終於 friday !! 我希望黎緊兩日假, 唔好搞到好似冇放假咁........

今朝返學, 差 d 遲到~ 今日同孔美琪講野... 好搞野....

佢 : ' 哥哥, 你form 幾 ga ? 呀~ 我知la~ form 4 ar ma~ '

我 : ' 唔係.... 我個樣似 form 4 咩 ? 我 form 6 ga la.. '

佢 : ' 係 ? 原來你 form 6 ga ? 考會考la wo~ '

我 : ' form 6 仲會考 ? 上年考完 la~

佢 : ' 係 ? 考成點 ? '

(刪除 500 字)

佢真係好搞笑...

今日係 day A... 今朝 miss luk 好似好燥... 平時好少見佢咁無耐性~ 上完閱讀堂, 兩堂 chem....... 怒 hea !! 主要活動係睇書同埋同 ian, 子俊 and rain 吹水~ ian 同子俊 d 爛 gag iq 題真係好無聊......... 不過我都係認為我果個 iq 題最好 !

問大家 : ' 咩玩具唔可以帶上船 ? '

然後中化堂, 有兩樣振奮ge 事情... 第 1 就係我推左 ian 出去 present~ 第 2 就係張照光今日冇返, 即係有兩堂 physics 空堂~ 搞到我好期待...

小息又係爆料時間.. 然後見到陳志偉攞左副大富翁上黎~ 所以我地兩堂 physics 空堂就係度玩大富翁....好黑仔......... lunch 前輸到得番 12 蚊......

lunch 去左茶樓, 食完返黎睇辯論~ 都係同尋日差唔多... 所以都冇乜好講

然後最後 3 堂 bio 堂, 要做實驗~ 今次個實驗幾成功, 唔錯... 不過就要寫 report 寫到 4 點半先走得

then, 再返學生會繼續大富翁~ 4 點半玩到 6 點... 我成為第 1 個破產ge 人...今日真係 really 黑仔.....

然後就返屋企~ 今日真係輕鬆

終於等到星期 4, 又就快放假la~ 真係好~

尋晚 12 點開始做 physics lab report, 做到凌晨 3 點....再執下野咁, 成 3 點半先訓~ 不過今朝起身完全唔眼訓... 我覺得係因為自己都仲未進入完全睡眠狀態....

返到去頭兩堂係 UE, 派番份 composition 咁高分...... 我都唔知自己值唔值咁高分, 因為唔知個評分準則係點....其實 d grammar 大家都係差唔多, 可能我 d 文比人 ge 整體印象較好吧...

然後 physics, 真係冇聽書... 因為講緊 d 野都幾易下~ 都係自己睇下書, 傾下計, 玩下咁~ 次次坐係我後面 d 人都成為被玩對象, 先有 rich 7, 今日又有第 2 個~ 真係好~ 咁多人比我地玩~ wakaka

小息返去, 見到梁家瑋比人恰..... 好搞野.... 然後 d 活動都係離不開去廁所, 再返課室改埋篇文~

PE 堂, 落雨..... 一開始見到落雨, 成班人就話要踢波~ 不過 miss wong 話要玩陣 rugby 先比.... 玩完, 出到去真係踢, 冇想像中咁好玩~ 落雨時大家都就住就住.. 個波又難控....... 最麻煩係我 wear 眼鏡, 比 d 水整到濕晒.... 波都睇唔清...... 除左眼鏡, 又係一樣, 我 d 近視好似愈黎愈深咁..... 睇到ge 係一個白影, 唔係一個波

今日狀態唔多好, d 1 touch pass 好似差左咁多ge......希望係天雨關係la~ 因為睇唔到波ge 問題....成場波都係 hea 下 hea 下咁, 發揮唔到我前鋒殺手ge 本色tim~ 雖然入左一球, but 都係門前撞入 only...

最後都 win 2-1, 返到更衣室, 好彩有除襪踢 ja... 成身都濕晒, 淨係得隻腳係乾爽~

食完飯返黎, 睇學生會搞ge 辯論比賽.... 去支持下同睇下, 不過真係唔多好睇, 可以用一個字 ' 悶 ' 黎形容~ 首先兩隊都正如張日明老師所講 ' 渣鬥渣 ' ... 不過中 6 淡定少少, 所以勝出, 然後大家都冇乜 points, 都係講下 d 大路野..... 冇乜新意....大家都唔敢講野~

最後一樣係我最唔滿意, 就係大家都唔夠 aggressive...... 話明辯論, 梗係要提出自己的論點, 反駁人地ge 論點ma~ 可惜只係得前一樣....搞到成個辯論比賽變左係兩組人係度做 presentation 咁~ 一 d 火藥味都冇~ 係要大家串下先好睇~ 但係今日個比賽節奏好慢.......我要一 d 針鋒相對的場面, 唔係要兩組人係度 up..有時佢地 up 之餘, 仲要唔知 up 乜...

個比賽完左, 諗住張照光會發表有關於哲學的言論, 點知冇!! 我最期待係佢講野ga !! 仲諗住佢會話 : ' 食肆應否禁煙 ? 咁就要首先定義左乜野係食肆, 乜野係禁煙先~ ' 之類的說話....

