聽日就大年初一la~ 我唔係太期待... 同平時差唔多... 好似冇乜氣氛..
今日朝早出左去, 等人補習果陣去左 starbucks 飲 coffee~ 我想試下好耐ga la~ 隔離有一個日本家庭, 全家人隻眼都係好好好好細................ 係果度睇下報紙, 飲下野, 又過左個幾鐘~
之後食完 KFC 就去左睇戲, 睇魔幻王國~ 好似魔戒ar... 可以話係兒童版魔戒~ 成套野都幾好睇, 不過可能係 1 級片, 唔係好震撼.....最後好搞笑~ d 人以為散場, 走左好多人, 點知未播完~ fake 晒..成套野美中不足就係睇睇下比隔離個女人鬧, 本想等佢講野果陣鬧番佢.... 點知佢真係全程一粒聲都唔出...
返去果陣唔係太舒服, 好累... 有d 頭暈... 係咁流鼻水, 病了
本來今日大部份時間都好開心, 但係一返到屋企就發火, 因為食飯果陣見到我阿爸將人地食剩d 野又夾番落去個盤度, 話左佢兩句, 之後佢就發火, then 我又發火, 係咁串佢, 點知佢搵野扑我個頭......我咪搵番野扑佢個頭 law~ then 佢係度嗌救命, 話咩 ' 仔打老豆 ' ..........最後我 grandma 叫停左~ 我阿爸仲未停, 話睇過我銀包, 見到有女仔相....我真係勁嬲, 點可以亂咁睇人地d 野 ? 愈諗愈嬲!!! 唔怪得之前銀包少左錢, 我諗都係佢偷.... 好彩我 d 獎學金放係一個佢實搵唔到ge 地方.....佢如果敢偷, 我真係會報警
平時佢已經唔乾淨, 打噴嚏又唔掩口, 每次去完大必定遍地黃金, 又超易發脾氣, 平時佢去完大要我執手尾已經整到我勁唔 like!! 好似自從我阿媽唔係度, 佢情況仲嚴重........... 叫我點忍.... | 
最 新 的 日 記
年初二
