今日係 han 生日, 生日快樂!!!

為左同佢celebrate, 所以同佢去左海洋公園~ 去前買左九鐵的套票, 超抵玩, 大家如果去一定要買!!!! 可以至少慳番 20 蚊!! 我地 9 點 9 去到果度, 等到 10 點左右所有機動遊戲都開晒~ 我地一次過玩左海盜船, 過山車, 跳樓機, 飛天 ' 千秋 ' , 摩天輪, Ocean Tower 等等,.... 唔知有冇遺漏........ 因為果陣咁早, 完全冇人排隊~ 真係可以任玩.....

然後玩到 11 點幾就番去玩滑浪飛船, 因為我地去到果陣佢仲未開...今次要等成個鐘先有得玩~因為d 人開始多番... 好彩冇乜點濕身.....ocean park 幫我地影d 相好搞笑

然後上番山食野, $39 一個 lunch, 好貴, 但係因為太肚餓.... 冇計了...果度 d 炸雞扒幾好食, 成個餐食完後好飽.....原本以為唔夠食...

食完野後 2 點左右, 我地去左水母館.... 又要排隊~ 不過入到去都算冇失望..d 水母幾靚~ 影左好多相....不過個館好細

然後再去海洋館同鯊魚館, 都唔駛排隊~ 當然又係影左好多相... 真係好多野睇...... 都成幾年冇黎過, 再黎一樣令人咁興奮

睇晒之後大約係 4 點幾~ 我地本來諗住搭纜車落山, 但係勁多人排隊.....條龍水蛇春咁長... 所以應海洋公園控制人流的要求, 去番門口搭接駁巴落山~ 但係點知架巴士等左勁耐... 搞到好多人鼓譟...當好多人諗住唔等時, 架巴士先黎.. 都等左成約 30 mins

落左山後都係周圍影左幾幅相就走lu~ 冇乜點行... 因為都冇野行........再搭 5:30 班免費接駁巴士走人~ 架巴士返到 hung hum 火車站.....慳左海洋公園 to 金鐘 $10.x 接駁巴士錢同埋金鐘 to 尖沙咀 $4.4 過海錢, 要買套票先有

去到 hung hum 行左陣, 係 mcdonald 坐.... 影左 d video, 見到一個勁似何中某女仔的女仔!!! 不過係靚版.....仲比我影埋相, 包大家話似~ 去到 hung hum, 見到 Poly hall, 真係好有衝動想返入去住......都幾懷念........ 又見到 Poly, 見到李兆基樓--- 我曾經係果度上過 3 日堂.....不過尋日上網睇話果座 building 有鬼, 話果度d 雙門 lift 係拎黎運載屍體~ 信不信由你

回程搭火車, 又係套票包埋...一張全日免費任用的火車票...無限次乘搭~ 因為我送 han 返屋企都唔駛錢, yeah

返到粉嶺食許留山, 好食 !!

10 時左右我都返到屋企~

今日真係經歷左山窮水盡的一日... 帶左 $250 去, 買完套票同 lunch 之後只剩 8 蚊.....最後同 han 夾錢買汽水, 連 8 蚊都冇埋!! (大汽水 $16) 最後晚餐要係許留山解決, 因為 han 生日有 65 折, 而我用八達通比錢...比完錢後得番 $0.2.... 可以搭巴士由火車站返富亨~ 今日真係剛剛好!!