最後 3 堂 chem, 做左 form 6 以黎最快完成的一個實驗.....一個鐘都唔駛....... 然後剩番 d 時間, 係度玩同吹水... 近黎點解咁鍾意玩彈擦膠... ?

放學本來要同 so sir, cream 果 d hea~ 不過最後唔駛~ wakakaka~ 係大中行左陣, 送埋人搭車就返屋企~

今日好好心機打日記~

今日比較特別, 7 點起身, 然後 7 點 7 去到太和, 再行返黎學校...... 估唔到係太和行返黎都要半個鐘, 不過都算早左返學ga la~ 平時打鐘前剛剛返到學校, 今日 8:05 已經返到~ 好耐都未試過咁早返黎la~

頭兩堂 physics , 開始講 electromagnetism, 一開始都係講番 d form 5 野... 所以我都係同人傾下計, 做下練習咁~ 第 3 堂中化, 搵左 d 人出去 present, 過得好快~

小息落左去買朱古力奶飲, 3 蚊 ja~ 然後係課室 hea... 之後上 bio 堂, 派番份 lab report~ 不過不失la~ 成日無故比人扣分... 再講下下次做實驗做 d 乜, 咁就落堂........ 黎緊 3 日, 又要面對交 3 份 lab report ge 折磨.....聽日首先交 physics lab report, 然後又要做 chem 實驗, 後日做 bio 實驗, 然後大後日交 chem lab report, 同時間做 physics 實驗... 再過一日, 就要交 physics lab report 同埋 bio lab report

my god...雖然做 lab report 幾好玩, 但係都唔駛排得咁密掛...

lunch 本來話去茶樓, 然後決定左去大元........ 搞到我地成班男仔要由茶樓兜去大元....... 本來話去碟碟不休, 點知冇位... 去左碟碟不休隔離~ d 野都 ok, 但係我地今日都幾趕下, 行去已經用左好多時間, d 野食仲有 1 點1 先上...... 不過返到學校都仲有 1,2 分鐘

今日最後 3 堂上 UE, 做 practical skills~ 一開頭都做得幾快下, 做剩 task 1 都仲有個幾鐘剩~ 但係之後掛住吹水, 所以放學之前都做唔晒, 不過都係限時前arm arm 做完~ then 諗住有人上第 9 節課...... 點知去到冇人, 得番我同 so sir, 所以決定返屋企訓覺~

聽日有 pe, 希望唔會悶...

返學...日日如是

頭兩堂 chem, 又教晒書~ 之後有好多時間都係 hea... 玩下咁~ 然後中化堂, 我同 kit kit 遲交的兩份作文佢竟然冇罵~ 真係太神奇了...

小息好得閒, 去左圖書館搵下 d 題目... 乜 d form 1 I.S. 考試好似咁深咁ge ? 我都要諗下先識...

然後bio 堂睇 powerpoint , 睇到好眼訓....... 阿sir 有好多都話唔駛識, 所以飛得好快~ 我都冇乜心機睇...

lunch 買野返黎食, 用左 $11.5.. 返到黎點知冇位~ 所以入學生會食..... 其實係學生會食仲好, 有冷氣又舒服~ 今日個辯論比賽取消左.... 聽 K.T. 講, 學校 d 行政唔係太掂...

最後 3 堂 U.E. , 做oral... 一開始又話對 section C, 最後都冇對~ 聽日又有 3 堂 la.............

等左全日, 最好玩都係我地成班男仔係操場上 ge 第 9 節課....... 出左一身汗, 好正~ 不過咁落去... 我對鞋遲早爛....

返到屋企, 沖涼訓覺~ 今日又係冇乜功課~

今日又係無無聊聊咁~

第 1 堂 chem... 發呆.......

第 2,3 堂 physics... 係度傾計!! 講我地ge 安全兔大計~ 我地一定可以創業成功ga!! wakaka !! 然後餘下時間都係談論 kit kit 的新 hair style~ 佢比人講到好似想喊咁...

小息的話題仍然離不開 kit kit ~ 佢發嬲了... 然後大家都冇講....

中間兩堂 bio, 過得好快~ 聽書, 休息, 聽書, 休息....

lunch albert 提議去大排檔食, 提議坐一張大枱, 提議早走, 然後返到學校比人摘名... 自編自導自演.. 好勁! 佢一早預計晒所有事情ge 發生, 完全係自己攞黎ga~ haha~

最後 3 堂好悶.......2 堂中化 and 1 堂 UE, 中化作文, UE 對 section C.... 全部都係悶悶悶

放學去玩拼字遊戲...... 本來唔係太想玩, 但係玩落又幾好玩~ 本來一路都領先, 但係最後 1 round 3 個人平手...haha... 然後玩多 round, pigmum win 左

玩完同 miss luk 傾左陣, 話題離不開果d.......諗起果陣撞到 wong ken, 佢話 ' 而家讀成點 ? ' 

' 幾好 '

' 全班第 1 wo~ '

' 係ar '

' d 野會愈讀愈易 ga la~ 你基礎打得好, 我諗中 7 d 野都難唔到你 '

' 希望 la '

同 miss luk 講 d 野相反.....

然後同 kit kit 行返富亨

很 enjoy 而家讀 phy chem bio 的生活~ 如果唔駛上中化同 UE 就好la........................................