因為去完 camp 返黎都係訓覺~ 所以而家先得閒打下日記~
第一日 1:15 要係學校集合, 我都遲左幾分鐘...haha... 因為唔記得幫so sir 買香口膠...........點知有好多人都仲遲過我~ 好彩我打比阿前ja... 唔係真係有排等~
入到camp 度就成班人係晒 canteen 聽果度 d 職員簡介.... 事隔 2 年, 而家竟然有 video 睇 ? 一開始睇個 video 真係勁無奈.......睇完, 然後都係聽番d 基本守則之類la~ 因為兩年前黎過, 所以都唔係太陌生~
分房果陣, 我地分到間 6 人房, 不過得一個廁所~ 我地上次黎個 4 人房都有兩個廁所....然後... 就玩下 d 活動咁~ 玩 ' 開口中 ' 同埋一個唔知叫咩名堂ge 遊戲.......我就叫佢做 ' 散銀王 ' la ! 好彩玩game 果陣冇受罰~
玩完兩個game 就係自由活動..... 我地去左打網球同踢波~ 我發覺粒網球好彈同埋都幾輕~ 好易太大力飛出界......打打下就去左踢波~ 呢個場都幾好玩~ 但係踢到好 tired.....成身汗然後走去食飯.....
食完飯玩個叫 ' 黑夜尋寶 ' 的遊戲~ 我地果組win 左~ wakaka... 雖然我地組唔係最快, 但係arm 得最多~ form 3 果組係最快.. 真係嚇親...
玩完又係自由活動~ 又去左踢波..........真係超好玩~ 不過又係踢到好 tired....仲省親張世傑tim...佢除衫果陣省親佢... 佢好似好痛苦...踢完, 去左篤波~ 唔係好識篤...haha...不過都有入波ga !
最後就成班人去左 canteen 坐低吹水~ 一人一罐可樂咁... haha... 抖夠就返宿舍~ 等到大家都沖晒涼, 我地就開始玩大富翁la~ 玩到成凌晨 5 點.....破產次序為 : cream, so sir, 龜, albert... 玩到得番我同張世kit~ 然後都冇玩lu~ 不過張世kit 應該嬴左~ haha
玩完我同 albert, 張世kit 3 條友出去散步~ 仲諗住睇日出, 但係睇唔到~ 佢地仲唱歌.... 好搞野.....
不過最後 6 點左右都係返宿舍訓覺~
第 2 日 8 點起身食早餐~ 食完就返宿舍換衫, 又開始新一日ge 行程~ 我地去左唱k............張世kit 唱左幾首歌~ 然後我地成班男仔都唱左幾首......
唱完, 去左打乒乓波~ 自從離開小學之後都冇打過.....都有成 6 年....... 不過憑住以前小學校隊久經磨練ge 功夫, 都仲猜得幾板ge~ 但係如果想操番起我諗都幾難下..... 以前覺得打波真係easy job, 而家d 感覺唔同晒~ 其實我真係好鍾意打乒乓波ga ! haha~ 可惜我入黎何中果陣都冇乒乓球隊, 如果唔係 keep 住發展, 相信都有一番作為ge~
打完就番宿舍執野~ 執完野就食飯, 搭車走人~ 搭車果陣真係差d 訓著.......
2 點幾返到屋企, 好開心~
最 新 的 日 記
monday
