今日去 camp 回來....... 好累... 5 點幾返到黎, 訓到而家 11 點 3...呢 3 日以黎我只係訓左 7 個鐘.....
第一日約左so sir, cream, albert, 珊珊, 60 係火車站一齊去 Poly, 9 點鐘集合..但係等到成 11 點先開始呢個 camp 的 briefing~ 中間果兩個鐘就同我d 組員互相認識下同埋玩下遊戲~ 每組 10 人, 我地何中 5 人係埋同一組, 60 就被分到別的組..... 我地組的其餘 5 人全是女仔, 成個 camp 都係男少女多....呢個時候當然就同時間認識埋我地組的組爸, 一個係 Poly 讀 yr2 的男仔, 叫阿 fung~ 呢 3 日都係佢帶住我地周圍去~ 仲有一個係 lab session 幫我地組做 demonstrator 的女仔, 叫賓妹, 其實係因為佢個名有個 ' 彬 ' 字....
Briefing 都係簡介大家係 camp 時的活動同規則, 其實即係冇規則.......
Briefing 後要由 Poly 校園行返去 Poly 個 hall 度, 路程都幾遠... 要十幾分鐘.......不過一入到 Poly hall 我地間房 check in, 果然不失所望, 都幾整齊~ 成個 hall d 格局似酒店, 每間房應有盡有, 兩間房一個廁所, 從房沿走廊行出去有公家電視, 公家廚房同埋梳化, 康樂棋, etcetc.... 如果想睇電視就要係度睇, 但係呢度絕對唔失禮, 因為部電視係 plasma... 加上有有線電視睇~ 聽組爸講, 世界盃時成層樓d 人黎晒呢度睇波... 好熱鬧....每層樓都有電視的
然後落 canteen 食飯, 都幾好~ 下午正式進入真正的活動.... 第一個係 Chemistry in the kitchen, 大學 lab 比中學 lab 細好多, 不過設備齊全....要乜有乜....下午呢個實驗連 briefing + lecture 的時間係 4 個鐘, 但係過得好快~ 係lecture 果度悶少少之外..我見到有好多人都聽唔明, 冇讀bio 更加一頭霧水... 其實呢個實驗係研究食物係煮的過程中的顏色變化現象, 同埋最有趣的係研究係咩溫度下薑汁撞奶有最好的效果~ 搞到成個 lab 都好鬼香.........流晒口水....
做完都成 6 點, 就食晚飯~ 去左 Poly 校園內一間中式茶樓食飯~ 都幾surprise~ 首先果度個景觀好靚, 望到海, 二黎估唔到 Poly 內部有間茶樓...夜晚d 野食都幾好食~ 又夠多
夜晚就參加左一個叫 Team Building Activities 的東西, 除左我地呢個 camp, 有其他 camp 都係 Poly 同時進行... 有關於 Bio, Fashion, etc... 我地就同佢地一齊組隊玩遊戲~ 全部加埋成幾百人... 玩得幾剌激...but 好累
然後 10 點~ 12 點係 free time, free time= 做乜都得, 所以我地就係組爸的帶領下去左 Poly hall 隔離百佳買野食同買野飲....本來仲諗住出去唱通宵 k, 聽朝先返黎~ 但係太貴所以取消了.... 凌晨我地玩 UNO, 當然有人比罰, 傾計, 食杯麵, 玩到 5 點半訓覺....
第二日 8 點起身, 然後去 canteen食自助早餐...再行番去 Poly 做 lab, 上午呢個 lab 係整 key holder--- 鎖匙扣, 應用左 electroplating, i.e. nickel plating, 好多人都整得好靚...but albert 的 key holder 就...keke
午飯係茶樓食, then 去大學圖書館參觀~ 果度真係好大... 有 6 層, 每一層都至少有一個大埔公眾圖書館的規模...真係比d 書嚇親... 果度真係幾多設施, 係視聽資料室有超多電視比人睇.....期刊的數量更是驚人...........
然後再做lab, 今次係要分析中藥中的唔同成份~ 以驗証一樣野是否假藥...其實即係玩 chromotography, 不過我地呢個chromotography 就高級d, 要用到 UV light同 ultrasound...同埋大學實驗室個 bench 幾方便, 可以用 compressed air 直接吹乾d 野~ 其實個實驗都幾快做完, 做完我地就係度影相...
搞掂後我地去左演講廳聽 talk, 關於歧視...本來都唔知同我地 camp 的主題有咩關係~ 因為我地個 camp 係關於 chemistry... 但係原來呢個係關於 general education.. 本來不期待個 talk, 但係個講者講得好好, 完全冇悶場~
然後係茶樓食晚飯, 之後就自由時間~ 本來有好多活動包括 hip-hop 同 yoga 等可以比人玩, 但係太多人所以玩唔到~ 所以我地返 hall 睇神雕....然後就去百佳買野同沖涼~ then 都係玩 UNO, 吹水, 食杯麵... 玩玩下玩到凌晨, 我地仲係 Poly hall 探險~ 幾次驚動 d 實Q..不過其實我地唔騷擾到人的話, 你去邊都冇人理你~ 真係自由自在...行到 4 點幾就訓覺
第三日 7 點半起身, 執野 check out, 食早餐, 再返 Poly 做埋最後一個實驗....Forensic Science, 關於鑑証科學, 即係玩下指模...同埋都係做 chromotography~ 好快做完~ 然後就等拎証書, 影大合照~ 下午返 hall 食飯, 再玩遊戲~ d 遊戲真係好好玩...又係成幾百人一齊玩~ 不過最後抽獎... 有d 失望......抽極都唔中我地果組...最後又影相~ 之後個 camp 正式完結~
參加完個 camp, 終於可以見識到大學時上堂同做 lab 的生活~ 最緊要係總算體驗到大學生活.. 真係好 free.....................搞到我好想快d 入大學....而家搞到我想入 Poly.........
相片後補, 若記得的話
最 新 的 日 記
2006-07-30
