尋日因為夜晚溫書, 冇打到日記~ 而家補打番先

朝早起身去考中文同英文 ge oral, 中文個題目係 ' 知識與智慧 ' , 好似幾易講咁~ 但係我好似講得太快, 講晒都仲有剩 10 秒鐘.....只見姚 sir 成日係度擺個沉思 look.......

英文, 今次應該合格.... 但係 presentation 仲有剩成十幾秒~ 估唔到我得咁少野講....然後 discussion, 估唔到 6A d 女仔係咁 aggressive, 係 4 個中我都算係少講野ge 一個~ 今次 oral 應該合格, 至少冇上次第 1 次考咁緊張......

然後返屋企, 訓左一個鐘之後去自修室~ 溫 chem....上午溫書溫得好順利, 但係下午就出事....... 因為我 lunch 飲左凍野~ 下午係咁咳, 真係咳到痴肺......愈咳愈勁............. 最後都冇乜點溫書...

返到去果陣唯有睇醫生~ 因為咁咳落去都唔係辦法......咁就用左 $150 蚊~ 睇番張病歷表, 我上次睇醫生係上年 5 月, 會考果陣~

夜晚食完飯之後訓到 10 點開始溫書, 未溫晒~ 溫下又睇下波咁~ 然後訓覺~  

今日情況就好左好多~ 行返學校時真係好熱.....然後休息左一陣就考試~  做 paper 1 果陣好似有 d 頭暈.... 但係做做下又好似冇乜事咁~ 今次d 卷難度好明顯提高左~ paper 1 我雖然做得好快, 但係覺得d 野都有 d 唔肯定~

lunch 去左大家樂食, 然後再戰 3 個鐘~ paper 2 同 paper 1 差唔多~ 今次份 chem 卷總括黎講係比上次難左~ 加上自己準備不足, 應該會差過上次~

返學返屋企訓覺.........

唉......我個 shure e4c 壞壞地..... 又要拎去換........ 唯有用住 sony 隻垃圾先.......... 聽慣 e4c, 再聽 sony 耳筒簡直覺得sony個耳筒係 rubbish ! 希望快 d 可以拎番 !!!!

尋晚又睇左兩場波, 德國同阿根廷, 阿根廷淨係睇左半場~ 唔夠德國果場好睇

今朝本來 7 點 9 起左身~ 但係訓訓下又訓到 8 點, 然後起身去自修室~

9 點鐘去到, 今日冇乜人去~ 超多位......... 去到見到好多人, 有 cream, 休恩, 雪琳等等~ 今日溫左好多書, 由 9 點溫到下午 5 點, 溫晒 organic chem~ 淨番 book 1,2 d 野之前溫過, 好快搞掂~

聽日考 oral... 我驚我一路考一路打乞嚏...........

尋晚睇晒法國對多哥同南韓對瑞士, 南韓出局了....... 不能為亞洲球隊爭光, 可惜~ 不過都係今次世界盃最高分的出局隊伍, 算係挽回點面子~

今朝一起身係咁流鼻水........... 唉, 有d 傷風

不過好彩係小病, 流鼻水ge frequency 並唔高, 食左藥好好多~

成日最開心係下午同han 傾左陣電話~

一陣睇波, 德國對瑞典~又有阿根廷對墨西哥

 聽晚又有英格蘭對厄瓜多爾, 又有荷蘭對葡萄牙............

真係場場都好睇~

今年意大利一定入 4 強, 條線咁易打~ 英格蘭如果出線又會對荷蘭 or 葡萄牙, 巴西出線又會對法國or 西班牙

真係超激烈~

今日考 physics~ 未溫晒就去考lu~ 都怪自己 lazy

今次份 paper 1 出左好多我冇溫ge 野~ 夾夾埋埋好似失左 20 分左右~ 不過唔緊要~ 因為個個都唔識~

paper 2 就好dd... 不過估唔到佢出咁多 definition.....正一 definition 佬.............................

放學就去左同 han 食飯~ 去左吉野家... 食完都好似唔夠飽咁~

然後周圍行... 行到 5 點半左右... really tired..........  返去即訓

由始至終我都對朗拿度的能力抱有好大信心, 希望佢愈入愈多, 最緊要係幫我嬴錢!! wakaka

今日訓左成日~ 冇溫過書

所以而家要去溫書la~

仲差一課 alternating  current, 再加 electrity 的 3 課

努力ar !!!