今日唔駛返學

一訓... 就訓到 1 點半....

下午又有親戚黎~ 所以出街溫書.. 去左 m 記 join 龜, 雪琳, 休恩

但係今日可以話乜都溫唔到.... 出到去淨係掛住食野................

6 點鐘返屋企

聽日又要出街~ 清明........

今日係physics ut.. 但係早左返到學校~ 幾好ar~ 可以睇下 d notes 咁.....不過其實有好多野都仲未溫

去到8 點幾真係開波... 估唔到張照光會親自黎監考~ 佢仲同我地講話有咩唔識可以問佢...haha

今次 physics ut 表現一般, 希望出黎成績ok la~ 考完後,, 成班男仔又係度討論.......

我其實好唔鍾意事後討論..... 怕錯左影響自己心情

放學諗住走, 但係比人叫左去 m 記教 physics.. 其實我一路都係係度 hea~ 冇乜野做... 吹下水咁la~

搞搞下搞到成7 點先走....

返到富亨, 又見到兩個何中, 一男一女, 係度...

好想查出佢地身份... 可惜太遠...見唔到樣tim~

聽日唔駛返學~ 真係好~ 可惜後日要出去...

今日下午有溫書ar~ 食完飯, 玩完電腦, 大約 3 點幾開始溫

但係溫到 5 點幾........ 計數計到有 d 頭暈..............所以就休息下

休息最好做 d 咩呢 ? 梗係傾電話 !! 傾完之後, 真係精神百倍, 零舍唔同 !!!

不過而家上黎打番篇日記先~ 費事夜晚冇時間打... 因為都要溫書 !!

今日訓到 12 點幾~ 算早ga la~ 尋晚宵夜都仲未落格... 又要食飯

食完飯, 本來諗住玩陣電腦, 玩到 2 點 3 就溫書~ 雖然真係玩到 2 點 3 就收機, 但係之後去左訓覺~ 訓到成 6 點幾........

夜晚又諗住食完飯之後溫書~ 今次真係有溫, 但係一路睇無間道一路溫~ 無間道睇第 3 次都仲係咁好睇...........不過都搞到溫書 d 進度超慢~

聽日又話有親戚黎...阻住我溫書......咁搞法都唔知幾時先溫到....

終於等到星期五, 我等得好苦..... 聽日可以訓耐d la

今日一返到去見到學校出面好多人~ 先醒起今日考 AL CLC... 下年就到我地la.....好似好快咁....

返到課室見到我張枱無lala 多左隻比叉燒, 一郁下佢就係咁 ' 叉燒, 叉燒 ' 你, 勁惡.... 一係就 ' 比叉燒, 比叉燒 ' 咁叫......呢隻比叉燒都比人玩左成日... 仲聽到馮 + 俊話會攬住隻比叉燒訓......聽者心寒

頭兩堂 UE 做 listening, 但係做之前就派番份 practical skill....我而家 practical skill 有進步ar~ wakaka~ 然後做今年 form 7 份 mock listening 卷.....都幾容易----對比起平時做開 d exercise....miss luk 話form 7 最高分有 75 分, 我做完之後計下都有 75 分.... 好似咁高咁ge......不過自己改應該會鬆d, 但係我都做得有d 求其....

然後 phy 堂.... 聽書

PE 堂, 繼續玩 rugby~ 我地果隊d 人真係唔係好識打, d 防守好弱...... 個個都係有勇無謀....... 係得阿前一個識打~ haha~ 我踢開波同打開籃球... 成日都衝得前過帶波果條友~ 睇黎我對 d 規則唔太熟悉同埋 d 走位意識唔係太掂..... 不過下堂都唔駛打lu~ 雖然下堂係好遙遠之後ge 事

PE 堂仲有樣野要講, 就係換衫果陣大家本來係度傾緊計, 但係馮 X 俊 (比叉燒的主人) 一走埋黎, 大家即刻聞到陣臭味...... 我唔係話 d 臭味係由比叉燒的主人傳出黎... 但係事實就係佢一走埋黎, 即刻臭左勁多, 代表左 d 咩呢 ? 即係有人好臭law~ 搞到成個更衣室 d 氣氛低落晒 ...... 或者主人太錫比叉燒, 淨係幫佢沖涼, 自己唔記得左都要沖涼

題外話... 有睇寵物小精靈都知比叉燒識放電, 幫佢沖涼會電瓜自己

lunch 去左聽日執笠ge 大排檔食~ 以後係富善食野又少左一個 choice...而家只係得番以下選擇 :

1. 茶樓

2. 大家樂

3. 新興

4. mcdonald

5. 大排檔 2

Discussion

1. 茶樓 : d 野愈黎愈難食.........

2. 大家樂 : 食物種類太少

3. 新興 : 前幾日先有人食完甲曱

4. mcdonald : 唔知點解, 係我地成班男仔去食飯時, 呢個從來冇比人考慮過, 即 out

5. 大排檔 2 : 17 蚊, 飯少, 加飯又要收錢

其實仲有食粥ge 大排檔.. 但係遲d 大熱天時無理由食粥掛......

Conclusion

以上咁多間一本人認為大家樂最好食~ 都係回歸中 3 果陣日日食大家樂ge 日子好過......唉.......遲 d 我驚淪落到要食學校小食部 d 野

講左咁多廢話... 講埋最後 3 堂 chem.....做實驗.. paper chromagraphy....之前未做過, 一直都好想做~ 但係其實又冇乜特別..... 呢 3 堂最特別係係度玩射水........ 我比 KT 射到大脾濕晒... 不過我最後都報左仇, 對住佢擁有完美曲線的屁股中間一條幾 mm ge 隧道射 d 水入去...........咁就過左我今日最開心ge 幾分鐘...

今日個 lab 好快做完, 放學即走去搵人......... 都幾開心~ wakaka

今日日記勁無聊...........好多爛 gag.. 大家唔好介意, 最多整爛左 d gag 我賠