我們已經11個月了,
很幸福^^"

今日訓到成 2 點半.... 然後起身, 去左沙田~ 2 點11 出門口, 3 點 5 已經係沙田~ 今日食左吉野家個 ' 特盛牛肉飯 ' , 即係特大咁解...... 比平時大牛肉飯貴 4 蚊, 但係都多幾多下~ 值得推介

然後都係行行行.....

返到富亨去左超市買野, 因為聽日係麻麻生日, 買左d 汽水, 啤酒等等去招呼人..... 買完後, 我銀包只剩下 5 毫子, 呢一刻, 係我一生人最唔怕比人打劫ge 時刻

返到屋企都唔係好食得落野~ 因為實在太飽.......

今晚又有波睇, 係被一般人視為雞肋 ge 季軍戰...... 我都係麻麻想睇..... 不過有德國, 或者會支持下~ 睇下到時眼唔眼訓先~

今朝真係勁嬲, 又比我發現左我阿爸拎我銀包........ 事緣朝早 7 點幾我仲訓緊覺, 個銀包放係床頭櫃度..... 佢趁我訓緊覺果陣拎左我個銀包, 我果陣比d 聲嘈醒左, 見到佢拎住左我個銀包..... 果陣眼訓, 都唔知佢乜事~ 問佢拎番個銀包...... 佢話淨係睇下我 d 相, 然後就比番個銀包我, then 佢就出左去

then 7 點 7 我就再起身~ 今次我睇番銀包, 發現我有 1 張50 蚊紙, 1 張 20 蚊紙同 1 個 10 蚊銀唔見左~ 裝散紙果度條拉鍊都未拉番........ 一睇就知乜事, 不過諗住放學返黎再同佢算帳!!!

今日返學差 d 遲到~ 都係8:15 準時返到...... 個校工話我再過多幾十秒就遲到~ 真係arm arm 好....... 今朝早又係得我地班同 4E 咁早就要返黎.. 真係同是天涯淪落人.......... 想當年我地 4E 都唔駛補咁多課~ 就算要補課都唔駛咁早返黎...

8:30~ 10:00 補 bio, 教新野, 其實只係開新 topic....... 都係 revise 番d 舊野

10:00~10:30 休息時間, 去左圖書館hea.. 然後返課室睇雜誌... 玩 iq 題~

然後阿sir 黎到, 都係講番份卷~ 好快就講晒.... 今日 11 點半就放, 早左半個鐘~ 阿sir 好似有d 唔開心......

放學同so sir 係富善食 m 記~ 其實係陪佢等 60... wakakaka...... 然後返屋企~

返到去就問我阿爸拎番果 80 蚊, 佢最初仲死口唔認, 然後最後死死氣咁比番 80 蚊我~ 但係佢又發晒脾氣, 又話出街叫我因住比車車死, 又話等我訓訓下覺斬我個頭落黎...... 佢真係痴左線 !!! 證據確鑿, 佢都冇得抵賴, 但係做錯野仲要發脾氣, 我真係頂佢唔順 ! 我真係愈黎愈唔鍾意佢, 尋日阿哥先比左 400 蚊佢, 佢都仲要貪心到攞多我 80 蚊.... 又要發晒脾氣, 我真係未見過d 咁厚面皮ge 人.....

日防夜防, 家賊難防, 我完全接受唔到佢咁做...... 如果佢拎我十蚊廿蚊都話可以算數, 但係 80 蚊我就真係負擔唔起... 夠我食 4 餐飯

不過我最後下午都唔理佢咁多, 去左訓覺~ 我就睇下佢會唔會斬我個頭落黎... 我唔信一個平時拎起把刀切生果都唔夠膽 ge 人可以咁做~ 下午.... 訓得好舒服

頭先去左沖涼, 沖完涼佢突然又話冇拎我d 錢!! 又叫我比番 80 蚊佢!! 真係睬佢都傻

可能佢真係冇錢, 但係我絕對唔會可憐佢... 佢冇錢又要成日用d 錢做d 無謂野~ 不過錢係佢ge, 我唔會理佢, 但係佢如果要用我d 錢去咁做, 我一定唔會容許 !!! 做人做到佢咁.... 真係死左佢好過.....................

真係愈黎愈憎佢..... 唉

尋晚又再睇另一場 4 強戰, 法國對葡萄牙, 法國win 了~ 幫英格蘭報左仇..... 去到決賽, 真係仲未知到鹿死誰手..... 法國同意大利各有千秋, 好期待

因為尋晚冇加時~ 多左半個鐘訓.... 訓左 2 個半鐘, 又要返學......今日總算派晒卷......... 派左 chem paper 1 同埋 physics essay... chem 還好, 都有 65 分~ physics essay 也不錯.......總括今次考試成績, 中英phy chem bio 5 科都係 6 十幾分......係得 bio 有 69.5 分~ 成績好平均但中規中矩.... 我知道自己仲有好多不足, 要更努力!! 同埋做卷時更小心

physics 堂講埋 TAS d 分, 好低...... 全班排第 21...只有 24 人讀physics...好擔心會拖累埋 AL 成績.....都怪自己平時太求其...........好彩仲有 2 份佔分最重ge  long report 未計分~ 希望果兩份 long report 會高分, 拉番d 分~ 一諗 TAS 就好頹, 佔分 15% ga... 我唔會比 physics 條 A 漏走! 一陣因為呢15% 搞到我冇 A 咁點算 ? 黎緊中 7 d report 一定要做好 !!!! 但係今日 TAS 真係嚴重影響我心情...

不過放學都係開心, 同han 去左食飯, 行街..... 雖然都係大中................

今晚冇波睇~ 可以早d 訓

尋晚睇世盃 4 強戰, 德國 VS 意大利, 又加時了... 本以為有得睇射 12 碼, 但係意大利係最後 3 分鐘射入 2 球, 比賽就咁完結..... 今次世界盃我支持的球隊已經全部出局~ 而家淨番 3 隊, 我最支持同睇好ge 係法國~ 因為有 zidane

尋晚場波打到 5 點半, 我訓果陣已經天光~ 訓 2 個鐘, 7 點半起身返學~ 之前一直都冇訓過........ 完全係直落......今朝返到學校都係要集隊, 阿sir 勁耐都未黎... 搞到我地唔可以入 physics lab, 係出面企.. 真係熱到死...

今日補課都係講番份卷......... 悶

補完physics, 落左圖書館睇 megazine 同埋等補 bio~ 今日 bio 補課主要係吹水同埋講番份卷, 阿sir 成日都同我地講要點讀書...都講左幾次, 希望我地呢一班 bio 學生唔會好似今年 form 7 咁la~

放學, 去吉野家食飯~ 好食~ 然後周圍行........好 tired

返到屋企即刻訓覺........... really sleepy......今晚又要睇波

今日返學, 派埋chem 同埋中化d 卷

chem 就淨係派左paper 2~ 因為阿sir 未改晒paper 1~ 今次都有 6 字頭... 不過都仲係有 d careless mistakes.........每次 chem 都有d 咁ge 野

然後中化都ok~ 5 份夾埋都有 6 字頭~ 今次係 listening 同閱讀理解差d........listening 就預左ga la~ 果陣都好似唔係好聽到咁, 唔夠專心~ 閱讀理解就唔多夠時間~ 好彩其他幾份卷表現都幾好~

放學同so sir, 龜, albert 去左唱k, 唱唱下 60 都黎埋~ 今日狀態唔好, 未咳完, 有好多歌都唱唔到

唱到 1 點半就返屋企訓覺la~