今日返學真係頹...d 堂又悶, 小息同 lunch 又 hea~  我覺得最有意義ge 係 physics 堂.. 因為真係聽到野, 其他堂真係... 悶.........最後果 3 堂 UE 就更加難頂~ 食完飯又眼訓, 又要聽佢講乜...(其實都冇聽到)最後超級求其做完份 practical skills 返屋企訓覺~ 我未試過作篇文作得咁求其...

今日唔知做乜鬼咁多野做 :

Aim: To finish all the tasks listed below...

1. bio lab report : 尋日冇做, 要今晚做番

2.bio 功課 : n 年前積埋 ge 功課, 因為之前冇做, 今晚要補做

3.section C : 因為今日返去抄答案, 比 miss luk 問到口啞啞, 今晚要做過

4.chem 功課: 因為唔見左兩份功課, 阿sir 要我補做番

5. 理科學會 report : 尋晚未做完, 又要做

Procedure :

1. 先從書包取出bio 功課答案, 然後一字不漏地 copy 在 bio 功課上

2. 然後, 利用 5 分鐘諗下 bio lab report 點寫, 然後把答案寫在 G 紙上

3. 休息 5 分鐘, 從書包取出 section C, 然後發揮創意老作英文字的 meaning ,  希望聽日能夠呃到 miss luk

4. 係咁意搵下 d chem 功課, 搵唔番就算

5. 把理科學會 report 放在書包中, 留待明天才算

Discussion :

Section C 根本係一份無聊功課, 都唔知做黎做乜 Q, 下次應該唔駛做

Improvement:

1. 下次應自備 section C 答案, 或借一份來自英文較好的同學的 section C, 免起 miss luk 疑心

2. 下次有咩 chem 功課都係收埋好先

conclusion : 全部功課都係自己攞黎, 抵死

今日難得 monday 都唔駛返學............

朝早都冇起身睇 2006 NBA Allstar game, 繼續訓... 下午食完飯玩左陣電腦就出去剪頭髮~

cut 完 5 點, 返黎... 又玩電腦...之後訓覺~

今日有好多野做, 但係全部野都未做....

今日家長日, 遲到, 約左 9 點, 但係我 9:05 分先出現~ 返到學校, 歐陽先arm arm 見完... 珊珊仲見緊.......

今次係 brother 第 1 次去我家長日, 一入到去, miss luk 見到佢電個爆炸頭, 第 1 句就問 : 你返緊學定返緊工 ?

my brother : 返緊學

miss luk : 讀緊邊間 ?

brother : 中大

miss luk : 哦~

brother : 你又係中大ga 咩 ?

miss luk : 梗係~ 你讀咩系 ?

brother : 我讀 physics

miss luk : 哦~ physics (有點不屑地), 樹添, 你唔會好似你阿哥咁又 physics ga 可 ?

我 : 唔知ar... 未諗

miss luk : 阿樹添今次考得唔係咁好, 如果想揀科都唔係有太多選擇, 不過如果想入 physics, 都入到ge~(又係有 d 串咁) 不過想入其他就難 d (同我阿哥講)你話係咪 ?

my brother : (睇下張成績表) 唔... 至少要有條 A 先得

miss luk : (隨手指左一指) 都有 A ar~ 科 chem 有 A, 其實讀 physics 出黎有咩做 ? (又係好串)

brother : 都係研究果 d... 不過我都諗住轉 ga la, 諗住轉 biochem, 因為我 AL 考得好(加強語氣)

miss luk: 點好法 ?

brother : 我 3 條 A

miss luk : (語氣明顯改變) 哦~ 點解唔入 medic ? 你英文得 D ?

brother : 中英都有 C, 但係我鍾意讀 physics..........

(下刪 500 字)

好搞笑, 我阿哥同 miss luk 係度針鋒相對........

估唔到今次比 miss luk 插左十幾分鐘, 話我平時 lazy, 成日敷衍老師, 最鍾意交行貨..... 話我應該可以更好.. 諸如此類........ 之後就走la~ 全部成績最估唔到係英文咁都有全級第 2 wo... 我 oral 肥左 ga wo...

仲有, bio 平時分得 E~ wakaka

見完家長, 就去左同brother 係大中食早餐, 然後再返學校, 又再去大中~ 咁就一日la~

下學期要再努力la~

今日出左去, 返黎果陣見到趙sir... 比佢串......... 佢問我 ' 又去接人ar ?  ' ...

返到黎屋企, 又係訓覺.......

今日終於有得聽 eason 新碟 Life Continues, 59 蚊 only..........真係開心

聽日家長日la~ 成績都一早知道la~ 係唔知 miss luk 會講 d 乜...

尋日夜晚出完街食完飯返到黎就訓左 ! 所以冇打日記, 又冇溫書.. 不過雖然冇溫書, 今日 chem test 都識~ 因為佢出番好多 basic 野~

成日最期待ge 係放學ge 領袖訓練營重聚日, 不過中間就仲要上堂.....中化堂好驚佢會叫我講我理想中的喪禮, 因為我寫左我想請 eason 黎我喪禮唱番首不死傳說.......等大家紀念我...

中間兩堂 bio 都係忙於prepare presentation, 諗住下午果 3 堂 UE 有得 present~ 點知都係冇, 佢淨係係度對卷..... 又要下星期先 present lu~ 今日 miss luk 發火, 少見

放學去領袖訓練營重聚日, 唔係好多人去.............. 其實我真係好懷念係 camp 度識到 d fd, 特別係我地逍遙派 d 人~ 我地逍遙派真係特別團結ga.......所以今日黎得最多ge 都係逍遙派 d 人~ haha~ 一開始係度都係玩下 role play 咁, 玩完之後放低晒 d 野係社工室, 就去左買野食~

去到大元買完野食返黎, d 人都陸續黎晒~ 今次 bbq 最 enjoy ge 唔係食野, 而係可以盡情講人壞話! 韓姑娘又唔 mind wo~ 連佢都講埋一份~ haha~ 不過今次都係我第 1 次預 20 人的食物分量... 食唔晒, 因為唔夠時間, 大家都掛住傾計同太多錢剩...果 600 蚊比我地用剩 1 蚊, arm arm 好~

執野果陣第 1 次搭 lift 上樓... 途中仲發生左 d 趣事... 話說果陣學校周圍冇晒人, 我地決定進行一項大計劃, 就係走入女廁... 點知我地 4,5 個男仔入到去見到第 2 間廁格係關左門, 個個都驚到走番晒出黎~ 原來個廁格門就算冇人都係自動關埋... 虛驚一場

完左後本來諗住去食糖水, 但係冇位, 就去左 mcdonald 坐.............坐左一陣就返歸~ 返到去都成 11 點~