今日要返去補chem....本來要 8:15 返到去, 但係我 8:15 先出門口~ 因為都唔太想返.... 加上都係補課je... 慢慢行.......聽日都散學禮la~ 理得佢

今日補chem 教左一課~ 不過我唔太想聽書......阿sir 都係教左一個鐘, 就比我地放學~ 呢個時候先 9 點半左右, 然後有人提議去唱k~ 咁我地就去左唱k.. 今次去ge 人同上次一樣, 都係 so sir, albert, 龜 and me

Albert is really funny....wakaka

唱完先 12 點半......我地最後唱左勁歌金曲, 拖左佢勁耐~ haha~ 不過對我黎講都仲係好早......... 平時補課都係 12 點放..... 咁就返屋企~ 返到去訓左成個下午.....

聽日, 終於散學禮.....form 6 的時間過得很快

今日係家際問答比賽~ 可以比平時遲 1 個鐘返學.....

成個比賽都幾緊湊......一開始子思, 孟子同曾子 d 分數都幾近~ 去到第 2 round  4 家ge 分數就差唔多~ 最後決勝負的搶答題, 子思同孟子一開始都鬥得幾激烈~  最後子思win 左~ 豬媽同世傑真係好勁, 好似乜都識咁~ 世傑連條問題都未問完就答左.....雖然有幾條錯左, 但係大部分都arm~ they are really powerful.......

不過我就唔係太 like 今次問答比賽d 問題... 首先大部份都有得背, 冇乜挑戰性~ 而且出題ge 範圍好少, 全部都係時事, 文學, 體育等等......... 一條理科ge 問題都冇 !!!! 真係好彩我冇玩.... 我聽到比較似理科ge 問題就只係得 ' 一氧化碳點解會對人體有害 ? ' 同埋有一題問關於 ' 元素超標 ' 的問題...... 不過後者只係時事...... 唔需要用到理科ge 知識........反而之前幾次問答比賽都有得計下數同埋多 d science ge 問題, 今次真係差唔多一題都冇~ really disappointed...文科的同學係比賽中明顯地佔優

世傑要多謝我la~ 佢係早會上請教我關於 NBA ge 問題~ 去到比賽果陣真係問左 ! 佢都答左~ wakaka.. 仲有題溫布頓男單冠軍, 我都教左佢ga~ 不過佢唔夠人快......今次體育d 問題都幾容易~ 我全部識晒~ wakaka

放學本來同 miss luk 食飯, 但係佢話佢 12 點 4 先放 lunch~ 仲話去到 9 月先識, 信佢先奇~ 去到 9 月都唔記得la~ 仲話 9 月食自助餐.......

冇 miss luk 請食飯, 就同左 so sir, turtle, cream, 珊珊, +0 去珊瑚堡食飯~ 肉醬意粉, 好細碟.... 食完係果度傾計, 傾到比人趕走... 然後再移師去 mcdonald 傾~

但係傾傾下咁都比我見到 han~ 真係天都注定我地最後都要一齊走ga la~ 最後同 han 行番去太和.... 係果度行左陣, 再等巴士... 等左成 45 分鐘左右..... 見住其他巴士一架接一架咁黎, 73A 就咁耐都未黎...........去到最後先有一架有冷氣ge 巴士黎左~

睇住 han 上車後, 我見天氣咁熱... 都費事行番去富亨la~ 搭 71K 返家

美好的一天

今朝 7 點 9 先起身~ 其實只係比平時遲左 5 分鐘先起身, 但係諗諗下返去上 physics 都冇野做~ 所以就訓到 9 點幾, 等到第 2 節補課先返去~

返到學校, 原來個 physics 堂比人拎左做 pure maths 堂, d bio 友全部勁無聊....好彩冇返~

不過其實返 school 都係為左等 han...因為 sum sir 都一早話左 bio 唔補課, 一齊落去睇問答比賽~ 最後顏子家 win 左, good~ 但係聽日睇黎都係子思win~ 因為有張世kit 係度~ 我之前已經同佢測試過, 份問題佢好似 9 成都記得~

今日問答比賽問好多體育問題, 好多都係關於世界盃.... 顏子家有個男仔好明顯有睇波, 好多都識答~ 就係靠佢先至win 到~ 相反其他家好多女仔, 去到果 part 一題都唔識~ 真係冇計......

