成日都係訓覺.........

2 點起身, 食完飯, 見冇乜野做又訓...............

今朝唔係太願起身~ 唔太想返學..

返到去上堂, 第 1 堂中化都係悶... 第 2,3 堂 chem 就係度做功課, 小息又係做功課... 今日 chem 堂李穎欣好叻, 諗到個圖點畫... 個個都以為係我諗, 其實真係佢諗ga~ 唔錯~

中間果兩堂 physics 堂, 有一堂拎黎做功課, 另一堂就係度傾陸運會~ 我地 set 晒賠率la... 1 賠 10000 ! 我支持莊德齊 !

lunch 去左大排檔食, d 野食好耐都未黎......食完返到去, 陪 so sir 等李 sir, 然後上堂~

今日 3 堂 bio 超好玩, 3 堂都係 practical lessons, 比我地玩下顯微鏡, 刀果 d 野... 我練成左旋轉刀法.. wakaka.......

放學後返屋企打左陣機~ 沖埋涼, 換埋衫, 然後就出去搵 so sir 佢地食野~ 今日點jack d card 又唔中 la... 全部一樣 ge..... 我想成年免費食麥樂雞...

今日食野果陣見到魯芬, 笑死我.... 差 d 搞到無晒胃口食...

食完 6 點半左右返到學校, 估唔到齊晒人~ 即刻搭車去到中文大學... 今次係我第唔知 4 定 5 次黎......去到先知原來比人昆左, 以為係辯論比賽, 原來係演講比賽~ 不過都學到少少野ge...我覺得出得黎果 d 都算係咁, 係普通話同英文果 part 比較沉悶......頭兩 part 都幾好睇下~

有一個參賽者參加左 4 parts 之中的 3 parts, 讀 global business year 1, 最初以為佢好勁.....點知令我失望 law~ 佢講 d 野無乜內容.....有一大半都係讚中大點好點好, 同主題冇乜關係....令我覺得尖子都係不外如是........相反其他 year 1 的學生, 講野有紋有路得多...會考高分真係冇乜用, 難度太低, 只係睇到你勤唔勤力.... 測試唔到個人係咪真係識諗野...

不過無可否認, global business 人 d 英文好勁

未睇得晒個頒獎就要走人, 有 d 女仔做野唔夠乾淨俐落, 三心兩意, 拖泥帶水, 舉棋不定, 猶豫不決, 決而不行, 令人惋惜.......唔識行又要周圍行, 做事喜歡跟大隊, 一d 獨立思考的能力都冇....搞到我地係中文大學的百萬大道浪費了不少青春

之後送完人返屋企... 好彩趕得切尾班火車同埋巴士~返到富亨去屋企隔離 d 小販度買宵夜食, 好正 ! 返到屋企都成 12 點半

今日都過得幾順利ar~ 因為冇左中化堂, 所以已經冇咁悶....但係頭果兩堂 UE 就係度對 section C, 好似係度催眠咁...

PE 堂幾好玩ar~ 本來今朝出門口太趕唔記得帶衫... 但係因為淨係得我地要上堂, 其他人係空堂, 所以 richard 就借左 d 衫比我著~ 所以我有得跟潘老師學跳舞同埋踢波la... haha..........真係感謝佢

著住 richard 對鞋... 好細... 搞到踢到隻腳指好痛~ 不過今日唔駛守龍, 所以有入波...hehe... 之後上去跳 ' 印度風情扭扭樂 ' , 同埋一個唔知咩舞... 跳到好 tired law.......但係都幾好玩

食完 lunch 返黎就上去 chem lab 做實驗, 做完都成 4 點................

之後返屋企