呢幾日都好開心..講返之前星期六個家教會獎學金頒獎禮..
個日兩點半返到去彩排...搞左一個鐘到我同dickson就落canteen買野飲!!
之後途經3c班見到cake佢地係度做壁報..之後又見到3b d人又係度做壁報!!
咁鬼多人鐘意最後衝刺既??
跟住上返上禮堂準備開始個頒獎禮..點知入禮堂前見到好多人..
跟本無估到咁多人會返黎睇!!個陣個心有d淆底!!因為咁多人睇住自己打乒乓球!!
校長講完訓勉之後就播我地d巡禮..個段短片做得幾好..逐個介紹我地既資料!!good xdd!
之後到我地表演打乒乓球..我覺得打得唔係幾好..可能冇得熱身啦!!同埋幾百人睇住我地打!!
之後先知個d F.1比人強迫黎既!!表演完之後大合照!!跟住一齊落甲場BBQ!!好玩..
原來高sir玩魔術好勁ar..睇到我目瞪口呆..勁!!我地個圍好好玩..因為好多老師過黎同我地玩..
有盧sir..高sir..馮sir..老鄭!!BBQ途中有抽獎玩..點知咁好彩抽中我WOR..HAHA..
個份禮物係一個茶壺..好搞笑..燒到9:00就同李靖一齊返屋企!!我送左佢返歸..
原來佢同我住得真係好近!!呢日真係開心..入左信義咁累最好既禮物!!
講返今日先..今日係班際籃球決賽..我地vs 3e..未打前好多人都覺得3e班會羸得好輕鬆!!
但我就覺得未打過就唔一定會輸..比d信心自己..believe yourself!!
一開波我就入左五分..期望住一直領先下去..點知愈打愈衰..交失好多波!!太多無謂既失誤!!
完上半場我地好似輸7分..下半場我地調整番個氣勢追回不少分數!!臨完場時傻達搏到個犯規!!
一球入一球唔入..個陣剩下最後五秒..點知賴皮係半場掟個波過去..竟然離奇地入左..我冇野好講!!
只好認輸..但輸左之後一d都唔覺得唔開心..反而覺得開心..可能我地係呢場球賽上學會了真正既籃球!!
而不是那些人家不小心整到你就好似想打架那種不知所謂既籃球!!我欣賞我既隊友那種堅毅既精神!!
你地今日打得好好..我地今日已經羸左架啦!!
總結呢場球賽我個人拎左11分..都幾滿意!!但最終輸25:28..
可惜................
打完籃球去左食野!!食緊野田雞打電話黎叫我聽日比朱古存佢我先想起聽日係白色情人節!!
之後我地去買左好多朱古力..聽日返學校比人食..個個都有份架!!
Ps:今日個場球賽真係精彩..special 賴皮個球金球!!