今日心情持續愉快~

12 點左右就起左身, 出街陪人去報補習~ 不過去到就食左野先~ 食完野, 去到現代見到幾個比人補到好似明星咁ge 補習老師ge 真面目... 仲係佢果度架電視見到 ' 星期 2 檔案 ' ge 重播~ 有幾個何中...... 似曾相識....

之後就周圍行陣~ 陪人睇衫~ wakaka

7 點返到屋企, 好 tired....

7 點半就睇曼聯對車路士..... 一路食飯一路睇~  曼聯輸 0:3.... 好肉酸.. 我都頹左

聽日又要去拜山~

是日心情好複雜....

朝早都心情幾好, 英文堂終於派 ps~ 都唔錯ar~ 終於派晒卷~ 不過對 section C 就悶少少.......然後 physics 堂都係照舊好玩~

小息d 人晨咁早走晒........ 係課室冇乜野do~ 然後落去上 pe.....踢波...... 我地果隊好似打 3 場 win 1 lose 2........今日真係超唔 lucky....3 球比人護空門加 2 球中柱, 每次都係 win 形勢下輸波

踢到成身濕晒~ haha~ 隻襪濕得最嚴重.........然後成班男仔去食飯, 食左澳門街... 原因就係因為果度有個靚女 waiter~ 食飯期間曾文泉仲做左 d 9 野...wakaka...

食完飯~ 就去踢波~ 真係好爽....... 綿綿細雨, 不過都踢到好熱......but 今日都有 d 人冇黎........踢到有 d 悶......

踢完就成身濕晒返屋企~ 沖完涼之後真係爽 !

之後又發生左 d 事~ 搞到唔係咁開心........

不過而家又開心番晒la !!! 真係好神奇

今日又返去 3/F 上堂~ 一諗起行少兩層就覺得好幸福

頭兩堂 physics 都係照舊.... 一路吹水, 一路聽書.... 不知不覺 physics 堂變左我最喜愛的一堂... 因為最好玩~ 然後兩堂 physics followed by 一堂中化, 又係聽人短講~ 就快到我la~

小息我又唔記得左自己做過 d 乜la.....淨係記得自己去左廁所............

緊接住的兩堂 bio 都幾好~ 話咁快又差唔多教完一課書~ 真係好鬼多野記.....希望暑假能夠背下d 野咁...(雖然可能性幾低)

放lunch....本來想去新興食~ 但係冇位... 去左好麵膳食...25蚊唔係太抵~ 但係幾飽下...行返去果陣仲落兩! 5 個麻甩佬用兩把 umbrellas...搞到同佢地咁親密....有點作嘔

返黎搵左趙sir 傾埋理科學會本年度最後一次活動~ 都知佢d 反應ga la...希望壓軸活動好好睇睇~ 然後去埋廁所就返去上英文堂.....因為lunch 飲左杯 coffee~ 上堂唔眼訓~ 不過真係好 q 悶......又 second draft...........今次將 first draft 抄番落去然後改少少就算la~ 一路吹水一路抄, 打鐘前 finish !

放學同人走果陣遇到一班男仔, 佢地又冇得上第 9 節課~ 呢排第 9 節課好似取消左咁... 都係學生會ge 錯~ 今日放學的活動比較特別, 就係去左食下午茶~ 坐左好耐...haha

是日趣事 :

1. 張世傑比 miss luk 發現左佢隻襪攝左入去隻鞋度....... 其實佢都維持左呢個情況好耐la~ 我記得佢 form 4 時都係咁

2. 阿 rain 作作下文無lala 係後面講粗口, 正當我問佢 : ' 頂你, 做乜成日講粗口 ? ' , 佢就比 miss luk 罰左出去~ 可喜可賀

3. 潮人 miss ho 淨係剪右腳腳甲唔剪左腳

今日返學~ 要去 5/F 課室上堂........... 真係唔係太 like~ 首先一黎 5/F 要行咁多層......二黎, 個課室比我感覺唔係咁好....好似好舊同 dirty 咁~ 可能係慣新翼上堂...

朝早就發生一件趣事, 張世傑同學開左部 projector 熄唔番~ 最搞笑係佢 d 姿勢, 好似跳舞咁...但係熄極都熄唔到~

頭兩堂 chem 都係對番卷... 好悶..... 第 3 堂中化都ok~ 聽人地短講~ 然後小息... 都唔知係課室做過 d 乜~

bio 堂都算幾好玩, 睇下 d 骨頭咁~ 然後又多休息wo~ 休息果陣係度傾下計咁..... 過得真係輕鬆 !

lunch 去左新興食~ 除左煙味比較大之外都幾好~ 又有電視睇, 今日個飯又好食~ 17 蚊食到我好飽.......

返到去上埋 1 堂 UE, 對 section C... 勁悶... 勁眼訓........ 最後 3 堂有 ICAC 黎我地班房搞一個 ' 講座 ' , 都算係咁~ 對貪污多左少少認識咁....... but.......都係好眼訓

放左學~ 就返屋企訓覺..............

今日終於差唔多派晒所有卷, 除 UE practical skills 外.....

今次兩科語文全炒

中化.......47 分, 僅僅合格, 無話可說

UE, 今日派左 section C, 得果 58 分......how come......我由中 4 第一次 ut起 paper 2 + section C 每次都有 7 字or 8 字, 今次一下子跌到 5 字.....真happy, 有兩 part 我好唔滿意~ 第 1 sentence completion 果 part, 我果 part 淨係做左正常果頭 2,3 題, 其他空晒~ 以為佢會 delete 晒成 part or 比滿分我地, 點知照計分...........真係玩野.... 第 2 就係 matching, 因為果陣花左太多時間係 sentence completion, matching 冇乜時間做, 加上已經比咁多 printing errors  搞到無心戀戰, 亂做...... 搞到 matching arm 3 題ja......我又係由中 4 第一次 ut 起 paper 2 + section C 從未錯過一條 matching, 兩項我成日自豪ge 紀錄被打破....

不過我唔會怪 miss cheung, 只會怪學校點解會請佢

Physics : 本來 73.1/100, 然後因兩題寫埋答題簿同一版被扣 0.5 分, but 冇所謂, 呢個成績不錯, 差少少先拎到 A 有 d 可惜

Chem : 65.5/100, 雖然都全班第 1 但係唔太滿意, 我以為自己可以有 7 成ga....

Bio : 58/100, 3 個鐘頭做左 2 個鐘ge 卷, 仲有 1 個鐘已達放棄階段, 已盡全力無話可說, 只怪自己冇好好prepare, 考之前仲沉醉係中金多寶六合彩的美夢中.....考前一日又同何中 5 虎係 KFC 吹水.... 返到屋企仲要睇曼聯對阿仙奴......真係要話自己抵死

好彩今次都仲有 phy 同 chem 兩科全班第 1, 如果唔係, 可以 quote miss luk 一句

' 今次 ut 的成績真係一個 disaster '

差 d 唔記得打, 我係上水見到趙海珠ar~ 初頭唔認得係佢, 點知睇新聞果陣先知........