| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
 最 新 的 日 記 |
|
| |
|
我 的 好 友 |
|
| |
尚無任何好友
| |
|
我 的 連 結 |
|
尚無任何連結
| |
|
| 2006 年 4 月 9 日 星期日 |
 | |
 sunday
 |
今日真係 last 一日溫 bio~ 晨咁早就出左去 mcdonald 溫
溫ar 溫....... 都唔溫得幾多....... 因為有時又掛住玩, 有時又傾計.......... 有時發呆.....
今次 bio 真係死硬
去到夜晚果陣, 同 so sir, albert, 龜去左食 KFC 做 dinner~ 全桶套餐.... 好飽.................. 食完猛咁吹水, 去到 9 點 9 先走~
行返屋企, 10 點半返到.........
然後沖涼, 即刻上網睇曼聯對阿仙奴大戰.... arm arm 完左半場~ 曼聯 gogogo !!
聽日 bio, 等炒~ wakaka
|
|
發表時間︰2006-04-10 12:08 AM [ 訪客留言(0) ] [ 編輯日誌 ] [ 分享至FACEBOOK ]
|
| 2006 年 4 月 8 日 星期六 |
| |
|
Sat
|
今日訓到 2 點幾先起身... 好舒服
食完飯就傾電話, 傾左好耐... 之後又訓覺~ 一訓係張床度, 就會情不自禁咁訓....
今日又係乜書都冇溫過~ haha
聽日一定要下定決心溫書! |
|
發表時間︰2006-04-08 09:31 PM [ 訪客留言(0) ] [ 編輯日誌 ] [ 分享至FACEBOOK ]
|
| 2006 年 4 月 7 日 星期五 |
| |
|
Section E
|
今日考 section E, 好處係唔駛 prepare, 壞處係無從 prepare
一開波就照我慣例, 長文不嬲最後先作, 做左 d 短 task 先~ task 2 同 task 3 夾埋好似用左一個鐘........ 做得好慢..... 然後 45 分鐘寫篇長文.... 見有咁多時間剩, 慢慢寫~ 去到收卷前5分鐘就搞掂~ 今次真係做咁多次 ps 最慢條斯理的一次, 因為其實好似冇乜野寫咁....... 定係我唔知要寫乜?
考完之後, 有d 不祥的預感~ 我都係期望 section C 拉分
10 點 3 放學, 成班男仔去左圖書館........... 又開盤~ 不過內容費事講la~ haha~ 然後又係度吹水, 比 miss yuen 鬧左幾次...我地不斷轉移陣地吹水, 佢就追住我地黎鬧...最後, 我, so sir, albert, dalelee 去左食飯
去到扒王之王又係吹水..... 坐得好舒服, d 飯又好食, 又有電視睇~ 真係有d 唔想走....但係坐坐下, 成班人又再轉移陣地, 我, albert 同龜去 m 記溫書~
溫書 ? 一開始果半個鐘, 我真係好專心ga..... 然後, 成班人進入吹水狀態.....原因係因為 albert 拎左張中大地圖出黎, 係度研究邊度有圖書館~ 然後大家都話中大好......then.... 又係度討論大學入咩科~ 真係諗爆頭........ 讀d 咩科可以又 hea 又搵到錢呢 ? 方法就係咩都唔駛讀, 今晚走去買復活節金多寶咪得law~ 然後我地係度計數, 3300 萬, 本來得我地 3 個, 每人 1100萬, 真係唔知點使好........買車, 買樓, 去旅行都係我地考慮之中~ 就咁.... 吹左成兩粒鐘水
然後 so sir 又返黎, 佢返黎果陣都有繼續溫左陣書ge~ 但係無耐大家又繼續發夢....最後 cream 都黎埋~ 我地決定叫 cream 拎龜張身份証去買六合彩 ! 實現我地做少年富豪的願望~ 本來諗住 5 條友都分到 6百幾萬... 諗住一中, 5 條友一齊退學, 從此何中 5 虎就消失於江湖中..............就算係中 20 蚊都好~ 每人分番 1 蚊, 然後再買~ wakaka
去到走果陣大家都仲係沉醉係少年富豪ge 希望小泡泡中...... 仲諗住上頭條...... 返到屋企 , 食飯沖涼, 9 點 5 睇六合彩直播....一睇, damn ! 第 1 個就炒左..... 然後第 2,3,4,5,6 個, 特別號碼............ 全炒, 一個都唔中...... 天亡我也!! 冇得做少年富豪la... 又要考 A-level......
夜晚其他時間都係傾電話~ 好開心
呢兩日又要溫 bio..... 不過我的心早就飄到放假之後~ 我的心情, 永遠都係好似就快考完試 |
|
發表時間︰2006-04-08 12:01 AM [ 訪客留言(1) ] [ 編輯日誌 ] [ 分享至FACEBOOK ]
|
| 2006 年 4 月 6 日 星期四 |
| |
|
CLC ut
|
尋晚熱到訓唔著...... 係間房超焗.... 3 個男人, 係間房度熱到爆晒粗........ 係間房的溫度計顯示氣溫高達 29度... 真係好熱... 最後一致決定開冷氣, 大家即刻靜左好多
尋晚去到 2 點 9 都仲未訓得著, 聽到電視歐聯開波ge 笛聲..搞到想睇埋一份~ 不過最後都忍住冇睇~ 因為今日要 ut ma~
今朝返到去, 課室都有開冷氣... 好舒服... 但係見到張通告, 寫住我地遲 d 又要搬番黎 2/F !! 好煩 !! 又搬!! 搬第幾次 ar ? 我地係 3/F 課室連個 board 都整好埋.... 又要我地走.... 學校煩唔煩d ar..... 做每個決定之前有冇考慮清楚 ? 都唔知邊條飯桶要我地搬黎搬去... 正廢柴
我鍾意 3/F......
