開左學啦~

今日開學，大致上"感覺良好~!"

不幸中的大幸，係 Miss 溫做班主任，佢第三年教我中文啦，

唔知係好事定係壞事??我希望係好事啦。

雖然C.P.S係副班主任，不過好過佢做正班主任，

唉~又俾佢教好我一年英文，我死左去算啦~

>3<  好慘呀，魚絲唔同我一班，冇人照顧我，以後要靠自己啦......

最慘係，魚絲、Lilian、嘉嘉、鐘天、芬芬同新加入o既"寶豆"，

是但一個都冇人同我同一班，搞到我好悶呀~!

好彩，依班都算有幾個識o既。

我同朱英瑋坐，都ok 掛，叫做識得咁啦~~

飛呀~~

今朝一早起身，食完早餐之後，就搭 E32 去機場。

我同阿哥一人兩個行李，真係慘~!

到左機場之後，我地就 CHECK-IN ，等呀等，等左好耐。

我地搭O既係菲航，見係多菲傭、仲有靚靚O既菲律賓空姐，好親切~

我地係菲律賓轉機，菲律賓機場都唔錯，上左去溫哥華班機，

又係好多菲律賓人，唉~~我都唔明，點解我地次次都最後都係先有得食飯，

飛機餐真係好難食呀，唔想食，不過好肚餓，一定要食。>_<

唉~坐12個鐘，好悶呀，前面果兩個X街將張椅退後，搞到我地訓唔到，

討厭~~之後我地開燈做功課，我都唔想架，邊個叫佢搞到我訓唔到，

哈哈~照住佢地，^。^~~

好辛苦咁到左，CHECK-OUT，我要同果位姐姐講英文，不過都得左~

見家姐，佢靚左，不過肥左，都ok o既~~~

好累呀，冇訓過，去到仲要係下午，搭船，唔錯，好舒服呀~~

一日就係咁過左啦~~