今日又係幾順利... 除左話順利, 都冇乜形容詞係合適

頭 2 堂 physics 堂都係埋首做 comp correction, 張照光今日超串.......首先串我地成班男仔影印 physics 書, 然後又串 cream~ 但係佢串人講到勁搞笑, 真係唔知係笑話定係乜黎...

bio 堂派番 lab report, 我寫 d principle 真係無懈可擊, 差少少滿分~ 真開心~ 我已經盡晒力去解釋我果個奇怪的薯仔實驗... 不過都係唔係好解釋到~ 真係唔知點解個薯仔會咁wo..

最後 3 堂作文, miss luk 今日比平時講得少左... 但係都講左一堂多 d... 最後就作作作, 作完就返屋企

夜晚食完飯又出去~ 撞到曾文泉..... 真係好有緣~

而家返黎, 又玩電腦...

今日 d 堂過得好 hea.... 因為好多休息時間~ chem 又有, bio 直情兩堂都係空堂... 比人畫畫~ 係度同 Mr. Sum 傾計.... 傾足兩堂  

食完飯返黎上左一堂英文堂就落去聽野~  ' 生命的樂章 ' , 都幾好~

今日真係超級平淡ar~

今日朝早起身先醒起要做時事壁報ar~

返到學校都係arm arm 好, 好似好耐未上過早會....頭幾堂真係悶到訓著.........

小息本來諗住搵 miss yuen 拎 d 舊報紙整壁報, 但係最後都冇拎.. 唔知佢會唔會嬲?

中間兩堂bio 堂又係畫 biological drawing, 阿sir 話我今次有進步!!! 好開心

lunch 就去左茶樓食~ 幾好食ar~

最後 3 堂都係無聊.... 中化就做聆聽理解, 都幾容易~ 英文堂就對 past paper, 我有好多都係抄答案.. 冇乜心機做..... 所以都係求求其其咁對答案

最後 miss luk 係度講成績.... 佢不斷串我............話我未盡全力, 重複了 5,6 次..... 既然未盡全力都搞得掂, 何必咁執著呢 ? 到搞唔掂先盡力la~

放學落左去整時事壁報, 好靚, 將我ge art 天份表露無遺......... 大家記得去欣賞!!

話咁快就半年la~ 快樂的時光過得好快

今日係年初十, 但係都仲有利是逗.... 而家 d 利是都有 $1200 左右, 算係咁~ 冇返大陸係一個遺憾, 返左大陸應該有 $2000... 不過咁多錢又有另一個問題... 就係我會洗左佢~ 我諗今次我會用d 利是 + 獎學金買部 mp3 機

朝早同 brother 一齊返學, 自從佢升左上大學都未試過...... 有d 怪

今日返到去又係冇咩做.....而家 chem 教果d 野都幾好玩, 阿sir 講果d 我全部都明, 但係阿sir 好似唔係好肯答 d out-c 野~ 我覺得本書講得太少... 滿足唔到我ge 好奇心

中化堂, 要作文.... 又係吹水......... 係度諗個作文題目都諗左成堂~ 大家都唔想做, 淨係坐係度傾計...........原來我篇讀書報告有 85 分, 其實我覺得自己雖然係臨急臨忙先做, 仲要做左唔係好耐, 但係都做得幾好.......but 都諗唔到有 85 分咁高~ 真係要多謝晒珊珊係最後果兩日借本書比我救命, 唔係都冇咁ge 分數~ wakaka~ 今次中化拉埋至少有 B~ 比起上次 ut 得E, 升左 3 個 grade~

最後 3 堂 physics 堂玩得仲 din, 本來諗住作文, 但係一上到 lab 就不停咁玩............ 今次仲玩到成枱都係水 tim...幾開心~ 不過上完堂就要承受番個後果, 就係要放學留係度作文, 是是但但作完就走了~ 臨走都要比趙sir 串下~

今日成日都幾順利, 希望日日都係咁就好~

我已經訂下下學期的目標了...hehehehehe

尋晚真係好夜先訓.... 我淨係知係 3 點半後 4 點前.. 但係今日都係好精神~

今日返學好平淡, 冇乜特別...... 又唔算太悶, 都幾好~ 最開心都係 physics 堂 , 玩左兩堂.... 但係果兩堂時間好似好難捱

一陣又要做功課~ section C and lab report... 我來了