今日第 1 份卷係 2 小時 15 分鐘 ge 實用文 + 文化問題... 實用文依照原定計劃個半鐘作好晒加 check 一次~ 但係 45 分鐘唔夠答文化問題....我寫字已經好快, 但係今日唔知做乜成日寫錯字..... 用塗改液都 waste 左唔少時間~ 有時寫完一句之後, 覺得唔係太好, 又改.... 所以最後個結尾有 d 求其~ 不過都總算有頭有尾
休息一陣, 就考一粒鐘ge 閱讀理解~ 時間真係剛剛好... 無多無少........ 但係都係有少少野答唔晒...
總之今次中化, 都係普通la~ haha
不過, 放學都係最開心的...
返到屋企, 訓左一個甜美ge 午睡... 一訓..... 訓到食飯~ 真係好正
好鍾意 joey 呢首歌.... 送比你~
小天使
待我好 不會保留
不休假暖夏到深秋
飛走的歲月心酸牽掛感受
閱纜自你這一對手
未改變一面溫柔
感激你我願說出口
溫馨的鏡頭 笑面神情都像透
多相親更有時像摯友
陪我去走 自昨日蕩千秋
到那積雪漸厚 到我有點成就
全也是你兩手 無聲卻在背後
能贏盡多少豐收 遍踏地球
難及在你身邊更富有
是昨天 相裏飄浮
花園裏笑著砌沙丘
陪我去走自昨日蕩千秋
到那積雪漸厚 到我有點成就
全也是你雙手 默默在我身後
能贏盡多少豐收 遍踏地球
難及在你身邊更富有
|
|
發表時間︰2006-04-06 09:23 PM [ 訪客留言(0) ] [ 編輯日誌 ] [ 分享至FACEBOOK ]
|
| 2006 年 4 月 5 日 星期三 |
| |
|
清明節
|
今日係清明, 8 點幾就起身, 去探媽媽, 目的地係將軍澳華人永遠墳場..
本來約左大陸 d 親戚 10 點鐘係火車站等, 點知佢地早到左~ 所以我地早餐都冇食, 就出去lu...只係係 OK 買左個包食~ 去到火車站會合埋 d 親戚, 就一路搭搭搭... 搭到去 MTR 油塘站..中途 ge 過程.. 真係好悶... 我唔想拎部 mp3 機出黎聽歌, 因為佢地實會研究一番.....又唔想拎部手提出黎... 因為佢地都係會研究....費事比佢地覺得我好有米la~
去到油塘果度, 就去番街市上年果檔果度買花........好貴........... 然後就跟大隊上山.... 今年好似比上年仲多人~ 真係人頭湧湧....不過同上年一樣, 都係要行上去~ 我諗行左 20 mins 左右....... 唔係太累, 但係真係好熱.................我同 brother 行得較快, 一早上到去~ 行果陣見到有 d 阿公阿婆都要上去..... 好慘..... 有 d bb 就好嘆咁比人抱住咁上去~ 我行行下好似仲比 tvb 攝左入鏡... 唔知今晚電視會唔會見到我呢 ?
行到去靈灰閣... 即刻一大陣好臭ge 香味.... 呢個香係名詞, 唔係形容詞... 幸好, 媽媽的靈位真係背山面海~ d 海風吹走晒 d 香味...聞得多真係會頭暈
去到媽媽靈位果度..... 我 d 親戚仲未上黎.. 佢地行得極慢..... 所以我同 brother 就周圍抺下先... 真係好污糟....最煩係 d 塵就算抺完, 都會痴番上去........
而年年都會甩落黎果個花樽, 今年終於搵到解決方法...就係今次買左枝玻璃膠痴實佢 ! 仲唔 ko 你 ?
搞掂晒 d 野之後... 就走lu....正常人以為落山舒服 d, 但係根據我行左咁多年呢條山路ge 經驗, 落山仲辛苦....... 因為落山要更加用力控制住自己唔可以行得太快, 唔係會撞親前面 d 人.......
落到山, 去左食野...... 好舒服, 終於有得食~
食完野同 brother 去左旺角行, 其實都冇乜野好行................ 不過幫 mp3 機配左螢幕保護貼, 又破財...
行完搭 271 返屋企, 全程都好舒服
今晚要傾電話 !!!
我今年同媽媽講, 我一定會考好A-level
後記 : 頭先睇新聞, 見唔到我...wakaka |
|
發表時間︰2006-04-05 06:59 PM [ 訪客留言(2) ] [ 編輯日誌 ] [ 分享至FACEBOOK ]
|
| « | 22 | 23 | 24 | 25 | 26 | 27 | 28 | 29 | 30 | 31 | ... | 74 | » | |
