾乎冇睇

我已經好努力 點解你地咩都唔明

係你一直係度罵我既同時 你又有冇諗過我點諗

我一路食飯你一直罵我唔溫書

我認我做功課都係做得好慢 但係比起以前我真係變左好多

雖然我今次考得好垃圾 但係我真係有反省過

我好少哭 更加唔係為左啲成績而哭

但係今次我哭左好多次 係因為我估唔到我考得咁**

我有目標 我唔想白白放棄我一直堅持的

我希望成為唯一可以入到叻既大學

我唔想再比大陸啲親戚睇死

更加唔想一直支持我啲屋企為我既前途擔心

我明白擔心一個人真係會好辛苦

我屋企有家姐有細佬

我唔想自己加重屋企既負擔

雖然我成績唔好 但係我真係好想DSE盡地一鋪

你地問我點解我依家啲脾氣咁怪

我答你地只係我眼訓所以心情唔好

其實我只係有時好唔中意自己

只係想冷靜一下 偏偏係呢個時候就比你地點去做呢樣做個樣

出街玩 次次都SAY NO

就算去科大 返到屋企你次次都黑面

話我次次都去玩

我真係唔明你可唔可以顧下我感受

唔好次次都踩到咁盡

我真係會崩潰