今日返學又係冇乜野do....

一睇時間表, 竟然冇 physics 堂 ? 真係悶....... 頭幾堂 chem 又係悶.... 中化好d, 有得 discuss~ 其他都係........唉

UE 作文, 我覺得自己頭 4 段真係作得非常非常之好, 但係愈作愈頹, 作到唔想作~ 最後超求其.......

放學去左理科學會劏老鼠, d form 1 真係變態....... 切左個老鼠頭落黎~  

最開心都係夜晚傾電話~ 我以後唔會咁易發脾氣ga la~ wakaka

兩日冇打日記, 其實都冇乜好打.....

今日返學好悶.... 堂堂都係等落堂............ 今日下午仲有兩堂中化同一堂UE, 呢個就係我最唔鍾意 day C ge 原因...

我都係最鍾意上 physics, d 時間過得好充實

但係出奇地今日 UE 竟然冇野做~ 而係搞番班主任課d 野~ 都好~ 至少冇咁悶..........

放學返屋企, 玩左陣電腦就訓....... 訓到夜晚 9 點......

女人, 有時真係唔係好知佢諗緊乜...

好難先捱到呢個禮拜最後一日.... 雖然呢個禮拜唔係好多野做, 但係唔多想返學...

今日仍然考 ce... 輪到 bio~ 經過禮堂門口見到一大班會考生...... 記得我考果陣好多時果間學校都放假~ 如果我地 d 課室借埋出去, 咁就有假放lu~

頭兩堂 chem, 要 test~ 都係不過不失la~ 合格~ wakaka~ 然後 bio 都係講番之前 d 野ja~

因為今日 lunch 要同 miss luk 食飯.. d form 4 又話唔得閒, 所以 lunch 又冇開 counter~ 咁唯有我今日同albert 兩條友小息去 form 1 課室掃樓..... 反應好熱烈... 一個小息.... 解剖白老鼠的名額已經全部爆滿.... 放下一件心頭大石~

然後兩堂中化.....miss ho 頭1 堂都係同我地吹水.... 講下 d 小學試題... 困難程度令眾人嘩然... 第 2 堂講藝術... 好悶

lunch 同 miss luk 食飯~ 傾下 english day 同 englis drama d 野... 我冇乜意見.... 食左先算~ 難得有人請客... 反正我自認不太熱衷英文學會的活動...

最後 3 堂 physics 做實驗~ 又係冇乜好講....

放學都係行大中ar~ haha~ 今日終於有得飲許留山..

人總愛以批評別人去掩飾自己的不足

每個人都會有唔開心ge 時候, 適當的發洩係應該ga~

其他人可能唔理你, 但係我... 會永遠係你身邊, 聽你訴苦, 比你發洩

係背後默點咁支持你ga ! 不離不棄

所以...be happy !

今日返學遲左出門口.... 8 點過 d 先出去~ 返到學校時間剛剛好

第 1 堂睇中化個 video......原來個節目都有 30 mins~ 但係我地顧住抄寫... 都唔係好覺過得咁快.........由因為成日都顧住抄底 d ans, 都冇乜時間睇個節目~

之後兩堂 chem 堂就幾好, 又唔駛 test~ 又學到野

physics 堂呢~ 梗係好la~ 但係我地呢排少玩左好多........個個都真係好專心聽書~ 有好有唔好...... 呢排 physics 堂比平時少左份刺激感

lunch 話 1 點返黎去整朱古力花, 但係我地去左大中食 KFC... 1 點 3 先返到去~ 不過原來果個花好易整~ 5mins 搞掂... 又因為整呢個花, 我今日冇去開理科學會 counter......... 點知個個都唔得閒~ 所以下面 counter 一直懸空.......算la~ 本來都淨係諗住宣傳一日.... 不過為左早早搞掂, 都係聽日小息去 form 1 掃樓...

最後 3 堂 bio 劏老鼠....比我想像中容易~ 都係膽大心細.....不過我一開始冇聽阿 sir 講就無lala整爛左一條血管....好彩血流唔係好多, 可以止到...其他都冇乜問題~ 算係咁la~

放學又去左大中行~ 行完就返屋企~

尋晚都係睇書.....but 睇完之後好精神........ 搞到 4 點都未訓.......

不過今日返學仍然精神奕奕, 我係鐵人 ! 其實我知咁樣對身體唔係咁好..... 不過冇計....今日仲有咳, 但係我又唔錫身成日飲凍野...唯有你係我身邊日日提住我愛惜身體la~  不過冇計la~ 咁熱, 仲飲熱野真係不堪設想....

上 UE 果陣 miss luk 又狠狠地鬧左我地一陣..... 今次係我印象中佢第 2 次發火~ 我尋日都覺得佢好似有 d 燥ga la~ 今日爆發 ! 我平時上堂訓都唔會比佢見到~ 所以佢今次ge 對象實冇我份~ wakaka

physics 堂冇教過書... 張照光講幾句就落去監考 physics~ 叫我地打鐘就自己落堂走人....佢都幾放心我地....

小息, 只係講左 3 隻字比人打左一巴....... 時下年青人真係粗魯

PE 堂熱到嘔......成班男仔係度打籃球, 玩全場...其實我都冇乜心打.... 因為真係好熱...... 唔多想走動... 不過之後攞個龍門架出黎踢波都幾好~ 但係我今日就做左一樣我入左何中以黎咁耐都未做過ge 白痴野........ 就係踢左個波去救恩..... 見到身邊好多人都試過~ 仲諗住呢 d 咁衝動ge 行為唔會發生係我身上..... 不過始終都要試一次....... 去到救恩, 個阿嬸一見我黎就知我入去執波.... 放左我入去... 成個操場靜悄悄, 一個人都冇~ 射番粒波番何中就走人

下午 3 堂 chem 做實驗~ 都冇乜好講..... 但係今日隻手都掂過唔少 chemicals, 最勁都係拎黎迷暈迷姦的 chloroform..... 當 d 哥羅芳流落我隻手果陣, 感到一陣涼快, 然後好似有 d ' lala ' 地...

放學去左大中行街, 愉快 !!!

頭先睇左今年份 physics 卷, 覺得我考 ce physics, 一定超班! 好懷念上年 ce 考 physics 果陣一路發燒但係 20 mins 做完 45 題 mc 而僅錯 1 題的感覺...