今日見個個去晒考 Eng Syllabus B, 冇咩人返學... 所以就索性留係屋企訓覺.......

點知 11 點9 起身果陣, 個胃唔知做乜野痛痛地... 本來以為冇乜事, 點知愈黎愈痛~ 有一段時間真係痛到我訓左係度......... 之後諗住搵 d 藥食下... 得保濟丸...... 唔理, 照食~ 但係一樣咁痛.... 食左大約15 mins 左右, 情況一樣冇改善過 ! 我繼續訓係度...... 但係點知.....突然間好想嘔 ! 結果又衝左又廁所嘔........... 嘔完之後仲係咁痛.......連 d 保劑丸都嘔埋出黎 

係張 sofa 度訓下令我覺得冇咁痛.... 果一刻...覺得好無助....... 屋企一個人都冇.... 我就係間孤零零ge 屋度好似等死咁......... 一黎唔知佢痛到幾時... 二黎又唔知有咩解決方法......果一刻真係有 d 想 call 白車.......... 不過呢個時候, 我麻麻返黎la~ 我叫佢幫我係雪櫃拎 d 胃藥出黎......佢係雪櫃拎左十幾包藥丸出黎叫我自己搵...

一睇 d 藥全部冇 label.......不過好彩我之前見過...所以認得......一咬落去果下係甜ge ! 我就更加肯定呢一包係胃藥.......然後我麻麻幫我拎左杯水, 我就咬碎晒粒胃藥就吞...然後就好似好番d.............其實我知食番少少野應該會冇咁痛... 但係之前真係痛到乜都食唔落.......而家好少少, 就去食左d 飯~ 不過食食下又覺得想嘔........ 又去廁所嘔....................今次嘔完之後舒服好多~ 突然間唔痛.....我諗係因為今次真係嘔晒 d acid 出黎...............

然後食左成盒飯, 好好多了... 玩左陣電腦又訓左成個下午..

今次好彩麻麻返黎....... 果陣一個人係屋企真係唔知點算好...........而且覺得好驚.... 麻麻返黎之後, 我覺得安心好多...... 唔係死左都冇人知咩事...

本來有人叫我去踢波, but 都冇去......係屋企休息

今次胃痛真係前所未有咁痛..... 不過諗番起, 可能又係一個比我唔返學ge 藉口~ wakaka

聽日... 又係係屋企發呆

今朝頭果兩堂 chem 真係....

令到我又對阿sir 信心減弱..

不過發生左一場鬧劇~ 真係搞野... 我目擊晒成個過程.....笑死

然後好似係bio 堂~ 又講番之前d 野......悶

小息完左果陣兩名鬧事者要當眾道歉........... 突然諗起我好耐之前都玩過果個人

如果佢同左老師講, 咁我都可能要出去道歉~ 真係好彩

lunch 返黎成班男仔係度吹水~ hehe~ 然後上去上 physics 堂... 做實驗~ 今次個實驗好輕鬆... 我地做完又係係度玩~

放學就去左圖書館~ 然後就送人地搭車.....再返家.... 好累

聽日返唔返學好呢 ? 本來決定左... 但係而家又有 d 動搖

今日返學~ 朝早 7 點8 準時起身... 而家愈黎愈遲起身....... 我諗 7 點 8 係極限~

返到學校就做 physics 功課... 好彩唔難~ 第 1 堂中化, 要出去短講.........抽到個題目係 ' 從色香味介紹你最喜歡的菜式 ' ........my god........ 都唔知點講...一味老吹~ 今次出去果陣真係好緊張......... 諗番第 1 次出去短講係最 confident, 第 2 次都 ok, 今次真係好鬼驚......... 因為準備一次比一次少.... 今次都算不過不失la~ 應該 pass~

之後 chem 堂小測, 我同李穎欣又發揮互助互愛的精神...........真係好~ then 又係度吹水... 過得好快

小息後 physics 堂, 過得好快~ 聽書聽得好開心~ 不過聽聽下有 d 肚痛...

食飯去左茶樓食, 冇胃口.... 一黎因為有 d 肚痛, 二黎因為 d 飯真係好難食... 我食到有 d 生米........ 加上食碟飯冇乜餸, 白飯咁滯.....所以都冇乜點食........ 係度吹水~

返到去 3 堂 bio.... 又畫畫 ! 悶到.....

我畫 d 畫真係愈黎愈簡單~ haha~ simple is my style... 畫完仲有半個鐘同阿sir 吹水~

放左學 test 中化........... 好悶.....不停抄抄寫寫..... 侮辱我智慧

但見旁人談情何引誘 問到何時葡萄先熟透

突然熟左 !

最後一日放假... 不過黎緊呢個星期好似唔駛點返學~ 

今日訓到 12 點幾起身... 食飯, 玩電腦, 又訓左陣之後,大約 2 點半就開始睇 ' 中國語文趣話 ' !

睇左一個鐘, 諗住休息番陣~ 又去左玩電腦...... 玩到 4 點幾就準備出去同人會合~

去到沙田 , 等ge 時候就食左野同埋係書局睇書...

之前想買果本 Dan Brown ge ' Angels and Demons ' , 有折....96 蚊ja~ 呢本書吸引我ge 地方就係 Da Vinci code 的主角 Robert Langdon 都有係呢本書出現...... 呢本書號稱係 Da Vinci code 前傳..... 想睇, 不過冇錢買~ 呢兩日用左好多錢..... 車錢 $100, 又買下野食咁......黎緊要節儉d

走果時有 d 唔開心, 不過算數la~ 好快冇事ge~ 唔駛擔心!!! 返到屋企大約 9 點幾, 沖完涼就玩電腦,,,.... 一陣要睇埋本 ' 中國語文趣話 ' , 成本書有 200 頁, 我睇左 100 頁 !! 仲有一半, 今晚一定要睇晒 !!

今日又去左拜山~ 都係去番將軍澳華人永遠墳場

不過今次有3個地方唔同...... 第 1, 今次係下午去~ 第 2, 今次係去探爺爺, 第 3, 今次有車搭上山...

2 點鐘去到油塘站等 d 親戚.. 然後去搭巴士~ 冇左上年黎d 人係聖安當書院隔離球場打晒蛇餅ge 景況...真係好~ 等大約 20 分鐘左右就到我地上巴士... 好舒服咁上山, 唔駛行~

探完爺爺就順道睇下媽媽果邊, 上次整果個花樽冇甩~ very good

然後又係搭巴士落番去..... 真係舒服~

落番去見時間尚早就同 brother 去左 apm 行, 不過其實冇乜野行.......... 係果度兜圈.........兜左一陣又行返去~ 5 點幾就返到去大姑媽屋企... 睇下報紙同電視咁就開飯~ 食左好多野......

7 點半左右食完飯~ 係觀塘同brother 搭 1A 去旺角........ 又係行.. 但係冇乜收穫

夜晚成 11 點先返到屋企~