朝早d 堂真係悶到嘔.... 2 堂 chem + 1 堂 bio, 係 bio 堂比較有趣少少

小息做過 d 乜呢 ? 我都唔係好記得....我淨係記得去左廁所... 因為我日日小息都必定會去廁所

中間果 2 堂就頹la, 比 miss ho 拎左我兩篇時事評論出黎插..... 冇計, 做果陣根本冇心機做~ 等我下次做番好d, 比佢拎出黎播比人睇先..... 我第 1 次好認真咁做, 有乙 ++ ga ! 不過今次兩篇分別係 ' 丁 ' 同埋唔知乜 grade........ 連字數都唔夠ar... 我見人地寫一篇等於我寫兩篇的字數...

最後 3 堂 physics 做 lab, 3 日做左 3 個lab~ 真係開心~ 不過今日個lab 好簡單, 我地做完仲有時間做多幾次~ 同埋玩下咁~ 不過張 sir 好似比緊分.... 今次大鑊

放學幫學生會籃球比賽計分, 同埋自己都打左陣波~ 打到成身汗, 然後返屋企~

brother 去左睇 eason concert, 佢就好

不過 eason 都就快出新碟, 係時候要支持下香港正版音樂!

各位情人節快樂~ 最開心ge 係今日收到好多朱古力... 多謝大家

朝早返到去派番情人節 d message card, 早知我又同阿前互相寫比對方, 唔係就唔駛收唔到 message card , 要 miss luk 送番 message card 比我地咁樣衰... miss luk 仲整左 d 包得好靚ge 珍寶珠比我地, 幾有心思~

頭果 3 堂好悶, 去到中間果兩堂 physics 堂就聽書~ 我要好似學期初咁快 d 自修晒成本書~ 張照光今日又串 KT, 佢講 d 野真係好正.... 句句都串得好到肉.....

食完飯返黎果  3 堂, 要做 bio lab... 下次要做快 d

做完 bio lab 之後仲要做作文 re-correction.... 然後回家

今日......又是差 d 遲到 !

頭兩堂英文堂正, 唔駛 present~ 不過冇乜心機做 listening... miss luk 仲要我出去講 cloning, 不過我諗番好似講左 genetic engineering~ haha~ 不過佢都唔識, 是但搵野大下佢 is ok

之後 physics 堂決定唔傾計, 自修左一堂.......

pe 堂超好玩, 我地成班男仔去左 4/F 新翼跳舞~ 好似叫消脂健體舞~ 真係正到嘔.... 已經冇想像中咁核突ga la.... 跳完都幾 tired 下~ 但係都係照踢波..... 正

最後 3 堂做 chem 實驗, 輕鬆愉快簡單

今日係元宵佳節~ 所以出左街.....幾開心la~ 係咁

估唔到年十四都仲要拜年... 都好, 今日有 50 蚊落袋

今日食完飯就落街比我以前 d 閱讀報告比休恩... 我尋日睇番都知道精彩到抄唔落, 但係既然佢要, 就比佢la~ 想當年我 d 閱讀報告都係抄人, 或者亂做....

因為費事休恩同雪琳係度等, 就咁落街.... 比佢地睇到我平時 arm arm 訓醒個樣tim~ 佢地就開心la...... 笑到咁大聲

之後返屋企換衫再出去, 目的地係去鰂魚涌探我 2 姑媽... 去到食下野, 飲下野就走la~ 之後同左 brother 去 causeway bay 行街, 行 sogo.... 又買下野食咁~ 真係好耐未行過果度~ 行到 6 點左右又返去藍田, 同大姑媽 and 4 姑媽食飯....食上海菜~ 好飽~

食完見時間仲早, 就去左 apm 行...第 1 次去ja~ 之前好多次話去都冇去, 去左果間好想去好耐的 24 小時書店......... 都幾多書睇ar~ 果度 d 廁所好特別, 有電視睇......... 去去下突然彈個鄭希怡出黎~ 搞到我 all 都 all 得唔暢快... 下次我要阿 gill... plx...

返到屋企都成 11 點~