問答比賽果兩個司儀好唔掂......比人感覺信心不足

11 點就放學~ 我返左45 mins 學就要放學...... 同 rain, 珊珊, yan, +0 行左去大中~ 中途去左 neway 踩 yen 同子俊場.... 然後佢地返太和, 我就係大中行....行到 11 點 10 返去學校~ 12 點剛剛返到... 呵呵

然後同 han 又行返大中食野~ 食左 m 記, 大中 m 記有試食, 好似好正~ 免費食野, 代價只係幫佢地填問卷

行過大埔超級城部大電視, 又諗起之前係度睇波~ 好懷念世界盃.....又要等多 4 年.....今次世界盃最令人難忘ge 事包括 :

1. 巴西, 英格蘭 8 強出局.... 雖然係技不如人, 但係呢兩隊一晚之內出局真係好難令人接受

2. 3 黃1 紅事件

3. 朗尼被紅牌趕出場

4. zidane 決賽頭鎚撞人後被趕出場, 球王退休

5. 約基搵水淋下面..... 最好笑場面

6. 意大利對澳洲時 CCTV 5 激情旁述, TVB 鍾志光廢話連篇

7. 意大利對德國, 巴西對法國

8. n 球遠射入波...

係咁多la~ 而家冇波睇個人真係有 d 空虛......

今日食完飯之後都係周圍行~ 行到有 d 累就返家了....................

今朝早上 7 點半先返黎~ 然後沖涼又訓到夜晚 7 點半~ 打番之前ge 事先

尋日下午出左去沙田, 接完han 之後就去左食麵包同買野飲... 然後走了~ 不過見唔到so sir 佢地, 事後聽番佢地講先知原來佢地想搵我~ wakakaka

然後 7 點左右返一返屋企, 放低d 野後又再出去食飯慶祝麻麻生日~ 又擺左 2 圍, 成廿幾人~ 今次有 3 個bb 黎左, 真係好得意~ 睇住佢地愈黎愈大個, 亦都愈黎愈頑皮...

食飯食到大約 10 點~ 然後返屋企玩左陣電腦........ 12 點又出去同 so sir, albert, 龜會合, 去曾文泉度睇波~ 去到佢屋企休息左一陣, 玩下電腦, 又落左街買野飲同買野食~ 買左杯麵, 薯片同啤酒~

搞下搞下都成 2 點, 然後就開波la~ 詳情唔多講, 但係場波要去到加時同埋射 12 碼~ 最後法國輸左~ 其實我內心比較想法國 win, 但係缺少左 zidane, 亨利同韋拉 3 個主將之下, 射 12 碼好似輸蝕左少少~ 查斯古特同 zidane ge 分別就係一個 12 碼中柱彈出..... 一個射 12 碼中柱彈入.......

法國係場上大部份時間都係主動, 但係意大利d 防守真係好好~ 簡拿華路 + buffon = 變態防守.......

zidane 始終都係球王, d 頭鎚真係好有威力....成個馬達拉斯比人頂到訓低........ 最後一場要被趕出場, 遺憾的結局... 以後冇得睇 zidane 瀟灑的動作.... 真係一大遺憾~ 最後世界盃的金球獎都係頒左比 zidane, 算係一份禮物~

整個決賽周 64 場波我都睇左成一半... 欣賞左大部份精彩ge 賽事, 都算係咁~ 仲有, 高路斯成為左神射手, 成世人第 1 次賭波就win 錢~ 搵日去攞錢先~ 呵呵呵

睇完波後, 都係玩 UNO... 食薯片同埋飲啤酒~ 之前我一直都淨係飲酒, 但係好少飲啤酒, 因為有一次試完新力啤酒之後覺得勁苦... 就冇飲了... 今次飲藍妹, 幾好飲wo~ 佢地話係新力特別苦, 搞到我之前一直都對啤酒有恐懼..... 而家冇乜恐懼la~ haha

玩 UNO 非常刺激... 每個人都輸過....仲要比人罰......詳情唔多講lu~ wakaka

玩到今朝 6 點幾, 本來諗住返屋企~ 但係出面落大雨..... 走唔到, 最後等到 7 點左右先走~ 搭左 71K 返屋企

然後沖涼訓覺........ 訓到夜晚 7 點~ 好爽~

尋晚睇左季軍戰....... 德國輕取葡萄牙 3-1, 替英格蘭報左一戰之仇........場波都幾好睇, 好睇過 4 強 2 場波

而家唔太鍾意 C 朗, 佢的確係有技術, 但係成日插水.......

睇到成 5 點, 我阿哥終於幫我拎番個 e4c 返黎~ 不過個耳筒要煲番 400 個鐘先可以上番力... 有排

今日係麻麻生日, 我留係屋企都冇乜野做..... 一陣會出去~ 食飯先返黎..........

凌晨或許會出去睇波~ 希望成事

世界盃決賽..... 過埋今場, 又要等多 4 年....... 點等....

待續