尋晚直落睇左 3 場世盃, 由 9 pm 睇到 5am... 然後 7 點 7 起身返學~真係瘋狂.......

今日返去 2 堂UE 對 section C , 好悶.... physics 堂派番份小測, 13/60..... 都算高分ga la~ haha~ 今次真係比張照光殺得一敗塗地...

PE 堂踢波, 今日好似好快就冇晒力........... 應該係因為尋晚冇乜點訓過...... 今日要早d 訓~

最後 3 堂chem 完全係空堂, 自修, 我地係度玩UNO~ 玩完就訓覺...........

放學都係同so sir, cream, turtle 去左m 記溫書, 今日吹水成份較多!! 但係都溫左d ge~

而家睇緊西班牙對烏克蘭, 西班牙領先 3-0....... 

去到最後, 西班牙淨勝四球........ 完全估唔到...

今日返到去一心諗住上 physics, 點知張照光又冇返~ 唔知佢今次有咩理由 ? 而家 physics 仲未教晒書.... 就快考試la wo

bio 堂都幾無聊, 派番 d 野, 講下份 lab report, 吹下水又落堂~ 日日 bio 都係好 hea

lunch 去左食 m 記~ 好食

最後 3 堂 UE 做 section C, 我好似做黎做去都係得 75~78 分.......... 每次都係想突破, 但係都唔成功.... 咁ge 分數好難拎到高 grade..........

放學同 albert 去左m 記溫書~ 我未試過考試前一星期溫書ga~ 希望今次會有好成績!! 今日溫書進度幾好, 不過等到so sir 同 cream 黎左之後就成班人係度講賭波... 最後去左投注站買~ 今次係我生平第 1 次賭波

天啊!!!!! 你落夠雨未 ?

頭先上網睇到 2007 年 AL 考試時間表......... 今年d 時間怪怪的

3月30日  中化

3月31日 中化聆聽

4月2日 UE

4月3日 UE listening

4月17日 pura maths

4月19日 bio

4月24日 physics

4月26日 chem

好耐未返過學la~ 已經有 3 日... 突然今日好想返學~ 所以我早左 5 mins 起身~

一返到去就 chem test, 去到尋晚先記得有 test~ 不過我果陣仲未睇晒吶喊...... 正當唔知點算好之際, 突然醒起因為星期 5 冇返學, 本 chem 書仲係學校~ 即刻放下心頭大石, 因為唔駛溫~ 不過今次個 test 唔係好難~

小息係度睇吶喊, 因為尋日睇淨一篇 ' 社戲 ' 未睇.......但係好鬼悶, 唔想睇~ 拎住本書係度發呆~ then bio 堂有2 堂, 阿sir 話比 1 堂我地自修~ 其實係佢自己懶~ haha~ 然後仲有 1 堂就教書~ 都係教番d 超basic ge 野

lunch 返黎就要中化 test, 果兩堂真係過得好快~ 唔夠時間做~ 做第 1 題 4 分... 我完全唔記得左有呢題野.... 只係顧住後面寫寫寫....

最後果堂 UE 都冇乜野做, 講番篇作文....... miss luk 話我唔夠字~ 我覺得佢記錯左... 唔係佢點會比 66 分我 ?

放學, 有點失落...

夜晚繼續睇世界盃, 日本對澳洲, 超好睇!!!

終於睇完!!! 世界盃目前為止最扣人心弦的賽事, 澳洲最後 8 分鐘連入 3 球反勝日本 3:1 !!!!!! 睇到我成個彈起... 好正!!! 始終邪不能勝正!!

尋晚睇阿根庭對科特迪瓦睇到成 5 點......... 不過真係好好睇, 暫時世盃最高水準的一場比賽..........睇完科特迪瓦場波, 覺得佢地有機壓倒荷蘭出線....... 不過都要睇埋荷蘭今晚打成點先

今日訓到成下午 2 點半, 然後麻麻叫我起身食飯...... 食完就睇電視, 播周星馳套賭聖, 都幾搞野~ 然後就開左陣電腦, 玩到 4 點鐘左右又走去訓~ 因為好似未訓夠咁.....本來諗住訓一陣起身睇 ' 吶喊 ' , 最後都係訓到 6 點半

而家本吶喊睇左廿幾版左右, 大把時間~ 今晚實睇得晒~ 期待一陣荷蘭場波.............hehe

今朝 8 點半起身, 9 點鐘出門口, 10 點鐘arm arm好去到牛頭角果度整身份証~

一去到佢就比張 form 我填..... 都係d 個人資料, 然後填完就有個人問我登記左做選民未~ 咁我就順便登記埋做選民~ 期間果條友一直係度同我吹水..... 又問我尋日有冇睇波, 又問我支持荷蘭定阿根庭........... 又問我上網點睇波~ 佢真係超多野講....然後填完佢話 14 日內會回覆我 confirm 番, 到時就係真正ge 選民la~

然後就入去一個 counter 度影相同打手指紋..........d 相影黎影去都係咁~ 然後就坐埋一邊等, 再去見一個著制服ge 主任..........果個主任又係好鍾意吹水, 又話佢以前都係住大埔~ 住大元......... 又問我讀邊間學校, 又話林村果頭d 學校好屎......... 然後就叫我 2 個禮拜後就可以拎証~

成個過程只係用左35 分鐘, 10 點鐘黎到, 10 點 7 走人...........

然後就返屋企~ 返到屋企 12 點都未夠........然後就食飯....... 再訓埋我朝早未訓完ge 覺~

頭先都係睇波, 英格蘭對巴拉圭, 緊張而唔剌激.....................