今日... 真係直情唔記得左要打日記..........................

不過成日都係訓覺同打機, 記不記也罷了

brother 去左camp, 有點 loney... 唔係好慣全日都係我玩電腦的感覺

今日訓到 1 點幾, 食飯, 玩電腦, 然後 3 點半同 han 係火車站會合~

本來係諗住去書展, 但係見時間尚早, 就去左又一城行....食左個雙層芝士孖寶, 去左玩具反斗城.......而家d 玩具好好玩~ 行左一個鐘左右, 就去左尖沙咀行街~ 行左新港中心.....最後 6 點係新港中心地下個 food court 食野~ 果度d 野好大碟, 又唔係話好貴.....幾抵食~

食完野後經海港城去天星碼頭搭船去會展~ 去到灣仔果度... 勁多人...... 條隊勁長~ 但係好彩等ge 時間都唔算太耐, 不過係熱d je..... 今年書展規模的確大左, 可惜冇足夠時間好好去睇~ 最後我的收穫係一本書....其實見到好多書都好好睇, 但係要留番d 錢遲d 出街用~ 冇計la~

行到 9 點半就走人~ 係尖東搭火車返去~ 去到粉嶺食宵夜....送埋han 返屋企~ 返到大埔火車站已經係 12 點過少少~ 好彩趕得切最後一班 71A, 唔駛搭小巴~

返到屋企就沖涼, 打日記~ 期待 26/7 去camp~

今日成日都係訓覺~ 日記冇乜好打~ 唯有貼d 相比大家睇睇~

我的工作間, 乜都有~  

工作間的告示版

昨天從空無一人的西鐵站出發

經過空無一人的走廊

我的目的地 --- 麗城花園, 好靚

回程時從海濱長廊行番去

從海濱長廊望出去

繼續向前行

再來一幅遠望汀九橋

好la~ 係咁多la~ 期待聽日去書展

尋晚已經計劃好今日的行程... 就係去拎身份証同埋整mp3 機~

今日大約 12 點起身~ 然後打左一陣 CS... 打左成個鐘之後就換衫出去~ 旅途開始前先要食飽..所以去吉野家食左個特盛牛肉飯~ 再搭接駁巴士去火車站.....去九龍塘轉車, 搭 MTR 去牛頭角

係火車見到好多野..... 首先見到個超肥ge 肥仔....個雙下巴超勁.... 但係好得意~ 好想埋去整下佢塊面~ 然後佢手上拎住個 Keroro.....呢排去到邊都見到 Keroro...救命........隔離有一個好 thin 的女仔, 手上拎住d 補習 notes....再旁邊的一個女仔拎住本好似係張小嫻的小說係度睇.......... 一個車廂內已經見晒時下年輕人一些喜愛ge 物品.....而我...... 就一樣都冇..我是否不正常 ?

去到智能身份証中心, 都唔駛點等就拎左個身份証~ only 打左兩個手指模就 ok~ 下個目的地係去麗城花園整 mp3 機~呢個時候就再返去地鐵站, 再搭返去太子轉車.... 咁返搭返轉頭, 感覺好怪

去到太子站就轉車搭去美孚.... From 牛頭角 to 美孚要 $5.x, 車程 21 mins~ 很悶

去到美孚再轉搭九廣西鐵搭去荃灣西站, 整個九廣西鐵美孚站幾乎冇人......天花板的燈只係開左一半.. 為左節省資源.......落到月台.. 只有 5,6 人係度等車...... omg....成個月台又係灰灰暗暗咁, 搞到我諗起 biohazard~

係美孚搭去荃灣西站只係一個站的距離..... 中途仲諗住有d 風景睇下~ 點知完全冇野睇....架車好似 MTR 咁全程係隧道......搭左 7~8 mins 就到站, 去到荃灣西站都係冇人........成個站只係得幾條友...........

之前睇過地圖, 諗住直接係荃灣西站行過去~ 但係一出去見到個太陽勁晒........ 都係搭巴士算~ 成個好似大埔中心巴士總站咁大ge 巴士站得我同埋另外幾條友等車........好無奈~

搭車去到麗城花園, 去左一間工業大廈.......上面係一個寫字樓~ 去到放低左部機, 佢話遲d 整好再打電話比我~

走果陣去左周圍d 商場行.....行完就搭 73x 返大埔~

今朝 7 點 10 起身去踢波~ 去到富善果陣都仲未有人......然後去商場打左個電話, 再返去球場, 咁就有人la~

烈日當空下踢波真係勁tired........成個上午得我地果班人同另外一班人係度踢~ 總共好似踢左 5,6 場左右......一場仲要唔係踢 1 分only, 係踢幾分.......踢完果陣真係超 tired........

最後踢到 11 點就走~ 成班人去左 m 記坐同涼冷氣~

然後返屋企沖涼, 食飯, , 下午訓覺.....