今日係端午節, 比左我地一個放假的理由......記得我有一年端午節剛巧係我生日~ 趁住今日放假, 同 so sir, 龜去左唱 k 加睇戲~

約左 10 點鐘大埔火車站等, 遲 1 分鐘 1 蚊~ 龜遲了 3 mins, 而家先記得佢要比 3 蚊~ 去到旺角 10 點半左右~ 去左朗豪坊買戲飛先.... 點知一睇, the da vinci code  下午 d 飛比人買晒咁濟...... 淨番頭幾行~ 我地迫於無奈買左第 3 行.....原來仲因為片長關係要加 10 蚊, 學生飛都要 55 蚊....... so expensive

買完飛去旺角中心 neway 唱 k~ 今日唱左勁多 eason & 學友....... 有 d 歌我想唱好耐ga la!!! wakaka !!! 不過淨係可以唱兩個鐘...... 今次間房幾大間~ 3 個人都比個大房我地, 超正~ 仲有, 今次個 lunch 幾好食~

唱完先 1 點鐘~ 距離 3 點半睇戲時間仲有排......我地又見到 neway 門口有 ps2 打~ 仲係 winning 10~ 所以就係度打打打... 打左成個鐘.......先走人~ 爽晒

然後係出面閒逛, 去左食日之船 d 小丸子, 真係超正, 相比之下華潤果 d 係垃圾......下次去大埔分店再食 !!! 除左買野食之外, 我地都係漫無目的咁行.....咁就陪龜去搵下野~ 但係搵唔到~ 只怪佢唔肯問人

終於等到 3 點半就入場睇戲........ the da vinci code, 我等左成年ga la~ 由上年暑假等到而家......不過睇完之後就覺得一般...比小說講少左好多野~ 但係冇計la~ 都預左~ 通常小說改篇而成ge 電影都冇咁好睇~ 魔戒係我唯一覺得例外......

睇完都成 6 點鐘.......同佢地搭 271 返黎~ 係富善落車~ 再去那打素探麻麻...... 逗留左 10 mins 左右就走la~

dinner, 煮公仔麵食....................

今日冇功課要 do~ 但係要做 eng project.......

今日係本小朋友生日, 生日快樂 !!! 我希望心境永遠保持年輕

朝早就約左人一齊返學~ 好耐都未試過咁早返到學校...... 我上到去, 個課室得子俊同周健茵......然後事不宜遲, 即刻做 chem lab report..... 我尋晚諗住做果陣搵黎搵去都搵唔到份野~ 點知今朝執書包果陣搵到... 原來份野放左係個暗格~ 然後去到打鐘李穎欣都未返黎~ 真係冇諗過佢會唔返..........有點寂寞~ haha

朝早 2 堂 chem 堂我都係做番份 lab report~ 冇聽過書~ 不過 d 野好似幾易, 遲 d 睇書追番~ 落堂果陣交到份 report 比阿sir....阿sir 知道我今日生日, 話 ' 18 歲做咩都得 la wo~ ' , 我又冇乜特別感覺.... 又冇乜 3 級片想睇....係咪 18 都係咁~

不過阿 sir 點中左我心中諗 d 乜, 佢話 ' 今日可以即刻走去買六合彩 la wo~ ' , 呢個先係我 18 歲之後想去做ge 野~ wakaka

然後 bio 堂.....冇乜教過野....

小息, 成班男仔又係度吹 fm~ then 中化, 落左 mmlc 上堂~ 正ar~ 雖然佢要我地睇 VIDEO, 但係我去左上網...... 仲同隔離ge 傑傑打字傳情tim~

lunch 去左咖哩至尊食, 果度d 野都仲係好食, 但係好似愈黎愈 dirty.......眼不見為乾淨

返到黎課室, 成班男仔係度上網.......又係度 search 18jack.....見到有個唔知咩電影院~ 相信係甜野黎~ 然後我班阿妹就黎搵我, 送左 3 隻 kinda 出奇蛋比我食 !! 3 個阿妹真係好乖 !!! 

lunch 完左, miss luk 就派番 d 成績表先比我地上去上 physics 堂~ d 成績同grade 一早知~所以冇咩驚喜.....但係佢話我果兩條 B 係兩條 C...... 分別好大wo... 差 2 個 grades....佢話我地班得 7 個人係一定升到大學, 其他人都未必升到....講真, 佢放心都得...而家 d 人未發力je..... 一到中 7 個個知死到臨頭, 成績實突飛猛進~ 

physics 堂好正, 又學到 d 野~ 想聽書就聽書, 唔想聽書就可以傾計, 但係你聽書就一定有所得著~ physics 堂真係perfect ! 今日上堂又睇到幅相....每次見到都忍唔住笑.....

