今日返黎果陣都幾眼訓......因為尋晚又睇波law~ 睇左半場, 快上快落, 但係冇波入............

返到黎就 test 英文........ 估唔到佢會咁樣 test fill in the blanks... 冇乜心機做....... 錯左好多.........然後 physics 堂果陣咪係度改正~ 每句抄兩次, 好快就抄完~

小息本來來去學生會買筆, 點知 KT 話 d 真美筆比 albert 買晒........佢一次買 7 枝..... 我發覺我筆袋咁多枝筆係得一枝寫到~ 小息完左, 走去上bio, 今日兩堂真係 hea law~ 又講番尋日份 test.. 教下書......之後仲有成堂, 阿sir 竟然話拎黎吹下水~ 不過我帶左少少 physics 野黎溫........都唔算太悶~

lunch 去左大排檔食粥, 竟然加左價.......11 蚊........ 食完返到去都唔係好早~ 1 點 2 左右... 但係課室竟然冇人..... how come ? 然後等 d 人返晒黎, 就係度傾下個 project 咁~ 好快就傾完~

最後 3 堂UE, 作文...... 雖然有兩堂時間作, 但係都係差少少先作得晒..... 所以最後放學果陣草草完結就算lu~ 作文果陣好搞笑...隔離小學 d 人超大聲~ 有個老師叫d 細路唔好講粗口, 但係我作文果陣已經聽到幾句~ 其中有一句粗口仲超大聲 !! 真係好搞野

放學... 去圖書館借左本書就走lu~

話咁快... 咁又星期 3

雖然尋晚睇波, 但係今日起身仲係好精神 ! 望到個天果陣仲精神 ! 因為出面好好陽光ar~ 我好鍾意咁ge 天氣, 人都開心d ~

返到學校, 上早會 ~ KT 每次上去都引起一陣哄動.....不過又真係幾搞笑ge~ 然後上去班房, chem 堂... 要test, 冇溫過~ 識識地la~ 應該合格ge~ 完全係靠中 5 果陣學過ge 野同埋吹水去答題........而家教緊呢幾課真係一定要溫書... 唔係實炒

畫圖果幾題完全係抄 ian, 多謝晒~ wakaka~ 你幫我, 我幫你, 幾好ar~

然後係中化, 無無聊聊又過左...... 小息仲無聊.......... d 人唔知走晒去邊~ 乜課室成日冇人ga... 以前中4,5 果陣班房總有好多人係度, 咁樣幾好ar~ 而家小息好似好悶咁...

bio 堂就派番份 test, 講個 test 都講左兩堂...... 阿sir 真係好懶, 同我地一樣... 一定係尋晚睇波la~ 今次個 test 都算滿意, 至少唔駛好似上次咁 48分滿分得8分~ 平時分即刻拉高唔少...wakaka

lunch 非常墟冚, 本來諗住同番平時果班男仔一齊食飯~ 點知愈行愈多人, 機緣巧合之下, 差唔多全班男仔都係紅蜻蜓食飯~ 今次有 16 個男仔, 佔 6B 班一半, 係得 8 個男仔冇黎ja~我地霸佔晒紅蜻蜓成間房......食到 1 點 3 左右, 行番去~ 仲係度玩埋 d 低B game~ 有幾個 form 4 女仔就比我地玩.....我地 16 個男仔圍左個圈阻住佢地行~ 好搞野

返到學校仲搞野, 我地決定一齊去完廁所之後返課室以壯聲威... 16 個男仔係廁所一齊出黎果陣真係超型ar~ 嚇到珊珊呆左...然後再一齊入課室... 今次 lunch 真係正~

最後 3 堂係 UE, 本來大家都好期待 miss luk 唔返, 但係佢最後都係返左~ 佢無lala 問我問題......頭 2 堂都係對 section C, 好悶, 不過最後有歌聽..... 原來係要聽歌再填番 d 歌詞.... 咁似小學生ge~ haha~ 放學前仲有火警演習~ 我期待已久了!! 我今日小息已經估到今日會有火警演習ga la~ wakaka

放學冇野做~ 所以返屋企~

今日返學好驚險....... 行到個閘前面果陣打鐘~ 不過都冇比人捉wo... 嚴格黎講我係遲到ga~ 真係多謝 prefect

然後第 1 堂係 chem, 都係依舊咁悶law.........係度做 bio lab report~ 第 2,3 堂 physics, 都冇乜野做... 落堂果陣走去八下今年中 5 d mock 考成點.... 張sir 話佢地好渣~ haha

然後兩堂bio, 係度教 pollution, 又教晒........ 之後唔知教乜呢 ? bio 教得好快......

lunch 去左大家樂食, 今日個飯都幾好食~ 食完就返去睇 debate, 比上兩次好d la~ 不過都係冇果種針鋒相對的氣氛.....

最後 3 堂係中化同 UE, 中化又作文la....... 真係超煩.......UE 就對 section C, 其實我都係發呆......

放學係課室作埋篇文, 之後即刻走人... 而家我覺得自己中文d 文筆差左好多, 因為平時睇同寫多數都係英文.. 有時寫中文會用左英文 d pattern 黎寫~ 不過我覺得自己寫英文愈黎愈得心應手, 真係此消彼長...

今日行到太和之後行返黎果陣見到 ian, yan  同子俊, 佢地好似好開心咁wo~ wakaka

行行下突然想食雪條, 又走返去太和間 7-11 買~ 又用左 5 蚊........ 冇錢la.......

今日都乜好打.... 係咁

又要返學......

今日返學果陣真係好眼訓.....朝早返到去仲要無lala 話咩 chem test..... 咪閱讀堂果陣溫左陣~ 不過好彩最後都唔駛test........正ar~ 呢兩堂 chem 又係溫書~ 所以我都係係度睇其他書...... 真係好悶....好彩有李天命陪伴我ja..wakaka~

然後係 1 堂 bio, 又係好眼訓.... 今日咩事 ?

小息落左去買薯餅食, 因為真係好肚餓... 食完...... 梗係要去 6A 飲水la !! 順便見下你..wakaka

中間兩堂中化, 做listening.. 好悶, 點解成日都係咁悶!!! 真係超級眼訓

不過好彩 lunch 有得見到你je~ 食完飯後去聽午間音樂會, 都算係咁la~

最後 3 堂 physics, 做實驗, 非常成功..wakaka

我都想快d 放復活節假ar~

朝早 11 點起身, 然後出去~ sorry ar~ 估唔到你係度等~

然後去左吉野家食牛肉飯... 果然好好食, 好鍾意食~

不過食完就要走lu... 突然諗起屋企可能冇人, 我又冇帶鎖匙~ 打個電話返屋企... 果然冇人.... 原來全家人去左迎喜飲茶~

之後拎番條 key, 幫 grandma 拎 d 餸返屋企..... 中途撞到豬媽~

返到去玩電腦同聽歌.....然後訓覺.................