放學就係清潔日 !! 我負責抺枱同抺椅..........好快搞掂.. 然後等埋人就走~

返到屋企, 又換左衫, 然後又出去~ 送左人地返粉嶺就返大埔~ 順道去左大中買六合彩 !!! 上次復活節金多寶唔中, 今次端午節金多寶一定中ga !!!! 我要發達 !!!!!!!

今日同時係我 no.2 喜愛的球員 steven gerrard 的生日, 原來我同佢同月同日 !! 生日快樂!!!!

今日又要返學........sigh

返到去就抄番 section C d 解釋, 都係係咁意同埋亂黎..... 好彩係屋企抄左答案先返去...... 唔係可能抄唔切.......成本 section C 有 10 課, 我而家去到 unit 9 都仲未自己做過...... 最後 1 課要自己做 !!!

第 1 堂係中化, 冇乜野do.........好悶

之後 2 堂係 chem, 都係講番上堂講果d~ 可能而家 d 野難少少, 阿sir 又講多次~ 之後又好多人出去問野, 我就係個位度吹水, 所以呢 2 堂過得好輕鬆~

然後 physics, 呢兩堂冇聽書~ 我地果張枱不斷係度傾計~ 張照光講講下書忽然好似自言自語咁話 ' 中間果張枱 d 人不斷傾計, 佢地自己會有後果 ' ......然後我地冇理佢, 繼續傾........... 之後我同曾文泉又係度傾計, 我傾得興起果陣...張照光突然間停左講書...成班靜晒, 個個望住我傾計~ haha~ 然後佢好似話 ' 果位同學唔聽書, 自己會有後果 ' 之類~  其實我係見 d 野又唔係好難先傾je~ 我都跟到~ 佢成日強調話呢課係 AL Physics 最難 ge 一科, 但係佢而家教緊ge 野唔算真係好難~

雖然我地果枱傾計傾得最多, 但係我地果枱 5 個人平均ge physics 成績係最好ga~ haha~ 佢都吹我地唔脹

然後 lunch , 去左茶樓食飯, 話慶祝我生日...keke.... 有成 13 個人, 包括 : 我, so sir, 龜, cream, albert, 珊珊, yimyim, 慧慧, yipyip, yanyan, ianian, +0, 仲有特別嘉賓........ rain........佢話因為同自己食飯食開果班失散左, 又跟埋黎~ 今日 lunch 都幾開心, d 野食又唔算好遲黎, 又有蛋糕食, 又見番 d 好耐冇見ge 人好似 yimyim, yipyip 同慧慧咁~ 不過搞到差 d 遲到~ 

anyway, 雖然聽日先係正日, 但係今日真係好感動, 有咁多人黎同我一齊食飯~ 走果陣仲係茶樓門口見到 miss chiu, 有人同佢講話因為我生日所以係度食飯~ 然後佢話 : ' 人地正日都唔留番比你地la ~ ' 連佢都知, 仲串我~  

最後 3 堂 bio 劏豬心, pig heart .....冇乜特別...一開始有 d 搞唔清狀況....... d 水又唔知點流咁..... 但係劏下劏下又 ok~ 知道晒 d structure~ 第 1 次用解剖刀, 好正, 真係好利.......不過劏 2 堂就玩完~ 最後 1 堂係度講書, 阿 rain 上上下堂唔知做乜坐係地下, haha

放學~ 又係去左大中~ 然後回家

今日真係好開心~ haha

首先一朝早就有人黎接我~ 然後就行去大中, 再搭 72X 去奧海城~ 可惜今朝早都幾大雨........好彩拎左把長遮 ja~ 唔係實濕晒

今次係第 1 次去奧海城, 估唔到旺角都仲有 d 咁清靜 ge 環境..... 好似新市鎮咁~ 不過真係好大雨, 去到果度仲好大風...... 差 d 反遮

入到去個商場真係舒服晒~ 仲要一入去就有人幫你入個遮套....超好服務........然後就去戲院買戲飛, 再係果度搵野食~ 最後兜兜轉轉都係食 Delifrance....第 1 次食ja~ 係幾好食, 但係有 d 貴~ 食完就係果度行下, 果度個保齡球場幾靚~ 超有 feel~

行到咁上下就入場睇戲, d 位都幾舒服~ 我地今次係睇 mi 3, 雖然係遲左 d, 但係真係幾好睇~ 湯告魯斯集集都比上司出賣, 真係冇野講.... 最好睇都係佢地執行任務果陣, d feel 好似打機咁~ 好正

睇完戲 4 點左右, 又周圍行左陣~ 食下野咁~ 之後搭小巴返旺角, 再搭 270A 返粉嶺~ 真係開心~ 不過我自己返到屋企都成 7 點~

如果冇功課做, 今日真係 perfect !

今日又係係屋企訓覺~ very good

粒飛滋又好番少少la !! good !!